Special 11:2
Sinner က တစ်ကယ်ကိုတော်တဲ့ ကောင်လေးဆိုတဲ့အကြောင်းကို သူလက်ခံလိုက်ပြီ။ သူရောက်လာတာမကြာသေးပေမဲ့ ဇာတ်လိုက်ကို ကောင်းကောင်းရန်စနိုင်တယ်။ သူ့ရဲ့ mission ကိုသိုသိုဝှက်ဝှက်နဲ့လုပ်မယ်ထင်ထားတာ ။ဒီကောင်လေးက
သိပ် ထင်ပေါ်ချင်တဲ့သူပဲ ။
ခဏအတွင်း ဇာတ်လိုက်ရဲ့ဆိုးသွမ်းမူတွေကို သူက အစားယူသွားခဲ့တယ်။ Sinner ရဲ့နည်းကလွယ်ပါတယ် 'Hakanကယုတ်မာတယ်ဟုတ်!ဒါဆိုမင်းကနှစ်ဆပြန်ယုတ်မာလိုက်'ပဲ။သူ့ကိုအနိုင်ကျင့်သမျှသူတွေကို သူ့နည်းသူ့ဟန်နဲ့ ပြန်သင်ခန်းစာပေးခဲ့တယ်။ ဒါတွေက သူ ကြားသလောက် သတင်းတွေချည်းပဲ ။
သူက ဒီကမ္ဘာမှာ သိပ်ကိုအားယားနေသည့် အပိုဇာတ်ကောင်တစ်ကောင်ဖြစ်သည်။ သူရှိလည်းမထူးခြားသလို မရှိလည်းဘာမှမဖြစ်။နေ့တိုင်း အမြဲတမ်း ဆေးပေးခန်းမှာ ငုတ်တုတ်ထိုင်နေပြီး ဒဏ်ရာရချင်ယောင်၊ နေမကောင်းချင်ယောင်ဆောင်တတ်တဲ့ကျောင်းသူငယ်ငယ်လေးတွေကို ကုသပေးရတာကလွှဲလို့ သူ့မှာ အခြား လုပ်စရာမှမရှိ ။
ပုံမှန်အတိုင်း ပျင်းရိငြီးငွေ့ဖွယ်ကောင်းတဲ့ နေ့တစ်နေ့မှာ ဆေးပေးခန်းတံခါးက ပွင့်လာခဲ့သည်။ ဒီနေ့ရဲ့ပထမဆုံး ဒဏ်ရာရချင်ယောင်ဆောင်တဲ့ကောင်မလေးလား။
သူမရဲ့မျက်နှာကို ဆံပင်ရှည်တွေက ဖုံးအုပ်ထားတာကြောင့် Avi ထိုကျောင်းသူ
မျက်နှာကို သေချာမမြင်ရ။ဟောင်းနွမ်းနေတဲ့ ယူနီဖောင်းက သူမရဲ့ ဖြူဖွေးကာချောမွတ်နေသည့် အသားအရေနှင့် မလိုက်ဖက်။avi ဝတ္တရားအတိုင်း နှုတ်ခွန်းတော့ ဆက်လိုက်သည်။
" ဘယ်နေရာ နေမကောင်း ဖြစ်လို့လဲ "
ဆံပင်ရှည်နဲ့ကောင်မလေးက သူ့မျက်နှာရှိဆံပင်ရှည်တွေကို ဖယ်လိုက်သည်။ဒီ အပြစ်အနာအဆာမရှိတဲ့မျက်နှာက သေချာသလောက်တော့ ဒီကမ္ဘာရဲ့ ဇာတ်လိုက်မ Lucilia မလား ? သူမက ဘာလို့ဒီကို...။
Lucilia က လက်ကိုခွက်ပုံစံပြုလုပ်ပြီး သူမရဲ့ပါးစပ်အနီးသို့ ကပ်လိုက်ကာ လက်ထဲသို့ တံတွေးများထွေးထုတ်လိုက်သည်။တံတွေးသီးသန့်တော့မဟုတ် ၊သွေးများပါ ရောနေပြီး ထိုအထဲမှာ သွားအကျိုးတစ်ချောင်းပါ ပါလာသည်။
