الفهد الأسود ( الجزء الثاني )

الفصل السابع عشر

رواية | الفهد الأسود |
( الفصل السابع عشر الجزء الثاني )
_________________________________________________
الشيخ عبد الرحمن كمل كلامه وقوله تعالى :-
_ أَنَّمَا الْحَياةُ الدُّنْيا لَعِبٌ وَلَهْوٌ وَزِينَةٌ".

_ بص لمروان وابتسم لأنه مركز معاه بإهتمام وكمل كلامه بهدوء ورزانة :-
_ ويقول ابن عياض:-
_ "لو كانت الدنيا ذهبًا يفنى، والآخرة خزفًا يبقى، لوجب علينا أن نختار ما يبقى على ما يفنى"

_ عارف معني الكلام ده ايه ؟ معناه ان الدنيا ماهي الا متاع تسلية يعني ، وكل اللي اخدته في الدنيا ماهو الا قليل مهما بلغت من الأشياء سواء كانت ثمينة أو كثيرة ، بص يا ابني لوجود والدك والدتك وأخواتك حواليك ، شوف جسمك اللي مليان أعضاء وحواس قادر تاكل وتشرب وتشوف وتمشي وتتمتع بيهم غيرك يتمني ربع اللي عندك ، مهما مريت من ظروف قول الحمد لله عشان ربنا يباركلك في نفسك والنعم اللي عندك ، والدك جابك عندي هنا لأنه خايف عليك وبيحبك يمكن أنت مش شايف ده لأن فكرة أنهم بيكرهوك اترسخت في عقلك ومش شايف غير كده بس اللي شوفته في عيونه النهاردة ده كان خوف وحب شديد كمان ، حاول تغير تفكيرك وانت هتشوف الدنيا بشكل تاني خالص ..

_ مروان اتنهد واتكلم بتعب :- 
_ يعني أنا مش وحش زي ماهما شايفين ؟

_ الشيخ عبد الرحمن ضحك جامد ورد عليه بنبرة طيبة :-
_ مين قالك انهم شايفينك وحش يابني ، ليه بتوصل للنقطة دي في الآخر ، هما خايفين عليك ، تصرفاتهم دي خوف عارف خوف من ايه ؟

_ مروان هز راسه بمعني مش عارف وهو كمل :-
_ خايفين عليك من عقاب الآخرة ، الزنا والخمرة دول من الكبائر اللي مش بسهولة ربنا يتغاضي عن عقابهم

_ وبعد كلام كتير جدا ونقاش بينهم وأسئلة من مروان واجوبة صريحة من الشيخ عبد الرحمن مروان ابتسم بتكلف :-
_ متشكر لحضرتك جدا أنا حقيقي ارتحت لما اتكلمت معاك ..

_ الشيخ عبد الرحمن رد عليه بنفس الود والرضا اللي بيتكلم بيهم من أول المقابلة :-
_ أتمني أكون نفعتك ولو بجزء بسيط ، ربنا يهديك ويهدينا جميعا يا بني ..

_ مروان قام وقف وكان هيمشي بس الشيخ نادي عليه وهو بصله :-
_ شوفت قعدنا قد إيه ومعرفتش أسمك !

_ مروان ضحك له :-
_ مروان ..

_ عاشت الاسامي

_ مروان خرج وعدي جري عليه :-
_ انت بتعمل ايه كل ده جوة أنا خللت وانا واقف وقميصك مقطع كده ليه ؟

_ مروان أخد نفس عميق وبص حواليه كأنه بيشوف الدنيا لأول مرة ، بص لعدي :-
_ معاك عربية ولا هنروح ازاي ؟

_ عدي شاورله علي عربية هشام :-
_ هشام سابلي عربيته

_ مروان قرب من العربية وركب وعدي حرك العربية ومشي :-
_ انت كنت بتعمل ايه جوة ايه اللي حصل ؟