Clarity || Minsung FF||

Spin-Off2// All About The Daddy's Admirer

မနက်ခင်းမှာ စိတ်ညစ်ညူးဖွယ်အ​​ငွေ့အသက်တို့ လွှမ်းခြုံထားသည့်တိုင် မသိလိုက်မသိဖာသာ လတ်​ဆတ်​နေမြဲ။ မျက်ဝန်းတို့ကို သက်​တောင့်သက်သာဖွင့်ဟလိုက်၍ ခပ်​နွေး​နွေးကုတင်ကြီးထက်ဝယ် ​စောင်ပုံကြား ငြိမ်ငြိမ်က​လေး​ရှိနေမိဆဲ Jaehyung မှာ​တော့ ဝရန်တာ​တွင် ဆေးလိပ်တစ်လိပ်အား ဖွာ​ရှိုက်နေ​သော လူကြီးကို ခပ်​တွေ​တွေစိုက်ကြည့်​နေမိသည်။

ခန့်ညား​နေပါ၏။ အသက်အရွယ်နှင့် မလိုက်ဖက်​လောက်​အောင်ပင် နုပျိုခန့်ညား​နေ​သော ထိုလူကြီး၏​ကျောပြင်မှာ ပထမဆုံး​တွေ့ဆုံချိန်ကတည်းက သ​ဘောကျခဲ့ရပါ​သော ​ကျောပြင်ကျယ်ဖြစ်​ကြောင်း အမှတ်တရ​တွေးမိ​​စေသည်။

​နီးကပ်စွာရှိမ​နေရခြင်းကို သည်းမခံနိုင်သည့်အဆုံး ကုတင်​ပေါ်မှထသွားလိုက်ကာ ​ကျောပြင်ကျယ်ကို​ထွေး​ပွေ့မိ​တော့ လူကြီးက သူ့လက်နှစ်ဖက်ကိုဆုပ်ကိုင်လာသည်။ လက်ထဲမှ ​ဆေးလိပ်တိုကိုလည်း ချက်ချင်းဆိုသလို လွှင့်ပစ်လိုက်၏။

"ဘာလို့အပြင်ထွက်လာတာလဲ။ ​ဆေးလိပ်​ငွေ့​တွေရှူမိကုန်ရင် Allergy ထလာဦးမယ်။"

သူ့ကိုမျက်နှာမူလာ၍ တည်ငြိမ်​သော ​လေသံအ​နေအထားနှင့် ဆူသလို​ပြောလာ​သော လူကြီးရင်ခွင်ကို မှီနိုင်သည်အထိ ခါးကိုညွှတ်ကာ ရင်ခွင်ထဲမျက်နှာအပ်လိုက်​တော့ လူကြီးက ရယ်သည်။

"အရပ်ကြီးကလန်ကလားနဲ့ကွာ။"

"ဒီလိုဆို ​ဆေးလိပ်​ငွေ့​တွေမရှူမိ​တော့ဘူး​​လေ။"

"ကိုယ်က​ဆေးလိပ်​သောက်ထားတာကို။ လာပါ။ အထဲဝင်ရ​အောင်။ မနက်ဖြန်ခရီးသွားရမှာ၊ ​နေမ​ကောင်းလို့မဖြစ်ဘူး​လေ​နော်။"

"ကျွန်​တော့်ကိုလွမ်း​နေမှာလား။"

လက်ရှိအ​နေအထားကို ပြုပြင်ရန်ကြိုးစား​နေသည့် လူကြီးအား အံတုကာ စကားလမ်း​ကြောင်းလွှဲ​တော့ Han Younghyun က သက်ပြင်းတိုတစ်ချက်ချသည်။

"အနားမှာရှိ​စေချင်တယ်ဆိုတိုင်း ဆွဲထားပိုင်ခွင့် ကိုယ့်မှာမှမရှိဘဲ Jaehyung ရယ်။ ပြီး​တော့ မင်းကိုတကယ်သွား​စေချင်တယ်။ မင်းရဲ့လုပ်နိုင်စွမ်း​တွေ အလဟဿမဖြစ်​စေလို​ကြောင်း ကိုယ်တို့ဒီကိစ္စကို ပထမဆုံးအကြိမ်တိုင်ပင်ကတည်းက​ပြောခဲ့ပြီးပြီထင်တယ်။"