رواية | الفهد الأسود |
(الفصل الثاني عشر الجزء الثاني )
_________________________________________________
_ مروان واقف اكتر من ساعة تحت بيت عليا مستني نزولها أو حتي ترد عليه ، قرر إنه يطلع أكتر من مرة بس رجع في كلامه ، هو مش عارف مدي اللي عمله عشان يجازف ويطلع يظهر نفسه قدامهم ، فاضطر إنه يستني في عربيته بيحاول يرن عليها واتمني أنها ترد عليه ، معقول عليا متردش عليه للدرجة دي عك الدنيا معاها !
_ أخيرا ظهرت قدامه مروان أول لما شافها نزل من العربية بسرعة وقرب منها :-
_ عليا
_ عليا اتفاجئت بوجوده ، مشت ومهتمتش ليه ، مروان جري وراها وشدها من أيدها ، عليا بصت علي ايده وهو سحبها بسرعة :-
_ عليا بليز كلميني وفهميني ايه اللي حصل يخليكي بتتعاملي معايا انتي وهشام كده ؟
_ عليا بصتله بضيق وإحراج وخوف كل ما تفتكر الموقف ، بلعت ريقها وردت عليه بصوت مهزوز :-
_ وانت مش عارف أنت عملت ايه ؟
_ مروان هز راسه :-
_ أكيد لو عارف مكنتش سألتك !
_ عليا اتنهدت براحة وبصتله بحدة :-
_ يبقي أحسن علي الأقل لما أبص في وشك متحرجش خليك كده مش فاكر حاجة ، بعد أذنك
_ مروان لحقها تاني ومسك أيدها وعليا شدتها بعنف :-
_ إوعي تفكر تلمس أيدي تاني انت فاهم
_ مشت وسابته عشان تلحق التدريب بتاعها وهو وقف مكانه محتار مش عارف يعمل ايه ، وأسئلة كتير زادت في راسه عن اللي عمله معاها يخليها تبعد كده ، طيب هو مضايق ليه مش هو أصلا عايزها تبعد ! أيوة عايزها تبعد وهو مش مضايق ولا حاجة ولازم يثبت لنفسه أنها ولا حاجة عنده وهو لسه علي نفس تفكيره ومجبور عليها ، ركب عربيته وطلع علي الشركة ..
_ دخل لعلا مكتبها :-
_ هشام موجود ؟
_ علا هزت راسها بنفي :-
_ لأ مستر هشام مع فيروز في المستشفي هو ومستر عمران ومحدش فيهم موجود
_ حكتله اللي حصل بإختصار وكملت كلامها :-
_ وفي ميتنج خلال عشر دقايق ومحدش فيهم بيرد علي موبايلاتهم ، حضرتك تقدر توصلهم ؟
_ مروان اخد نفس عميق وقرر ياخد خطوة إيجابية يثبت فيها نفسه للكل :-
_ أنا اللي هحضر الميتنج ، هاتي كل الأوراق اللازمة عشان أفهم بيتكلم علي إيه
_ علا بصتله كتير وهي مش مقتنعة بقراره وحاولت تعارضه :-
_ بس يا مستر مروان حضرتك محضرتش ميتنج قبل كده وممكن يعني...
_ مروان قاطعها بحدة :-
_ انتي هتعرفيني شغلي ؟ ثم إني مش باخد رأيك علي فكرة أنا بأمرك وده أولا ثانيا بقا محتاج سكرتيرة خاصة ليا وفي أسرع وقت يعني أخرج من الميتنج ألاقيها موجودة ..
_ علا حاولت تفهمه أن الموضوع بياخد وقت بس مروان دخل مكتبه قبل ما تتكلم ، علا اتنهدت بضيق وحضرت الاوراق اللي مروان محتاجها ودخلت حطتها علي مكتبه وخرجت تكلم هشام وعمران تبلغهم بقرار مروان ..
أنت تقرأ
الفهد الأسود ( الجزء الثاني )
Romanceسيتبخر التمرد ويتحول الي رماد ويختفي الغرور وينشئ منه مشاعر قوية ليست في الحسبان ، الوثوق في حبك اقوي سلاح يمكنك وضع زناده في قلب من تحب ، وبالاخير روح الانسان متشبثة في عائلة سوية داعمة للنجاح ..!!
