اهلاً اتمنى انها تعجبكم الرواية..والحين باخذكم تتعرفون ع اهم الشخصيات ..
عبدلله الجد الكبير بالعائلة انسان حقاني مايحب العيشه بالمدن الكبيره عشان كذا هو مستقر بالديره شوي عصبي وشوي معطي العائله ع جوها ولطيف مع احفاده بشكل ربي رازقه بـ ٣ اولاد وبنت بتعرفونهم الحين..
الجده نوره فيها من صفات زوجها شويه انسانه محبوبه عند كل عائلتها وتحب احفادها وجياتهم لعندهم بالديره ودايم همها الوحيد متى يجون عندهم وبرضو احفادها وعيالها يحبونها ومعطينها كل الاحترام يعني بختصار الاحترام متداول بين ذي العائله
- محمد بن عبدلله..هو بيكون اول من تتعرفون عليه
اكبر واحد في اخوانه وطبعاً ممكن نقول انه احن واحد فيهم
عمره ٤٨ متزوج
زوجته:لطـيفة، عمرها ٤٥يعني اقولكم اسم ع مسمى لطيفه بمعنى الكلمه تحب كل العائله ماعمرها حقدت ع احد فيهم نهائي مع ان صار مواقف بينهم المفروض تكرهم لكن الي قدامك لطيفه مب احد ثاني هههه نبدا بعيالهم.
سند اكبر عيالها واحلاهم خلونا مانتكلم عن الجمال الحين لانه كلهم حلوين هذا احلا من الثاني نرجع لسند الي عمره ٢٩ بالضبط
طبعاً بارد بشكل مايحب احد يشوف ضعفه ابداً بس اذا جينا عند المرجله فهو رجال فعلاً انسان كويس بس يبي له الشخص الي يفهمه هل بيلقاه او لا خل نشوف
————
فيصل الابن الثاني لمحمد عمره تقريباً ٢٦
اهبل بمعنى الكلمه وشخصيته تختلف عن اخوه بكلشي يحب انه يصنع جو لاهله بالبيت هو واخته ونقدر نقول انه محبوب الكل حتى مع بنات عمامه كذا ومايشوفهم الا زي اخته الصغيره الا وحده نقدر نقول انها دخلت القلب اصبرو بتعرفونها ..
سديم ..هذي سعاةْ العائله الكل يتفق ع حبها وعندهم سديم ماينرفض لها طلب ابداً.عاد كيف اوصف لكم جمالها ورقتها وحلاتها واخلاقها مدري خلوها بالبارتات.
عمرها: ٢٢سنه.
———————-
دام الحين عرفتم عائلة البطل حقنا خل نكمل لباقي افراد القصة
اخ محمد الثاني سعود بن عبدلله زي اخوه بالضبط لطالما كانو يتشاركون نفس التفكير ونفس الشخصيه عمره ٤٧ زوجته
منال عمرها ٤٠ حنونه لابعد حد وتحب عيالها بشكل وتخاف عليهم وكلشي عندها الا سعادتهم وتتمنى ان تزوج بناتها من عيال محمد
بنتها الكبيره : فرح عمرها ٢٤ حلوه وشخصيتها تجنن وعاقله شوي اعقل من اخواتها ودايم تفكيرها سليم وصحيح عشان كذا خواتها كل ماضاقت فيهم الدنيا راحو لها
.. ريتال الاخت الثانيه عمرها ١٩ لطيفه مرا بس حشريه شوي تحب تعرف كلشي يصير بالعائله وعندها فضوووللل تجاه كلشي بس برضو مامنعها هالشي من انها تدخل قلب الكل.
اخوهم الوحيد فارس..عمره ٢٦ ملامحه حلوه زي خواته جميل واخلاقه حلوه ع الرغم من كبر سنه اهبل وكل وقته مع خواته يعني قريب منهم بشكل
اخر فرد هي تَرف ..شكلها مميز عن خواتها كلهم حلوين بس هي يوم تناظر فيها تحس فيه شي مميز ويجذبك لها اكثر من الباقي وملامحها طغت عليها البراءة والي ميزها اكثر شعرها الي قرب يوصل لخصرها يعني طوله جداً حلو وكثافته ونعومته يعني مميزع عمرها..٢٢سنه تصرفاتها نفس تصرفات سديم بنت عمها وتفكيرهم متاشبه يعني كنهم خوات علاقتهم تجنن
————————
نجي لـ فهد بن عبدلله
مرا حبوب ع بنات اخوانه وعيالهم يحبهم بشكل وكنه يحس فيهم ويعرف هم كيف يفكرون وكيف يتصرفون واساساً معتبرينه اخوهم مب عمهم عمره ٢٩ ياما حاولو اخوانه انهم يقنعونه يتزوج لاكنه رافض يبي يتزوج عن حب مب تقليدي زي اخوانه المهم رح تتعرفون عليه اكثر بعدين
———————————
اصغر عمه والعمه الكيوت الي محركة العايله بشكل هي سلمى
الي فعلاً معطيه البيت جوه وتحس انها مع الكل سوا كان من اخوانها او عيالهم يعني بختصار الكل يحبها ولاحد يرضى عليها صح انها فيها شقاوه بالكلام الا انهم يتقبلونه خاصه سند الي كل وقته اذا راحو عندها وهي اكثر وحده تعرفه وتعرف شخصيته يعني خل نقول مقربه للكل من بنات و اولاد عمرها ٢٧
.....................
