البارت مكتوب من اول مانزلته ف بنزله ومدري متى انزل البارت الجديد بس اتمنى تتفهمون وضعي🤍.
نبدأ:
.....•••.......
ام تركي بهدوء: بس يبنتي هذي ماهي لعبه لو طحتي ااو تعورت وحده فيكم وش بتسوون؟
ترف ابتسمت: لاماعليك نعرف للخيل
نوره وهي تتلفت: طيب يلا انزلو بعدين تلعبون
سديم وهي تناظر فيها بعيون القطط تبي تستعطفها: جده لا تكفين ابغى ٥٠٠ من عند ترف
ترف ضحكت : ونتي واثقه اني بعطيك ماتدرين انتي الي رح تعطيني ؟
منال بضحكة : خلوهم خلوهم والله توسع صدري هالمنافسات بس ها مابي ولا اي غلط ولاوحده فيكم تتعور ولا يصير شي
لطيف بابتسامه : مهابيل بس انا عندي حل للفوز احسن من الفلوس ولاتخسرون بعض
ترف نزلت من على الاصيل وهب تقرب هي وياه : يلاها انا اسمعك عمتي وش حلك؟
لطيفة ببتسامه: الحين مثلاً لو فزتي انتي تنفذ لك طلب ونفس الشي لسديم ؟ حلو كذا وحاولو ماتطلبون من بعض اشياء صعبه
سديم ضحكت : انا لو افوز بطلب ٥٠٠
ترف : انا لا عندي طلب اصعب فا اوكيه موافقه
سديم تراجعت : خلاص اجل حتنا بفكر بطلب
منال قطعت عليهم : خلاص الحين رح ياذن خلونا ندخل وبعدين بعد العشاء تتسابقون شرايكن؟
العنود هزت راسها لهم: ايه صادقه خالتي منال خلونا نتمشى هنا الحين وبعدين تتسابقون
سلمى وهي حاطه يدها ع خصرها : والحين وش العلم؟
سديم مسكت الادهم ولفت فيه لوراء: ابدً برجعه مكانه وبعدين نتسابق
ترف مسكت الاصيل ورقت فوقه وبدت تلحق سديم ودخلوهم لين داخل وطلعو الا معاد فيه الا البنات الباقي دخلو
ريتال وهي شوي وتموت من القهر : خخخخخخيييييييرر كنت ابي الحين حماسي كله راح
الهنوف : لالايروح بعدين منه حتى احنا كل ثنتين يتسابقون شرايكن؟
سلمى بحماس : ايه ايه انا والعنود وترف وسديم والهنوف وريتال وفرح وديما ؟ حلوين؟
فرح هزت راسها : حلوين انا ماعندي مشكله
العنود وهي تسال خواتها : انا يس ونتم؟
خواتها هزو روسهم لها وهم موافقين
ريتال ضحكت : وش ذي الصدف الحلوه الكل يعرف يركب خيل!
ديما وهي ميته ضحك : حبيبتي حنا نركب نياق بعد
ربتال وهي تتخيل الشكل : بموتت يقلع شكلك وربي احس الشكل تحفه
سلمى : ولايهمك اخلي ابوي يروح بك لما نرجع عند الحلال وجربيهم
ريتال ببتسامة: ولاكنت متوقعه ولا واحد بالميه اني بسوي هالاشياء بالديره الي كنت اقول مستحيل اتقبلها
العنود وهي تسالها : وليه عسى ماتحبين الديره !
فرح : انتي لو شفتي بس كيف كانت تتحلطم بالسياره تبي ترجع المدينة
ديما : احح بس ياريتال ادعي ماياخذك بدوي وتصير كل حياتك هنا فعلاً
ريتال : اييو تكفين لا صح احب هنا بس مابغى
العنود ضحكت :حدك عاد ريتالوه تراها ديرتنا
ترف وهي تقاطعهم: خلاص امشو ونكمل سوالف وحنا نمشي
هزو روسهم وبدو يمشون حول المكان بشكل طفيف وهم كل وحده ساتره نفسها
.........••......
اذن المغرب وبدو العيال يفرشون الفرشه يبون يصلون جماعه زي باقي الفروض
وكان فيصل هو الي يصلي بهم
......••.....
ونفس الشيء عند الحريم صلو جماعه وخلصو من كل الجهتين
وبدو يسوون القهوه وكلن يسولف مع الثاني ولابقو سالفه ماقالوها
وكانت من اسعد اللحظات عليهم كلهم
.....••.......
عند البنات كانو كلهم قاعدين يناظرون ريتال وديما الي سوالفهم ماودك تخلص كلها ضحك ويوصفون لك الوضع كنك كنت بينهم
كانت ريتال تشرح لهم قصة البويه الي كانت تبيها
ريتال وهي بتموت ضحك:لا وتخيلو كانت تجي عندي في الفسحه وهي تقول لي ممكن تجين لحظهه؟
انا كنت اناظر صحباتي روان وشهد وريفال واقولهم اروح؟ الا
ريفال تقول لي وهي تهمس : انا انصحك روحي لاتجي تلعن خيرك وخيرنا معاك
طبعاً ريفال ملعونه خوافه بس قالتها بمزح
ناظرت روان ونا ابغى منها الاجابه الثانيه قامت تضحك وتقول والله وجهها مايبشر بالخير ونا ختك
فرح وهي تضحك : انتي منجدك صحباتك ذولي بيعيهممممم بسرعه
ريتال وهي تكمل لهم :لا انا ماوصلت لكم عند شهد طبعاً شهد غير عنهم قامت تتكلم معي بكل حنيه وتقول لي اسمعيني ريتال عيني روحي وشوفي وش تبغى ولو الي ببالنا كلنا فهميها انو غلط ومايصير وووو
ترف وهي تشرب القهوه : والله هذي شهد كفو تفكييرها حلو
ريتال : ايه تجنن المهم رحت عندها الا القيها عند الدرج
سلمى قاطعتها : ماكنا عند الدرج ههههههه
ريتال ضحكت: هههه تافهه المهم وصلت عندها الا هي تمد لي بورقه ناظرت فيها كذا وقلت لها افتح؟الحين قالت وهي مستحيه ايه افتحي فتحت تتوقعون وش لقيت؟
سديم تحمست : وش لقيتي
ريتال : لقيتها كاتبه لي انا احبك واتمنى تصيرين .... حقتي
الهنوف : ووش سويتي
ريتال وهي تضحك : وربي قلبت لك الشيخ مبارك المهم اخذت الورقه وقطعتها اكثر من مره وجلست اقولها انتي عارفه ان هالشي لايرضي الله وانتي عارفه ان هالشي بيدخلك النار ونا معاك؟ تبي تروحين النار؟؟؟ اختاري بسرعه نار ولا جنه؟؟؟؟؟
الا البنت مفتحه عيونها وتناظر فيني من تحت لين فوق بعدين ناظرت كذا وتقول لي اسمعي ترا ماني جايه اخذ منك نصايح انتي قولي اي او لا
ديما : يع بجيحه
ريتال وهي تتفق معها : ايه وربي وبشكل قوي بعد مارفضتها رحت من عندها وطنشت لاكن الله لايوريكم الخوف الي دخلني ونا اشوفها مع شلتها المشكله وشو كلهم دببه وكبار وبويات يعني حرفياً الي يشوفهم يخاف منهم
الهنوف : اقول قولي الحمدلله ماحشروك انتي والقطط الي معاك
ريتال ضحكت : مره وحده منهم انحشرت روان وحده حشرتها والله انا والبنات نعطي بعض نظرات واهربوو
فرح بضحك: يعع كيف تسحبون عليها كذا
ريتال بصدمه : انتي لو شفتي اشكالهم حتى اختك تسحبين عليها
ترف : يقلع ابليسك ياريتال ههههههه انتي حفله الحمدلله وهي اخر سنه
ريتال بحزن : والله خير مرا احب المدرسه مكان ودي تصير اخر سنه وبعدين الحين فعلاً نتفرق انا والبنات
ترف :معليك حياة الجامعه تجننننن وان شاء الله تصيرون مع بعض
ريتال:يسمع منك يارب
العنود وهي تناظر الساعه : بنوتات شويه وياذن العشاء
ريتال : ايه الحمدلله انا خلصت سوالفي الحين بصلي ونا مرتاحه هههههههههههههههههه
ترف:ياخوفي تتذكرين سالفه ونتي تصلين وتسهين عن الصلاه
ريتال وهي تسوي نفسها زعلانه:افا ياترف انا ماني من النوع الي يحب السوالف!
الكل خلو الي بيدهم من كااسات وغيره ويناظرون فيها بصدمه
سديم: يمه منك اذا كل ذا وماتحبين السوالف لو تحبينها كيف؟
الهنوف:. تكفون امسكو بنتكم لاتحب السوالف ابداً ابداً
ريتال وهي تشوف ردة فعلهم فطست ضحكك: اجل انسي انتي وياها عاد اقولكم سالفه
الهنوف بضحك: وعوه من زين سوالفتس انتي
ترف وهي تتأمل الهنوف : تكفين احب لما احد يتكلم بالسين
سلمى : انتو مب طول الوقت عندنا ترا هنا بالديره اغلب الي هنا يتكلمون كذا ولو انتو عندنا كان متعودين زيهم
العنود :صح صادقه واكثرهم اخوي تركي ياكثر مايتكلم لنا كذا
ترف : يالله ياحلو اخوكم هههههههههههههههههه
سديم وهي تنغزها : معليك نعلم الي عندنا دامك تحبين
سلمى ضحكت ووهي ناويه تعلم سند ان ترف تحب كذا عشان يسويها
ترف وهي تحس باحراج : مب كذا قصدي وجع سديم
العنود : معليك فاهمينك لاتخافين هههههههههه
......••.....
اذن العشاء والكل قام يصلي وبدو في العشاء يجهزونه كلهم حريم ورجال بس بجهات مختلفه عن بعضهم البعض .
....،••.....
ريتال وهي تمسك ضهرها من وراء وتوقف : يمه يضهري الله يعينك على ذي الليله لين تنتهي
امها ضحكت عليها : والله يبنيتي ادعي مايكون نصيبك من اهل الديره بتتعبين كذا واجد
ام تركي لفت عليها: ليه يام سند بالعكس وش حلات عيال هالديره ويحبون ويقدرون غير عن الباقي
ام سند وهي تإيد كلامها : ايه طبعاً في ذي مانختلف بس تعرفين احنا جربنا وماخذين من ديرتنا مشاءالله عليهم اغلب الاكل والشغل يكون حنا نسويه يعني تعرفين العازيم وكذا اكيد يحبون الطبخ يكون بالبيت
ام تركي ببتسامة: ايه صح بس والله مافيه مثل لما تاخذين لك اجودي صح
ام سند وهي ترد لها الابتسامة: ايه والله يخيتي بذي ماغلطتِ
ريتال وهي تضحك: ياماما الاختيار بسرعه بدوي ولا لا
ام سند ضحكت: والله ونا امك نصيبك وين ما وداك روحي
ترف جت وهي تقول : وحده منكم يابنات تطلع الكرتون المويه ذي لبرا عشان ياخذونه
ريتال : انا اخذه دقيقه بس اغسل يدي
..........••.........
في قسم الرجال كانو تقربباً مخلصين الشغل لين انتبهو ماعندهم مويه وتذكر فيصل انه وداها هناك كلها
محمد : خلاص عادي واحد منكم يروح يجيبها
تركي كان االوحيد الي فاضي : ابشر ياعم الحين اجيبها لك
.....••......
راح هناك وهو عباله مافيه احد ابدً كان يمشي وهو منزل راسه لجواله يشوف سنابات خويه عبدالرحمن
وبنفس الوقت ريتال طالعه ومع الاسف مكان عليها اي شي يسترها لانه ببالها تخليه برا وتدخل وهم اكيد بيجيون
.......••.....
كانت ماسكه الكرتون بالقوه لانه ثقيل بالنسبه لها وتمشي بحذر عشان هناك الطريق مايساعد وصلت وهي تنزله بشويش وترجع تلم شعرها وتلف على داخل بترجع
......••.....
كان شاهد للمشهد من بدايته وماهو منتبه على نفسه اساساً ماامداه يرفع عينه من الجوال الا وهو يشوفها ماهي حركاته انه يناظر اي بنت ابداً لاكن ذي لفتته بشكل غريب وغريب جداً شافها وهي تنزل الكرتون وهي معفسه ملامحها ويدل على انه ثقل عليها رسم ابتسامه اقل من الخفيفه لما شاف ملامحها المعفوسه كذا ولا لما رفعت شعرها الطويل وهي ترجع تدخل
مسك قلبه وهو يقول :بسم الله الرحمن الرحيم .. مشاءالله تبارك الله
كان الدقات هاذي مؤقته لوقت قصير لما انتبه على نفسه حس بشعور غريب مره اول مره يستحقر نفسه لذي الدرجه ...كيف سمح لنفسه يتأملها كيف! حرام ،مب حركاته تعوذ من ابليس وراح هناك وهو ياخذ الكرتون ووداه لهم
....••...
الكل تعشى ولمو الاغراض وكان ببالهم ساعتين او ثلاث ويرجعون للبيت عشان يرتاحون قبل حفله الملكة.
.......••.....
ترف وهي ماسكة جوالها : بنات ياخي طفش سوو ايشي
جت امها وام تركي وعمتها وجدتها وقعدو عندهم
امها: وش فيكم ساكتين ليكون خربنا عليكم الجو؟
ريتال وهي تلف فستانها حول رجلها عشان تعدل الجلسه: مكان فيه سوالف عشان تنقطع ابداً
ام سند أبتسمت: مشاءالله وش كثركم معقوله ولا وحده منكم عندها سالفه
الهنوف ضحكت : ياعيوني ياخالتي ريتال خلصت علينا السوالف المغرب سولفت عني وهي البنات وعنكم حتى هههههههههه
ام تركي وهي تبتسم : معليه خل تعيد سوالفها ماسمعنا حنا
ترف ضحكت : والله مانصحك ياخالتي
امها وهي تضحك: والله حتنا مانصحك يا ام تركي اذا فتحت فمها ماتسكت
ريتال وهي ترجع الفنجال : الله يسامحتس ياماما بس
امها لفت عليها : اخس والله صرتي تتكلمين زيهم
ريتال وهي ترفع حاجبها : العنود مدري اختها تكلمت كذا بالغرفه ومره حسيت النطق حلو وحبيت اعتمدها شرايكن؟
ام تركي : ايه يابنتي والله ياحلوتس يوم انتس تحكين مثل حريم الديره
ريتال وهي ترد عليها بنفس اللهجه: والله انتس انتِ الحلوه
الكل ضحك عليها تبي تجرب اللهجه باي طريقه
.......••.......
الكل كان مبسوط من كل الجهتين والسوالف ماليه المجلس لين
قام تركي وغمز للباقي وفهمر عليه وش يقصد وانسحبو بشويش وكل شويه واحد ومنهم يروح لين مابقي الا الشياب
.....••......
تركي وهو ماسك عوده : انا مرتحت للمكان قريب منهم شرايكم نروح ابعد شويه
فيصل وهو يتلفت وراه: احس ايه صادق
سند وهو ماهو مرتاح : والله لو ننقفط لانروح بداهيه
فارس ضحك: معليك يخوي ارتاح بس
مشو لجهه ابعد بشويه عن الي قبل وفرشو لهم الجلسه وجلسو وقعدو كل واحد منهم يهبد بيت شعر او بيت اغنيه اهمشي يستانسون ولاننسى تركي الي كان مسوي لهم الجو وهو يعزف لهم
........••........
مر الوقت وصار لازم يرجعون للبيت ولاكن مكان فيه احد من الشباب
حتى ان البنات لاحظو وترف مسكت جوالها تتصل على فارس مايرد عليها ابداً والعنود جربت على تركي لاكن كان تركي بجو ثاني وهو يعزف ويتذكر الجمال الي شافه
زقت مع سديم وجلست تتصل على فيصل لين رد عليها
......••......
هناك عندهم ولا واحد فيهم منتبه لجواله الا فيصل انتبه عليه بعد وقت وشاف اتصالات اخته قام من عندهم بسرعه والكل لاحظ عليه ولفو عليه؟
فيصل بسرعه: معي ٩ مكالمات من اختي لازم ارد شوي وجاي
الكل هزو روسهم ووقفو الي كانو يسونه وحاولو يلمون الي حولهم لانه عرفو مارح تتصل كل ذا عشان شي تافه
.....••.....
فيصل اول مافتح المكالمة على طول وخرها من عند اذنه من صراخ سديم
سديم بعصبيه:خير ان شاء الله وينكم ليه ماتردون؟
فيصل صرخ معها : بشويش وجع سديممم ولامكان حنا قاعدين بعيد عنكم خير؟
سديم وهي تستفزه وتصرخ زياده : اجل تعالو الكل منتظركم بسرعه ابوي عصب عليكم يدق ماتردون لانت وال الرخوم الي وراك
فيصل بهدوء: خلاص انطمي بعدين انتي الرخمه انتظري لين اجي بس
سديم قفلت بوجه على طول وهو زفر عشان مايعصب عليها هي واسلوبها الطفولي بنظره
رجع عندهم وهو يقولهم انه الكل منتظر واتصلو ولاحد رد وفزو على طول راجعين وصلو ونزلو هناك الا الكل منتظرهم ومكشر بوجيهم كلهم
سند بوهقه: هيا هذلك ابلش والله
فيصل بهمس : لو مهما صار مانعترف باليي سويناه
قربو لهم الا جدهم يناظر لهم وهو يقول : وين كنتو
فيصل وفارس :ولا مكان
سند وتركي وفهد : هناك
ناظرو بعض وهم فعلاً متوهقين
عبدلله وهو يهز عصاته : كنتو سوا صح
فيصل وفارس : اي
سند وتركي وفهد :لا
مشاري لف عليهم وضحك: خلاص اسكتو انا بتكلم جدي ايه كنا سوا وكنا هناك مب بعيد مره بس كنا نسولف ولا انتبهنا للوقت ابداً ولما انتبهنا جينا على طول المعذره والله خليناكم كذا برا
عبدلله هز راسه:الحين يلا اركبو بعدين نتفاهم مالي حيل الحين بنرجع البيت
الكل هز راسه ووافق وراحو نفس الترتيب الاول
ووصلو البيت
وكان.......••.....
انتهى البارت
