...............
راح فيصل لحديقه بيتهم وهو يدق ع سند منتظره يرد بس طول عليه شوي لين رد ب
سند وهو طفحان: خير فيصل شبغيت ؟
فيصل:بسم الله الناس تسلم اول بعدين وش بلاك طفحان.
سند:ياخي ذي الذبيحه الي مب راضيه تطلع
فيصل ضحك:ياحبيبي الزعول الي اناديهم يطلعونه لك
سند بنرفزه:اقول خل عنك سوالف السرابيت هذي وانقلع لا اطق فيك
فيصل: كنت بغير مودك شوي لاكن ماتستاهل اذلف يلا ترا ابوي مستعجل
سند:خل اجي لااعلمك كيف تتكلم مع اخوك الكبير ان مامعطت هالشوارب الي معك.
فيصل ضحك عليه وقفل منه ورجعه عند ابوه وعمه وفارس يسولف معهم ويمشي الوقت عشان ابوه لايعصب ع سند سه
.........................
دخل سند المجلس وهو يسلم ع عمه وفارس
ناظر فيصل :قم انت اطلع دخل العشاء داخل
فيصل:منت ناوي تتركني وماتساعدني صح
سند بغرور:اكيد ياحبيبي انا رجال مب مثلك قم قم خل ندخلها
فيصل بتهديد:ان جلست مكانك جيت علمتك الرجوله كيف
كان سند بيرد عليه وهو يضحك الا ان ابوه قاطع عليهم بعصبيه :خير خير انت وياه راح الحيا معاد به ؟ تتهاوشون عندي لا وقدام عمكم بعد ايا قليلين الحيا
سند بضحكه:معليش يُبه اسفين ونت عمي اعذرنا ع الي شفته في اول يوم لك بس هالحمار مايتوب
ابو فارس وهو يضحك: ابد ياحبيبي خذ راحتك ونا عمك قومو شوفو شغلكم
قامو فيصل وسند وهم يضحكون
ودخلو العشاء ورتبو هم وسديم مع امهم بما انه المساعده حقهم عندها اجازه ماقدرو يخلون امهم تشتغل وحدها وهم يرتبون السفره جت منال وهي تنادي ع لطيفه وتسالها
منال: يام سند ياعيني انتِ وش تحتاجين فيه اساعدك ؟
لطيفه بابتسامة:لا ياحبيبتي ارتاحي انتِ انا الحين اخلص مع العيال
منال : لاوالله وشهو له ارتاح وبعدين خلي العيال يروحون يرتاحون تعبانين وانا انادي لك البنات وبنساعدك
لطيفه وهي تبي تعترض :لا الله يهداك انا..
منال: لاحبيبتي لاتتعبين نفسك مارح اتراجع يلا ياعيني سند انت وفيصل روحو ارتاحو لكم شويه
سند باحترام :لاخالتي انتم ضيوفنا وواجبنا هذا
منال:الله يرضى عليكم ياحبايبي انتم بس زي ماقلت ولا ماني متراجعه
استسلموا لها وراحو معاد بقي الا هي ولطيفه وسديم ونادت بناتها
وكل وحده مسكت لها شي تسويه لين خلصو كل الشغل
وبدو يروحون بالصحون ع السفره الي كانت مجهزه من قبل وعليها نص الاغراض
لين خلصو ونادوهم للاكل وطبعاً البنات بعد بدو ياكلون لانهم مسوين سفرتين ولما خلصو رتبو المكان البنات ونظفو مع سديم وماخلو لطيفه ومنال يسوون شي كانو بالمطبخ كلهم معدا فرح ماسكه المبخره وهي تحط بخور
فرح:بنات انا خلصت شغلي باقي بس ابخر الصاله الي تعشو فيها
سديم :اي زين عيوني روحي سويها ورتاحي
فرح ابتسمت لها وراحت وهي تبي تبخر اول مادخلت المكان فاضي كله
بدت تمشي هناك الا انها تتبخر وتبخر الصاله وتغني دام مافيه احد اخذت راحتها ع الاخر وكان صوتها جمممميل وهادي بشكل لان المكان فارغ
.......................••.....................
فيصل كان مع سند برا وهم يسولفون سند ساله عن مفتاح سيارته اذا كانت معه
فيصل:لا والله انه داخل للاسف نسيته
سند بترجي:ادري بترفض بس عادي تروح له لاني بطلع ومعاد لي حيل ادخل جواء
فيصل رحمه لانه اشتغل كثير ذا اليوم:خلاص لاتصيح علينا الحين بدخل له
دخل وهو كله ناسي ومب عارف انه اذا دخل ممكن يفقد نفسه بشكل تام
.....................••.......................
عند فرح الي كانت مكمله تغني اغنيه لـ ابو نوره لاتضايقون الترف ..
وهي ماهي عارفه ولا داريه عن فيصل الي من دخل وشافها بذا المنظر ع طول صد وجهه وكنه تسمر في ارضه وهو يسمع صوتها لاقدر يتكلم ولا قدر يسوي شي غير انه يسمعها وهو كله حب وشوق لذا الصوت الي متربع بقلبه.
فرح خلصت الاغنيه وجات بتطلع الا هي تشوف ظهر فيصل وقتها جتها رجفه مب طبيعيه وكنه احد صب عليها مويه بارده وحست انها جاتها دوخه لفكره انها اجتمعت هي وفيصل بمكان وحدهم لا وهم مايحل لها اساساً
فيصل حس انها سكت وحاول يتدارك نفسه وطق ع الباب وهو يقول بكل ثبات :اذا خلصتي يابنت عمي ممكن طريق ابي شغله من هنا ؟
فرح وهي للان مصدمه: انت مب معقول والله تقعد كذا بدون ولا حركه ابعد عشان اطلع
فيصل ضاق خلقه لانه عرف انها فهمته غلط وماحب يناقش اكثر وطلع لين هي راحت ورجع دخل اخذ بسرعه وراح عطاه سند وهو للان متضايق
سند باستغراب:هي فيصل ايش فيك لونك مخطوف ؟
فيصل انتبه :لا ولاشي بس خذ مفتاحك وفكني بروح لفارس يوسع الصدر مب مثلك.
سند ضحك عليه:لا انت فيك بلا لاكن ونا اخوك مب فاضي الحين انا رايح لارجعت اتفاهم معك رح الحين لفارس يوسع صدرك
فيصل ضحك عليه وراح لفارس الي ناشب داخل مع عمه وابوه وسوالفهم
....................••..................
ولو نرجع لفرح ..دخلت ع طول للبيت وهي قلبها يطبل ووجها احمر بشكل للان مب مستوعبه كيف انها اجتمعت بفيصل
حاولت تلم نفسها زين ودخلت المطبخ ولاكنه صار معها شي جلست ع الكرسي الي موجود هناك تنتظر البنات مع انهم للحين مب منتبهين انها جت
...
لفت ترف الا تحصل فرح هناك قالت لها وهي ملاحظه وجهها كيف منخبص:فروح اشبك كذا ؟
فرح فزت واستوعبت:ابد حبيبي كملي انتي مافيني الا العافيه
سديم ناظرتها وهي شاكه:بسم الله عليك لونك مخطوف ليكون شايفه لك شوفه؟
فرح وهي تبي تسكر السالفه:لاحبيبتي مافيني شي المهم خلصو شغلكم بسرعه عشان يمدي نجلس سوا
ريتال وهي عارفه وش فيها:خلصنا يروحي معاد فيه الا الصحون ندخلها وجايين انتظري
خلصو البنات شغلهم كله وضبطو لهم جلسه بالحوش الخلفي وجالسين منتظرين ترف تجي هي والشاهي الي ماخلت احد يسويه غيرها
سديم بملل:هذي راحت تسوي شاهي ولا تذبح من جديد؟
فرح بضحكه:لاتستهينين فيها تروف ع انها تطول الا انه يجنن وله طعم غييير
ريتال :بذي صادقه ياان عليها شاهي وقهوه غير مع انو مره سويت زيها للكن حقها طعمه غير
سديم ضحكت:اي شكلو هذا الي يقولون عنه مصنوع بكل حب عشان كذا يزين
سكرت سوالف ترف الي جايه وهي معها صحن فيها اكواب وشاهي
وكلمو وهم يسولفون لين فتحت ترف سالفه غير وهي تقول : الا بنات معاد تكلمون عمتي سلمى والله انها واحشتني
فرح : اي والله حتى اشتقت لها ودي نروح عندهم
سديم : ابد حبيباتي ابشرو ابوي وعمي من بكره وهو قاشينا عندهم ومب مرجعينا الا بعد اسبوع اسبوعين
ريتال بنرفزه:اف بنات احب عندهم بشكل بس ياخي الوضع يخوف الليل ولما جدي يصبح علينا من بدري ولا ينومنا من بدري اهخ بس
ترف ضحكت: عاد انتي حكايه ثانيه انا عكس عنك احب الروحه هناك وحب الصبحيه عند جده بشكل ولا لما تحني لنا الله والله تبون الصدق انا بقول لابوي بكره نروح لهم
فرح بابتسامة:عاد انتي جد مدري وش ذا الحب للديره غيرك ينفر منها ونتي تبين هناك
سديم بالعانه:ابد ماشفت زي ترف وسند يحب الديره هالكثر حتى هو مرج روسنا يلا نروح واذا رفضنا يروح وحده تخيلو
ريتال تكمل لسديم :تكفين احس لايقين ع بعض ترف لو بيدها معاد قامت من عند جدي وجده ..
ترف:ريتال حبي لو تسكتين احسن لك تراه ومن صالحك
فرح حبت تغير الجو : ولا عمي فهد جد هو اكثر واحد واحشني
ريتال :حتى انا اشتقت له ولما يطلعنا
ترف : منجد هو وسلمى معطين البيت والديره جو بشكل .
سديم : اي منجد احس ببكي لو يتزوجون ويروحون من هناك
................••................
كانو الكل مندمجين بالسوالف ولاحسو بالوقت لين سعود انتبه ع نفسه وقام
سعود: اعذرني ياعين اخوك بس خلاص الوقت تاخر مانبي نطول عليكم
محمد فز يشوف الوقت الوقت وكان فعلاً الساعه صارت ١:٣٠
محمد بضيق: اي بس تو الناس تونا اجتمعنا خلكم عندنا
سعود : لا وين الله يهداك ونت ماقصرت اليوم واتعبناك اعذرنا والله
وناظر في فارس وهو يقول له :قم ياولد شف امك وخواتك وينهم
فارس فز يدق على جوال فرح لاكن ماردت عليه ودق ع جوال ترف ومن حسن حظه انه كان معها وردت عليه
ترف: هلا فارس
فارس: تروف ابوي يقول قولي للبنات وامي ويلا تحركو
ترف قامت:تمام انتظر بس ابلغ امي والحين جاين
سكرت منه وهي تقول للبنات الي قاله
قامت لها سديم وبضيقه :تكفين تروف لاتروحون خليكم شوي زياده
ترف : حبيبتي انتي بس لازم واصلاً متكسره والله برتاح
سديم: تمام دامك ودك تروحين بس بكره اشوف مرتزه عندي سامعه ولا
ريتال بضحك:اي وحنا لنا الله محد يقول لنا اقعدو ولا شي
جت لطيفه من وراها : ابد انتي حبيبتي انا بخليك اليوم عندي
فزت ريتال بخجل : لاعمتي حبيبتي كنت امزح
لطيفه ضحكت: اي يابنتي عارفه المهم ترا امكم جاهزه وتناديكم
راحو البنات ولبسو وطلعو حصلو فارس وابوهم ع طول راحو وراهم ودعو عمهم وراحو البيت وكل وحده فيهم راحت غرفتها لانهم خلقه تعبانين
................••...............
ببيت محمد محمد وهو بنادي فيصل جاء فيصل وهو يركض
فيصل:سم يُبه وش بغيت
محمد : وينه اخوك للحين ماجا؟
فيصل : والله مدري خل اطلع اشوف سيارته برا ولا
قبل يروح جت لطيفه وهي تقول :اي اي قد راح ونايم اساساً حا بدري بس كان فيه تعب حب يرتاح
محمد :زين دام كذا الحين الكل ينام بكره وراكم اشغال ويوم طويل
لطيفه:ليه يامحمد وش فيه؟
محمد: ابد بس بكره بنروح لابوي نجلس عندهم كم يوم عشان اخوي سعود
لطيفه بابتسامة: اي الحمدلله منزمان ع خالتي ودي اشوفها اشتقنا لها
محمد بابتسامة: اي الحمدلله الحين تجهزو ونت فيصل
فيصل : هلا بُيه معك
محمد: بعدين خبر اخوك ادري انه بيطير من الفرح
فيصل ضحك:اي اكيد الحين استودعكم الله تببون شي يبه يمه؟
محمد:لا ياوليدي رح ارتاح لك لين صلاه الفجر وفز
لطيفه:لايحبيبي روح ارتاح
دخلو كل واحد ع غرفته ونام الكل طبعاً سديم من اول ماراحو وهي نايمه
..........••..........
قام محمد الصباح وهو يصحي عياله وكلمهم قامو ويتوضون بيروحون الصلاه
ونفس الشي مح سعود الي فز اول مااذن وراح لفارس وقومه وطلعو كلهم وتلاقو عند الباب وسلمو ع بعض وكملو طريقهم سوا للمسجد لانه قريب مراه
...............••...........
خلصو الصلاه وطلعو وكان محمد وسعود بالمقدمه يمشون ويسولفون والعيال وراهم تذكر فيصل روحتهم وقالهم :هي عيال تدرون اليوم وين بنكون؟
سند ناظر فيه: وين بنكون؟
فيصل:ابد بنروح الديره عند جدي وبنقعد لنا فتره
فارس بفرح:الله واخيراً بشوف جدي وجدتي وفهد وسلمى منزمان عنهم
سند بنفس الفرحه: عاد انا مب مبطي عنهم قبل ٣ايام كنت هناك لاكن الشوق لهم وللديره الفف
فيصل ضحك:اي انت ما شاءالله عليك عايش قصه حب مع الديره
ضحك عليه سند وكملو طريقهم وهم فرحانين ويسولفون لين وصلو بيوتهم وراحو كملو نوم
نامو وهم كلهم امل ان يصحون ويكون لهم يوم جديد احلا من الي قبله...
............................
التكلمه👇🏻
