دخلو الغرفه منال وبناتها ....
فارس ناظر الباب الي دخل منه ابوه وامه واخواته فرح انهم جو عشان يقنعون سعود يطلعه
منال راحت لفارس وهي تبوس راسه : الحمدلله على سلامتك يا أُمي انت ليه تعبت فجأة ؟
فارس بهدوء وهو يسلم عليها: والله يايمه مافيني الا كل خير بس الدكتور وابوي مدري وش فيهم
سعود:اسكت بس العيال قالو انهم مالحقو عليك الا ونت محترق والدكتور يقول انه اجهد نفسه واهمل نفسه !
ترف قربت له وهي تبوس خده : بسم الله عليك ياروحي
فرح وهي تقرب هي وريتال: فروسي حبيبي تحس بشي يوجعك ولا كويس؟
ريتال : ياروحي انت شوف كيف وجهك تعبان اه بس لو اعرف وش الي مخليك تهمل نفسك كذا
فارس ضحك عليهم : مانحرم منكم يارب بس والله اني بخير ومافيه احسن مني شوفو ها
وقام يوقف عشان يوريهم
ترف بغمزه : ايه ايه شفناك الله يديم هالبسمه ياروحي بس اشوفك مبسوط مره ماكنك امس بتموت تعب؟
فارس فهم عليها : ايه الحمدلله مافيه احسن مني
منال وهي تقاطعهم : يلا الحين خلوه يرتاح
فارس بترجي : يمه انفدا قلبك اقنعي ابوي يوقع عشان اطلع والله اني بخير وحالي كويس
سعود وهو يلف راسه : ياولد اقعد بس مارح اطلعك الا بكره
منال شافت فارس انه فعلاً الحمدلله مافيه شي : لاخلاص سعود طلعه باخذه انا وبهتم فيه احسن من هنا
سعود : بس منال مايصلح
منال :تمام انا اهتم فيه لين يطيب ماني مرتاحه اساساً اروح البيت وهو هنا
سعود بقلة حيله : ايه حصل خير يلا تجهز بروح اضبط الوضع
طلع سعود من الغرفه وفارس نط عند امه وهو يبوس راسها: يافديت المسيطره
ضحكو البنات عليه وطلعوه من المستشفى
....................••...............
وصلو بيت جده ودخلو وعلى طول ترف راحت عند سديم تقولها انه معهم وبخير ويافرحت قلبها من سمعت الخبر
دخل عبدلله المجلس الي كان فارس فيه والعيال حوله : السلام عليكم
ردو عليه كلهم ورجع لفارس : ها فارس كيفك الحين؟
فارس : ابد ابشرك
عبدلله : ها ماودك تقول الي صار لك ؟ وليه تعبت فجأة
فارس حس انها الفرصه المناسبة له ومارح تتكرر وماحد قادر يحل وضعه ووضع سديم الا واحد والي جدهم عبدلله ماغيره
فارس بهدوء: ابد والله بقولك بس لوحدنا ابي اتكلم معاك
الكل انصدم وأستغرب شمعنى لوحدهم اكيد فيه سالفه بس احترمو رغبت فارس وطلعو كلهم حتى سعود ومابقي الا فارس وعبدلله الي اتجه له وقعد عنده عبدلله بهدوء: فارس يابني فيك شي؟
فارس : اسمعني جدي وللاخر واتمنى انك تفهمني لان ماحد غيرك بيفهمني
عبدلله :ابد اسمع تكلم؟
فارس بربكه : اول شي ياجدي انا ودي اخذ بنت عمي محمد وانا لو اقول لابوي بيقول باقي صغيره ولا انتضرها ولا بيطلع له اي عذر هو وعمي فا انا ودي الكلمة تجي منك لانك الوحيد الي يقدر يساعدني
عبدلله بهدوء وبتسامه: يعني تحبها؟ ولاكيف بينكم شي!
فارس بسرعه : لاوالذي خلقك مابينا ولا اي حاجه انا بس ناوي اخذ من العايله ومافيه الا عمي محمد
عبدلله وهو يلعب باعصابه: طيب بنات خالك ! او خالاتك ليه ماتاخذ منهم وشمعنى بنت محمد
فارس زقت معاه: جدي انا يابنت عمي يا لامااخذ
عبدلله ضحك : طيب اهدي تمام وضعك عادي واقدر اتكلم مع عمك وابوك بس البنت؟
فارس بسرعه : ماعليه بتوافق
عبدلله بحزم :ونت وش دراك!!
فارس بربكه :يعني اقصد انو اسالوها ممكن توافق
عبدلله وهو يفكر : ايه يلا بنشوف
فارس فز وهو يضحك ويبوس راس جده : ياعساني مانحرم منك ياربببب
ضحك له عبدلله وطلع والكل دخلو عند فارس ويبون يسالونه لاكن تهرب منهم وكذب عليهم مايبي يخرب شي على جده
............••..........
كانت سديم منسدحه على رجول ترف وتسولف هي والبنات وعمتها وامها
سديم بهمس: ترف تعالي برا ابيك
طلعو هناك
ترف بهدوء: للمره المليون تراه بخير ومافيه شي !
سديم : لالا مابي كذا اسمعي روحي عنده تتتكفيننن وشوفيه بعينك وتعالي عندي على طول
ترف وهي تتلفت : تستهبلين عمي والعيال كلهم هناك كيف ادخل!
سديم وهي بعيونها دموع : تكفين ترف والله ان قلبي مشغول عليه
ترف حنت عليها : طيب تمام اصبري افكر بحل
فكرت شويتين وفزت وقالت لها : اسمعي انا بجيب اكل لفارس عساس انا اكلة وكذا
سديم وهي متوتره : طيب ان اخذه عمي منك واختصر الوضع
ترف : عادي اقول له اني باكله بيدي وانتبه له لين يخلص وان شاءالله عذري الي محد يصدقه يمشي عليه
سديم وهي تفكر : تمام اصبري هنا اانا بجيب الاكل ونتي تجهزي
ترف وهي تغمز لها : تراني بخاطر عشانكم بس والله لو ماتسمون اول بناتكم ترف لاصفقكم
ضحكت عليها سديم وهي بقلبها تدعي ان الله يجمع بينهم والله لاتسمي ترف
.......••.........
دقت الباب حق المجلس وطلع لها فهد استغرب من وجود ترف : ترف سلامات؟
ترف بتلبك:الله يسلمك ابي اكل فارس اذا ممكن تطلعون؟ او طلعه لي
فهد : تمام هاتي الاكل انا باكله عنك.
ترف بسرعه: لاوالله ماحد ياكله غيري
فتح عيونه بصدمه كيف تحلف ذي ؟
فهد :مهبوله انتي العيال داخل وبعدين ابوك لايدري هاتي بس
ترف : مع نفسك انا حلفت ونتهى
فهد بقلة حيله: انتظري هنا بروح اجيب سعود تفاهمي معاه
ترف : تمام هذا الي ابيه رح جيبه
دخل فهد وطلع سعود ونصدم بترف الي مرتزه عند الباب ومعها صحن الاكل
سعود وهو يحك دقنه : ها ترف وش ذا؟
ترف ببراءة:اكل !
سعود : احلفي !! عارف انه اكل بس لمين؟
ترف : تمام هذا اكل فارس وحلفت لفهد ااء اقصد عمي فهد قبل شوي انه ماحد ياكل فارس غيري فا بالله يابابا طلعه لي او انتم روحو لين ياكل
سعود : ماشاءالله عليك مخططه انتي وش هالكلام الي تقولينه؟
ترف بترجي : والله يبه مايرتاح قلبي لين انا الي اكله خليني ادخل
سعود : طيب اصبري هنا ولي كلام ثاني معاك عشان الحلف
ترف هزت راسها وحمدت ربها مليون مره انه خلاها ذي المره
دخل سعود المجلس
سعود بهدوء :يلا ياعيالي اذا ماعليكم امر ممكن تروحون عند تركي
ونت محمد تعال معي شويه
فيصل وهو يشرب قهوته : ليه عمي تبي شي؟
فارس باستغراب: وين رايحين ومخليني
سعود بهدوء: اختك برا تبي تتطمن عليك يلا انتم فزو الحين
الكل قام بحترام لعمهم وبنته وفعلاً طلعو من البيت وراحو لتركي هم وفهد
.........••......
ترف راحت لين طلعو ورجعت ركض عند فارس هي والصحن
فارس كان توه بينسدح من شاف ترف جات عنده فز وهو عيونه مفتوحه ع الاخر
فارس : ترفف؟؟ وش تسوين هنا
ترف بسرعه سكرت الباب بالقفل وجلست جنبه تاخذ نفس : اول شي انت كيفك ؟ كويس الحين
فارس قعد زين : لاعيني انا كويس انتي وشجابك؟
ترف بابتسامة: عرفت الي صار معكم وصراحه ماكنت بجي بس سديم خايفه عليك عشان كذا جيت
فارس وهو يحس ان قلبه رجع يدق من جديد ويوتره ابتسم:بشريها اجل اني بخير وني حليت وضعنا
ترف :وش الي حليته؟
فارس ابتسم: بقولك بس بينا.؟
ترف :افا عليك بينا بسرعه حمستني !
فارس عدل جلسته:كلمت جدي عن الموضوع وقلت له اني ابي سديم وانو لو هو الي يفاتح عمي وابوي مره وحده اسهل علي وعليها وبكذا انا اضمن ماحد يجي ياخذها مني
ترف قامت وهي تصارخ بفرح : يمه منك اخخخيراً اخيراً وربي لاتفرح سديم بالخبر
فارس ضحك عليها وسحبها :خلاص اسكتي يامهبوله لاحد يسمع وبعدين قلنا بينا؟
ترف وهي تناظر فيه بعيون فيها دموع :فارس صدق بتتزوج؟
فارس انتبه لعيونها : ايه بس ليه الدموع افرحي لي؟
ترف مسحت عيونها :والله اني فرحانه لك ولسديم لو كان زواجي مافرحت كذا
فارس : ايه الحمدلله اجل عيونك الحلوه لاتبكي
ترف تاملت فارس لثواني وقامت عنده تحضنه:تدري انك احلا اخ بالدنيا ؟
فارس بادلها : وتدرين اني محظوظ فيك وفي البنات ؟
ضحكت ترف : بس اضنه الوضع بيتغير بعد ماتاخذ سديم المهم الحين مابي اطول لازم اطلع اخبر سديم
فارس مسكها : لالا ماتطلعين الحين وبعدين قلنا لاحد يدري حتى سديم
مابيها تفرح لين اتاكد ان الوضع تمام ؟
ترف هجدت: بس كيف تبيني اتحمللللل
فارس :يوم واحد بس اكتمي نفسك !
ترف وهي تقوم: ايه بحاول اساساً ماجيت الا لخاطر عيونها الي غرقت دموع من عرفت انك تعبان ياحليلها تحب تكبر الامور
فارس ضحك: بذمتك بكت؟
ترف ناظرته وضحكت: ايه الله يعينك زوجتك بكايه صدقني من الحين لو تقول لها لا صاحت
فارس يقلدها : ومين قالك انو بقولها لووء انا لو تبي عيوني عطيتها
ضحكت ترف وبقوه عليه لما قال لا بطريقة تضحك
ترف: تمام تمام ياستاذه لوء ممكن اروح الحين؟
فارس قام وعطاها الصحن بيدها وباس راسها : ماتقصرين ان شاءالله اردها لك باحلا هديه
ترف : يسلام فيه هدايا
ودعته وطلعت على طول راحت المطبخ وحطت الصحون ورجعت غرفتهم تبي تعلم سديم بكلشي معدا موضوع الخطبه
.............••.......
انتهى البارت✨.
