نكمل.
.....••.....
دخل ابو تركي الخيمه : السلام عليكم
عبدالله فز: ياهلا ياهلا وعليكم السلام تعال ياخوك راح له
وسلم عليه
وبعدها قامو العيال على طول يسلمون عليه وجلسو معاه
وتركي ومشاري نفس الشي سلمو عليهم
...••....
واتجهو لعند العيال وقعدو سوالف
سند بهمس : ياتركي جبته؟
تركي وهو منزل صوته :ايه جبته ولو عرف ابوي والله لنروح فيها لاحد يدري بس
مشاري ضحك : والله لو يعرفون ان سمعتك بتطير عند الشيبان اهجد بس فيصل بضحك : ولاحد بيقبل فيك ويزوجك بنته انتبه
تركي ضحك : انت هذا الي همك
سند : اسكتو الحين بينتبهون عليكم وبرضو انا موصي العيال يسوون لنا جلسه بعيده عن الخيمه هنا يعني حتى ممكن نطلع برا المزرعه وبيكون الكل موجود
فارس : خير مافعلت ياخوك
وكملو سوالفهم مع بعض وتخطيط لسهرتهم
.....••....
قبلها البنات كانو جالسين لين انتبهو على السيارتين الي داخله وعرفو انهم هم وقامو على طول متحمسين
سلمى وهي تنط : يمه اخيراً عنوديي جتت
نزلو من سيارتهم وعلى طول دخلو عند البنات
العنود ركضت لسلمى على طول وهي تحضنها : ياحماره اشتقت لك
سلمی بادلتها : مب قديي والله
ترف وسدیم راحو عند ام تركي سلمو عليها وبعدها حضنو البنات الهنوف وديما ام تركي من اول ودها تشوف ريتال لاكن ماشافتها
سالت عنها فرح : وينها اختك ماشوفها
فرح انتبهت انه فعلاً مب موجوده بينهم : اكيد بتجي خالتي
ام تركي هزت راسها وجلست عند نوره
وهي تقول :كيفك يام محمد عساك طيبه
نوره ابتسمت: الحمدلله ياحبيبتي انا بخير انتي كيفك
ام تركي : الله يعطيك العافيه وحنا بعد الحمدلله بخير ونعمه
نوره :بضحك متى يجي دورنا يالعنود بذي الأحضان
العنود لفت من سلمى وضربت راسها : سامحني خالتي والله من شفت سلمی نسیت
سلمی راحت عند ام تركي وسلمت عليها
وهي تحييها
نوره : ماعليك عارفين كيف تعزون بعض
العنود ابتسمت وراحت لها وتبوس راسها وتسولف معها ودقايق دخلت عندهم ريتال وهي تلقي السلام
ام تركي ضحكت :وعليكم السلام الا مابغينا نشوفك وينك فيه
ابتسمت ریتال وراحت عندها : اعذريني والله انشغلت شويه
فرح بضحك : قولي لهم وش كان شغلك
ام تركي ردت لها: ماعليك يابنتي الله يعينك
ابتسمت لها ريتال وراحت عند البنات
ديما بضحك : جتنا المشغوله يلا هاتي وش اشغالك
ريتال شمقت فيها وناظرت ديما: ماعليك منهم بس لاني بدلت ملابسي
كملو البنااتت الوضع لين تذكرت
منال الغداء وفزو بسرعه وجهزو وودوه لهم وجلسو اكل من كل الجهتين وجيت وزي اي وقت ثاني خلصو ورتبو المكان
اذن المغرب وصلو ورجعو يتقهوون ومكملين الجلسه
...••....
في الخيمه عند الحريم ترف همست لسدیم :سدیم بنت شرايك نطلع الحين والله انه اهون من بعد العشا
سدیم هزت كتفها :مدري انا معاك بس البنات يبون بعدين
ترف قامت عندهم وهي تتكلم معهم بهمس : بنات لاتستهبلون خل نطلع الحين لان لو نقعد لليل ع قولة الست سلمى ننتهي تخيلو نضيع او يصير شي ؟
العنود : ياترف اشبك خوافه كذا ؟ بعدين ترانا بنطلع للمزرعه مارح نبعد عنها؟ والحين لو يطلع جدك او احد ننتهي فاهمه ولا
ترف : بكيفكم انا اليل ماني طالعه الحين بقوم اسوي لفه وارجع
ريتال فكت الفنجان :انتي تبين تضيعين روحي الله يستر عليك ترا الحين برا فاضي مافيه احد
ترف اخذت طرحتها : احسن من اقعد لاخر الليالي والقم صدق
سدیم شافت انه من جدها سحبت الطرحة حقها ولحقتها : ترف انتظري العبايه؟
ترف ناظرت وراها مافيه احد يلاتعالي
سديم لحقتها : تمام خلينا نروح عند الخيل ونرجع مانبي نبعد الله يهدي سند ماحصل الا ذي المزرعه الي تتحركين خطوه تنسي وين كنتي قبلها ضحکت ترف : تمام يلا تعالي اساساً لما تسابقو العصر ماشفتهم مع انه كان ودي مره
سدیم :ايه بس اخوي فاز ع اخوك
ترف ضحكت لها : والله عاد لاتقولين اخوك لو تتذكري صار زوجك انتي
سدیم انحرجت وحاولت تغير الموضوع : اذلفي بس يلا تعالي شوفي النور هناك توجهو عند الاسطبل حقه
دخلت ترف هناك ومن شأفتهم لاارادي قلبها بدا يدق بسرعه وقالت وهي مذهوله : ياتبارك الرحمن بسم الله مشاء الله سدیم هذا وش؟
سدیم ضحكت عليها : بسم الله عليك انتي هذي خيول
ترف وهي تلف حولها ماشافت احد على طول راحت لعند الاصيل لانه الوحيد الي لفت نظرها من دخلت : اسمعني لك حيل تتحمل وزني !؟
سدیم انفجعت :مب وقتك ترف امشي
ترف ماهتمت وفتحت الباب للاصيل
وطلعت لين صارو برا وجت بتطلع فوقه لاكن وقفتها
سديم :ترف اول شي خلينا نمشي تكفين لاحد يجي وحنا هنا
ترف ناظرت فيها وابتسمت: سديم شرايك تدخلين تاخذين واحد وتجين نتسابق ؟
سدیم نفت الفكره من راسها :مابغى امشي بس
ترف :کشرت قاتلة المتعه اجل تعالي وراي وبس
سديم بقلة حيله : يعني قولي لي صامله تتمشين فيه
ترف ابتسمت : اکثر مما تتوقعين
سدیم تنهدت : اجل انتظري هنا بروح اجيب الادهم
واجي ترف ناظرت فيها : تعرفينه؟
سدیم هزت راسها : ايه العصر جيت مع سند هنا وعلمني فيهم كلهم
ترف وهي طالعه فوق : وهذا المزيون وش اسمه؟
سدیم بخبث : لو اقولك معاد رح تشوفينه مزیون
ترف ناظرت فيها بنظره مفهي؟
سديم وهي تدخل من جديد : ذا الاصيل
ترف شهقت وكانت بتنزل بس رجعت فكرت : مع نفسه انت مزيون مالك دخل براعيك بسوي لك الحين رحله تعجبك قالت كلامها
ببتسامة وهي تربت ع ضهر الاصيل
جت سديم وهي فوق الادهم وتمشيه ببطء مره عشان يطلعون بهدوء
ترف لفت لها هي والاصيل بشكل كامل : ايه هذي سديم الكفو يلا تعالي نتسابق سديم
نفت لها : انا جبته ابي اتمشى فيه انسي اني اسابقكك
ترف بطفش: لو اني جايبه ريتال بدالك اهون لي امشي بس
بدو يطلعون من مكان الخيول بهدوء وهم يسولفون بخفيف ومنتبهين للطريق
وماننسى قد ايش ترف تعلقت في الاصيل سدیم ناظرت الا وهم قربو لعند خيمة الحريم : ترف حبيبتي شرايك نرجع
ترف کشرت: سدیم والله ماصار لنا الا ١٢ دقيقه
سدیم ضحكت :واحاسبه بعد ادري انه مالنا الا١٢دقيقه بس قربنا للخيمه هيا نرجع
ترف ناظرت فيها : سديم انتي قدها؟
سدیم وقفت الادهم : وشو الي قده؟
ترف وقفت الاصيل جنبهم بالضبط : اسمعي نتسابق الحين والفائز له مبلغ بقيمة ٥٠٠ ريال موافقه؟
سدیم ضحكت :وين تبين نتسابق هنا البنات بيشوفون وهناك العيال ماعندك مكان
ترف لفت حلوها تتاكد من المكان وانتبهت انه في مساحه كبيره ورا خیمه البنات : شوفي نبداء من هناك لين هنا كانت تتكلم وهي تاشر على وراء الخيمه لین المكان الي هم فيه
سديم: بس قلت لك بيسمعون لانه قريب شوي؟
ترف : ماعليك منهم هيا بس شوفي والله المساحة كويسه ولو تبين نلف حولها ثلاث مرات والي توصل في الرابعه هي الفايزه
سدیم ضحكت : تم قدام بس استعجلي ترا شوي وياذن
ترف ابتسمت : افا عليك بهزمك بسرعه ما احتاج وقت
سدیم بغرور: حبيبتي معاك اخت خیال عبالك ماتعرف للعلوم ذي
ترف تمسكت في الاصيل ونرفعت معاه على فوق تعرفونها الوضعيه صح المهم ارتفعت معاه وهبطو سوا وقالت لسديم الي بعدت هي والادهم
شوي : ترا الساحه ساحتي والعبه لعبتي لاتنسين.
سدیم ضحكت : والله ياترف يوم عن يوم اكتشف فيك اشياء جديده
ترف ابتسمت لها وقالت :اجل يلا ياشاطره نبدا
تعدلو كلهم وصارو مستعدين للانطلاق الا تطلع لهم
ريتال وهي ماسكة جوالها تبي شبكه تسمرت مكانها لين انتبهو عليها وسكتو منتظرين هي تتكلم ریتال باندهاش :يازق هذا وش؟
ترف ضحكت وتقدمت هي والاصيل لعندها : وش تشوفين بنسوي سباق ع ٥٠٠ ريال
ریتال بسرعه : هي هي هي ونا بعد ابي فلوس انتظرو والله ابي اشارك معكم
ترف : لاحبيبتي مره ثاني بعدين جيتي بوقتك نبيك تحكمين مين الفايز
ريتال بحماس: تمام اصبرو اجيب البنات واجيكم
سديم تقدمت مع الادهم : اشش جيبيهم ونتي ساكته لاحد يجي من الكبار
.....••.....
دخلت ع طول عندهم وهي تحاول كل مره تروح عند وحده وتهمس لها عشان يفهمون ووضحت عليهم علامات الدهشة والحماس وجو بيخرجون بهدوء
الا نوره توقفهم : ع وين رايحين !
لفو كلهم عليها وعرفو انهو تورطو
العنود بربكة: ابد ولاشي بنطلع نتمشى هنا شويه لين ياذن ونجي نضبط معاكم العشاء
سلمی توترت :ايه صادقه العنود
ریتال ضحكت بتسليك : هههه يعني وين رايحين
الهنوف حاولت ترقع : ايه والحين خلونا نطلع
وفعلاً تحركو بغو يطلعون الا لطيفة توقفهم : وين رايحين كذا؟ فرح لفت بهدوء وربكة : ليه وش فينا ؟
لطيفة تنهدت : البسو عباياتكم لاحد يطلع ونتم كذا
الكل ناظر بعض وفعلاً ماكانو لابسين سلكو لبعض بالضحكه وبدو كل وحده تلبس عبايتها بسرعه
نوره بحده : ترف وسدیم وین؟
ريتال وقفت وارتبكت :يمكن برا قبلنا مدري
نوره قامت : زين اجل يلا كلنا نطلع برا دام الكل طلع
البنات لفو بنفس الوقت وصرخو بكلمه لاء
منال ولطيفه ونوره وام تركي كانو قايمين وحرفياً من الفجعه رجعو جلسو منال بخرشه: الله ياخذ العدو اشبكم كذا ؟
نوره بعصبية : وش عندك انتي وياها تصارخون طيحتو قلبي
البنات ماغير يتبادلون النظرات وعرفو انه مافيه مفر رح يطلعو وبس وصارت رجعت نوره وقفت هي والباقي وكانو الكل طالعين
الا نوره وقفت من الصدمه : ترف سدیم
ترف وسديم الي كانو سوالف منتظرين ريتال لفو هم والخيول مره وحده وبفجعه
ترف وهي قامطه : جده عمه امي وش مطلعكم بذا البرد ؟
منال ببرود : الكلام لكم
سدیم هزت راسها : ابد نلعب
نوره : اها يعني كذا لعب ؟ وش تسوون عندكم ؟
ترف تنهدت : ابد مسوين سباق على ٥٠٠ ريال
ام تركي بهدوء...
انتهى البارت
