.........
دخلت ترف عند سديم وقالت لها كلشي وانه كويس وصحته كويسه
وبكذا مشو ايامهم لين جاء اليوم الي المفروض يكون يوم سعد على سديم وفارس
.......••.......
بعد مرور ثلاث ايام كانو كل الرجال متجمعين في مجلس عبدلله بعد صلاة العشاء عساس دقايق وكلن على بيته وفعلاً انصرفو بعد سوالف وجلسه خفيفه معاد به الا عبدلله وعياله
كان عبدلله يبلع الريق وهذا بدايه على انه عنده كلام يبي يقوله الكل انتبه له
ناظر فيهم وبعدين تكلم بهدوء: محمد وسعود عندي كلمة بقولها لكم
محمد :تفضل يبه ؟
عبدلله :الحين انتم عارفين عيالكم كبرو والمفروض خلاص كل واحد يعيش حياته ومعاد لنا كلام فيها صح ولا ؟
سعود وهو يأيد كلام ابوه: فعلاً كلامك كله صح بس مافهمت وش المناسبه؟
عبدلله تنهد : انا اشوف ياسعود ان ابنك صار رجال وبرضو بنتك يامحمد كبرت ونا اقول زي ما الكل عارف انو انا امشي على ان البنت لابن عمها !
صح انه ممكن النصيب بعد فيهم بس دام انهم كبرو وكل واحد يقدر يعول نفسه خلاص ونا اقولكم شوفو راي أولادكم اول شي
محمد سكت شويه وناضر فيه فارس : اسمعني يابني انا والله ماعندي اي مشكله تاخذ بنتي بس انا شفت ان ابوي الي تكلم ونت لا؟ قلي ان تبي؟
فارس ابتسم : والله ياعمي مارح القى احسن من بنتك بس طبعاً انا مستحيل انو اتكلم بشي انتو سوو الي تشوفونه مناسب
سعود ضحك: والله شكله ياخوي الحين صدق بنصير عائله وحده
محمد بادله : والله اني بكون مرتاح وبنتي مع ابنك لاني عارف انه رح يصونها اكثر من الغريب
عبدلله : وعلى بركة الله يامحمد كلم اهلك ونت ياسعود كلم اهلك عشان بنتك الكبيره
فيصل الي كان جالس معهم وهو شارد فز اول ماسمع ان فرح لها دخل؟؟ قلبه بداء يدق ليكون جده يبيها لاحد ولاكيف؟؟
سعود :مافهمت يبه؟ عساس فارس !
عبدلله ضحك : والله انا اقول انه فيصل زيهم كبر وصار رجال وبنتك الكبيره بعمره يعني مالها داعي التأخير؟
محمد : عارف يبه انت وش تقصد بس انا ماودي ازوج فيصل واخوه الكبير باقي ! انا كان ودي ازوج سند وبعدين فيصل
سند بهدوء حاول يتدخل لانه عارف ان جده ممكن يشبك فيه فرح وعارف فيصل كيف يحبها : لايببه اعفيني منها انا باقي ببالي اشياء كثير ودي اسويها وبعدين بالعكس فيصل كبر وماعليه دام بتزوج اختي وهي الي جد صغيره وش عليه فصيل ؟
محمد : بس سند
سند تنهد : يبه لاسند ولاغيره انا مابي الحين يوم احصل الي ابيها بجي عندك واقلك يبه رح اخطب لي بنت فلان
محمد ابتسم : تمام على خير ان شاءالله الحين خلنا نشوف الاهل وش بيقولون وبعدين نقرر
سعود :طبعاً واصلاً مافيه شي بيسعدني من اني اعطي بنتي لشخص مثل ابني واكثر
فيصل ابتسم له وباس راسه
وكل واحد رح يقول لزوجته عن الي صار.
........••........
دخل سعود وحصل منال قاعده ترتب السرير وتتجهز تبي تنام
سعود تنحنح عشان تنتبه له
لفت منال وابتسمت من شافته: هاخلصت الجلسه؟
سعود وهو يشيل شماغه والاغراض: اي خلصت الحمدلله بس انه صار شي
منال خلت الي بيدها وراحت له : بسم الله وش حصل؟
سعود مسك يدها وقعدها على السرير : ابد ماحصل حاجه بالعكس الي صار حلو
منال ارتاحت:ايه يلا تكلم وش صار؟
سعود بهدوء: منال وش رايك فيصل وسديم؟
منال : مافهمت؟ وشفيهم
سعود: ابد مافيه شي بس قولي لي وش رايك فيهم لانه ابوي قال ان ناخذ سديم لفارس وفيصل ياخذون له فرح؟
منال بفرحة: يوه الحمدلله واخيراً تطمنت ورتاح قلبي وبنتي متاكده انها بتكون مرتاحه طول عمرها وبعدين من جهة سديم صدق بسم الله عليها بكون محظوظه لو ياخذها فارس
سعود ارتاح وابتسم : تمام اجل نقول توكلنا على الله وجهزي نفسك بس محمد يبلغ لطيفه بنخطب رسمي
منال هزت راسها وهي كلها رضا على زوجة ابنها وزوج بنتها
...........••........
نفس الشي عند محمد الي مندخل رمى على لطيفه الخبر وفرحت اكثر شي لفيصل لانه معطيها خبر من اول واكيد انها ارتاحت للوضع لانه كلهم تربو قدام عيونها ومرتاحه لهم ولاهلهم
........••..........
ثاني يوم العصر مسوين نفس الجلسه وقاعدين يتقهوون هم ورجال الديره
الا عبدلله يقول بصوت عالي شويه : اسمعو يارجال يوم الخميس الكل عندنا عشاء
ابو خالد : انشاءالله بس وش المناسبه؟يابومحمد
عبدلله :ابد بتكون ملكة ابني فيصل وفارس
الكل تفاجئ من الخبر قام ابو مهند واحد من القبيله يقول: والحين من مين بتاخذون؟
سعود بهدوء:من ولا احد كل واحد ماخذ بنت عمه
الكل بارك لهم وقامو انصرفو معدا ابو خالد
ابو خالد بزعل : ها ياسعود لاترد علي خبر وماسمع الا انك مزوجها؟
عبدلله باستغراب: افا يابو خالد ليه صوتك عتبان؟ وش بينكم؟
سعود بسرعه : لايابو خالد الله يهداك اكيد ماني مزوجها هي زوجت اختها الكبيره وبعدين ياخي قلت لك باقي للحين مابلغت اهلي؟
محمد وهو يطالع فيهم: يعني ابو خالد خاطب عندك؟
سعود هز راسه
والكل فهم عليهم
ابو خالد ارتاح بعد مافهم القصه :. تمام دام كذا انا استاذنكم الحين لازم اروح!
عبدلله :الله يحفظك
راح بعدها عبدلله لف على سعود : هو ليه زعل كذا؟ مين خاطب منك؟
سعود جلس بعدين حط يده على راسه : يبي ترف لخالد ونا للحين مب قايل لهم شي حتى
سند حس كأنه احد صاب عليه مويه بارده واعصابه تلفتت قرر يطلع و
جا بيقوم الا ابوه يقول : ونت وش قلت له؟
سعود: اكيد ماعطيته انا للحين ماقد عطيت بنتي خبر
عبدلله : انا اقول لاتخرب فرحتهم اليوم خلهم من سمعو الخبر والكل فرحان ومبسوط
سعود : وهذي المشكله وبرضو خالد رجال مايتفوت كيف ووش اسوي مدري
سند اكتفى بذي الكلمة وطلع من المجلس كامل وهو حاس بخنقه ويحاول يستوعب الي صار قبل شوي ......
.........••...........
عند فرح وسديم الي صار عندهم علم من اول واعطو موافقتهم وبكذا صار قرار رسمي بزواجهم
كانو كل البنات جالسين بغرفة البنات ويسولفون ويخططون وش يسوون معدا فرح الي ساكته بخجل
ترف وهي تضحك عليها : فرح حبيبتي بدري مب من الحين؟
سديم وهي تحاول تفكر وش تاخذ فستان : بنات وش احلا اخذ فستان الي كان بالبسه بالجمعه وكنسلت ولا اشتري واحد جديد
فرح بهدوء:يابرودة اعصابك انا من سمعت الخبر ونا شوي وانفجر
سديم قامت عندها وحضنتها : اسمعي فروحي والله انك محظوظة بفيصل ونيالك فيه وصدقيني مستحيل يسوي شي مب عاجبك وتاكدي انه بيسمع كلامك لو مهما قلتي فا خليك مرتاحة من جهته تمام؟ والحين قومي ياعروسة فصول نتجهز وعادي تمام خلينا نخلي التوتر الصدق بعدين
ضحكت عليها سلمى : الله واعلم ليه انتي مرتاحة لفارس لذي الدرجة
ترف بنغزه : حبيبتي خبره فيه ماعليك
فرح ابتسمت لسديم الي للحين عندها : تمام بحاول انا مب متوتره منه بس مستحيه من الحريم وكذا
ترف : يعنني خجل ياعروس وقذا صح؟
ريتال وهي دوبها تستوعب : لحظه يعني فرح تزوجت وفارس تزوج انا كذا بكون اخت العروسه ولا العريس؟
ترف ضربت جبتها : كلن على همة سرا
الكل ناظر ريتال وهمومها السخيفه بالنسبه لهم وغير عندها
............••..........
طلع فهد من بعد ماشاف حالة سند ولحقه
بس سند طلب منه يرجع فا فهد دق على سلمى عشانه عارف انها تحب سند وهو يرتاح لها
اول ماقال فهد لسمى طلعت الحوش وفعلاً حصلت سند هناك قاعد وكانه غارق بفكاره
سلمى بهدوء من وراه : سلام ياحلو
سند انتبه لها :وعليكم السلام سلمى تعالي اقعدي
سلمى قعدت عنده وماتكلمت ولاهو تكلم سكتت تبي تخليه ياخذ راحته
سند بهدوء:دام بتسكتين ليه جيتي ؟
سلمى مسكت يده :انت بخير؟
سند وكانه ماصدق حد يساله عن نفسه ناظر فيها وعيونه تدمع بس اكيد مستحيل يخلي دموعه تنزل عشان قرار مب متاكد منه وقال وهو مكسور : سلمى تصدقين قلت الحمدلله الدنيا ضحكت لي وعرفت انا وش ابي منها ووش هدفي بس جاء شخص وهدم كل الي حاولت انو ابنيه
سلمى تعرفين شعور لما تكونين فرحانه انك اخيراً عرفتي وش تبين ومين تبين بعد صراع طويل بينك وبين نفسك؟ وفرحك يجي شخص مكان ببالك ويخرب عليك بحركة بسيطه منه تحسين انك فقدتي الامل؟
سلمى فهمت عليه ان الوضع يخص مشاعره انتبهت لها وقالت: سند انت عارف ان الدنيا دايم فيها حرب بينك وبينها وفيه الي يخسر والي يفوز
انت ماودك تكون الطرف الثاني؟ شوف يعيون عمتك انا عارف ان الوضع يخص مشاعرك فا انا بقولك كون رجال وشجاع ولا تخلي احد ياخذ املاكك قوم وشد نفسك الي تبيها داخل تجهز زواج اخوها ولا ببالها احد صدقني
سند على طول لف راسه لها وهو مفجوع : م ممين قصدك؟
سلمى ضحكت : ماعليه خل نقول احساس وحبيت اتاكد منه وفعلاً طلع احساسي صح
سند ضحك : والله انك خطيرة وينخاف منك بعدين تعالي صارحيني كيف عرفتي اني اقصد ترف؟
سلمى :والله صدقني بس مجرد احساس بس واصبت بعدين خل عنك الحين قلي وش صار معها عشانك زعلان؟
سند تذكر ورجع نكد :اففف لاتذكريني فيه الطقعه خالد يبيها
سلمى ضحكت : خالد مسبب مشاكل للكل
سند لف لها : وشقصدك؟
سلمى انتبهت :لاماقصد شي بس انا بكلم منال وللا لطيفه وشوف وش يقولون واقولك تمام؟
سند : تمام بس لاتلمحين بشي؟
سلمى وهي تفك يده وتبي تروح : تمام اجل والحين استودعناك الله عندنا عرسان وثنتين عرايس لازم نشيك عليهم
سند ضحك وودعها : ايه عقبال ماتشيكين علي
سلمى وهي تبادله : آممممميييييينننننننن
.........••.......
انتبهى البارت🌷.
