الفهد الأسود ( الجزء الثاني )

الفصل الحادي والعشرون

رواية الفهد الأسود
الفصل الواحد والعشرون الجزء الثاني
_________________________________________________
_ هيثم ضحك علي عدي :-
_ طيب أنا همشي بقا كويس إني لقيتك ..

_ عدي مسك دراعه :-
_ تمشي فين انت هتتعشي معايا

_  هيثم هز راسه برفض :-
_ لا لا عشا إيه بقولك اختي معايا وسايبها برا أصلا لوحدها لازم أخرج لها ..

_ عدي مسك فيه أكتر :-
_ والله أبدا هتتعشي معايا اخرج هاتها وتعالي

_ هيثم حاول معاه تاني :-
_ يابني مش المرة دي انتو عندكم ضيوف

_ عدي بص علي اللي قاعدين وبصله بإصرار :-
_ كلهم عيلتي مفيش حد غريب ولو قاوحت معايا أكتر من كده هخليهم يتعاملوا معاك

_ هيثم ضحك ورفع أيده بإستسلام :-
_ خلاص خلاص ، ثواني هنادي علي حبيبة..

_ هيثم خرج ينادي علي اخته وعدي بلغ عيلته إنه عزم صاحبه واخته وهما رحبوا جدا ، هيثم دخل وحبيبة متعلقة في ايده :-
_ يابني انت مش قولت هتسلم ونمشي علي طول طلع منين العشا ده ؟

_ هيثم رد عليها :-
_ عدي مسك فيا أعمل ايه يعني ، كلها ساعة بالكتير ونمشي مش عايز أزعله ..

_ حبيبة نفخت بضيق :-
_ طيب هو صاحبك أنا مالي أنا كنت روحتني ورجعت له انت

_ هيثم بصلها بضيق :-
_ خلاص يا حبيبة قلت كلها ساعة ونمشي متكبريش الموضوع ..

_ عدي قابلهم ورحب بيهم وحبيبة مكنتش طايقة نفسها بسبب الكعب اللي تعب لها رجليها ..

_ عدي وصلهم لبقيت العيلة وعرفهم ببعض ، واخد هيثم يوقف معاه وحبيبة قعدت في جمب لوحدها لأنها مش عارفة حد ، ليلي قعدت جنبها :-
_ الجميل قاعد لوحده ليه ؟

_ حبيبة ردت عليها بإحراج :-
_ مفيش بس مش اخدة علي الجو

_ ليلي ضحكت لها عشان تشيل الإحراج بينهم :-
_ انتي بتدرسي ؟

_ حبيبة هزت راسها :-
_ أيوة ، أنا كلية تربية

_ ليلي كملت كلامها بهدوء ونفس الإبتسامة :-
_ ربنا يوفقك

_ حبيبة أخدت علي ليلي بسرعة واتكلموا مع بعض في مواضيع كتير وشاركتهم سديم وفيروز

_ رغد أخت عليا دورت بعنيها علي عليا اللي مختفية بقالها فترة ومش عارفة راحت فين ، رنت عليها واتفاجئت بموبايلها علي الطرابيزة ، قربت من سديم :-
_ طنط هي عليا فين ؟

_ سديم دورت بعيونها عليها :-
_ مش عارفة بقالي مدة مشوفتهاش ، ثواني هنادي علي سيدة تشوفها فين

_ عليا بصت لمروان وهي في حضنه :-
_ كفاية كده بل مروان خلينا ننزل أكيد حسوا بغيابنا

_ مروان رد عليها بلا مبالاة :-
_ ما يحسوا أنا مش عايز أنزل خلينا هنا أنا مرتاح كده

_ عليا بصتله وعيونها وسعت بذهول :-
_  لا لا لازم ننزل يقولوا علينا ايه ؟