نكمل
....••...
وهو يقول بصوت نازل بس مسموع لها: كأنّما الحُسن أمسى فيك مجتمعاً
فسأل مُحياك كم أخجلت من قمرٍ ؟
سديم فزت من صوته الي قريب عنقها:وه يمه!
فارس ضحك عليها وجلس جنبها وبعد يدها الي حاطتها ع صدرها ومسكها : بسم الله عليك يامي انتي
سديم وهي تبعد يدها : مالك داعي صراحه شايف اني وحدي طب قول احم ايشي!
فارس :ماكنت ادري بك سمعتك تسولفين قلت اجي اشوف زوجتي مين الي اعطته حق من حققوقي؟
سديم ابتسمت له: ولااحد جالسه اصور لصديقاتي اضافري
فارس ناظر يدها واخذها وباسها :مادري اقول ياحظهم او انا الي ياحظِ؟
سديم ابتسمت:لا انا المحظوظه هنا
فارس عيونه تلمع : تدرين سديم وش الي افكر فيه
سديم قفلت جوالها ولفت عليه: وش تفكر فيه
فارس بهدوء :ماكنت متوقع بيجي اليوم الي اجلس معاك كذا ونسولف سوا كذا بدون قيود وحدود!
سديم ابتسمت له وهي تشد على يدينه: حتنا مافكرت فيها بس الحمدلله وش نقول بعد
فارس وهو يتأملها : طيب ليه هالكشخه كلها؟
سديم:عساس عارف اني بروح انا والبنات لبيت ابو تركي
فارس هز راسه وهو يتنهد : إنّي أغارُ على محاسن وجهِهِ
من ناظريَّ فكيفَ باقي الأَعين؟!"
سديم ضحكت: والله طلعت شاعر اليوم كل كلامك قصايد
فارس ابتسم لها وهو يقوم: لعيونك نصير احلا شاعر وش فيها؟
سديم :خلاص كفايه بروح انادي البنات يجون
فارس هز راسه: انا برا ناديهم وتعالو
.......••......
دخلت عليهم: بنات البسو فارس برا بيودينا هو
ترف بضحك:الله يالدنيا صارت زوجة فارس تنادينا
سلمى وهي تلبس النقاب: مره حلوينن مع بعض الله يديمكم
ريتال : منجد والله كنت اتوقع ترف وزوجها يكونو ثنائي كيوت بس شكلي غيرت رأيي
ترف ضحكت: ونا شكووووو
سديم وهي منحرجة منهم: خلاص كلو زق هيا
راحت تلبس نقابها عند المرايه وطلعو كلهم لبرا وحصلو فهد وفيصل مع فارس
فيصل اول مالف على فرح قلبه دق بشكل وراح لها : اخيراً لقيناك
فرح ابتسمت: ترا كله نص يوم حتى مب يوم كامل
فيصل مسك يدها ومشى معاهم بس تأخرو هم الاثنين شويه عشان يكونون اخر ناس
فيصل لف لها:ودك نطلع بكره؟
فرح :فيصل شرايك الطلعات ذي بعدين
فيصل عقد حواجبه: وليه ؟
فرح لفت وجهها له: مدري ترا احنا بالديره؟ مو حلوه
فيصل : ماعجبني عذرك هاتي غيره
فرح ضحكت بخفيف:امانه فيصل عشان خاطري خل نأجل الطلعات ذي
فيصل وهو يسمع ضحكتها: خاطرك عنّدي مو مثل غيرك
خاطرك يسوى ترى مليون خاطر
فرح ابتسمت وهي تشد يده
فيصل : بسالك سؤال
فرح :همم
فيصل غير رايه لانهم وصلو :خلاص بعدين وصلنا
فرح لفت ع البيت ورجعت نظرها له : متاكد؟
فيصل هز راسه: اي اي يلا ياحلوه ادخلي
فرح فكت يدها وراحت مع البنات
.....••....
استقبلتهم العنود والهنوف وسلمو ع الباقي وجلسو مع بعض
بالصاله جات الهنوف وهي معها المويه: بردو ع قلوبكم ياحلوات
ترف وهي تاخذ منها: تكفين والله محتاجتها بارده كذا
ضحكت عليها وعطتها وعطت الباقي وجلسو سوالف
ديما ضحكت :فرح ماقد شيكتي ع القروب ؟
فرح لفت عليها: اي قروب؟
ديما : القروب الي بالسناب
ريتال بهمس: الله لاوفق عدوك ياديما
فرح لفت لريتال وهي تهدد فيها : والله والله والله ماتسلمين مني لو اشوفك مرسله عني شي ياريتال
ريتال ضحكت بتوتر: لاشدعوه مارسلت شي
فرح مسكت جوالها بتفتح سناب وجت ريتال : لاتفتحين هنا
فرح بعدت يدها وفتحت وهي تشاهق : ريتال يا وسخه
ريتال كانت مرسله مقطع عن فرح وفيصل وهم يمشون وماسكين يد بعض وكاتبه عليهم كلام
ترف ضحكت: فاتني والله منظركم بس بالله شيكو ع اخر سنابه بعد
فتحوها البنات ولقيو ريتال مصوره العنود بملصق يضحك وهي تسلم ع سلمى
العنود شهقت: ياكلبه
ريتال نطت من مكانها وهي تشوف العنود جايه لها
فرح شافت العنود: امانه العني خيرها عني وعنك
ريتال حطت رجلها تهرب والعنود وراها وراها وكل مكان تدخله ريتال العنود معها
ولان البيت فاضي مافيه الا امهم لما جو هي كانت طالعه لعند ام ماجد واخوانها طلعو مع فارس وفهد وفيصل لما جو
ريتال دخلت اخر غرفه شافتها وتقفلت هناك
العنود تدق الباب : ريتال اطلعي
ريتال وهي تتنفس بسرعه: والله ماطلع تبييني اموت
العنود ضحكت: اطلعي بس انتي بمكان ماقدر احوسه
لفت ريتال للغرفه وعرفت انها مب غرفه وحده من البنات لان الديكور وساعات رجاليه ودولاب فيه ملابس رجاليه وعطورات رجاله وكلشي كان رجالي
وبهمس: لمين هالغرفه؟
العنود وهي تطبل ع الباب: لتريك افتحي بس
ريتال بهدوء: لا مارح افتح لين تحلفين ماتلمسيني
العنود وهي تتنهد: ماش لاتحاولين لان انتي رسلتي بالقروب الي فيه هناء وهيفاء وندى مستحيل اسامحك اطلعي بس
ريتال ضحكت: اها يعني عشانهم اجل ماني طالع ماني طالع
العنود كانت بترد عليها بس جوالها دق
فتحت : هلا تركي؟
تركي وهو يتنفس بسرعه: جيبي لي ملابس بسرعه
العنود بخوف : بسم الله ليه صوتك كذا
تركي وهو يطمنها:مافيه شي بس كنا نتسابق بخيول فهد بدون لبس حمايه ف عرقت والحين انا بالحوش جيبي ملابسي مارح ادخل
العنود ارتاحت وبصوت عالي: اي بس فيه احد مقفل غرفتك
تركي استغرب: ومين دخلها؟
العنود كانت بترد الا الباب انفتح
ريتال كانت تسمع كلامها واستحت بشكل وطلعت ع طول : تافهه تراك خلاص فتحت
العنود ضحكت وتعدتها ودخلت الغرفه: حسابك بعدين ياحلوه
تركي بهدوء: مين ذي؟
العنود وهي تفتح دولابه: ماحد وش تبي اجيب لك؟
تركي : جيبي ثوبي الكحلي وشماغي الابيض اي وصح جيبي لي باقي اغراضي من الحمام حق مشاري وجيبهم للمجلس حق الرجال
العنود : تمام تبي عطر؟
تركي : اي شفتي الي من درعه وود لايت؟
العنود : شافته خلاص تمام جايه
جهزت العنود اغراضه وتعدت ريتال وهي تضحك على ملامحها وراحت طالعه برا
وريتال رجعت للبنات ولاكأنها سوت شي
.....••.....
دخلت المجلس وشافت تركي هناك يفسخ الثوب حقه دخلت : خذ اغراضك كلها صح؟
تركي وهو يشوف الاغراض: اي كلها
العنود همهمت له وبتخرج لاكن وقفها تركي :عنوده
العنود لفت له: دام اسمي تغير يعني فيه شي؟
تركي ضحك: لابس سؤال
العنود قربت له: وشو؟ هالسؤال
تركي نزل نظره لساعته يفكها: مين الي كانت بغرفتي
العنود ضحكت: ذا الي شاغل بالك؟
تركي ببرود: ماحد شاغل بالي بس اسال كذا !
العنود :همم حلو اجل انا رايحه
تركي وقفها: حماره انتي؟ طب جاوبي
العنود هزت راسها بطفش: بنت سعود ياتركي بنت سعود
تركي ابتسم: اي وحده فيهم
العنود وهي تطلع: مالك شغل
تركي رفع صوته: اوريك انا بعدين
خلص اشغاله ورجع مع العيال
.......••......
الساعة ١٠ -بيت ابو تركي
الهنوف :بنات الحين متى بترجعون؟
ديما بحزن: بفقدكم وجداً بس جد متى راجعين
ترف وهي تحط فنجانها: والله يبعد روحي مطولين شكله
العنود لفت عليها: جد والله؟
ترف : اي قلت يمكن
ريتال وهي تهز فنجانها: انا برجع بعد فتره
الهنوف: ليه؟
ريتال: حفلة تخرجي البنات اتفقو تكون بعد اسبوع يمكن
العنود: اي ورايحه خلاص؟
ريتال هزت راسها : لا قالت لي ماما اروح مع فارس ونرجع سوا بعد الحفله
ترف بحماس: وش رايكم نروح كلنا ونرجع؟
العنود ضحكت: انسيها حبيبي
سلمى: منجد ذي لاتفكرين فيها
سديم: ليه؟ عادي
ترف :منجد عادي؟
العنود: لاياروحي انتي مب عادي؟ عندتس بس عادي
ترف وهي تقلدها : ونتي علامتس تعارضين ؟ ماتدرين لعلهم يوافقون؟
الهنوف: والله شكلك مب مستوعبه انك بالديره؟
ترف مسكت يدها: اوف هنوف ع الاقل انتي؟ بعدين تخيلو احنا بالبنات بس ببيت لحالنا ؟ نفلها وربي سهرات وطلعات تخخيييلوووو!
ديما : لايروحي ممكن انتي وخواتك تروحون بس احنا لا
سلمى: انا ممكن امري يمشي مع البنات بس والله جازت لي الفكره!
العنود ضحكت: لو تسمعك ام ماجد تنصرع
ريتال :ليه؟
العنود: بتقول خربو سلمى ومالهم الا اسابيع؟
فرح: والله يبنات الفكره مره حلوه وزياده انا بقابل صديقاتي لانهم جايين هناك
الهنوف: اي بس حنا لو نقول لهم بيرفضون
سلمى: معليه نخلي الي عندنا يقترحون عليهم وشوفي كيف
ديما : تمام بنشوف الا بس احنا؟ ولا بتقولون لهيفاء وذولي
ترف: لالا بس احنا
سلمى: اجل ع خير لين الاسبوع الجاي
......••.....
مر الوقت ع الطرفين لين صارت الساعه١١-بيت ابو تركي
ترف وهي تلبس نقابها: والله ماقصرنا ثلاث ساعات
الهنوف ابتسمت: ولاحسينا فيها عيدوها تمام؟
سلمى: ان شاء الله يلا فهد برا طلعنا
ودعو بعض البنات وطلعو من هناك وكانو العيال منتظرينهم
فهد رفع راسه ثواني اول مافتح الباب يحسب ان البنات هم طالعين بس كانت
هالثواني احلا ثواني حياته
لمحها ولو انه ماشافها كامل الا ان قلبه عرفها وعرف انها هي نفسها
"العنود" وياكثر الحُب بقلب فهد لها ولعيونها الي حافظها من كانو صغار ومع بعض لين الحين
مشت له سلمى وهو شارد : فهد؟
فهد بهمس : ورأيتها وياسعد قلبي حينها
سلمى : قلت شي؟
فهد انتبه عليها: لالا امشي
سلمى لفت لوراء: انتظر البنات يطلعون كلهم
ثواني والكل كان موجود وتحركو يمشون ويسولفون لين وصلو البيت
دخلو
........••......
الساعة ١-الليل-غرفة البنات
مكان فيه احد صاحي غير سديم وترف
سديم تهمس لها: شرايك نطلع؟
ترف : وين؟
سديم: مدري اي مكان اهمشي نطلع لايصحون علينا ذولي
ترف هزت راسها ومشو بشويش لين طلعو من الغرفه
ترف لفت لها: سديم تخاوين؟
سديم ضحكت: طالعه من هناك عشان اروح معاك اكيد وين بس؟
ترف بهمس: ورا البيت ؟
سديم : بس ترف حنا بالليل !
ترف :ياغبية ومين بيجيك ترا البيت وش كبرة؟ نروح ونرجع
سديم: لالالا ماشفتي نياق جدي كيف يخوفون ولا ناقة سند وربي تجيب لي مغص من الخوف
ترف ضحكت: ناقه سند؟ معاه ناقه
سديم ابتسمت: اي معاه وحده مخليها عند جدي بس حجمها يخوف
كبيره مره
ترف: وش اسمها؟
سديم : سلطانة
ترف : تحمست اشوفها
سديم دفتها: الصباح هيا الحين السطح وبس
ترف: تمام بس اصبري نروح المطبخ نجيب لنا ايشي !
سديم : تمام امشي بشويش لاحد يصحى علينا
.......••.....
خذو لهم كلشي يبونه وطلعو السطح وفرشو الفرشه الحمراء الي ورا الباب
وجلسو يسوون لهم مكان حلو وجلسه
ترف وهي تناظر المكان: تكفين يجنن احس بخليه مكانا الخاص؟
سديم هزت راسها: تمام هيا اجلسي
جلسو هناك لفت لها ترف: سديم الحين بسالك
سديم لفت لها: وشو
ترف :الحين لما تتزوجين بتنقلون انتي وفارس؟
سديم ضحكت: اي ليه؟
ترف برجاء: امانه سديم اجلسي عندنا والله مافيه احد بالبيت غير زوجك وعمك عادي !
سديم ابتسمت : ان شاء الله خير
ترف : يعني موافقه ؟ لايغرك ترا المشاكل الي تجي بين زوجة الاخ واخوات الزوج ترانا غير؟ شوفي كيف الكل فرحان فيك ماما لو تبين عيونها عطت وانا وفرح وريتال خواتك اساساً معاد فيه الا انا وريتال ونتي وماما وفارس وبابا؟
سديم ضحكت: كل ذا عشان اقتنع؟
ترف ضحكت: اي قلت يمكن اقنعك
سديم غمزت لها : يمكن ماتطولين هناك ليه تحاولين
ترف كشرت: ياشينك انتي وتلميحاتك خلاص يماما
سديم ضحكت: تمام تمام لاتبكين
ترف: نننن انطمي بس
سديم تنهدت: خلاص بعدين افكر الا انتي وش اخبارك ؟
ترف: وش اخباري يعني؟
سديم بهمس: بقولك شي سمعته من ماما بس امانه لاتنفعلين؟
ترف : وجع خفت وش سمعتي؟
سديم : سمعت ان ابو خالد خطبك!! وش قولك عنه
ترف تنفست: اها تقصدين ذا ؟ مافكر صراحه
سديم: تدرين يعني؟
ترف بهدوء: اي ادري سمعت جدة وماما وسلمى سوالف
سديم كشرت: ولا قلتي لي؟
ترف ابتسمت: جايبتك هنا عشان اقولك لاتخافين
سديم: بمشيها لك ذي المره الا وش قولك عنه!
ترف : سديم ماعرف تدرين اني مافكر بزواج الحين؟
سديم: وليه ؟
ترف : مدري مابغى اتزوج وراي جامعه ترا ذي ثاني سنه؟ باقي لي
سديم: عادي حتنا معاك وتزوجت وش فيها؟
ترف: مب كذا ماوقفت ع الجامعه وبس انا مابغى خالد
سديم ابتسمت: متاكده؟
ترف رفعت عيونها: اي متاكده
سديم ضحكت: اجل من تبين؟
ترف اكلت بسكوتها: محد!
سديم خلت الي بيدها: ترف ترا مانسيت كلامنا زمان من كنا صغار
ترف ارتجفت: اي كلام؟
سديم تنهدت: كلامك عن سند تحسبين فاتني وضعكم؟
ترف : انطمي عساس ناسين؟
سديم ضحكت: والله المعذره منك ماقدرت انسى بس بقولك شي
ترف: وشو
سلمى: اذا تبين تعرفين شي عنه شوفي سلمى
ترف خلت الي بيدها: اوف سديم وبعدين ! ماحبه ولا ابيه فهمتي؟
سديم بسرعه: مع نفسك تحسبين ماشوفكم يعني! سلامات انتي وهو كل واحد اعند من الثاني تدرين ان ابوي كل يوم يزن عليه يشوف حياته؟ والحين انا وفيصل بنتزوج تحسبين بيخلونه؟ والله لاينشبون بحلقة لين يتزوج
ترف بهمس: ونا وش دخلني يروح يتزوج
سديم تنهدت: ترف ياحماره صحصحي؟ تراه سند! سندك
ترف حست وكأن بطنها بينفجر: سديم لاتزيدينها علي!
سديم بهدوء: ترف استوعبي ياماما انتي لايروح كذا؟
ترف : سديم انا مابغاه افهمي!
سديم هزت راسها: ترا الموضوع واضح يا انك سامعه شي يا انك شايفه شي
ترف ببرود: ماسمعت شي ولاشفت شي بس كذا خلاص قفلي ع الموضوع
سديم : تمام براحتك بس لاسمعتيه خطب لاشوفك تزعلين
ترف شردت وهي تفكر : م عليك مارح ازعل بالعكس
سديم : تمام وخالد وش خبره؟ ترا اكيد ابوك بيفاتحك بالموضوع
ترف تنهدت: اخخ سديم خخ مادري مادري
سديم ضحكت: لو توافقين عليه بفقع عيونك
ترف هزت راسها: ليه؟
سديم: ترا واضح خواته حقين مشاكل وعايلتهم ماتنبلع
ترف ابتسمت: تمام اوامر ثانيه اخت سديم؟
سديم ضحكت:لا سلامتس
ترف بتقليد لها :الله يسلمتس
......••.....
كملو سهرتهم هناك وطلعو كلشي بقلوبهم ولابقو حاجه لان من جو الديرة وهم ماجلسو هالجلسة
الساعة ٣:٠٠-السطح
سديم فزت: يالله
ترف انفجعت : وش بك انتي؟ انهبلتي
سديم بفرح: سند جاي قالي ربع ساعه بالكثير وهو هنا
ترف بهدوء: الي يسمعك يقول راح سنين مب كم ساعه
سديم جلست: مالت عليك ترا ماتدرين وش قالي قبل يروح
ترف ضحكت: ووش قالك يبعد روحي ؟
سديم ابتسمت: بنطلع البر الليل ونرجع الصباح
ترف بهدوء: حلو استمتعو بوقتكم
سديم ببرود: تراك جاية
ترف : مالي حيل اطلعو انتو
سديم: مع نفسك الكل بيطلع وبقوله يكلم تركي وخواته ويمكن يمكن خالد يجي هو وخواته
ترف عقدت حواجبها: تركي واصحاب خالد وش دخله؟
سديم هزت كتفها: مدري تراه صديق فهد
ترف : حلو حلو اجل
سديم: المهم خل شويه وننزل عشان افتح لسند البوابه
ترف: تمام
......••......
فعلاً ماصارت الساعه ٣:٤٠ دقيقة الا وسند يرسلها تفتح البوابه
طلعت سديم بسرعه وبهدوء فتحت له عشان يدخل سيارته
طلع ما امداه يلف يسكر الباب الا وهي ناطه تحضنه ضحك عليها: بشويش بشويش
سديم ضحكت: لاتلومني ترا اشتقت لك
سند مسكها: عساس لي سنين ماشوفك توي الصباح عندك
سديم كشرت وبعدت: انت وترف ملاقيف تخربون الفرحه
سند ضحك: اي وش نسوي اذا عندنا وحده دراما كذا
سديم هزت راسها : ماله شغل المهم ترا مانسيت
سند : وشو
سديم بعدت: انه الليل بنروح البر
سند تنهد: ان شاء الله خلينا ندخل بس
سديم :تمام يلا ادخل انا بروح للبنت خليتها وحدها
سند استغرب: عسى وينكم فيه ؟
سديم تأشر له:فوق بالسطح
سند ببرود: يلا ادخلو داخل لاعاد تطلعون بذا الوقت ابدً
سديم هزت راسها وطلعت وعلمت ترف ولمو اغراضهم ونزلو من هناك
.........••.........
الساعة ٤-العصر
نوره وهي تحط الحناء بالارض : ترف سديم يلا تعالو
فرح جات قبلهم: معليش انا مارح اجلس اخر وحده تسوين لي اول
نوره ضحكت: وليه لا يابنتي اقعدي
جلست فرح قادمها وفكت لها شعرها
نوره وهي تساعدها: بسم الله لاحول ولاقوة الا بالله يلا نبداء؟
فرح لفت عليها: نبداء بس بالله ياجدة لاتقصرين فيه ترا اخر مره حطيت لما جينا وحنا صغار
نوره ابتسمت:عيوني لك ابشري يا يمه لفي بس
بدات تمسك الحناء وتحط ع فروة فرح وتدلك زين
ريتال جت وهي تتنفس بسرعة : ليه الغش ! كنت ابي اول وحده
نوره : اجلسي عندك لين اخلص بديت فيها خلاص
فرح ضحكت: تستاهلين يلا اجلسي زي المؤدبة عندتس
ريتال شمقت لها:لاتحاولين يروحي انتي مب لايق حرف السين ابدً
فرح : اعوذبالله من الغيورين اجلسي بس
ريتال مسكة جوالها وهي تفتحه
نوره: وين سديم وترف هم طالبين اسوي لهم؟
ترف من وراها: هنا هنا خلصنا
جلسو كلهم جنب ريتال كانو بالحوش وحاطين لهم الفرشه عشان مايتوسخ البيت حناء
فرح : جده ماخلصتي؟
نوره وهي تسوي لها ضفيره: الا الا خلصت يامي انتي الحين بلفه لك بكيس
منال جات وهي ماسكة القهوه والتمر: ماشاءالله تبارك الله كلكم اليوم بتتحنون
لطيفة من وراها: انتبهو البيت لايتوسخ بس
منال وهي تأكد : اي صادقه البيت لايجيه شي ترا انتو بتلمونه
ترف ضحكت: معليه يماما وعمه لاصار شي يقومون فيه سديم وفرح
ريتال : اي اي فرصه حلوه تشوفون سنع زوجات عيالكم
منال ضحكت: معليه انا عارفه انها سنعه م يحتاج
نوره : الا الا يحتاج الا مايجي اليوم الي يقومون بالبيت وحدهم لازم يتسنعون
سديم ضحكت: افا عليك ياجدة انا سنعه صح ماما؟
لطيفة: اي اي سنعه
الكل ضحك على سديم الي شهقت : ماما!
نوره ضحكت: والله شكله منال الي بتتوهق لان لطيفة جايتها زوجة ولد سنعه
فرح ابتسمت لها
لطيفة ضحكت: صادقه والله بس حتى منال ان شاء الله زوجة ولدها تتسنع
منال ابتسمت: والله ذا الجيل كلشي سهل عليهم مشاءالله عليهم ماهم زينا اول اهمشي يرتاحون هي وزوجها والباقي سهل
ريتال: ياحلوك ياماما
نوره: ريتال تعالي خلصت
قامت فرح من مكانها وهي تفسح مجال لريتال الي جلست وفكت شعرها
نوره بدت تسوي لها شعرها ويسولفون سوا وهم مب حاسين بالوقت
لين خلصتهم كلهم مابقي الا ترف
نوره لفت لها: ترف تعالي يمه دورك
ترف هزت راسها وراحت لها :اخيراً جا دوري
فردت شعرها تحت نظراتهم
لطيفة ابتسمت: بسم الله ماشاء الله ياترف ياماما حصني نفسك كل وقت
ريتال ضحكت:مافيها حلو الا شعرها
منال لفت عليها: ياكذبك ياريتال تروفتي بسم الله عليها تجنن
ريتال: اي اي امدحيها زياده
ترف ضحكت: الغيره شينة ونا ختك
ريتال: نننن اذلفي بس
نوره وهي تفتح شعر ترف: بسم الله ماشاءالله ترف لو اشوفك تمسكين مقص قصيت يدك
ريتال: لايدرون انك مخططه تقصين
ترف بسرعه: قصو لسانك
نوره بحده: بزعل عليك ولابكلمك لو تقصين
منال بهدوء: ماتسويها اصلاً ابوها بيقص راسها
ضحكت ترف: لاتخافون مارح اسويها اساساً انا احب شعري مره
فرح ابتسمت: اعترفي انك خايفه من التهديد
ريتال ضحكت: الحمدلله ع شعري الي لو احلقه صفر محد درا عني
نوره لفت عليها: حتى انتي ترا؟ لو اعرف بس
فرح ضحكت: ليتك ساكته ونا ختك كان قصيتي متى ماتبين
ريتال كشرت لانها كانت ناويه فعلاً تقصه
لطيفة بهدوء: والله يا بناتي زينة البنت بشعرها ونتو مشاءالله عليكم كلكم شعوركم تهبل لاتتهورون فيها واحمدو الله عليها
سديم : دُرر ياماما دُرر
......••.......
بنفس الوقت المجلس الي فيه الرجال
سند تنحنح : يبه عمي
لفو عليه سعود: هلا!
سند: اليوم بنطلع انا والعيال البر اذا مافيه مانع منكم انتو وجدي
عبدلله: انت ومين؟
سند: انا وفيصل وفارس وتركي ومشاري
محمد: تمام الله يوفقكم روحو؟
سند توتر كيف يصارحهم ولف ع الي يناظروه عشان يساعدوه
فيصل: بس مب هنا المشكله!
محمد استغرب: وش المشكله ؟
عبدلله: عسى ماشر؟
فيصل: لا يعني هو الموضوع ان خواتنا طفشانين مره من جينا ماشافو مكان غير المزرعه وتركي قايل انه يبي ياخذ اهله ف قلنا ناخذ اهلنا معنا دامكم مارح تجون؟
عبدلله حك جبينه: والله بكيف اهاليكم!انا ماعندي مشكله
سعود: عادي بس تنتبهون ع اعماركم!
محمد: صحيح ولو يجي لواحد منكم شي ياويلكم؟
فارس ضحك: ماشاءالله التوصيات ماجات الا لما بناتكم طالعين
محمد لف عليه: فعلاً بناتنا اهم!
فيصل كشر: افااا افا يبو سند افا صدق
محمد ضحك: قم قم انت ووجهك جهزو اغراضكم
عبدالله بحده: انتبهو على اعماركم وكل شويه تدقون سامعين؟ انتو رجال وكبار عشان كذا ماحد رايح معكم؟
فهد دق صدره: معليه يبه انا معهم يعني الوضع كويس وامان
عبدلله رفسه بعصاته: الخوف كله منك انت قم بس
ضحكو عليه اخوانه وطلعو من عندهم يجهزون كلشي يبونه
فارس: يعيال مايردون؟
فيصل :طيب اي واحد يروح لهم!
سند : روح فارس انت
فارس: طيب فهد؟
فيصل :يمكن امي او امك معاهم روح انت انسب شي
فارس هز راسه ومشى لجهة البيت ولاكن شاف انهم بالحوش راح لجهتهم
وطلع صوت لين انتبهو عليه لفت له
نوره :هلا فارس!
فارس:هلابك راح لها
......••.....
انتهى البارت.
