"အဖေ"
ကုတင်ပေါ်၌ နှစ်နှစ်ခြိုက်ခြိုက်အိပ်ပျော်နေသော Changbin အား မနှောင့်ယှက်မိစေရန်အလို့ငှာ Chan အသံအား အတတ်နိုင်ဆုံးတိုး၍ ဖုန်းကိုထူးလိုက်သည်။
"သတင်းတွေ့ပြီးပြီလား သား။"
တစ်ဖက်မှ ပြောလာသော စိုးရိမ်စိတ်အပြည့်နှင့် မေးခွန်းကိုကြားရချိန် Chan စိတ်မောစွာ အသက်ပြင်းပြင်းရှိုက်ရှူလိုက်မိ၏။
"အခုပဲ ဖတ်လိုက်ရတယ်။"
မိုးလင်းပေါက် game ဆော့နေရင်းမှ Changbin အိပ်ပျော်သွားသော်လည်း သူကိုယ်တိုင်မှာ အိပ်မပျော်နိုင်သေးသောကြောင့် ဖုန်းဖွင့်ကြည့်ချိန်တွင် စိတ်မချမ်းမြေ့ဖွယ် သတင်းတစ်ပုဒ်အားတွေ့ရသည်။ သတင်းအားဖတ်ပြီးပြီးချင်းတွင်ပင် Mr.Bang ထံမှ ဖုန်းအားလက်ခံရရှိခြင်းဖြစ်သည်။
"တစ်ခုခုများ ထူးခြားလို့လား အဖေ။"
Chan မေးသော မေးခွန်းကို ဖခင်ဖြစ်သူက ချက်ချင်းအဖြေမပေး။ ခေတ္တမျှတွေးတောနေပြီးမှ လေသံအေးအေးနှင့်ပြောသည်။
"အဖေ့လုပ်သက်တစ်လျှောက် အမှုတွေထဲ သေချာပေါက် အသေးစိတ်မှတ်မိနေတဲ့အမှုတွေမှာ Oh Jin Lee ရဲ့အမှုကိစ္စပါတယ်။ အဖေအရမ်းမရင်းနှီးခဲ့ပေမဲ့ သိနေတဲ့ ရှေ့နေ Lee ပါ သေဆုံးခဲ့တာကြောင့်လည်း ဖြစ်ကောင်းဖြစ်နိုင်တယ်။"
"အဖေ့ စိတ်ထဲခုနေတာများ ရှိနေတာလား။"
"Oh Jin Lee ကျူးလွန်ခဲ့တာကလည်း သာမန်သုံးလောင်းပြိုင် လူသတ်မှုနဲ့ ကလေးနှစ်ယောက်ကို ဖမ်းချုပ်ခဲ့တဲ့အမှု၊ အခု အမှုကလည်း အမေတစ်ယောက်နဲ့ ကလေးတစ်ယောက် အသတ်ခံရတဲ့ သာမန်လို့သတ်မှတ်ရတဲ့ အမှုပဲ။ ဆက်စပ်စရာသိပ်မရှိလှပေမဲ့ ဘာလို့ရယ်မသိ၊ ဒီအမှုနှစ်ခုမှာ တစ်ခုခုဆက်သွယ်မှုရှိတယ်လို့ခံစားနေရတယ်။"
Mr.Bang ၏ မရေမရာကောက်ချက်ချစကားကို ကြားရသည့်အချိန် Chan ၏စိတ်ထဲတွင်လည်း ရှုပ်ထွေးမှုတစ်ခုပေါ်ပေါက်လာသည်။ လွန်ခဲ့သောရက်ပိုင်းကမှ Jisung တွင်လည်း ပြဿနာတစ်ခုပေါ်ပေါက်ခဲ့သည်မို့ အတွေးလွန်နေလေသလားဟုလည်း ချက်ချင်းဆိုသလို ဖြေသိမ့်လိုက်မိပါ၏။
YOU ARE READING
Clarity || Minsung FF||
FanfictionWarning: This story is not as simple as you think. Read at your own risk cos' it might leave you dizzy. I didn't know the meaning of love. But when I saw you, the first thing that came to my mind is that you may be my definition of LOVE. You are m...
