( سكريبت ل الفهد الأسود )
_ هشام بيزعق لعدي :-
_ أنت يابني مش شيلتها بقالك دقيقتين كفاية عليك كده هاتها بقا .._ عدي بصله بغيظ :-
_ وحياة خالتك ، انت بتحسبها بالدقايق ؟_ هشام اتنهد ورد عليه برخامة :-
_ وبالثواني كمان , يلا هاتها بدل والله أكلم مديرك ينزلك مأمورية النهاردة وانت عارف هو بقي حبيبي ازاي من بعد ما شغلت ابنه عندي في الشركة !_ عدي نفخ بغيظ وناوله ليلي :-
_ أوف خد اهي اخ ده ولا عشماوي_ الكل انفجر في الضحك علي تصرفات عدي اللي بتثبت كل كل شوية أنه طفل ، هشام أخد ليلي وبصلها بحب وهو بيلاعب أيدها الصغيرة جدا :-
_ انتي حلوة اوي عارفة ليه عشان شبهي_ مروان خبطه في كتفه جامد :-
_ شبه مين يا حبيبي ، دي كلها أنا أصلا حتي شوف وهي نايمة أنا بالظبط_ مروان بص لعليا :-
_ صح يا لولو ؟_ عليا ضحكت جامد وردت عليه :-
_حرام عليك يا مروان شوهت البت وهي قمر_ مروان بصلها جامد وسط ضحك الكل علي منظره وهو بصلها بغيظ :-
_ بقا كده ماشي عقابك بعدين مش الوقتي_ عليا ضحكت بإحراج وميلت عليه :-
_ الدكتورة مانعك تعاقبني لمدة شهر يا روحي_ بعدت عنه وغمزت له وهو اتغاظ أكتر وميل عليها :-
_ خلاص اشوف واحدة اعاقبها كويس علي لما الشهر يخلص_ مروان غمز لها بمكر وهي بصتله جامد :-
_ نعم ؟ قول أنك بتهزر_ مروان حط أيده في جيب بنطلونه ورفع حاجبه وهو بيضحك بغرور :-
_ لا مش بهزر طلاما انتي off اشوف واحدة متاحة_ عليا برقت له بصدمة وسابته ومشت ، مروان ضحك جامد وخرج وراها :-
_ راحة فين يا عبيطة ؟_ عليا ردت عليه بعفوية وهي بتقلب في موبايلها :-
_ هسأل الدكتورة لازم شهر كامل يعني ولا شهر إلا_ عليا بصت لمروان لما سمعت صوت ضحكته وعقدت حواجبها بغيظ :-
_ ممكن أفهم انت بتضحك علي إيه ؟_ مروان قرب منها وحاوط وسطها بإيده :-
_ ينفع يعني بعد ما دوقت العسل أرجع للتوم تاني ؟_ عليا بصتله كتير وهي مش فاهمة معني كلامه :-
_ عسل ايه وتوم ايه؟_ مروان ضيق عيونه عليها :-
_ مممم تعالي لما افهمك_ مسك أيدها ودخل أوضتهم وقفها ورا الباب وشد النقاب من علي وشها وقرب من شفايفها :-
_ العسل ده ينفع بعده رمرمة ، تؤتؤ مينفعش_ وقبل ما تتكلم كان بايسها برقة بيثبت لها قد إيه هو مكتفي بيها وعمره ما حب غيرها ..
_ عمران دخل جناحه واتفاجئ بالدوشة اللي موجودة في الأوضة ، قرب منهم وزعق فيهم بعلو صوته :-
_ ايه اللي انتوا بتعملوه ده انتو مش راعين اللي لسه والدة دي ؟ وليلي مينفعش يكون جنبها الصوت العالي ده
أنت تقرأ
الفهد الأسود ( الجزء الثاني )
Romantikسيتبخر التمرد ويتحول الي رماد ويختفي الغرور وينشئ منه مشاعر قوية ليست في الحسبان ، الوثوق في حبك اقوي سلاح يمكنك وضع زناده في قلب من تحب ، وبالاخير روح الانسان متشبثة في عائلة سوية داعمة للنجاح ..!!