نكمل
فارس جلس جنبها:هلابك
ناظر حوالينه مافيه الا ترف وريتال لف عليهم وهو يقولهم: انتو مب جاين؟
ترف رفعت راسها له: وين جايين
فارس :عساس طالعين بر مع اهل تركي
ريتال بحماس: احلف؟
ترف : يوووه نسيت والله
فارس ضحك: على اشكالكم ذي بتتاجل الطلعه
ريتال بضيق: منجد اليوم مايمدي شوفو كيف شعورنا باقي يبي لها ساعه وبعدين نغسل وونشف ماش
جات سديم وهي تركض وماسكة شعرها المبلول وتضحك لان فرح تلحقها
سديم ماكانت منتبهه للي جالس جنب جدتها ويتأملها من دخلت
ترف ضحكت عليها لانها للحين مانتبهت
.....••.....
سديم وصلت عندهم ولفت ع جدتها ولاكن تسمرت فعلاً مكانها من شافته هي كانت تسمع بشي اسمه ام الركب لاكن توها تعرف معناها اليوم
فارس بضحك: وش قاعده تسوين انتي
فرح وهي توصلهم وتمسك سديم من اذنها: مسكتك يحماره
فارس قام وهو يضحك ودخل سديم وراه: لالا اوختي ماتفقنا
ريتال بضحك: والله اذا اولها كذا خلاص من الحين تدافع عنها
سديم كانت وراه وهي متفشله من الموقف مره
فارس لف عليها: يبابا ذي زوجتي
فرح بضحك: طيب قل لزوجتك تبطل تسوي حركات الاطفال ولاعاد ترشني بموية شعرها
فارس لف عليها وهو يقرب من وجهها ويهمس: هالمره بندافع عنك بس المره الجايه ماضنتي
كانت سديم بترد عليه بس نوره قامت وهي تاخذ الصحن: بطلو لعب وادخلو من الهواء
وقامت وهي تشيل صحنها ودخلت خلتهم وحدهم
ترف ضحكت: امانه اشكالكم تجنن كذا
فرح وهي تشبك اصابعها : ماش انا مانتقمت زين؟ تخيلو بنات اني كنت بعز اندماجي وهواجيسي جت ذي الكلبه ترش مويه من شعرها المشكله بارد قسم بالله اني فزيت
فارس رجع لوراه :خلاص يافله قلنا مارح تنعاد
سديم من وراه بصوت نازل : الا بتنعاد
فارس لف عليها وهو يحك اذنه: احسني ماسمعت زين قلتي شي؟
سديم توهقت عبالها ماحد سمعها لاكن يبدو الكل سمع :ل لاء و وين يعني وشش ببقول
فارس ضحك ع تعابيرها مسك يدها وجلسها جنبه: اي كويس شكلي بقدر اخذك معي
سديم لفت عليه: وين؟
ترف بحزن: رايحين البر تخيلييي اليوممم نسيييتت لما خبرتيني
سديم وهي تتذكر: اها منجد ولله حتنا راحت عن بالي بس انا خلصت يلا القمو
ريتال ضحكت: مسرع وربي وخرتيه
سديم وهي تشم شعرها: انا ماتقبل ريحته بس عشان جده وحاولت اتماسك بس ماش قبل شوي بخرته وحطيت عطورات الشعر كلها واحس للحين ريحته عالقه بانفي
فرح مسكت خلصه من شعرها وهي تشم: والله بالعكس ريحته حلوه؟
فارس بنغزه: احس اني لازم انا الي احكم؟
ضحكت ترف: اي اي انت تفهم اكثرر
سديم وجهها حمر لفت عليه: ممكن تسكت
فارس ضحك: خلاص اجل يكلمهم لبكره ونتو خلو الحناء بشعوركم لين تزين
والبر بكره ونطلع من العصر وش رايكم؟
ترف : عني عادي بكره افضل
ريتال وهي تحرك راسها بشويش: حتنا عادي اساساً رقبتي متجمده ع الاقل بكره بقدر استمتع
ترف بهدوء: بس فارس ضروري ضروري اروح اليوم السوبر ماركت
فارس رفع راسه لها: تمام الساعه تسع الا عشر امر عليك ونمشي
هزت راسها ترف بايجاب
فارس لف راسه لسديم: باخذك معنا ترا
سديم بسرعه: لالا وش يوديني مابغى شي من هناك؟
فارس وهو يخلي جواله: كذا يازوجتي الحلوه ماقدر بدونك ماقدر اتنفس بدونك لازم تجين
فرح ضحكت: اجل خلو ترف وروحو انتو الجو لايخرب
سديم بهمس: انطمي انتي
رجعت راسها له : تمام ان شاء الله انا بروح الحين
فارس بسرعه: وين؟
سديم: بشوف سند ارسلي الحين مدري وش يبي بروح له اشوف
وبرجع لكم
فارس بهدوء: طيب
سديم عقدت حواجبها: وش الهدوء المفاجئ ذا
فارس ببرود: وش يعني اسوي؟خلاص امشي له
ترف بصدمه: امانه لا اقرصوني فارس يغار؟
فارس لف عليها ببرود: كلي تبن انتي الثانيه من وشو اغار؟ اخته عادي
ريتال ضحكت: والله ماضنتي كذا بس يلا
سديم ابتسمت :امش معي منه تشوف اذا مافيه احد بشوفه
فارس قام واخد جواله ودخله جيبه ومسك غترته وحطها فوق كتفه : امشي يلا
مشو سوا لين بعدو عن البنات
سديم مسكت يد فارس هي مستحيه بس خلاص تبي تكسر الحاجز
فارس لف عليها بصدمه: وش فيك؟
سديم ابتسمت: امانه داخل ماغرت؟
فارس كشر وهو يقلدها : امانه داخل ماغرت؟ لاماغرت عادي اجلسي معاه وسولفي معاه واعطيه كل وقتك؟
سديم ضحكت ووقفت مشي ووقف معها : فارس شكلك يجنن
فارس ابتسم ع ضحكتها : طيب طيب
سديم بسرعه: خلاص والله بعدين نطلع ومعاد بسكت بجلس اهدر لين انت تقولي بس
فارس قرب لها وحط راسه ع كتفها: سولفي انا قلبي بيسمعك قبل اذوني سولفي
سديم رفعت راسه: ابشر خل نروح الحين
فارس ضحك: قاتلة المتعه والله امشي الحقي اخوك لايطير
سديم لحقته: مو صاحي والله
....••...
فارس علمهم ان طلعتهم تاجلت لبكره وعطو تركي خبر ان الطلعه تاجلت
"عند سند وسديم-الصاله بعد نص ساعه"
سديم ابتسمت: اي وش باقي ماتكلمنا فيه ؟
سند بهدوء لف حوالينهم وفعلاً مافيه احد: سديم بسالك سؤال وقولي الصدق؟
سديم كانت متوقعه السؤال هو وش: تمام سند اسأل
سند بهدوء: الحين انتي تعرفين قصة خالد اكيد
سديم هزت راسها
سند بلع ريقه : طيب وش رايها؟
سديم :من ترف؟
سند هز راسه ينتظر الاجابة
سديم : ماعرف والله لمن سألتها محتاره
سند بهدوء: يعني فيه امل توافق عليه؟
سديم مسكت يده: سند شوف حبيبي ترا من حقها لو وافقت كم لهم ماجو هنا ! المشكله انت توك تستوعب من قريب انك تحبها رغم اننا كنا عارفين بس ساكتين وهي نفس الشي بس الفرق هي ترفض الفكره ونت تقبلتها !
سند ببرود: يعني هي رافضتني؟
سديم تنهدت ماتبي تزعله: سند مارفضتك! انت ماتقدمت اساساً؟ وبعدين وراكم وقت حاول انك تعطيها مجال تفكر؟ ترا يومين وراجعين المدينه وتنتهي قصه هالخالد؟ عطها وقت؟
سند وهو يفرك شعره: لين متى سديم؟ انتي عارفه اني حاط يدي ع قلبي لاتوافق ع ذا الورع؟ ولا لو مثلاً انتهت قصته؟ مارح يجي غيره؟ ببجون كثير لين تبدا تفكر فيني
سديم ابتسمت: اول مره اشوف ولد صريح بمشاعره كذا؟اجل قم يابطل عند عمك وعطه العلم
سند ضحك بشويش : لاماقدر اروح وترفض؟
سديم: واذا؟ تمام رفضت ذي المره عادي رح لها مره ثانيه انشب بحلقها
سند ضحك: ماقدر ياخيي انا بنكسر لو يجي الرفض حسبي الله بسسس
سديم وهي كاتمه الضحكة: والله ياخوي وضعك يضحك ويحزن اطفال انتو قسم بالله
سند دفها: اذلفي انتي الطفله صح والله راح عن بالي قولي ل امي ان خالتي شيخه جايه هي واهلها يوم الاربعاء
سديم عقدت حواجبها: ليه جايين ؟
سند بهدوء: مدري مشعل كلمني وقالي لما كنا نسولف عاد مدري تجي الديره ولا حن نروح المدينه
سديم قلبت عيونها: نكد والله العظيم
سند ضحك لانه عارف علاقة سديم وبناتها خربانه : باقي يومين وبعدها نكدي صدق
سديم لفت وهي تهدده: والله ياسند ان شفت الكلبه ريم حولك لالعن شكلها وشكلك معها
سند ضحك ولف شعره: وش اسوي اذا انا محبوب من الكل؟
سديم لفت: اي اي محبوب من الكل الا منها
سند رمى عليها المخده: قاتله المتعه اذلفي خلاص طفشت
سديم قامت بسرعه: اصلاً ماتستاهل بروح للبنات
ضحك عليها وطنشها وقام وهو يشيل شماغه ويحطه ع كتفه وخرج للمجلس
......••.....
دخلت سديم وهي تتحلطم
لطيفه انتبهت لها: وش بك تهدرين وحدك؟
لفو عليها البنات لانو كانو متجمعين سوا وسمعوها لما دخلت
سديم ابتسمت بتسليك: من الفرحه يمه من الفرحه
لطيفة:فرحينا معاك اجل؟
سديم: خالتي شيخه وبناتها جاين يوم الاربعاء ومتى بيروحون مدري
لطيفة ابتسمت: الله يحييهم
منال فرحت معها: ياحليلها شيخه من زمان ماشفناها
نوره: اي بالله من توفى زوجها معاد نشوفها
ريتال بهمس لفرح: ذي نفسها ام ريم؟
فرح وهي مكشره: مع الاسف اي ريم جايه
سديم جلست بينهم: انقذوني ريم جايه؟ وسند موجود اخخ ياعزتي لك ياترف
ريتال ضحكت: خلوها تسوي لنا جوو جاين من جده ماتتغطا وتسولف مع العيال قسم فله
ترف جلست بينهم : وش تقولون بسرعه؟
سديم ابتسمت: ابد حبيبتي منتظرين الشيخه ريم وخواتها
فرح ضحكت: ذحين تلقينهم علبه اللوان هم وعباياتهم
ريتال وهي تاكد كلامها: لا وتجيك حاطه نص شعرها برا وتسولف مع الكل حتى عيال الحاره
سلمى ضحكت: ان ماخق عليها مصلح ذا مب وجهي
سديم تاففت: اوف انطمو الحين بتنشب لفيصل وسند والمصيبه اذا مشعل راح لجده فلحنا والله
سلمى : حبيبي اكيد مارح يجلس هوا من عيال جدا مايوحوب الاماكن دي
فرح ضحكت: استغفر الله بس الوضع بيصير حفله
ترف : منجد والله حفله بنات جده مع بنات الديره
ريتال : احسني صرت من بنات الديره والله
سلمى ضحكت: ونتي منهم يروحي مسويه طالعه؟ تراك من هنا دام ابوتس من هنا
ريتال: نننن اذلفي ماقصد كذا اقصد ان جوي نفس بنات الديره
كملو سوالفهم فتره وقامو البنات رايحين يغسلون شعورهم
.......•••.....
الساعه ٦:٢٠ - المغرب
ترف وهي ماسكة المنشفه على راسها وتمشي تدور لمبخرة شعرها
طلعت حصلت امها جالسه ع جوالها:ماما شفتي المبخره حقي ؟
منال رفعت عيونها لها: لا ماشفت شوفي سديم معها وحده
ترف هزت راسها وراحت من الصاله للغرفه
دخلت شافت سديم تصور سناب : قطعت عليك عارفه بس ابي مبخرتك
سديم : شوفي الدرج هناك
ترف راحت وحصلتها وبدات تحط فيها البخور ع دخلة خواتها وسلمى
فتحت المنشفه وبدت تلف شعرها بين يدها عشان تتاكد نشف حلو؟
راحت للمراية ونتبهت ع نظرات البنات لها ضحكت :وشبكم؟
سلمى : مشاءالله ترف شعرك يجننننننن؟
ترف وهي تحرك راسها ويتحرك معها: ثانكس بس لونه غريب صح؟
ريتال : مع نفسك يجنن طالع غريب بس حلو؟
ترف ابتسمت: جاز لي صراحه
فرح :اي يجننن اساساً بيروح بعد فتره معليك
سديم:يشيخه يهبللل مشاءالله
ترف ابتسمت لهم وبدات تبخره ولما خلصت مسكت الاستشوار الي ينشف ونشفته وجلست مكانها
ترف:عاد قلتو للبنات شي؟
فرح لفت لها: اي بنات؟
ترف : اقصد العنود واخواتها؟
سلمى: اها اي اي انا كلمتها قبل شوي وقالو تمام ع كذا بيجهزون اغراضهم وصح فهد عازم خويه خالد واخواته بكره جايين وامه بيجيبها هنا عند امي ومنال ولطيفه لان يمكن ام تركي بعد تجي هنا وحنا نحرك نروح
ترف :طيب ليه مايروحون معنا؟
فرح :منجد يجون ونتهينا
سلمى: منال ولطيفه يمكن ويسحبون معهم ام خالد وام تركي بس امي ماضن ماتحب ذي الاجواء مره؟
ريتال قامت: خليها علي ان ماقنعتهم كلهم عشان نطول بكيفنا
ترف ضحكت: يلا بالبطله امشي وسوي شغلك
ريتال وهي طالعه من الغرفه: ازهليها
.......••......
قبلها بدقايق -«المطبخ»
منال تنهدت : والله ياختي مادري وش اسوي
لطيفة : النصيب يختي النصيب شوفو البنت وش تقولكم واذا فيه نصيب خلاص (لطيفه من زمان تتمنى ترف لسيف وللان )
منال بهدوء: بشوفها بعدين لان الحين متحمسه تطلع مابي اخرب عليها
نوره: بس يا ام فارس لاتطولون الولد يبي خبر
منال : ع خير ان شاء الله
كانو مكملين السوالف لين دخلت ريتال وهي تغني
لطيفة ضحكت عليها وهي تشوفها دخلت وجلست بينهم
منال :بنتي واعرفها اكييد عندها شي
ريتال بزعل : افا بس افا المهم وش تسسوون؟
نوره ضحكت: طيب كملي عتاب! وش جابك
ريتال وهي تاخذ التمره: اي يعني ماحد يجلس معكم حلوين
منال : ريتال بسرعه وش تبين؟
ريتال تعدلت: تمام اسمعوني تدرون ان بكره فيه طلعه صح؟
لطيفة :اي وبعدين!
ريتال : يعني يعني انا اقول او انا اقترح عليكم شي
نوره: ذي مارح تخلص !؟
ريتال ضحكت: خلاص امزح بس وش رايكم تروحون معنا؟ يعني شوفو ام تركي وام خالد بكره جاين صح؟ صح وبناتهم وعيالهم طالعين معنا ف ليه ماتطلعون معنا ونوسع صدورنا كلنا وحنا مرتاحين ؟
منال لفت لهم: وش رايكم انا ممكن اروح
لطيفة: والله انا بشوف اذا محمد جاي عادي لان ماقدر اروح وهو مافيه احد يسوي له عشاء
ريتال : معليه اذا انتو جاين انا اقنعهم!
نوره هزت راسها: انتو روحو ونبسطو ووسعو صدوركم
ريتال راحت عندها: تدرين اني مستحيل اطب برا البيت ونتي مب معي؟
نوره ضحكت: زين نقعد سوا
ريتال كشرت: ياجده! تكفين والله بحاول بجدي يجي واي وقت تتعبون ترجعون عادي
نوره هزت راسها: انا مالي نفس خلي جدك
ريتال بحزن: تكسرين خاطري؟
نوره قامت بأسى: انتي الكلام معاك عقيم
ريتال قفلت طريقها: اول شي رايحه ولالا؟
نوره : يعني صامله؟
ريتال : اكثر مما تتوقعين
نوره ضحكت: خلاص يانشبه بنجي بنجي
ريتال نقزت بحماس: يسسس ياهووو
طارت برا وهي تضحك ومستانسه ..فكت الباب بقوه ع البنات
سلمى فزت: ووجع ريتال اعرفي افتحي
ريتال وهي داخله الغرفه: انطمي بس تدرون انهم جاين؟
ترف استانست: الله حتى جده!
ريتال :اي طبعاً المهم سلموه
سلمى لفت لها: لا
ريتال بقهر: ياحاسده وراحت لترف
ترف : وش تبين؟
ريتال: اتصلي ع ام العنود وكلميها انن ماما وعمه وجده رايحين؟
ترف بهدوء: وليه يابعد حيي ماتدقين انتي؟ مب الاقناع لعبتك!
ريتال بغرور: طبعاً لعبتي دقي وعطيني
