Special 11:17
avi ကားပေါ်မှာပင် သူမြင်တွေ့ခဲ့ရသည့် အဖြစ်အပျက်အားလုံးကိုအစအဆုံး ရှင်းပြပြီးပြီဖြစ်သလို နောက်ထပ်အချက်အလက်တစ်ခုကိုလည်း Jude ဆီကနေ ကြားခဲ့ရသည်။ Lucillia ရဲ့စွမ်းရည်သည် မီးဖြစ်သည်ဆိုတဲ့အကြောင်းကိုပင်။နွယ် တံတိုင်းရဲ့အတွင်းဘက်တွင်မီးလောင်ခံထားရသည့်အရာများရှိနေသည့် အကြောင်းကိုပြောပြ
စဥ် Jude ကထိုအကြောင်းကိုပြောပြခဲ့ခြင်းဖြစ်သည်။
ဒီလမ်းတွေကို သူဖြတ်လာရတုန်းက အမြန်နှုန်းနဲ့ လာရတာ ဖြစ်တဲ့အတွက် ဘေးပတ်ဝန်းကျင်ကို သတိမထားမိခဲ့ ။ ကားနဲ့လာသည့်အခါမှသာ လမ်းပေါ်နှင့် ဘေးဘက်အဆောက်အဦးများတွင် နွယ်ပင်များ မြောက်များစွာ ရစ်တွယ်နေသည်ကိုတွေ့ရသည်။ Asher သည် သွားလာမူနှုန်းကိုအရှိန်မြင့်တင်ရန်အတွက် အသုံးချခဲ့ခြင်းဖြစ်နိုင်လောက်သည်။ ဒီနွယ်တွေရဲ့ လားရာအနောက်ကိုလိုက်ပါသွားရုံဖြင့် Asher ရှိသည့်နေရာကို သိနိုင်သည်။ Otis သည်လည်း ဒီနွယ်များနောက်ကို လိုက်ရင်းဖြင့် Asher ရှိရာသို့ ရောက်နိုင်သည်။ Otis လိုပျံသန်းနိုင်စွမ်းရှိသည့်သူအတွက်တော့ သူတို့ထက်သွားရတာတောင် ပိုမြန်ဆန်နေဦးမည်။
ပြီးတော့avi သာနည်းနည်းလေးပိုပြီးအချိန်ပေးစူးစမ်းခဲ့ပါလျှင် နွယ်များရှိနေကြောင်းသိထားလိမ့်မည်။ ထိုအခါအကျိုးဆက်အနေဖြင့် avi သည် သောက်ကျိုးနည်းဝိညာဥ်လွင့်ခြင်းကိုလုပ်စရာမလိုတော့မည်မှာ ကျိန်းသေသည်။ သူ့ရဲ့တုံးအမူအတွက် သူ့ကိုယ်သူသာ အပြစ်တင်ရမည်။
" အဟွတ်...အဟွတ်!!"
" အစ်ကိုဘာဖြစ်လို့လဲ "Nigel ကမေးလာသည့်အခါ Avi ချောင်းဆိုးနေရင်းမှ Nigel ဘက်စိုက်ကြည့်လိုက်သည်။
" ချောင်းဆိုးတာလေ "
သူချောင်းဆိုးနေသည်ကို မြင်ပါရက်နဲ့ဘာဖြစ်လို့လဲလို့ Nigel က မေး၏ ။
" အစ်ကို ကိုယ့်ကိုယ်ကိုယ်အပြစ်တင်နေတာတော့မဟုတ်ဘူးမလား "
သူ့စိတ်ကိုထွင်းဖောက်မြင်နေရသလို ပြောလိုက်သည့် Nigel ကြောင့်Avi မျက်ခုံးပင့်လိုက်မိသည်။ တကယ်လည်း ပတ်ဝန်းကျင်ကိုသေချာမစူးစမ်းမိလေခြင်း ဆိုပြီးသူ့ကိုယ်သူ အပြစ်တင်နေခြင်းဖြစ်သည်။
