نكمل
.....••.....
دخلت عند البنات والبيت حرفياً كله مبسوطين لبعض وخاصه فيصل وفارس فرحتهم بالاحداث الي صارت بشكل مفاجئ وسريع ماهي طبيعيه
.....••...
عدا النهار على خير وكالعاده الكبار كل واحد راح لغرفته وصارو سعود ومنال ولطيفه ومحمد يسولفون شوي بالمهر ويوم الخميس الي مابقى عليه شي والمدة الي يبون بناتهم بنفسهم يحددونها والی آخرہ
......••.....
كانو البنات متجمعين في الحوش بحكم انه كبير واختارو منطقه بعيده عن المجلس عشان ياخذون راحتهم بالكلام ريتال بمزح : من الحين يافرح وياسدیم او بنت تجيكم وش تسمونها؟؟؟؟ ريتالللل فاهمين ولا اعيد
ترف بسخريه: لاوالله ؟ على كيفك هو بعدين سديم بينا اتفاق من قبل اسم بنتها ترف وهالشي صار اكيد
ريتال بتطنيش:وع من زين بنت فارس وسديم بتكون مجنونه اصلا انا ابي بنت فرح بتكون حلوه وعاقله زي امها فا لو يصير اسمها ريتال هنا يكتمل الجمال
سديم بتدخل : الحين انتم فاضين لذي الدرجه ماعندكم الا ذي السوالف الي بدري عليها وبقوه
كانت ريتال بترد
الا سلمى قاطعتهم :الا عندي سؤال لكم ياعروساتنا ؟ الحين المده الي تبون فكرتم فيها ؟
سدیم بهدوء: يب فكرت فيها انا ابي تخلص هالسنه اول وبعدين نسوي الزواج بالسنه الجايه
فرح ناظرت فيها : ايه صح ونا مثلك اساساً ماهي مطوله حنا الحين شهر وشوي ونخلصه
ترف وهي تشرب الشاهي حقها : وش معنى السنه الجايه سدیم : مافيه سبب بس كذا عشان ودي اتجهز بهدوء وماتعجل بشي
فرح وهي تكمل : ومنه اساساً الايام تمشي بسرعه والحين داخلين على رمضان محد له خلق يسوي شي يعني من بعده نبداء نتحرك وبس والله
ريتال وهي تناظر فيهم : والجامعه؟ يعني فرح شويه وخلصتي بس سديم باقي لك ترا؟
سديم : انا بكمل اكيد اما بالنسبه للوضيفه باقي ماببالي شي لاكن ماودي اجلس بالبيت ؟
فرح وهي تناظر فيها : طيب عادي كملي جامعه وروحي شركة سند واشتغلي هناك
سدیم تفکر:معرف والله احس مره مالي حيل حق شغل لاكن بدري على ذي القرارت الا انتي وش بتدخلين؟
فرح وهي تفتح البسكويت: والله حالياً ودي ادخل تعليم لاكن برضو ماني ماكده رغبتي لاني احب الرسم فا ممکن افتح حساب لي وابداء ارسم وانزل واشتغل عليه
ريتال وهي تتدخل : اذا تبين الرسم انا اكبر داعم لك لان التعليم شي متعب صدقيني
ترف وهي تايد الفكره : صح عليك اول مره تقولين شي صح بس برضو براحتك الي تشوفين انك بترتاحين له اكثر اختاريه بالنهاية ماحد يبدع ويتفنن الا بالي يتقنه
سلمى وهي تعطي رايها : الحين انتم ركزو على نفوسكم ودراستكم يعني الحمدلله انتو ماخذین اخوان بعض وتعرفون تفكريهم وطبعهم يعني مانقول ان ازاوجكم عائق لكم في طريقكم بالعكس من وجهة نظري انهم اکبر الداعمين لكم وللي بتسوونه بس برضو لاتخلون احد يقرر عنكم بالمره لانه انتبهو وراكم زواج وعيال وشغله يعني فكرو بالوضيفه الي تحسون انكم تحبونها وتقدرون تنظمون وقتكم وتعطون بيتكم حقه ووضيفتكم حقها والله يوفقكم وش ما اختروتو.
سديم ابتسمت لها : ايه طبعاً كلامك كله صح
فرح :اتفق معك بكلشي وخليك منا الحين انتي وش وضعك ؟
سلمی ضحكت : وش وضعي ابد دراسه ولا عند امي اساعدها ولا اساعد ابوي انا وفهد مافيه شي جديد
ترف : احس بتوحشني الديره بشكل ماهو طبيعي
ريتال وهي تناظر المكان : حتنا ماحبها بس برضو تعودت جينا عساس يومين لاكن شكلنا استقرينا هنا
ضحكت فرح : كنت عارفه ان هذا بيصير بس ودي صراحه نكمل رمضان هنا ونرجع بعده شرايكم؟ بالنهاية اجازه ولا ورانا شي؟
سدیم : حتنا والله بس ماضن نقعد سند لازم يرجع بعد ثلاث ايام الشغل تراكم عليه
سلمى بحزن :تمزحيننن ثلاثه ايام؟
سديم بقلة حيله:يب
مع ريتال وهي تطلع الفصفص : طيب عادي يروح يوم يومين ويخلص اشغاله ويرجع مب بعيده الرياض الاسف
سدیم هزت كتوفها : معرف والله لاكن اكيد اذا عمي سعود سمع ابوي بيروح معاه وابوي لو سمع عمي سعود بيجلس جلس معاه
ترف وهي تفكر: اجل نخلي جدي يقولهم يجلسون لين ع الاقل نص رمضان ريتال: يلا الحين نلعب لعبه حلوه وتجنن
سدیم وهي توخر:لاشكراً
ترف بحماس:الا الا
الكل بيلعب فرح : يب يله من زمان مالعبنا
سدیم :تمام بس وش نلعب
ريتال وهي جايه ومعها قاروره : ذي
فهمو عليها وعدلو الجلسه وبدت ریتال تدور القاروره
لين وصلت لعند ترف وسلمى
سلمی : صراحه ولا جراءه
ترف : لو فيني حيل أخترت جراءه بس صراحه
سلمى وهي تفكر بسؤال :عندك فوبيا من شي؟ اكله او مكان ايشي يعني؟ ترف وهي تنفي:لاماعندي بس عندي مخاوف بس يعني ماوصلت لمرحله الفوبيا فهمتي
سلمی :ايه ايه فهمت عليك
ریتال رجعت دورت القاروره وجت عليها وعلى سلمى
ریتال :صراحه ولا جراءه ؟
سلمى :صراحه
ریتال:شخص تتمنين لو انه قدامك الحين؟
سلمی فکرت : مدري احس العنود احب العب معها ذي الالعاب مره
ریتال هزت راسها ودورت القاروره وجت على ترف وفرح
ترف :صراحه ولا جراءه
فرح بهدوء:اعرفك نذله بختار صراحه
ضحكت ترف : كنت برحمك بس استلمي السؤال يقول
كم نسبة حبك لفيصل من ١٠٠
فرح:ان.....
........••.......
قبل لحظات جداً بسيطة كان العيال مسوين نفس الجلسه بس الاختلاف انهم كل واحد على جواله معدا فيصل الي يتابع مسلسله المفضل
فهد انتبه عليه :ولد فيصل وش تتابع ؟
فيصل:ومعاه بطاطس ومسوي له جوو عشان يندمج وهو باقي عيونه بالابتوب:الحفره وش تبي؟
فهد : طيب ابغى من البطاطس الي عندك باقي فيه؟
فیصل ناظر الكيس ورجع نقل نظره لفهد :لا بس بالسياره فيه رح وجيب لك ولي معك.
فهد وهو فيه كسل العالمين:تكفى قوم انت والله مالي حيل
فيصل وهو مطنش:ونا مشغول
فهد:ياولد ترا تكفى تهز الرجال؟
فیصل تنهد وقام لانه يعرف فهد وحركاته طلع وهو يلبس حذيانه وراح وطلع
.......••........
الا يسمع اصوات وكان من بينهم صوت سديم وفرح راح لجهة الصوت بس يبي يشوف الوضع للكن ماقرب لانه لو يقرب اكثر بيشوفهم عرف انهم يلعبون وكان بيروح للكن سمع ترف وهي تسال فرح وفعلاً كان متحمس يعرف اجابتها لاكن من سمع فرح وهي تقول...
......••......
نرجع للبنات
فرح:انت منجدك ترا امس فاتحوني بقصة الملكة بلحق اعشقه يعني؟
سدیم ضحكت:افا ونا الي عبالي انك تحبينه
فرح تحاول تسيطر على نفسها عشان ماتنفضح:دوبنا ماقلنا الله بعدين عادي يقولون الحب يجي مع الزواج
ريتال وهي تضحك:تصريح غوي غوي يافرح
فرح عطتها ذيك النظره عشان تسكت كملو لعبهم واسئلهم مابين تكون معقوله ومابين جريئه
.......••.......
كل الكلام الي صار كان تحت مسامع فيصل الي حس وكنه شي انكسر داخله وعلى طول تحرك من مكانه وراح لانه لو جلس ممكن يطلع اي صوت ويخافون او ينتبهون عليه كان كله خيبة من الي سمعه والان صوتها يتردد داخله يعني معقوله الي كنت اشرف ما الكا. هذا كلامها؟...
........••......
انتهى البارت 🌷.
