الفهد الأسود ( الجزء الثاني )

الفصل التاسع عشر

رواية | الفهد الأسود |
(الفصل التاسع عشر الجزء الثاني)
_________________________________________________
_ عليا قدرت تخطف قلب مروان بجمالها المختلف عن كل مرة ، ضحك وقام قرب منها لانها كانت محروجة منه جدا ، شالها بين ايديه وبصلها وهو بيضحك :-
_ حوريتي في الدنيا ⁦

_ عليا عيونها لمعت بفرحة علي تشبيه ليها ، مروان حطها علي السرير وانحني عليها باسها بكل حب واحتياج ليها ، كأنه بيطهر نفسه من اي واحدة لمسها قبل منها ....

_ مروان سند راسه علي صدر عليا وهي حاوطته بحنان ، ومن غير مجهود نام في ثواني وهو مطمن لأول مرة في حياته ...

_ عليا كانت مستغربة جدا أن مروان محاولش يقرب منها كزوج ليها كانت فاكرة انه هيطالب بحقه بس اكتشفت عكس كده وإن الموضوع مش دماغه اصلا ، فرحت أنها مش مجرد علاقة بالنسبة له وأنها أكبر بكتير من كده ، كانت فرحانة جدا إنه نايم في حضنها وصدقت فعلا أنه محتاج ليها ، مشت أيدها علي شعره بحب وميلت علي راسه ونامت هي كمان ...
_________________________________________________
_ تاني يوم عمران صحي وملقاش سديم جمبه ودي مش عادتها ، قام من مكانه يدور عليها خرج برة في البلكونة لما ملقهاش في الاوضة ، كانت قاعدة تحت في التراس ونايمة ، نزل يجري وهو مخضوض عليها ، هزها جامد :-
_ سديم ، انتي كويسة ؟

_ سديم اتنفضت من مكانها :-
_ مروان ، مروان رجع ؟

_ عمران أخدها في حضنه يهديها :-
_ اهدي ، لسه مرجعش

_ سديم عيطت جامد وبعدت عنه :-
_ إحنا هنفضل ساكتين كده لأمتي وأحنا منعرفش عنه حاجة أنا قلبي مش مطمن عليه اعمل اي حاجة يا عمران هاتلي ابني ..

_ عمران اتنهد بضيق :-
_ اعمل ايه اكتر من اللي بعمله ، رجالتي في كل مكان بيدوروا عليه من امبارح حتي اللوكيشن اللي ظهر من موبايله لما اتفتح بيِن أنه كان عند عليا ولما راحو ملقوش أثر ليه ..

_ سديم بصت له جامد :-
_  عليا ، كلمها أكيد هي عارفة مكانه

_ عمران بصلها بإستنكار لفكرتها :-
_ ولو متعرفش عنه حاجة نكون قلقناها علي الفاضي ؟!

_ سديم بصت له بغيظ وقعدت علي الكنبة :-
_ أوف اعمل اي حاجة أنا عايزة اطمن عليه لو سمحت يا عمران كلمها ..

_ عمران كان متردد جدا إنه يكلم عليا بس اضطر لما شاف حالة سديم ،

_ عليا صحيت علي صوت الموبايل ، بعدت مروان بهدوء عنها وقامت بس هو مسك أيدها :-
_ راحة فين ؟

_ عليا ردت عليه بهدوء :-
_ الموبايل بيرن هشوف مين وأرجع لك تاني ..

_ مروان ساب أيدها وبصلها بترجي :-
_ متتأخريش ..

_ عليا أخدت الموبايل وخرجت برا الأوضة وردت علي عمران اللي أتكلم بإحراج :-
_ عليا أخبارك ايه ؟