«.....................»
ظهر يوم الجمعة
.......••..........
راحت سلمى لعند ابوها وهي تعطيه ملابسه وحاولت تجهز معاه اغراضه لين خلصت منه وراحت عند فهد وسوت نفس شي
راحت المجلس حصلت فارس وفيصل باقي ماسوو شي وسند طالع من الحمام عليه بس منشفه من تحت
راحت لعنده : سند عيني مخلص انت صح؟
سند وهو يدور على ملابس : اي تقريباً باقي بس البس
سلمى : كويس اجل لا جا ابوي عطه المبخره وبخره لاني بروح اشوف البنات داخل
سند بابتسامة: ياخي انتي تتعبين نفسك خلاص خلي كل واحد يسوي شغله ارتاحي وافضي لنفسك
سلمى: ههههه لامعليك استمتع ونا اساعد الكل
سند قرب لها وباس راسها: يديمك لنا يارب المهم ونتي دخله اسالي امي وين الكبك حقي؟
فارس سمعه وجا لعند سلمى وفرشه الاسنان بفمه وهو يتكلم بطريقه نوعاً ما مفهومه: ونا بعد شوفي ترف حقي معها جيبيه
سلمى بتقزز: فارس يحمار رح وخر المعجون وتعال
فارس ضحك وتناثر على سلمى وهي بدروها صارخت وراحت وهي تمسح يدها
دخلت عند البنات مكشره: ترف روحي شوفي اخوك الهبل يبي كبكه
ترف وهي تدور علبه الاكسسوارات حقها: والله ياخي كان هنا وين راح؟
فرح بعجله:شوفي علبة ريتال فيها الي انتي شريتيها له وماحبها
ترف ع طول نطت هناك : والله انها حلوه شوفي كيف هادئ ومرتب المهم خذي سلمى عطيه ذي قولي له ماحصلنا الا هي
سلمى اخذتها وكضت عند لطيفه اخذت حق سند
وراحت لهم مسرعه تبي تخلص نفسها عشان الضيوف بيجون العصر
دخلت : عطت سند شف هذي لفارس وهذي لك
سند وهو يكشر: ياخي سلمى هذا حق فيصل مره خايس مااحبه رجعيه
سلمى بسرعه: مافيه فايده امك ناشبه بابوك وهي تتجهز معاه خذها وبس
جا فارس بسرعه وهو يصارخ على سلمى الي كانت رايحه: سلمى تعالي رجعيها مابيها
سلمى وهي تهرب: مالي دخل هذا ذوق اختك مافيه الا هي
فارس زفر : ياخي ذوقها خايس سند باخذ حقكك عادي؟
سند : طبعاً عادي اجل انا بروح ادور غير ذي
فارس عطاه حقه: شف هذي ممكن تعجبك انا ماعجبتني
سند بهدوء: هذي هدية ماني ماخذها بروح ادور لي شي ثاني
فارس وهو يمسكة :خير سنود ترا ماهي ذهب خذها بس اهمشي اعجبتك؟
سند بابتسامة بداخله« ذوق ترف ومايعجبني » رد على فارس بهدوء:لا حلوه معليه هاتها
اخذها وراح يكمل لبس مايدري ليه من لبسه وهو يحس كن ترف معاه بكل خطوه من خطواته
وكان هالشعور الي يحس فيه معجبه وسعيد انه اخيراً قدر يصارح نفسه فيها وبوجدها بحياته
......••.......
طلعت ترف وهي ماسكه شعرها بمنشفه وتنادي ريتال
جت ريتال وهي تدور لعطرها : خير ترف خير يختي لاتبلشيني سوي اشغالك بنفسك
ترف بتكشير: يحماره ترا حتى ماقد طلبتك وبعدين مابي منك شي غير انك تعطيني الاستشوار من فوق
ريتال ناظرت فوق الدولاب: طيب اصبري بروح اعطي فرح عطرها واجي
وهربت ع طول ودخلت سديم بعدها وهي تلبس حلقها : ترف شفتي وين المسكه حقتي؟
ترف: لا سديم تكفين انتي لاترفضين اطلعي عطيني الاستشوار!
سديم بابتسامة: تمام من عيوني هاتي الكرسي
ترف مدته برجلها وهي ماسكه شعرها:خذيه
اخذته وتركت عليه لين اخذت الاستشوار:خذيه هذا هو واول ماتخلصين منه خليه لي لين اجي
ترف قربت منها وهي تبوس خدها: تمام عيني مشكوره .
سديم بابتسامة: لاترا علومي بتضيع كذا
ضحكت عليها ترف وراحت
وسديم طلعت وهي باقي تضحك وهي ماسكه طاقية سند الي كان منتظرها برا :سند ترا ماحصلت الا ذي تقصدها؟
سند وهو يقيسها على راسه: مب هي بس معليه
سديم انتبهت للكبك :سند ! هذي حقك؟
سند وهو يعدل نفسه: لا حق فارس اخذ حقي فا اعطاني حقه
سديم: اها تمام انا رايحه تبي شي
سند: لا مابي شي المهم انتي عارفه ان فيه ضيوف صح
سديم بفرحه:يب فيه ومره متحمسين حنا والبنات
سند استغرب فرحتها:وليه هالفرحة كلها يروحي!
سديم بابتسامة: لان فيه وحده منهم بتجي وبتنقش لي انا وترف
سند وهو يبي يضيع وقت لين يخلصون الباقي: ليه بتنقشون
سديم: مدري بس فيه بينا تحدي انا وهي انو اذا جت انا اختار لها الحناء وهي تختار لي
سند: مافهمتت ؟
سديم بابتسامة: يعني ياحبيبي انو انا بخلي ترف تنقش على حسابي وبكيفي وهي نفس الشي
سند وهو يطلع فلوس : تمام هذي تكفيك ولا ؟
سديم اخذت : شوف هي قالو ماتاخذ فا انا باخذها
سند بضحكه: يالطماعه تراها كثير عطيني الباقي دام ماتاخذ فلوس؟
سديم وهي تخبيها: لامعليش حبيبي صارت لي اليوم اذا طلعت مكان قلي
سند : تمام بالعافيه عليك بس وش تبين!
سديم : ابد الضيوف بيروحون بدري شوي ونستاذن من بابا وعمي وجدي ونبي نتمشى
سند بهدوء: بس الليل كيف تبين اطلعكم!
سديم بترجي: سند ياروحي بالله لاترفض بعدين ترا تعرف حنا مب مطولين هنا يومين وبنرجع ونا والبنات نبي نتمشى بالديره
سند وهو يبي يروح: طيب تمام ادخلي انا بروح المسجد
ترف دخلت عند البنات وكلمو شغلهم وحاولو يخففون شغل المطبخ ورجعو صلو ومنتظرين بس يجيون عشان يحطون الغداء وبتدا تجهيزه العصر
..............••........
صلو الجماعه في مسجد الديره وكانو كل اهل الديره طالعين سوا وذا يسولف مع ذا الي يشوفهم يقول اهل مب بس جيران بعض
........••......
عبدلله وهو يضحك مع ابو خالد: والله ونا اخوك انو بديت اتعب من الضحك اسكت بس
ابو خالد بضحكه:والله ياعبدلله انها ايام صارت لنا وشمتت فينا بس الحمدلله عدت الا وين ابنك سعود؟
عبدلله لف وراه وحصل كل احفاده وعياله يمشون وراه ويسولفون: شفه ذاك رح له وقبل ماتروح ترا اليوم عازمكم كلكم ياهل الديره عشى تعالو ها لااوصيك جب اهلك كلهم
ابوخالد: بأذن الله ياخوي بس دامني جاي خلاص لما احي اكلكم كلكم مب بس سعود واختصر على نفسي
عبدلله:حياك حياك ياخوي اي وقت البيت مفتوح لك والله
أبوخالد بابتسامة:الله يحيك يابو محمد ماتقصر
...........••..........
وراهم بالضبط
فيصل بفضول : يبه من متى جدي وابو خالد سوا؟
محمد وهو يمشي: منزمان يافيصل تقدر تقول اصحاب الطفوله
فارس وهو مخنوق من شوفت خالد بالمسجد لا والحين ابوه عارف ان ماله دخل لاكن كرهه من كرهه لابنه
فيصل: ايه الله يديم المحبه بينهم بس اشبه جدي يناظر في عمي كذا
سعود بضحكه: اكيد انه سال عني تعرف لانه كنا جيران وكذا عاد انت كنت ورع ماتذكر اكيد
فيصل ضحك: تمون ياعم تمون
سند :ايه انا اذكر ماعليه بس وينه خالد واخوه ماشفتهم من لما طلعنا من المسجد
محمد: سبقو ابوهم للبيت لان عرفو انو ابوهم مطول مع ابوي
فارس اسرع بخطواته وسبقهم كلهم وراح وهم يناظرون بعض باستغراب
...........••.........
رجعو البيت والبنات جهزو السفره
وبدو ياكلون كلهم سوا بنات او اولاد ...وخلصو وبدو البنات ينضفوا كل السفرتين...وبعدها سلمى وترف بدو يجهزون البيت وبخرو بينما الباقي يتجهزون
سلمى وهي تمسك خصرها وتتكلم مع ترف: ترف اذا خلصتي هيا نشوف نفوسنا دورنا نتجهز
ترف وهي تحط المبخره على مغسله الرجال : تمام هيا اساساً تلقين البنات مخلصين وحنا باقي
دخلو سلمى وترف الغرفه فتحت سلمى فهما بفهاوه انتبهت عليها سديم وضحكت عليها وهي تقول : يمه ذي الفاهيه اشبها كذا؟
فرح ضحكت: ماعليه حبيبتي هي الحين خاقه علينا
كانت تمزح تبي تسمع سلمى وهي تطلع فيهم عيب !
لاكن صدمتهم وهي تقول: بسم الله ماشاءالله الله لايضركم اشوف وحده ماتحصن نفسها فيكم ياويلها ترا عبيدة بتجي
ريتال راحت عندها وهي تحس جبتها: بنات ذي مافيها حراره ؟
سلمى ضربت يدها وبعدتها: ترا ماامزح شوفو اشكالكم كيف تجنن انا ونا بنت خقيت عليكم؟
فرح ضحكت وراحت وهي تضمها: واي حبيبتي سلموو
جت سديم باست خدها: منزمان ماحد مدحني هيا زيدي
ضحكت عليهم سلمى : خلاص يافله انتي وهي اطلعو برا الحين دورنا
ريتال :طرده هي اجل احلمي اطلع
سلمى بالعانه :ابد تطلعين ولا اجيب لك تركي يطلعك؟
ريتال على طول طلعت برا منغير كلام والكل ضحك عليها وطلعو معدا سلمى وترف
ترف وهي تقفل الباب : ايوا الحين يمدي نلبس براحه
سلمى وهي تضحك:تصدقين ودي اعرف لو فارس يدري اننا نلبس قدام بعض وش بيسوي
ترف وهي تنقي لها فستان خفيف: ابد يروحي بيمسكنا طقطقه لين نموت
سلمى ضحكت وراحت تكمل معها وتدور ملابس من ملابسهم لان ملابسها بغرفه ثانيه ومالها حيل تجيبها
راحت عند ترف : ترف اسمعي وين احلا الوردي ولا الازرق؟
ترف بتفكير: شوفي ان كان شعرك مفتوح خذي الوردي بس اذا لامته خذي الازرق
سلمى : اجل باخذ الازرق لانو بساعد امي ولطيفه ومنال فا مالي حيل افتحه
ترف : طيب شوفي ناظريني وخلي فستانك حقي حلو؟
لفت عليها سلمى مره ثاني : شوفي والله انا احس الاحمر حلو بس علييك مب حلو بس!! الا يجنننن
ترف بحياء: حبيبتي سلمى استحيت منك
سلمى ضحكت: خلاص عادي لاتصدقين يلا بسرعه سوي لك ميكب خفيف وشعرك سويه بسرعه عشان نطلع
ترف وهي رايحه لشنطة الميكب : الي يسمعك يقول مخلصه ونتي حتى اللبس مالبستي!
سلمى راحت ركض ولبست وجت مع ترف وتجهزت وخلصو
« بحاول اوصف لكم اشكالهم ونتم لكم الحرية تخيلوهم زي ماتبون »
سديم : فستان بني فاتح هادئ مره وبسيط في حركات من عند صدرها والباقي ساده ..شعرها الاسود مفتوح وحاطته كله على وراء ..ميكبها خفيف جداً الا انه انيق ومرتب بشكل
فرح:فستان سماوي منفوش نفشه خفيفه من عند اليدين ومن عند الخصر الا انه انيق بشكل مناسب للاجواء الي رح تصير شعرها زي سديم بالضبط بالتسريحه واللون وكلشي ميكب حلو ومرتب
ريتال : فستانها اسود وهذا مظهر بياضها اكثر واكثر ضاغط من فوق الخصر ومن تحت فيه نفشه خفيفه صابغه شعرها بني ومسويته نص ممسوك ونص مفتوح ومن قدام منزله خصلتين حاطه ميكب زي فرح وسديم مرتب ونظيف بشكل
ترف: فستان احمر ماسك على جسمها كامل ومن نهايته فيه قماش شفاف منفوش شعرها مسويته استريت ومن تحت يعني اخر الخصله مسويه ويفي عشانه طويل مره فا حبت انو تسوي هالحركة لانها تليق على فستانها وحاطته من ورا اذنها ومنزله من كل جهة خصله شعر يعني من القصه ومسويتها ويفي حاطة ميكب ترابي خفيف وروج نودي مع قلوس
سلمى :سلمى كانت لابسه تقريباً يشبه فستان فرح لانه اهدا شويه ازرق
مسويه شعرها زي شعر ريتال بس ترف اصرت انها تسوي ويفي للشعر كامل عشان يطلع احلا وفعلاً طلع عليها احلا والميكب حطت نفس حق ترف بس غيرت لون الروج وحطت روج لحمي على احمر وفوقه قلوس اعطاه لمعه حلوه
...............••...........
كانو مخلصين على العصر كذا وطلعو عند البنات وجلسو سوالف لانهم مخلصين صلاه وتجهيزات اساساً اهل الديره بيجون بدري عندهم يعني الساعه ٤الى ٥ عساس المغرب الكل موجود
.............••.........
الساعه ٤:٣٠ كان فيه ضيوف بس قليل مره جو العجايز الي ماعندهم عيال ولاحاجه فا البنات طلعو وقعدو بغرفه ثانيه منتظرين الباقي كانو سوالف..
ترف وهي تتصور سناب : بنات صدق صدق شوفوني وقولي لي رايكم ؟
سديم وهي عيونها قلوب : تصدقين ترف انا للحين مادري انتي حلوه مره؟ ولا عيوني محليتك مره؟
فرح بهدوء : انا اقول الاول هو الصح
ريتال بضحكة: ونا اقول الثاني لانها شينه مره؟
ترف : في ذمتك انتي اسكتي احس توتر ولاتصدقون انا بروح عند امي وعمتي اسالها احسن منكم
سديم : اي صح روحي ومنه سلمي على الي جو عيب
ترف : اي الحين بروح اساساً ابي ماما بشغله
ريتال : ايه ايه روحي لها ونا بدق على فارس لايرد على جوال امي
سلمى باستغراب: ليه لايرد خير؟
ترف بتهديد: سويها وشوفي
وراحت بينما ريتال تبرر لهم : تراها كذابه بتروح تاخذ جوال امي وترسل لفارس كل الي تبيه
سلمى ضحكت : خليها ماعندها سالفهة
...........••........
دقت الباب ترف ودخلت وهي تقول بكل رزانه : السلام عليكم ورحمه الله
ناظروها العجايز بنظره اعجاب في شكلها ورود عليها السلام راحت لعند اول وحده وهي تبوس راسها: كيفك خالتي
مريم بضحكه: الا قولي جدتي الله يهداك
ضحكت ترف بنعومه: لا انتي باقي مب باين عليك انك كبيره
مريم ضحكت وباستها: الله يسعدك الا انتي بنت مين
ترف ببتسامة:بنت الحلوه هذي وهي تاشر على منال امها
منال ضحكت عليها وتكلمت وهي تقول لهم: هذي بنتي الصغيره اصغر وحده بخواتها الي جو سلمو قبل شويه
امنه وحده منهم بنغزه : اي وذي وين كانت ليه ماجت معهم
نوره بحده: هذي هي ماابطت عليكم
ضحكت امنه بتسليك: ماقلنا ابطت لاكن تعرفين عادات الديره المفروض البنات اول مايستقبل ضيوفكم
ترف تحملت وراحت عندها وهي تسلم عليها احتراماً لسنها: اعذريني ياجده لاكن دوبي اخلص
تعمدت تقول لها جده عشان تحس على نفسها
ترف وهي تطنش : ماما تعالي ابغاك
منال جات بتقوم الا تسمع ضحكة امنه : ماشاءالله يانوره الي يشوف حفيداتك يعرف انهم مب متربين عندنا
نوره بنغزه: ايه احسن لهم اصلاً صح انو تربينا باماكن غير وربينا عيالنا بماكن غير بس خلاص مالنا على احفادنا
امنه :الا والله لك عليهم
منال بحده : اضن مايهم المكاان الي نربي فيه الاهم الطريقة الي نربي فيها والحمدلله حنا تربينا باحسن طريقه وقاعدين نربي بالطريقه الصح ولا اذا كان قصدك على كلمة ماما فا عادي هذي اختلاف مسميات ومااضن هالشي عيب او حرام
ترف كانت تبي تبتسم على ملامح امنه المتفشله لاكن مسكت نفسها غصب
طلعت ترف ومنال لبرا
منال بحنية : هلا تروفي وش تبين امي؟
ترف :اشبها ذي مشخصنتها معي بس عشان ماسلمت عليها؟
منال بحنيه : ماعليك منها يمه انتي تبين شي ضروري؟ ليه جبتيني هنا
ترف : ايه لا بس كنت ابي جوالك بس خلاص معاد ابيه
منال: ايه زين اجل انا برجع ادخل اساساً كلامي مع امنه مايصلح بالنهاية هي كبيرة سن مالها داعي مني ذي الحركة
ترف وهي تبوس امها : واي حبيبتي المحترمه
ضحكت منال وترف
رجعت منال عندهم ولاكانه صار شي وبعد امنه سكتت معاد جابت سيره بناتهم
وترف كانت تمشي بالحوش وهي متنرفزه ماتدري وين تروح
.........••........
عند الرجال
عبدلله بحده : يلا قومو العزبه بنخيم هناك وتكون كلشي هناك هنا للحريم بس
فارس : مايمدي مااجي ؟
عبدلله بحده: قم قم لابارك الله فالشيطان اجل عزيمة لكم وماتجي؟
فارس كان متضايق ومب حال يشوف خلقة خالد بالمره
فارس وهو منزل راسه : سامحني يالغالي بس كنت اقول كذا عشان يمكن الي هنا يحتاجون شي ومايلقون احد
عبدلله : لا انت امش معنا الحين وبعدين اخليك ترجع
فارس وهو يحس انه احسن من يقعد هناك طول الطريق : تم وابشر
راحو كلهم الا فيصل وفارس
فيصل بضيق:فارس اسالك بالله فيك شي ياخي؟
فارس وهو يلم اغراضه : لا مافيه شي ونا اخوك
فيصل وهو يحس بضيقته: تراني اخوك ولو ماعندك اخو انا اخوك وايشي تبيه تراني هنا انا وسند وفهد كلنا معاك
فارس وهو يبيها من الله عيونه بدت تلمع لما فيصل ذكره ان ماعنده اخ : والله انه شي يوجع يافيصل
فيصل بحزن: احكي لي ياخوي وياروحي وش يضيق خاطرك
فارس استوعب وضحك: وش يعني زي ماقلت انو ماعندي اخ وتعرف ذي الامور
فيصل ضمه بقوه: ادري مب ذا السبب والواضح انك ماتبي تقول لاكن تراني هنا اي وقت تحتاجيني والله لو تطلب عيوني لااعطيك
فارس بادله وباس راسه : ماقول غير الله يديمك لي يلا ونا اخوك نروح جدي بيغسل شراعنا
ضحك فارس وسحبه معاه وراحو
بينما هم بالطريق
عبدلله ناظر في فهد : فهد شريت بخور لما قلت لك ولا ناسي عشان امعطك بذي ؟ قالها وهو يأشر على عصاته
فهد تذكر : لاوالله نسيت
عبدلله ضربة على رجولة : انت مامنك فايده انت اذلف من وجهي
فهد مسك رجله وهو يتالم ويضحك مره وحده راح من عنده لعند فارس وفيصل وسند
عبدلله لف وراه: سند حط رجلك ونا جدك للبيت خذ بخور من جدتك والقانا بالعزبه
سند : ابشر وراح لف وراه وكمل للبيت وهم كملو للعزبة
..........••.......
دخل البيت وهو ينادي لاكن محد رد عليه فا قرر يدخل بما انه مافيه احد رد يعني مافيه احد داخل
دخل وهو مستعجل لاكن تجمد مكانه وهو يشوف ترف قاعده تدور بالحوش وبدون اي غطاء يغطيها او يسترها على طول لف بعيونه وتنحنح لعلها تسمعه
.........••.......
ترف كانت تمشي وترجع وتمشي وترجع تبي الوقت يمر بسرعه لين سمعت احد يتنحنح قريب من مجلس الرجال
راحت هناك وهي ناسيه انه ممكن يكون غريب ولاعليها ستر؟
وصلت وشافت ظهر سند عرفته لان نص وجهة طلع لها
شهقت وكانت بتروح لاكن وقفها مناداته والي خلتها تتسمر بالارض
...........••.......
سند بدون مايحس بنفسه لما حس انها بتروح نادها بسرعه وتوتر:ت ترف
ترف بربكة وبالكاد صوتها ينسمع:نعم
سند وهو يحس ان الحروف ثقلت عليه قال بصوت مبحوح:نادي لي سديم ضروري
ترف راحت ركض اول ماقالها وكأن ماصدقت يقولها كذا
سند اول ماحس انها راحت حط يده على صدره الا وهو يحس ان قلبه قاعد يدق ويرجف بنفس الحظة ضحك بخفه وهو يقول "شكلك طحت ياسند ومحد سمى عليك " تذكر فستانها الاحمر وهو يقول :انشهد انها موتٍ حمر.
..........••.....
انتهى البارت 🌷.
