«..........»
جت سديم ركض لعند سند فتح يدينه بفرح وسعاده مايدري من وين
استغربت سديم بالاول بعدين ضحكت وركضت لحضنه وهي تقول : وش مناسبة الحضن الحلو ذا؟
سند ببتسامة:ابد اخو وحاب يحضن اخته الحلوه فيها شي؟
سديم بضحكة:لا مافيها شي بالعكس يديم هالاحضان الحلوه !
سند ضحك وبعدها: خلاص انقلعي الحين عند جدتي وقولي لها جدي يبي بخور عشان يبي نرتب العزبه
سديم بعدت: طيب تمام انتظر هنا
راحت عند جدتها واخذت منها البخور ورجعت تعطيه سند
اخذه ورجع ركض للعزبة عشان جده لايعصب انه تاخر
....................••.............
اذن المغرب العيال كانو خلصو نص الشغل الي هو الذبيحه وترتيب وكان فهد بياخذ حق الحريم لاكن عبدلله رفض وقال يخلونه يطبخونه مع حقهم وبعدين ياخذون الصحون هناك وفعلاً سووها وبلغ سلمى الي شوي وتطير من الفرحة وبعدها رجع عندهم وكملو الطبخ فا قسمو شغل العشاء نصين بينهم الحريم هناك كلمهم يطبخون الادامات ويخبزون الخبز والرجال بيسوون الذبيحة
وفعلاً اول ماوصلو حريم الديره كل وحده مسكت بيدها شغله وكان البيت حوسه
.............••........
جت سديم وهي ماسكة صحن فاضيه تبي توديها للحريم عشان يضبطون فيها :بنات مين قد ذاقت الجريش ؟
ترف وهي دوبها تقعد على الكرسي: انا ولله انه لذيذ
جت العنود وهي تنبه سديم: بنت ودي الصحن وبعدين نتفاهم على الجريش
ضحكت سديم وودته لهم ورجعت وجلسو البنات كلهم
...سديم ، ريتال ،ترف، فرح ،العنود،الهنوف ،سلمى ، ،دينا هيا ،ساره،رنيم،،ندى ،هيفاء ،هناء ..
كانو اغلب بنات الديره موجودين فا اجتمعو كلهم وقعدو بالارض ومسوين دائره ويسولفون كانو قراب من الصاله والمطبخ عشان لو احتاجوهم يسمعون
سلمى وهي فاطسه ضحك: هنوف تذكرين لما فهد حرق شعرك؟
الهنوف : اسكتي تكفين كل مااتذكر احقد عليه اكثر
ترف وهي تاكل عنب: يوه شكلو عمي مسوي مصيبه وش سوا يلا تكلمو
سلمى ضحكت: والله انه قصه لاكن بقولك بعدين الحين الهنوف تتذكر وتزعل
سديم صفقت: تمام يلا يلا نلعب لعبة لين يجي وقت العشا؟
فرح : يلاها وشهي؟
سديم قامت وهي تروح تجيب دبه فيها شويه مويه عشان تعرف تحركها : صراحه جراءه ؟
ترف بحماس: جوي يلا
الكل تعدل وبدت سديم تدور بالقاروره لين وقفت على سلمى والعنود سلمى بخبث: صراحه ولاجراءه ؟
العنود بغرور: شوفي حبيبتي انتي تربيتي على يدي اعرفك واعرف نذالتك باخذ صراحه
ضحكت سلمى بشكل قوي : يحيوانه انا اكبر منك؟؟؟
العنود : بسنه بس مايهم انا اعقل منك المهم اخلصي واسالي !
سلمى بالعانه: عشانك تقولين كذا امسكي سؤالي حبيتي كم مره من قبل؟
العنود بفشله:مالك داعي والله؟
هيفاء بضحك: ماقصرتي ياسلمى يلا ياحلوه جاوبي ؟
ندى: اي اكيديلا العنود كم؟
العنود بصوت ماينسمع : ولامره
سديم ماحبت تنحرج مره : خلاص الي بعدو لفت القاروره مره ثاني ووقفت على هيفاء تسال ترف: ترف صراحه ولا جراءه ؟
ترف وهي مكملة اكل: جراءه
الكل استغرب لانه لعبو من قبل مع هيفاء وودتهم داهيه وجت ترف الي ماتعرفها ولعبت معها هيفاء بخبث: اجل ماتعرفيني اسمعي العلم وش بيكون؟
ترف بتحدي: والله حبيبتي اعرفك او لا مايهم هاتي الي عندك
هيفاء :اوكية روحي عند خالتي ام فارس واطلبي منها ٥٠٠ شوفي تعطيك ام لا
ترف باستغراب : بس ذا ولا فيه ثاني واذا اخذتها وش اسوي فيها؟
هيفاء : اكيد مب بس ذا انتي شوفي اذا اول شي بتعطيك وبعدين انا اعلمك وش تسوين فيها
فرح بهدوء:بس هيفاء مالو داعي تخسرين امي ذي الفلوس عشان لعبه؟
ريتال وهي من اول مب طايقه هيفاء: صح ماله داعي اجلسي ترف
هيفاء بخجل : اسفه ماكنت اعرف انكم ماتحبون ذي الاشياء الصعبه بغير؟
ترف جلست:تمام عيني غيري عادي
هيفاء:شوفي انا بغير بعطيك سؤال لانو حالياً ماعندي فكره غير الي عطيتك؟
ترف: تمام ارسلي سوالك ؟
هيفاء: تعرفين اخوي خالد؟
ترف باستغراب: كيف ماعرفه اكيد اعرفه
هيفاء: الحمدلله اسمعي اجل لو مثلاً تقدم لك توافقين؟
بنات الديره كلهم سكتو منتظرين اجابه ترف الي حست باحراج الدنيا كله
سديم: اكيد مارح توافق ؟
هيفاء بضحكة: طيب سؤالي لترف؟؟
سديم وهي تقول لعند ترف:معليش حبيبي انا وترف واحد صح ترف؟
ترف ضحكت: اي اكيد واحد وزي ماقالت سديم نو
هيفاء سكتت ماتبي تخرب الجوو اكثر وكملو لعب ورجعت سديم مكانها وجت القاروره على الهنوف تسأل ريتال : ريتالي تبين صراحة ولا
ريتال بابتسامة: اخ اسمي حلو منك المهم اي ابي صراحه
ضحكو الكل على ريتال وخقتها على هنوف الواضحة
الهنوف : اقرب وحده لك مين ترف ولا فرح؟
ريتال :اوه يالهنوف غدرتي فيني
الهنوف ضحكت : يلا جاوبي
ريتال وهي تناظر فيهم بكل حب : فرح عيني اليمين وترف عيني اليسار
فرح وترف هم ضلع من ضلوعي فرح وترف هم سعادتي بالدنيا يعني اذا انا كل ماسمعت كلمة حب تذكرتهم او جمال تذكرتهم او اخلاص تذكرتهم او قوة تذكرتهم فا قولي لي كيف تبين اختار بين روحي وحياتي؟
ترف نطت عند ريتال وهي تبوس خدها: والله ماتوقعت انك تحبينا كذا
ريتال : شدعوهة ههههههههههه
جت فرح حضتنها : احبك والله
ريتال وهي تبادلها : اموتفييككك
قطع عليهم الجو ام تركي وهي تقول لسلمى : سلمى يابنتي اطلعي برا شوفي اخوك وصل ؟
سلمى قامت: ابشري بنات يلا ادخلو داخل لانو بنطلع العشا هنا وهن ياخذونه ويجيبون عشانا
البنات قامو كلهم لداخل غرفة وقعدو هناك سوالف وضحك
..........••.........
طلعت سلمى برا حصلت فهد وعيال اخوانها هناك
سلمى تاشر لهم يجون راحو وهم كل واحد ماسك صحنين مفطح وحاطينها فوق بعض عشان يقدرون عليها
فهد حط الصحون حقه ومسك خصره بتعب : سلمى عديهم اذا بيكفون؟
سلمى : ٨صحون؟ احس مدري تبون اطلع لكم وحده تقول لكم؟
فيصل : روحي جيبي امي اساساً ابغاها وخالتي معها عشان يعرفون
سلمى راحت وجابت لطيفه ومنال كلهم
جت منال عندهم : هلا يعيالي وش تبون؟
لطيفة من وراها : تبون الصحون نطلعها
سند راح لمه: لا يمه بس تعالي انتي وخالتي شيكو على الصحون تكفيكم ولا نزيد لانه باقي هناك كثير؟
منال: ٨صحون احس لا تكفي؟
لطيفة: ايوا تكفي انتم اكثر مننا خلو لكم باقي الصحون
فارس: اجل حنا بنروح نجيب الببسي والسفن والمويه الكراتين ونتم دخلو ذي المطبخ وطلعو عشانا لما نجي ناخذه مره وحده!
منال : تمام روحو سو شغلكم وحنا نطلعه لين تخلصون
طلعو وبقي فيصل اخذ امه لزاوية وحدهم وهو يهمس لها : يمه قلتي لها ؟
لطيفة: فيصل انت وربي مبلشني من قلت لك خلاص يابني بعدين
فيصل : يمه انفدا خشمك اليوم؟
لطيفة ضحكت: فيصل صارحني وش بينك وبينها؟
فيصل بسرعه: لاوالله يمه مابينا شي بس يعني انا ابيك تتكلمين بسرعه
وتردين لين خبر
لطيفة: خلاص الحين روح سو شغلك ونا اذا فضيت اليوم وهي فضت سالتها
فيصل باس راس امه بعجله وراح على طول يساعد العيال
.........••........
رجعو بالكراتين ونزلوها عندهم واخذو صحون العشا من عندهم والخبز وراحو على طول يسون سفرتهم بينما البنات نفس الشغله لما اذن العشاء الكل صلى وبدو بالسفره وسوها وراتبو الي مب مرتب ونادو الرجال للعشا
........••.......
لطيفة :منال خلصتي اروح انادي الحريم؟
منال بابتسامة: لا لاتروحي انتي خلي البنات مالك حيل خلاص
لطيفة: اي والله صدقتي لاكن نروح لهم مره وحده و وش ورانا هيا
منال : تمام اسبقيني ونا بجيب عمتي واجي
لطيفة : يلاها ونا باخذ البنات ونقول للباقي .
راحت لطيفه وطلبت الكل هي وترف وسديم يتفضلون للعشاء
وكانو كل الحريم هناك وسوالف وضحك مو طبيعي نفس الحال مع الرجال كان الوضع كذا ضحك واستانسو الا فارس وهو يناظر خالد بكل كره العالم
...........••..........
بعد ماقامو الرجال من العشى العيال كلهم فزو نظفو المكان وفرشوه عشان يجلسون فيه وقام فهد وتركي يسوون شاهي وقهوه وبدو يقهون الرجال لين نطق ابوخالد : يابو سعود اذا ماعليك امر ياخوي تجيني برا؟
سعود فز: ابشر طال عمرك تفضل؟
راحو وطلعو برا وجلسو سوالف لين نطق ابوخالد: اسمعني ياسعود انت عارف ان خالد ولدي صار كبير ورجال ووضيفته بيده وبيته جاهز وكلشي معاه الا بنت الحلال ونا ياخوي جيتك طالب منك يد بنتك الوسطى تعطينا؟
سعود من الصدمة ماقدر يتكلم سكت ثواني طويله وقال: لنا الشرف ياخوي والله ان خالد ابنك رجال بس ياخوي بنتي بعدها مب حق زواج؟
ابو خالد:اي عارف والله ياسعود اني احرجتك بس ونا اخوك خالد قالي يبي الوسطى وياخوي فكر لاترد لي خبر الحين انتظر وفكر وعين من الله خير وبعدها عطيني رايك بعد يومين او ثلاثه كذا كويس؟
سعود ربت على كتف ابو خالد: ابشر ياخوي بفكر بكلامك مره ثاني والله يكتب الي فيه الخير للجميع
ابو خالد: ايه كذا تعجبني يلا ندخل الحين ونرجع نسولف نتقهوى
دخل ابو خالد ولحقه سعود الي للحين مشوش كيف ترف ومن متى يعرفها وليه هي بالذات لاكن فضل يسكت ويسال منال
................•••................
عند البنات دخلو المطبخ وراحت ترف ورا امها وهي تدفها تبيها تطلع وسديم جت من ورا امها ويسون نفس الحركة
لطيفة: سديم يامهبوله وين تسوون؟
ترف: يلا خالتي ويلا مامي جدتي برا لحالها
منال وهي توخر يدين ترف: طيب ياحبيبتي بنسوي شاهي وقهوه ونلحقكم روحو انتم
سديم : لاخالتي لانتي ولا امي بتقعدون هنا
العنود : خالتي منال وخالتي لطيفة انا اقول تسمعو الكلام وتطلعون حنا بنسوي كلشي تبون
منال: اجل دام العنود وفرح هنا انا مرتاحة يلا يام سند نطلع؟
لطيفة ضحكت على تعابير البنات : يلا وإن شاء الله مايسون اي كارثة جديده
طلعو وخلو البنات الي تجمعو بالمطبخ وصارت سوالف وسوالف
ندى وهي تضحك: ترف تكفين واضح مب داخله مطبخ اجلسي انا بسوي الشاهي ؟
ترف بغرور: ندى حياتي حاصل لك تشربين من شاهي ترف المشهور ترا انا ماحد يسويه زي؟؟؟
ندى ضحكت: الله واكبر ! متاكده؟
فرح بابتسامة: لايغرك تراها داهيه
سلمى : ايه صح حوست المطبخ عشان شاهي بس عادي والله يستاهل
هيفاء وهي تذوق قهوه العنود : حق العنود تجنن باقي شاهي ترف متى يجهز بذوقه؟.
ريتال : بكره!
هيفاء ضحكت: ترا مب صاروخ شاهي!!!
ترف : هيفوه مسويه انتي وجهك تنكتين واضح انها تطقطق
هيفاء ضحكت: طيب طيب بنتظر
سديم راحت عند سلمى : سلمى
سلمى لفت لها : هلاعيني؟
سديم وهي تناظر هيفاء بتقزز: هذي مين؟؟
سلمى فهمت عليها انها زعلانه عشان هيفاء تتقرب من ترف مره : هذي الله يسلمك بنت ابو خالد وام خالد الي داخل برضو هي اخت هناء
سديم : يع ماتقبلتها مدري ليه؟
سلمى تذكرت كلامها وكلام ترف وحاولت تخلي سديم تغار قالت بدون اهتمام : عادي مب مهم تتقبليها اهمشي منال تتقبلها
سديم انتبهت لها : معليش حبيبتي وش تقصدين؟ وش دخل خالتي منال
سلمى بهمس : القصه ياطويلة العمر انو منال تحبها وتبيها لفارس
سديم وكان احد رش عليها مويه بارده وجمدت ملامحها وكلشي الي تفكر فبها بس شكل فارس وهيفاء سوا!!!!!!!!!! مستحييل
سديم بغصه وتردد: م متتى ك كان ذا الككلام؟
سلمى حست انو حلو وبدت تلعب صح : منزمان لما كانو صغار ومنال تبيها ماتعرفين؟
سديم وهي عيونها غرقت وقالت بكره : لا ماادري ولا ابي ادري حلو كذا عاجبك الحين؟ ان شاءالله استانستي ؟؟؟
راحت من عند سلمى او بالاصح طلعت برا البيت كامل
انتبهت عليها ترف وراحت ركض لسلمى : سلمى وش بها سديم؟
سلمى سحبتها وقالت بحماس : كفك !
ترف : حطت كفها بكف سلمى وبدون ماتعرف وش صاير
سلمى: لعبت عليها وقلت لها ان امك تبي هيفاء منزمان لفارس والحين تاكدت منها لما عرفت وردة فعلها انها تحبه
ترف نطت بحماس ونست نفسها: كذابه
سلمى مسكتها وبهمس:اسكتي وجع بعدين مااكذب والله ماشفتي كيف طلعت طلعت وعيونها تدمع
ترف كانت بتروح مسكتها سلمى : ويننن؟؟؟
ترف : بروح اشوفها
سلمى: لا لاتروحي خليها تقعد لحالها ممكن تفكر بنفسها وبمشاعرها شويه
عطيها مساحه
ترف : تمام بس شويه واروح
انتبهت على صرخت ريتال : ترف يازقه الشاهي فاححح!!
ترف ركضت عنده ونزلت النار بسرعه وتنفست زين ورجعت سوالف معهم هي وسلمى وضحك
...........••........
فارس حس نفسه انه مصدع فعلاً راسه شويه وينفجر
راح لعند سعود وهو يقولها: يبه تكفى كلم جدي يخليني اروح والله راسي منتهي
سعود بخوف : بسم الله عليك علامك؟
فارس : الله يسلمك بس مصدع وراسي ثقيل احس ماقدر اكمل مع العيال الجلسه
سعود : تمام قم روح ونا بقول لابوي
فارس باس راسه وراح ،،وفعلاً سعود قال لعبدلله وعبدلله زعل عليه فا خلاه يروح
.............••.........
نرجع دقايق من لما طلعت سديم
....••....
طلعت سديم من المطبخ وعلى طول راحت لقسم الرجال لانه المكان الفاضي هناك قعدت عن باب المجلس وهي تصيح ومن قلب وتفكر معقوله حبها بيروح كذا؟؟ فارس بياخذ هيفاء ويتزوجون ويجيبون عيال!!! الفكره خلتها تموت مليون مره وقعدت تبكي وتلعن قلبها الي يحبه ويحبه
مرت دقايق وهي نفس الحاله لين سمعت صوت مشي يقرب ؟؟؟؟
.........••.........
دخل فارس البيت وماسك راسه من الالم ويحس انه شوي ويدوخ
دخل الحوش الي قريب المجلس وقبل مايدخل المجلس سمع صوت شهقات بنت؟؟؟ قرب بشويش يبي يتاكد هو حقيقي ؟
........••........
سديم وقفت وقالت انو مستحيل احد يجي الحين؟ بتروح تتاكد
راحت وبينما هي دخلت هناك الا فارس بوجهاا وفعلاً مقابلها وجه قريب من وجهها يعني خلاص شافها كامل وشافته
...........••........
فارس اول ماكان داخل الا تطلع بوجهة بنت ومب اي بنت لا حبيبة خاطره؟
تجمد وهي نفس الشي لين مااحس بنفسه وعلى طول عيونه بالارض وقال بصوت ثقيل وواضح عليه التعب:سديم وش تسوي هنا؟
سديم غمضت عيونها بكل الم من قال اسمها ضاعت علومها حرفياً
ردت عليه بصوت نازل بعد ما بعدت منه شويه بحيث مايشوفها:بدون سبب جيت بس وش تسوي هنا عساس بالعزبه مب راجعين الا نص الليل؟
فارس تردد:تعبت شوي ا اقدر اسالك سوال؟
سديم وهي كلها متوتره: اي اسال
فارس وهو يحس انه خلاص كذا ولا كذا سديم بتعترف بحبها لخالد فا الاحسن يسمعه الحين؟
فارس بتردد وخوف من اجابتها: خالد و وش ي يعنيلك؟
سديم انصدمت من سؤاله الي جا فجأة وماتدري ليه جت على بالها هيفاء وكانت بتتهور وتقهره وتقول له انها تحبه لاكن تراجعت وقالت بخوف: فارس فيك شي؟
فارس بتعب:لا قلت لك تعب خفيف
سديم: تمام انا رايحه لاحد يجي ونا هنا وتصير قصة
كانت بتروح لاكن وقفت من سمعت فارس:تحبينه؟ عشان كذا ماتبيني ؟يعني هو احسن لك من ولد عمك؟ ونا الي عمري كله راح ونا اركض وراك واخر شي خالد؟؟؟؟ ومين خالد عند السنين الي راحت من عمري ونا وراك ها؟؟
فارس بدا يعصب ومب واعي لكلامة: وش تشوفين فيه قولي لي ؟ تمام دامك تحبينه وهو واضح انه يحبك الله يوفقكم وترا انا بكون اول الحظور لزواجكم
سديم وهي من جهة مصدومه منه ومن كلامك وعصبت كيف يحبها وامه تبي له هيفاء: فارس مالك دخل فيني سامععع؟؟
وبغصه : عساس انت الي همتك مشاعري ها !! تحبني ههه ياربي شذا الكذب طيب وهيفاء وين راحت ؟؟؟ ولا قولي انك ماتدري فيها اقنعني
وهنا حست انها شوي وتبكي : فارس لاتتكلم وتعصب وتجيب احكام من عندك مره ثاني ؟ ممكن ترا كذا كلنا بنتعب تبيني شوف ابوي عندك كل يوم رح له مب لي
فارس وهو معصب :لا معليش انسه سديم دوبي ادري انه اذا ابيك بروح لعمي !!! مجنونه انتي وبعدين تعالي ليه تبكين؟
سديم هنا فعلاً صاحت : وليه يهمك ؟
فارس تعب وحس ان قلبه انفطر من سمع صوتها وهي تبكي : سديم اسمعي لاتبكين تمام ! انتي عارفه ماقدر اجي عندك وامسح دموعك يلا امسحيها وخلينا نتكلم زين!
سديم مسحت دموعها: لا مابي اطول اخاف احد يجي
فارس وهو يطمنها: محد جاي وبعدين لا انا اشوفك ولا نتي تشوفيني عادي ودامك مستعجله بسالك سؤالين وبعدها اخليك تروحين؟
سديم بصوت واضح انها كانت تبكي مده طويله: اسال
فارس وهو قلبه يدق بشكل يخوف : تحبيني؟
سديم سكتت ولا قدرت ترد عليه هدأت شويه :لو قلت ايه
فارس ضحك بصدمه وعيونه كلها دموع وقلبه شويه ويطلع قام يدور بكل الجهه الي عنده ورجع مسح وجهة وقال : السؤال الثاني .لو تقدمت لك توافقين صح؟
سديم ضحكت : ايه اوافق
فارس وهو هيمان فيها وفي ضحكتها:يالله ان تديم علي هالضحكة
سديم من سمعته ضحكت زياده: يلا الحين روح ارجع عندهم
فارس وهو يشويه وينط عندها : سديم ليه مايسوون حضن عن بعد؟
سديم بضحكه:لانهم عارفين ان فيه مجنون مثلك هنا المهم نسيت انك تعبان خلاص روح المجلس ونا بقول للبنات انو نكمل بغرفتنا
فارس وهو حاس واخيراً ان ربي فرج عليه همه بدا يسولف مع سديم بكل راحه: ليه وش كنتم تبون؟
سديم : كنا نبي نقعد هناك ونسوي حفله بسيطه ونرقص
فارس وهو يبي يقهرها : اذا هيفاء معاكم عادي
سديم بغيره واضحه: تمام خلك مع هيفاء حقك ونا احلم عاد اكلمك
كانت بتروح لاكن وقفها فارس : سديم انتظري
سديم رجعت: اسمع لاتفلها ترا الي قاعدين نسويه غلط هذا اخر مره نتكلم فيها ..
فارس بهدوء: عارف ذا الشي واساساً انا من اول كنت بكلم عمي المهم انتي الحين زعلانه؟
سديم بزعل : لااا
فارس ضحك: مب علي والله انا اعرفك اكثر منك
سديم: اجل اكيد عارف ان ودي تنقلع الحين؟
فارس ضحك: شوفي لو وحده من البنات تتكلم معي بذا الاسلوب كان صار شي ثاني اما انتي لا
سديم تذكرت سلمى وشهقت: فارس انت عارف ان امك من كنتم صغر تبي لك هيفاء ؟
فارس استغرب : لا مين قال!؟؟ امي ماعمرها قالت تبيها
سديم بتوعد : ماعليه والله لانتف شعر سلمى الكلبه الحين انا بروح وهذا اخر كلام بينا صح؟
فارس وهو ماوده تروح بس خلاص زودها واساساً غلط مر : تمام انتبهي لنفسك ونا بالمجلس برتاح
سديم : تمام باي
فارس : ودي اقولك اني احبك بس مالها لذه ونتي مب على ذمتي
ضحكت سديم بفرح وقلبها يدق بشكل راحت
وهي ناويه تعلم سلمى شغلها وتخبر ترف بالي صار
.......••....
انتهى البارت🌷.
