رواية | الفهد الأسود |
( الفصل التاسع الجزء الثاني )
_________________________________________________
_ سديم سندت راسها علي كتفه وضحكت :-
_ فاكر لما روحنا نعمل Check up واكتشفت إني حامل في عدي ؟
_ عمران ضحك معاها :-
_ فاكر طبعاً ومن وقتها وانا كل Check up بتمني أنك تحملي تاني ..
_ سديم بعدت عنه وبصتله :-
_ بكرة هشام ومروان وعدي يتجوزوا ويملوا القصر بعيالهم وتنسي نفسك معاهم ..
_ عمران هز راسه :-
_ حتي لو جالي ١٠٠ حفيد مش هيكون زي إحساس إني عندي بنت من صلبي بتاعتي لوحدي محدش يشاركني فيها !
_ سديم عيونها لمعت ولعبت في خدوده بمرح :-
_ خلاص بقا عمران شيل الموضوع ده من دماغك فات آوانه ..
_ عمران اتحمس كأنه طفل ورد عليها بسرعة :-
_ ولو مفاتش آوانه هتوافقي تجبيلي البنت الي نفسي فيها ؟
_ سديم ضحكت بصوت عالي :-
_ لا طبعاً انت بتتكلم ازاي ؟ أنا كبرت ولا يمكن أبدا أحمل ، أنت بنفسك شوفت وسمعت ردة فعل ولادك كانت ازاي ؟
_ عمران ملامحه اتشدت وبصلها بضيق :-
_ علي آخر الزمن الفهد الأسود يسمع لشوية عيال ؟
_ سديم قربت منه جامد وهمست قدام شفايفه :-
_ يا حبيبي دول مش شوية عيال دول ولادك ولازم نحترم رغبتهم ومنظرهم قدام الناس والمجتمع
_ عمران كان هيعترض بس هي سبقته قبل ما يتكلم وباسته ، عمران بادلها الحب وهي سندت راسها علي صدره ، عمران ردد بينه وبين نفسه :-
_ انتي اللي اضطرتيني أعمل كده استحملوا كلكوا بقا ..
_________________________________________________
_ مروان قاعد في أوضته بيقلب في الموبايل ، سرح لمنظر عليا وهي لابسة الفستان الاسود وشعرها الاحمر الكيرلي ، قلبه دق لما تخيلها وظهرت عليه ابتسامة مش عارف سببها ايه ؟ هز راسه يطردها من عقله وشد ملامح وشه :-
_ في ايه يا مروان كلهم واحد مفيش بنت محترمة ولا هي عشان لابسة حجاب تبقي غيرهم !
_ موبايله رن وكان لؤي صاحبه ، رد عليه بزهق :-
_ خير مكلمني ليه ؟
_ لؤي رد عليه من وسط دوشة شديدة واقف فيها :-
_ أنت فين يا مارو مختفي ليه ، الكلام اللي سمعناه شكله صح انت خطبت بجد وناوي تتجوز وتتلم وتنسي السهر ، خسارتك في الجواز يابني
_ مروان رد عليه بفتور :-
_ مروان الباشا مش بيعتزل يا لولو أتكلم علي قدك !
_ لؤي شرب كاس ورد عليه بتحدي :-
_ طيب ما تثبتلنا يا ابن الباشا !
_ مروان قفل السكة في وشه وقام غير هدومه ، لبس تيشيرت رمادي علي بنطلون أسود مقطع ولبس السلسلة الفضة بتاعته ، لبس الطوق علي راسه لم شعره لورا وكان شكله باد بوي علي حق ..
_ عمران وسديم كانوا طالعين جناحهم وقابلوه ، عمران بصله من فوق لتحت :-
_ رايح فين يا مروان ؟
أنت تقرأ
الفهد الأسود ( الجزء الثاني )
Lãng mạnسيتبخر التمرد ويتحول الي رماد ويختفي الغرور وينشئ منه مشاعر قوية ليست في الحسبان ، الوثوق في حبك اقوي سلاح يمكنك وضع زناده في قلب من تحب ، وبالاخير روح الانسان متشبثة في عائلة سوية داعمة للنجاح ..!!
