في بيت من بيوت نجد العذية كان الوقت ٨:٠٠ صباحاً
في بيت محمد بن عبدلله
..مر محمد من عند غرفة بنته سديم الا ويسمع ضحكها الي عالي مره
انبسط انه يسمعها كذا فرحانه دخل عليها يبي يشوف وش عندها
محمد بإبتسامه:ها سدومه حبيبتي وش الي مفرحك لذي الدرجه فرحينا معاك
سديم وهي ناطه عند ابوها:تدري ابوي ان عمي سعود بيجي عندنا ويسكنون هنا ويستقرون خلاص ؟
محمد:ايه والله يابنتي مكلمني عمك وكنت بعطيك خبر بس ثاريك عارفه
سديم بفرح:اي يُبه عارفه قالت لي تَرف قدام شوي وقعدنا نخطط وش نسوي لما يجون الا يُبه بسالك !
محمد استغرب منها لما هدت فجأءه :هلا امي انتي اسالي ؟
سديم:انت بتعطي عمي البيت الي في حارتنا صح؟
محمد براحه:اي اكيد يابنتي بعطيه هو اخوي وقطة مني مايغلا عليه شي ..
سديم بحب :ياحبيبي يااحن بابا بالدنيا
قامت لعنده وحضنته وفجأة قالت له :يُبه اكيد امي بتعصب علينا خل ننزل لها
محمد :ايه زين ذكرتيني يابنتي امك هي الي مخليتني اطلع اجيبكم انتي وفيصل يلا ننزل اكيد فيصل نزل
سديم :تمام .
—————
كانت لطيفة جالسه هي وفيصل وسند ع الطاوله منتظرين سديم وابوهم
نزلت سديم وهي شاقه الابتسامه: صباحوو لااحلا عائله بالعالم
فيصل وهو يضحك ع اخته :صباح الخير بس اشبك تبتسمين كذا تخوفين تراك؟
سديم بعصبيه:انت وراك ماتهجد لازم تخرب علي فرحتي يعني
فيصل بعدم مبالاه:شسوي مب لايق عليك هههههههههه
سند ابتسم بخفه ع اخوانه وهبالهم المعتاد
سديم طنشته وراحت عند امها الي واضح انها قافله معاها وهي تبوس راسها:صباح الخير ماماتي الحلوه
لطيفة بعصبيه مصطنعه :يرضيك اجلس انتظرك انتي وابوك ساعات هنا؟
محمد بضحك :الله عاد مب ساعات دقايق بعدين بنتك هي الي اخرتنا
سديم بشهقه وزعل مصطنع:لا ابداً يا يُبه ماتوقعتها منك انت تغدر فيني
لطيفة قاطعت النقاش الي كان بيصير:خلاص تمام اجلسو وافطرو الحين وكل واحد ع شغله
فيصل بضحك :يُبه شرايك ندرو لك وحده جديد ؟
محمد وهو فاهم عليه:ها ياوليدي بشر عندك
فيصل كان بيتكلم وهو يضحك ع تعابير امه الزعلانه
لاكن قاطعه سند ببرود:فيصل وراك ماتسكت الحين وتفطر زي الخلق وتقوم ع شغلك
سديم وهي فرحانه راحت عند امها وجلستها عندها:معليك منهم يُمه اصلاً ابوي لو يدور ع وحده زيك مستحيل يلقى انتي فريدة من نوعك
لطيفة وهي تبتسم لها وتحضنها:اي فديت بنتي الي كبرت وصارت تدافع عني
محمد وهو يناظر زوجته بإمتنان:وهي صادقه والله ماني لاقي مثلك لو مهما دورت
لطيفة بخجل: انت الحين تقولها بعد ماطاوعت هالاهبل الي عندك.
فيصل شهق وهو يضحك وقام عند امه وباس راسها :والله اني اسف يمه كنت امزح ولانا عارف ان مابه مثلك .
لطيفة:حبيبي فيصل ادري فيك انك مهبول ومستحيل ازعل منك
فيصل ضحك لها ورجع مكانه
سديم وهي فرحانه:احممم احمم اسمعو وانتبهو لطفاً ياعائلتي الكريمه
الكل يناظر لها وهم مبتسمين عارفين ان سديم تسويها اذا تبي تعلمهم او تطلبهم شي
سديم كملت :الحين اكيد محد يعرف الا ابوي ان عمي بيجي عندنا واكيد ان اهله معاه يعني ...
لطيفه ناظرت محمد بفرح:صدق يامحمد سعود ومنال بيجون ؟
رد عليها زوجها بابتسامة:اي بيجون الاسبوع الجاي وبيستقرون هنا
قاطعتم سديم مره ثاني :والحين الكل عارف ونا عندي شروطي.
سند بملل:سديم اخلصي عليها وش تبين؟
سديم بفرحه :يعني تَرف بتجي وبيتغير كلشي بيصير اطلع معاها كثير واروح عندها اكثر وهي تجي عندنا وبس والله حبيت اعطيكم خبر من الحين.
فيصل بجديه :سديم تروحين عندها تمام تجي عندك برضو تمام الطلعات هذي من وين جت؟ تطلعون بس مب لحالكم ولابكثره؟
سند ببرود :فيصل صادق يعني من الحين لااشوف الدلع والطلعات الي مالها داعي
سديم بزعل وهي تناظر ابوها :يُبه قول لهم انهم فهمانين غلط ونت عارف انو مارح اطلع انا وترف وحدنا اكيد ريتال وفرح بيكونون معنا.
فيصل من سمع اسمها حس بقشعريره تسري بجسده وللحظه انقطع عنهم وهو يفكر فيها ياترا متى بتجي وهل اقدر اشوفها ولا وسرح ...
محمد وهو يناظر: سديم قالت لي عن الموضوع ونا ماني رافض طلعاتها معاهم واصلاً هم كبار ماشاءالله عليهم ثلاث بنات واكيد ان واحد منكم او فارس الي بيطلعهم
سند :ابشر يُبه ماقلت شي بس هي من اول مب قايله كذا انو تبي مننا حنا الي نطلعها ولا اذا جت ع كذا ابد ع ذا الخشم وهو ياشر لها ع خشمه
سديم رجعت وفرحت وراحت عنده وهي تحضنه بشويش :شكراً يااحلا سند
سند ضحك:العفو يااهبل سديم
ضحكت سديم وبعدت عنه وراحت لفيصل الي باقي ساكت وجت من وراه وضربت راسه بخفيف :هي انت وين رحت
فيصل رجع واستوعب الي صار وناظر سديم :ابد يالمهبوله مارحت مكان انتظرك تخلصين سخافتك وروح
سديم كشرت :وع ياشينك رح بس رح
فيصل ضحك عليها وراح باس راس ابوه وامه وكل واحد راح ع شغله
————————
ووكان بالوقت نفسه بس ببيت ثاني ومنطقه ثانيه في اجواء مشابهه لذي الاجواء اكيد انه بيت سعود
كان سعود هو وزوجته وعياله كلهم ع السفره يفطرون بهدوء وسوالف خفيفه لين قامت تَرف وقالت : بابا متى بنروح الرياض عند عمي محمد ؟
سعود:بنروح عندهم الاحد إن شاء الله
فارس:يُبه قررت وين بنسكن ولاباقي؟
سعود:كلمي عمك محمد وهو عنده بيت بنفس الحاره هذا اذا مكان جمبهم كان بيأجره بس سمع انو بجي قال اخذه.
فارس:عمي محمد كفو مايقصر الله يعطيه العافيه
فَرح:متحمسه اشوف سديم كيف صارت
الكل ناظر في فارس لانهم عارفين انه يحبها من زمان من وهم صغار
ناظر في خواته وابتسم وقال بمزحه:ياهو اشفيكم تناظرون كذا تخوفون؟
ريتال بضحك:ابد ياحبيبي بنشوف ردة فعلك لما نقول اسمها عشان نعرف باقي تحبها ولا لا
فارس وهو يحاول يخفي توتره: اجل ارتاحو ترا كنا صغار وبزران مانفهم والحين كبرنا خلاص عاد
تَرف وهي تضحك:اهخ ياليت بعدك تحبها كان اخذناها لك وتجلس معي
فارس وهو يقول في نفسه ياليييت ورجع قالها:يوه ياتَرف لو تسكتين عن هالسوالف .
ريتال وهي تفكر بكلام يخليه يعترف: اي ياتَرف صادق وبعدين انتي تشوفينها لما ترسل لك سناب البنت مزيونه م شاءالله عليها واكيد وحده من الي هناك حاطه عينها عليها .
تَرف عرفت الخطه:اي ممكن ليه لا واصلاً تعرفين ذيك شسمها اييي ام ماجد م شاءالله عندها عيال كثار كل شويه تخطب لواحد ممكن تاخذها
فرح تناظر اخوها الي شوي وينفجر وكانها تشوفه وهو عيونه محمره
قاعد يتخيل بس انه تكون لغيره الفكره وهي مجرد فكره تذبحهه
فرح زعلت عليه وقامت بتهدي الوضع:لا وين تعرفون ان عمي مايحب زواج من برا العائله
فارس لولهة تذكر ان عمه فعلاً مايحب وناظر فرح وهو يبتسم لها عرف انها قالت كذا تخفف عليه وقام من عندهم :باس راس امه وراح من عندهم
منال بعتب :خير انتي وهي عارفين انه مايحب هالكلام ليه تقولن كذا قدامه؟
فرح:وهي صادقه امي يعني لازم تتلقفون خلاص مايبي يعترف عادي
تَرف :اي عارفه ومايهون علي فروس بس انا ابي اعرفه ليه يكابر؟
ريتال:منجد صادقه وبعدين يمكن هي بعد تحبه شدراكم؟
فرح:ونتي وشعليك منهم ها شدخلكم فيهم خلوهم متى مايبون يعترفون
تَرف بفرح:تمام تمام اسفين المهم ماتبون نروح نتقضى عشان الروحه؟
منال بتنهيده:الله يهديكم المهم خلصو السفره شيلوها وبعدين العصر نفكر اذا بنروح تمام
البنات فروحو كلهم وقامو سوو اشغالهم وكل وحده ع غرفتها لين العصر الي تبي تنام والي تبي ترتب
العصر......
