Unicode
အခန်း(၃၉၂) - အနောက်ဘက်စွန်း
ဖုန်ကျင်းယွီက ခေါင်းလေးစောင်းလိုက်ပြီး နားမလည်နိုင်သည့် လေသံဖြင့် မေးလာသည်။
"တိုက်ကြီးငါးတိုက်မှာပဲ နေရတာက မကောင်းဘူးလား? မင်းရဲ့ လက်ရှိ ကျင့်ကြံဆင့်နဲ့ဆိုရင် နယ်မြေကြီးကိုးခုကို ရောက်ဖို့အတွက် အချိန်အကြာကြီး ကျင့်ကြံရဦးမှာ။ အဲ့ဒီတော့ ဒီလောက်ထိ အလျင်လိုနေစရာ မလိုဘူးလေ?"
လင်ရွှမ်းဇီက ဖြေသည်။
"အဲ့ဒီလူတွေဘက်က စပြီး ငါတို့ကို တိုက်ကြီးငါးတိုက်မှာ နောက်တစ်ခေါက် ထပ်လာပြီး ရှာမှာကို မလိုချင်တော့ဘူး။ တိုက်ကြီးငါးတိုက်ရဲ့ စည်းတံဆိပ်တွေ ကျိုးပျက်သွားတာနဲ့ ငါကိုယ်တိုင် နယ်မြေကြီးကိုးခုမှာ အားဟန်နဲ့အတူ စိတ်ကြိုက် လျှောက်သွားလို့ ရလိမ့်မယ်။ နယ်မြေကြီးကိုးခုက ကျယ်ပြောပြီး နယ်နိမိတ်မရှိဘူး။ အဲ့ဒီလိုနေရာမျိုးကို ရောက်သွားတာနဲ့ ကြီးမားတဲ့ သမုဒ္ဒရာထဲ ရောက်သွားတဲ့ ငါးတစ်ကောင်လိုပဲ ပုန်းလျှိုးကွယ်လျှိုးလုပ်ဖို့လည်း လွယ်ကူသွားလိမ့်မယ်။ ဒီနည်းလမ်းနဲ့ဆိုရင် ရန်သူတွေက အလင်းထဲ ရောက်နေတဲ့ အချိန်မှာ ငါက အမှောင်ထဲ ရောက်နေမှာပဲ"
ဖုန်ကျင်းယွီက လင်ရွှမ်းဇီအား ကြည့်လိုက်သည်။
"မင်းရဲ့ စဉ်းစားပုံ စဉ်းစားနည်းက တကယ့်ကို လျှို့ဝှက် အစီအစဉ်တွေ ရှိနေတာပဲ"
လင်ရွှမ်းဇီက ခပ်ဖျော့ဖျော့သာ ပြန်ပြောလာသည်။
"ငါက အရမ်းကြီးကြီးမားမားကြီး မတောင်းဆိုပါဘူး။ ဒီတိုင်း သီးသန့်ဘဝလေးနဲ့နေပြီး ငါ့ချစ်သူနဲ့ အတူတူ ခရီးတွေ လျှောက်သွားချင်ယုံလေးပါပဲ"
ဖုန်ကျင်းယွီသည် လင်ရွှမ်းဇီက ဒီလိုတွေးနေမယ်လို့ မထင်ထားခဲ့မိတာကြောင့် သူ့ စိတ်ခံစားချက်များက ရှုပ်ထွေးသွားခဲ့သည်
ဖုန်ကျင်းယွီက ခဏလောက် ရပ်သွားမိသည်။
"မင်းက တကယ့်ကို အရှည်ကြီး မျှော်တွေးတာပဲ"
လင်ရွှမ်းဇီက ဖုန်ကျင်းယွီရဲ့ ခေါင်းထိပ်လေးမှာ ထောင်နေသည့် အမွှေးလေးများအား ထိလိုက်သည်။
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
