نكمل
-العشاء الساعه-٩:٤٥
.....••....
سديم وهي تلبس عبايتها: ترف هيا اخلصي
ريتال بسرعه: بجي ترا معكم
فرح كانت ع جوالها: انا الخوي الي مايخلي خويه بجي بعد
سلمى ضحكت: ماتوقع بتخلوني صح
ترف تلبس النقاب: بسرعه البسو مافيه وقت
لفت لسديم الي مخلصه: انا قدام انتي ورا ترا مافيها نفاش
سديم ضحكت: تكفين روحي قدام والله ماتفرق
ترف بطفش: حسافه كنت ابي نتهاوش بس يلا
ريتال وهي تلبس حذيانها : اصبري علي ونتسابق والي توصل هي الي تركب!
ترف بتحدي: تمام يلاها
فرح هزت راسها: اطفال والله
......••......
برا كان واقف مع عيال عمه وفهد يسولفون
فهد :تمام اجل خلصو من الشغل ذا ورجعو بدري
فارس وهو يقلب مسبحته: بشوف ان شاء الله
سند وهو يعدل لفة غترته:رح يطولون لان هنا مافيه قريب سوبر ماركت كلها بقايل عاديه
فيصل : عادي اهمشي يخلصون كل اشغالهم
«كانو مكملين سوالف لين سمعو ضحك وركض لفو ع الصوت لقيو ترف وريتال مسابقه والبنات وراهم يضحكون عليهم وع اشكالهم »
فيصل حط يده ع فمه ويضحك: قل اعوذ برب الفلق ذولي وشو؟
فهد : جن والله مب اوادم
فارس كان يضحك واستوعب سند وفيصل فيه لف عليهم بسرعه ويقول لهم بحده :ورع انت وياه لاتناظرون !!!
سند وهو يلف بيدخل المجلس ويضحك عليهم : معليك ماشفنا شي
فيصل وقف ضحك وراح من عند السياره عشان يدخلون
وصلت ترف وريتال سوا ترف وهي مانعه الباب: ماتدخلين؟
ريتال تتنفس بسرعه: على زق انتي قلتي الي توصل تدخل
ترف وهي بتموت زيها: بس وصلنا سوا يالحبيبه
ريتال كانت بترد لين جا فارس من وراهم وهو يتكلم : خير يابزران؟
ترف تنفست وردت عليه: شف الغشاشه قلنا نتسابق الي توصل ولما وصلنا سوا تبي تركب هي؟
ريتال : انتي الغشاشه مالي دخل
فارس بهدوء: انتي وهي ورا بسرعه!
ولف وجهه لسلمى: تعالي انتي هنا
سلمى لفت لسديم: لا ماحب خذ ذي دفتها له
فارس ابتسم: مانقول لا والله
بعد البنات وفتح الباب لها ابتسم لها: السيدات اولاً!
ريتال من وراه: وحنا وشو بقر؟ ظلم ترا هي ماتحب قدام!
فارس لف لها: تتسابقون ع قدام! يعني بقر المهم اركبو ورا بسرعه لاغير رايي
سديم بهدوء:لاجد مابغى خل وحده منهم تجي هنا
ترف ابتسمت وكانت بتتكلم فارس قاطع عليها :سديمي ادخلي الحين وبعدين نتفاهم
ترف ضحكت:عشتو سديمي بعد
وراحت ورا لانها خلقه تعبت من ريتال جلست جنب فرح وسلمى بالوسط يعني
سديم ابتسمت: ثانكس
ودخلت وسكر الباب وراها ابتسم لها من الشباك وراح لجهته
ريتال اخر وحده ركبت ومروقه ولاكانها الي شوي وتموت مع ترف عشان قدام وتصور سناب ولاهمها
كانو يسولفون ويغنون سوا لين شغلت ترف اغنيه اصالة ٦٠ دقيقه حياة
وبدا يغني معها هو وسديم والبنات ورا ماغير عيونهم قلوب وهو يناظرونهم كيف انهم مندمجين سوا
سديم طلعت جوالها وبدات توثق لحظاتهم سوا انتبه عليها فارس وضحك لانها فعلاً بدات تتعود عليه بشكل وهالشي عاجبه
وصلو لبارت اصاله الي تقول فيه (والساعه الي بعيشها في قربك ٦٠ دقيقه حححييااااهه والوقت الضايع طول بعدك من عمري انا مش حسباه) وفارس كان يغني هو وترف الي بعصت عليهم الجوو لانها بالنص
سديم ضحكت: بشويش حبيبتي حلقك بيوجعك
ترف وهي مكمله: ممكن تخليني في حضنك؟! محتاجه ان سمع صوت قلبك؟
سديم ابتسمت: لاي لالاي لاي لالالاي
كملت هي وترف تصور سنابات وتنزلها استوري
«بعد دقايق طويله وصلو السوبر ماركت ونزلو وفعلاً كل وحده راحت مكان واخذو كلشي يبونه لسهره بكره هم والبنات وراحو وفارس طبعاً ماخلاهم يحاسبون كلشي هو حاسبه عنهم بعد نقاشات طويله ببنه هو وسديم ورجعو السياره وراحو اقرب كافيه لقيوه وتقهوو هناك ورجعو البيت تقريباً
الساعة ١١-اليل »
.....••......
فارس وهو يعطي ريتال كيسها: ادخلو بشويش ترا الكل نايم
هزو روسهم ودخلو بشويش للبيت وحطو الاشياء الي يبي لها تبريد في الثلاجه والباقي ع البلاطه لبكره
