"Hyunjin Hyung"
အအေးတစ်ခွက်ကို စိမ်ပြေနပြေသောက်နေရာမှ အသံကျယ်ကျယ်နှင့် ခေါ်သံအားကြားလိုက်ရချိန်တွင် Hyunjin ထပြေးမိမတတ်ပင်။
"ဘယ်လိုဖြစ်လို့ အာပြဲကြီးနဲ့အော်နေတာလဲ Yang Jeongin ရ။"
"စာသင်ပေး။"
Physics ဖတ်စာအုပ်အထူကြီးကိုထိုးပေး၍ ဂျီကျချင်နေသော Jeongin ကိုကြည့်၍ စုပ်တစ်ချက်သပ်လိုက်မိသည်။
"ငါမအားသေးဘူး။"
"တစ်ပုဒ်တည်းနားမလည်လို့ မေးမလို့ပါနော်။ မဟုတ်ရင် Seungminnie Hyung ကိုသွားရှာလိုက်ရမလား။"
ကြောက်စရာကောင်းလောက်အောင်ပြုံးပြပြီး လှည့်ထွက်သွားတော့မည့် Jeongin ကို ဆွဲမိဆွဲရာ ဆွဲကာ တားလိုက်ရသည်။
"မင်းတကယ် ကဂျီကဂျောင်သိပ်ကျလွန်းတယ် Yang Jeongin ရာ။ ဝယ်ချင်တာလေးရှိလို့ တစ်လပဲ tutor လုပ်လိုက်တာကို ဂယက်က အခုထိမပြီးနိုင်သေးဘူး။"
"အဲ့ဒါတော့ ကိုယ့်အပြစ်နဲ့ကိုယ်ပဲလေ။ မကျေနပ်ရင် စာသင်သိပ်မကောင်းနဲ့ပေါ့။ မဟုတ်လည်း ဟို Hyung ကိုမကြိုက်နဲ့တော့ပေါ့။"
Hyunjin အလန့်တကြားနှင့်ပင် ပတ်ဝန်းကျင်ကို အကဲခတ်လိုက်ရသည်။
"တိုးတိုးသာသာပြောပါကွ။ မုန့်သွားဝယ်နေတဲ့ နှစ်ယောက် ပြန်ရောက်လာလို့ ကြားသွားဦးမယ်။"
"ကြားသွားတော့ ပိုမကောင်းဘူးလား။"
"ဘယ်နားက ပိုကောင်းလာမှာလဲ။"
"ကြိုက်နေတာကို ကြိုက်နေတယ်လို့မပြောနိုင်ရင် တစ်နည်းနည်းနဲ့သိသွားတာပိုကောင်းမှာပေါ့။ "
Jeongin ၏ စကားကို Hyunjin မှာ အတွေးနယ်မချဲ့မိအောင်ကြိုးစားရင်း သက်ပြင်းတစ်ချက်သာ ချလိုက်ရသည်။
"တော်ပါကွာ။ ဒီတိုင်းရှိနေရတာပိုကောင်းတယ်။"
"ဒီလိုလုပ်လေ ကျွန်တော်ကူညီပေးမယ်။"
"ဘာကိုကူညီမှာတုန်း။"
"ကျွန်တော့်အစ်ကိုကိစ္စကို Hyung က အရိပ်တကြည့်ကြည့် ကြည့်နေရတာဆိုတော့ Hyung ကိစ္စကို ကျွန်တော်က ကူညီမယ်လေ။"
YOU ARE READING
Clarity || Minsung FF||
FanfictionWarning: This story is not as simple as you think. Read at your own risk cos' it might leave you dizzy. I didn't know the meaning of love. But when I saw you, the first thing that came to my mind is that you may be my definition of LOVE. You are m...
