(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း

Chapter(280) - မရေမတွက်နိုင်သောဝိညာဉ်ပင်များ

Unicode

အခန်း(၂၈၀) - မရေမတွက်နိုင်သောဝိညာဉ်ပင်များ

ယန်ထျန်းဟန်မှာအချိန်ဘယ်လောက်ကြာမြင့်သွားလဲဆိုတာကိုပင်သတိမပြုလိုက်မိပေ။သူနောက်တစ်ကြိမ်ပြန်ကြည့်လိုက်တဲ့အချိန်မှာမှောင်တောင်မှောင်နေပြီဖြစ်သည်။

လင်ရွှမ်းဇီပြုလုပ်ထားတဲ့အသံကူးပြောင်းခေါင်းလောင်းကတစ်ခါသုံးမှော်ပစ္စည်းမျိုးဖြစ်သည်။အထဲမှာချီစွမ်းအင်သိပ်မပါပဲအကယ်၍အသုံးပြုလိုက်ပြီးပြီဆိုရင်လုံးဝကိုအသုံးမဝင်တော့ဘူးဖြစ်သွားလိမ့်မည်။ထို့ကြောင့်လည်းအသုံးပြုသူအများစုအတွက်ကတော့အရေးကြီးအချိန်မျိုးမှာစာပို့ဖို့လောက်သာအသုံးပြုကြသည်။

မမျှော်လင့်ပဲလင်ရွှမ်းဇီနဲ့ယန်ထျန်းဟန်တို့လက်ထဲမှာတော့အဖိုးတန်လှသည့်ထိုအသံကူးပြောင်းခေါင်းလောင်းကစကားစမည်ပြောတဲ့ကိရိယာအဖြစ်သာအသုံးချခံလိုက်ရသည်။နှစ်နာရီအတောအတွင်းမှာနှစ်ယောက်သားအသံကူးပြောင်းခေါင်းလောင်းလေးလုံးကိုကိုယ်စီကိုယ်စီအသုံးချပြီးသွားပြီဖြစ်၏။အကယ်၍ဒီအကြောင်းကိုသွမ့်ယွီယန်သာသိရင်သေချာပေါက်ဆုံးရှုံးမှုအတွက်ခါးသက်သက်ငိုကြွေးမိလိမ့်မည်။

သိရမည်မှာတစ်ခါသုံးအသံကူးပြောင်းခေါင်းလောင်းတစ်ခုအတွက်ရွှေစငါးစလိုအပ်သည်။အကြိမ်အနည်းငယ်အသုံးပြုနိုင်တဲ့ခေါင်းလောင်းဆိုရင်ဈေးကွက်အတွင်းမှာရွှေစတစ်ရာလောက်နဲ့ပင်ရောင်းချတာဖြစ်၏။

ဒါပေမဲ့လင်ရွှမ်းဇီကတော့လုံးဝကိုစိတ်သောကရောက်မနေပဲယန်ထျန်းဟန်နဲ့သာဆက်ပြီးစကားပြောချင်နေမိသည်။

သူ့အတွက်သာဆိုရင်ငွေကြေးဆိုတာဘာမှမဟုတ်ဘူး;အားဟန်ကပိုပြီးအရေးကြီးတယ်

သို့သော်လည်းယန်ထျန်းဟန်ကတော့အစောကတည်းကအသည်းကွဲနေပြီဖြစ်ပြီးဆက်ပြီးမပြောနိုင်တော့ပေ။ငါးလုံးမြောက်ခေါင်းလောင်းဆီကဝိဉာဏ်ချီများကုန်ခါနီးမှာတော့ယန်ထျန်းဟန်ကအံကိုကြိတ်လိုက်ပြီးလင်ရွှမ်းဇီရဲ့နောက်လာမယ့်စကားများကိုဖြတ်ပြောလိုက်ရသည်။