رواية الفهد الأسود
الفصل الثاني والعشرون الجزء الثاني
_________________________________________________
_ سديم وعمران قاعدين مذهولين بعد اللي سمعوه ، عمران بص لمريم :-
_ أنا أقدر اساعدك ازاي ؟_ مريم اتكلمت من بين عياطها :-
_ مش عارفة أنا حرفياً من اول ما عرفت إنه خارج وانا مش عارفة افكر مفيش فيا عقل خالص اول حد فكرت فيه كان انت زي ما ساعدتني زمان أكيد تقدر تساعدني الوقتي_ عمران أخد نفس طويل وخرجه مرة واحدة وقام وقف يحاول يستوعب الكلام اللي سمعه منها ، بصلها بقلة حيلة :-
_ هو لو طالب بأمير عمري ما هعرف اساعدِك ده ابنه ! عايزاني اقوله لأ متخدوش ، بصفتي ايه أصلا ؟_ مريم وقفت وهي بتعيط :-
_ مش عارفة مش عارفة ، أنا متأكدة أنه مش هيسيبني في حالي حياتي كلها هتدمر بخروجه ده ، انا معملتش حسابه أنا كنت نسيته أصلا بعد ما رفض يتجوزني ويعترف بإبنه .._ عمران رد عليها بإختصار :-
_ اللي أقدر أعمله اني أحميكم منه لكن لو طلب يعترف بإبنه مش هقدر اعملك حاجة أنا آسف بس انا بتكلم بالعقل .._ مريم هزت راسها وسحبت شنطتها ومشت ، قابلت فيروز في نص الجنينة والاتنين بصوا لبعض جامد ، فيروز سألتها بإستفسار :-
_ مامي بتعملي ايه هنا ؟_ مريم بصت لها بتوتر وهي مش عارفة ترد عليها وتقول ايه ، عمران وسديم قربوا منهم ، وعمران رحب بفيروز :-
_ أهلا يا بنتي اتفضلي_ سديم دورت بعيونها علي هشام ولما ملقتوش سألتها بقلق :-
_ هشام فين هو مش معاكي ؟_ فيروز اتنهدت بضيق :-
_ لأ ، أنا أصلا جاية أسأل عليه هنا هو مش موجود ؟_ سديم قلقت من طريقة كلامها وبصت لعمران ورجعت بصت لفيروز تاني :-
_ اومال هو فين ؟_ فيروز نفخت بضيق وعمران طلب منهم يدخلوا القصر يستنوا هشام لما يرجع ، فيروز طول الوقت بتهز رجليها بتوتر وفي أيدها الموبايل بترن علي هشام اللي مش بيرد خالص ، وفجاءة الموبايل اتقفل ..
_ فيروز وقفت وبصت للموبايل جامد :-
_ ده قفله !_ سديم قلقت جدا ووقفت هي كمان :-
_ هو حصل حاجة بينكم ؟_ فيروز بصت لها وضغطت علي أسنانها بغضب وهي بتفتكر كلام رشا وسابتهم وخرجت برة ، مش هتقدر تستني أكتر من كده لازم تلاقيه ، بس هو هيكون فين ؟
_ عليا نزلت تستقبل مروان لما سمعت صوت عربيته واتفاجئت بوجود مامت فيروز , رحبت بيها بود وخرجت لمروان ..
_ فيروز اول لما شافت مروان جرت عليه :-
_ هشام فين ؟_ مروان ضيق عيونه عليها :-
_ هشام ! معرفش ده ماشي من الشركة النهاردة بدري أنا فكرته معاكي
أنت تقرأ
الفهد الأسود ( الجزء الثاني )
Romanceسيتبخر التمرد ويتحول الي رماد ويختفي الغرور وينشئ منه مشاعر قوية ليست في الحسبان ، الوثوق في حبك اقوي سلاح يمكنك وضع زناده في قلب من تحب ، وبالاخير روح الانسان متشبثة في عائلة سوية داعمة للنجاح ..!!