.........
كانو سوالف والحريم بمكان والرجال بمكان لين اذن المغرب قام عبدلله من مكانه وهو بمسك عصاته : يلا ياعيال صلاه صلاه والله اني اليوم اهملت الشغل ولاعاد قابلت ابو سالم مع اني موعده
محمد: عادي يبه حصل خير بكره تقابله وكلنا بنروح معك
سعود:اي صادق الحين نصلي ونتعشى وبعدين
راحو المسجد والكل عرف بجيت عيال عبدلله بما ان القريه صغيره فا الكل يجتمع بمسجد واحد وهذا يسلم على هذا وهذا يتكلم مع ذا يعني كنهم عائله وحده وطبعاً لان عبدلله تاجر معروف عندهم فا اخباره تنتشر بسرعه والكل عرف بجيت عياله واحفاده
............••............
عند البنات كانو نفس الوضع جالسين عند بعضهم البعض وريتال منسدحه على رجول جدتها وهي تسوي لها شعرها ويسولفون لين قطع عليهم الاذان
نوره: الحين كلكم بتقومون ونصلي بعدها سلمى تزهب العشاء لابوها والباقي
لطيفه: لا لا وش الي سلمى دامنا هنا مافيه الا حنا
منال بهدوء: اي صح خل سلمى ترتاح ذي اليومين مع البنات
سلمى وهي تناظرهم بكل حب : ياحياتيي ياخي والله اني احبكم احلا زوجات اخوان بالدنيا
ترف بضحكه :اي م شاءالله عليك محظوظه اتمنى احصل مثلهم والله .
سديم بنغزه:ايه م عليك انتي بتحصلين الاحلا ان شاءالله
محد كان فاهم على سديم الا ترف
قالت لها بالعانه:اي اي ان شاءالله بس تدرين حتى انتي الحاسه السابعه تقول لي انك بتجين عندي
سديم: خلي خلي حواسك لك محد يبيها
نوره قطعت عليهم وهي تقوم والكل من بعدها قام ودخلو يصلون وبعدها العيال رجعو البيت وراحو المجلس والبنات في الصاله ومنال ولطيفه بالمبطخ يسون العشاء قامت فرح بتروح
.........••........
سلمى: ع وين ياحلوه
فرح بهدوء: بطلع برا شويه مره احب اجواء المغرب والعشاء هنا
سلمى بابتسامة:اجل اصبري بجي معتس
ترف بضحكه: سلموه انتي اشبك مره تتكلمين بحرف السين ومره لا
سلمى :شوفي والله هو ودي اعود نفسي لانها فيه حريم هنا كذت لهجتهم لاكن معكم ماقدرت تجون من المدينه وتخربوني
ترف ضحكت عليها
ريتال نطت: خير خير وين رايحين نبي معكم
فرح : ياخي خلو عنكم القافه بنروح ونرجع انربخي هنا
سديم بالقافه: معليش حبيبتي انا طفشت بجي معكم عادي ؟
ترف : حتى ترا
ريتال : اكيد اذا راحو مابقعد
سلمى وهي تفكر: اجل اسمعو حنا باقي مبكرين ع النوم والعشاء شرايكم نروح لعند العنود وخواتها شويه ونرجع
ترف: وجدي بيخلينا؟
سلمى : اكيد انتي ماتعرفين عيشه الديره هذا الي يروح عند هذا حتى بالصباح عادي ترا بس حنا مانحب
ريتال : اجل يلا وحنا بنستاذن من بابتي
سلمى وهي متنرفزه : وعع منك انتي وبابتك
ريتال ضحكت عليها وراحت عند ترف: تروف حبيبي يااحلا اخت بالعالم
ترف عرفت وش تبي وقالت لها: معليك انا بروح اقوله بس مب لسواد عينك لا عشان انا ودي اطلع
ريتال قامت: اجل اذلفي يلا
سلمى: ونتي رايحه علمي ابوي ومحمد اخوي مره وحده
ترف: تم ازهلوها بس
..........••........
راحو البنات يلبسون وترف راحت لعند باب المجلس وطقته بخفيف
كانو يسسولفون لين سمعو الباب راح فيصل بيروح الا وقفه محمد : فيصل لاتطلع ممكن مب اختك انا بروح
فيصل تذكر بنات عمه : ايه صح راح عنبالي
راح محمد وطلع حصل ترف ابتسم :هلا بنيتي وش تبين
ترف بابتسامة: ياهلا بعمي حمودي
محمد ضحك ع الاسم: من الاخر ياحلوه وش تبين
ضحكت ترف وجت تشرح بذمه وضمير: يعني كاشفني المهم عمي انا والبنات صراحه زهقنا وكذا وامي وعمتي وجدتي بالمطبخ مابقي الا حنا وسلمى وتعرف لانت ولاحاجه يعني مرررا طفش
محمد وهو يبيها تسكت: هوب هوب ترف تمام فهمت من الاخر وش السالفه
ترف ضربت راسها لما توهقت: ههه مانبي شي بس كنا بنروح عند العنود وخواتها نسولف معم نص ساعه حتى مب ساعه كامله ونرجع لاكن تعرف سديم قالت تبي اعطيك خبر انت وابوي وجدي عشان...
محمد راسه انفجر: ترف بنتي تمام هدي اشبك اليوم تهدرين مره تمام تبون تروحون طيب انا بروح اطلع لك ابوك وقلي له هو وابوي تمام انا عني قلي لسديم عادي اذا تبي
ترف ضحكت: ايه واسفه عمي اذا رجيتك لاكن خفت ترفض
محمد ضحك:لا معليك لاكن لاتسوينها بابوك وتوجعين راسه
ترف تمثل الحزن مدت شفايفها بزعل : عمييييييي
محمد ضحك ودخل : سعود بنتك برا تبيك راجت راسي روح لها
فارس ضحك: اقص يدي اذا مب ام القرقره ترف
سعود وهو طالع : حدك انت لااجي افرشك
طلع لها حصلها راحت له ركض يعني قربت من المجلس وصوتها بيصير ينسمع لهم
سعود بابتسامة: هلا يامي وش تبين
ترف بدلع: بابتي لو اطلب طلب ترفض؟
سعود: تدللي امري وش تبين
كانت ترف تتدلع عشان ابوها يوافق ومع الاسف نست ان فيه احد داخل قلبه منشلع ع دلعها
وكلمت : شوف هو حنا طفشنا وقلنا نبي نروح عند العنود وخواتها اذا عادي يعني
سعود بهدوء: وتشوفونه مناسب الحين؟
ترف: يبه انت تدري ان الديره مب زي عندنا بعدين والله مب متاخرين طفشنا داخل
سعود وهو يتنهد: طيب بس مين رايح
ترف بعجله: انا وفرح وريتال وسديم وسلمى
سعود ضحك: ومن بقي بالبيت ؟
ترف ماانتبهت : جدتي وامي وعمتي
سعود: لا يشيخه يعني معرف ههههه المهم تمام روحو بس احد يوديكم
ترف: تمام فارس بيودينا
سعود: لا فهد بيوديكم ويجيبكم
ترف : اي والله كذا تمام بس خبر جدي ان سلمى معنا تمام
سعود ضحك : تمام تمام الحين اذلفي رجيتي راسي
ترف تمثل الحزن : انت وعمي مرا ماتتحملون صوتي لاكن معليه انا بتزوج واهج من عندكم
قالت كلامها وهجت لانها تعرف ابوها لو يمسكها نتفها
سعود وعيونه طايره: لا انتي وجهك مغسول بمرق اصبري عندك وركض وراها خطوتين لاكن مالحقها رجع وهو يضحك ودخل المجلس
...........••.........
هالكلام الي صار كله تحت مسامع سند الي وده لو يطلع ويذبحها وهو حتى هو بنفسه مايدري وش سبب هالضيقه الي بصدره
لاكن من تذكر تركي واخوانه الي بالبيت لا ولما جت ع سيره الزواج عصب بخفيف لاكن مابيده الا يسكت عنها
.......••.......
دخل سعود المجلس : يبه ترا سلمى بتروح بيت ابو تركي هي والبنات قالو لي اعلمك
فارس نط قبل يتكلم جده: يبه كيف يروحون كذا يااوديهم لا مافيه
سعود: لا انت استريح يالحبيب فهد بيروح
فهد فز من مكانه وهو مايدري يفرح ولا يزعل ولا وش بالضبط
عبدلله : ايه م عليه خلهم يروحون لانه واضح انها طفشانه كلامها وصل لعندي
ضحك محمد: والله ياسعود الله يعينك كيف راسك متحمل هدره هالنتفه
فارس بقهر: اخ هذي سوسه مب نتفه والله
سعود : ياولد استح ع وجهك ذي اختك
كملو سوالف وجلسو بينما فهد انسحب لعندهم يبي يبلغهم بانه هو الي بيرح بهم
........••.......
قبل لحظات جت ترف وهي تركض لعند البنات ودخلت وحصلتهم تجهزو
كانت دانه وماسكه ركبها تاخذ نفس من الركض انقطع
فرح بفجعه: بسم الله انتي وش مسويه وش بك تركضين كذا
ترف وهي للان حلقها ناشف: ولاشي نرفزت ابوي وهربت قبل يمسكني
ريتال بضحك: اقدر احلف انك قايله تنتظرين زوجك
سديم طارت عيونها: ترف تتكلمين كذا قدام ابوك
فرح ضحكت: لا ماشفتي شي لما تتكلم كذا قدام فارس حرام انه ينقهر وياخذ العقال ووراها بالبيت كامل
سلمى ضحكت: اذكر مره قلتها قدام فهد وزعل مني قال تبين تفتكين بس
ريتال وهي مكمله: انتي اشوى والله ذي فضيحه بالمره حتى مره سمعتها جارتنا الي بالمدينه وجت خطبتها لولدها عبالها صدق تبي زواج
ضحكت سديم وسلمى بصدمه منها
ترف وهي دوبها تقدر تتكلم : للا ماشاءالله امحق خوات وربي ع طول فضايحي طلعت الحين وش اسوي فيكم ها اطلع اسراركم وش
فرح بعجله : كلي خرا واسكتي المهم وش قالك ابوي
ترف بتعب : والله حبيبتي ان سويت سالفه ومب بس لابوي لعمي بعد
سديم ضحكت: ياحبيبي يابابا رحت ضحيه هدرت ترف
ترف بوزت: والله عاد اشكريني ماكنتي بتروحي لو ماقلت له عموماً يالغدارات ليه ليه متجهزين وخالصين بعد ونا الي اكلتها ؟
سديم وهي تاخذ العبايه هي والبنات :حنا برا انتي البسي واطلعي
ترف شهقت :والله لاخليكم تنتظرون وربي حيوانات اي وترا عمي فهد الي بيودينا
سلمى: حلو يلا بنات اكيد انه بالحوش
طلعو كلهم معدا ترف الي تسوي كلشي بجعله لبست لها فستان هادئ وخفيف مرا ماسك ع جسمها وفردت شعرها الي لاسفل ضهرها واساساً هو ناعم مايبي له استشوار ع طول حطت لها مسكارا وكحل نهايه العين خفيف وكملت
.......••.......
طلع فهد وجلس منتظر البنات طلعو كلهم وقام بيمشي قدامهم الا سلمى تقوله : فهد اصبر ترا باقي ترف تتجهز
فهد وهو كان متحمس بشكل لاكن خربت عليه ترف : ياليل ذي لو خلت الكلام الزايد وراحت كان اهون
