اسيل الحياة

💜 اسيل الحياة ٤٤ 💜

وقفنا ف الحلقة اللي فاتت لما توتة طلبت من ياسين يطلع برة عشان تغير هدومهاا...
ياسين وهو بيقعد ع السرير: م تغيري هو انا ماسكك؟
توتة لفتله: ياسين لو سمحت اطلع.
ياسين بعناد: لا مش طالع.
توتة وهي بتاخد هدومها : هفف خلاص خليك قاعد.
ودخلت التويلت وغيرت هدومها لبيجاما حريرية قصيرة..
وطلعت م التويلت لقت ياسين هو كمان غير هدومه وقاعد ع السرير، ف راحت نامت ع طرف السرير بدون اي كلمة.
ياسين نام هو كمان ودخلها ف حضنه ولزق فيها ومش عاوزها تبعد عنه..
توتة وهي بتبعده: لو سمحت ابعد ي ياسين.
ياسين وهو بيقرب منها اكتر : لا.
توتة: هفف ابعد بقولك.
ياسين بعناد طفولي: مش باعد.
توتة: ماشي براحتك.
ياسين: مش هتكلميني شوية قبل م انام؟
توتة: لا انا مخصماك.
ياسين: عشان اللي حصل النهاردة؟
توتة حركت راسها بمعنى اه
ياسين: انا اسف والله ي توتة مكانش قصدي حقك عليا.
توتة بصتله ومعلقتش..
ياسين : والله ي توتة انا مبقيتش بعرف انام بعيد عنك مبقيتش عاوز ابعد ثانية عنك، انا بقيت لما بنام عاوز اصحى بسرعة عشان املى عيني بيكي متزعليش ي حبيبتي.
توتة اتأثرت بكلامه وديرت وشها ليه ودخلت ف حضنه:خلاص ي حبيبي انا مش زعلانة،. مقدرش ازعل منك اصلا.
وراحوا مع بعض ف عالمهم الخاص...
ف اليوم التاني بعد م راحوا الشغل، ياسين قرر انه هيكلم سيلا ويصالحها..
ياسين : سيلا.
سيلا: ايوة ي ياسين؟
ياسين: انتي لسه زعلانة مني؟
سيلا: ازعل منك ليه؟
ياسين: عشان مرضيتش اخلي توتة تبات عندك امبارح.
سيلا بابتسامة: لا اكيد مش زعلانة انا مقدرة موقفك.
ياسين بفرحة: تسلمي والله ي سيلا ربنا يخليكي ليا ي رب انا مكنتش عارف انام من تأنيب الضمير.
سيلا: لا يبني متقولش كدة انت اخويا.
ياسين : انتي غالية عندي ي سيلا والله.
سيف شافهم واقفين مع بعض ف حس بغيرة وراحلهم ع طول...
سيف: ايه مش ناوي تروح لمراتك؟
ياسين فهم انه غيران ف حب يستفزه..
ياسين : مراتي ف التويلت، ف جيت اتكلم مع سيلا شوية وسيلا موافقة مش كدة ولا ايه؟
سيلا ببراءة: ايوة عادي اكيد.
سيف بنرفزة: طب امشي ي ياسين احسنلك.
ياسين باستفزاز: يرضيكي سيف يطردني ي سيلا؟
سيف: والله ي ياسين لو م مشيت ل...
قاطعتهم توتة : ايه دا مالكم واقفين كدة ليه؟
ياسين وهي بيبوس ايدها: اهي مراتي حبيبتي جت، وحشتيني ي حياتي.
توتة بخجل: انت كمان.
ياسين دخلها ف حضنه: تعرف ي واد ي سيف الجواز دا طلع حاجة جامدة اوي؟
توتة وشها احمر وخبطت ياسين بكوعها.
ياسين بوجع مصطنع: ااه، في ايه مالك؟ مش بقول الحقيقة الله؟
واتنهد وبعديها كمل: مسم عقبالك ي سيف.
سيف: بطل قر انت بس وهي هتكمل ان شاء الله.
سيلا حست بضيق مجرد م فكرت انه ممكن يرتبط بواحدة...
سيلا: ايه دا هو انت في بنت هتتقدملها؟
سيف: اه ان شاء الله ادعي انتي بس توافق.
سيلا بضيق حاولت تداريه: اها تمام ربنا يسعدكوا.
وكانت هتمشي بس لقت لمياء بتناديهم...
لمياء: بعد اذنكم محمد بيه وسليم بيه عاوزينكم ف المكتب.
ياسين: ي رب استر، احنا هببنا ايه؟
سيلا: معملتش حاجة والله.
سيف: طب يلا احنا هنفضل واقفين؟
وراحوا عندهم المكتب...
محمد: اهلا اهلا بالعرسان.
سليم: حمدالله ع السلامة.
توتة: الله يسلمك.
ياسين: تسلم يعمي.
محمد: طب اقعدوا اتفضلوا.
بعد م قعدوا كلهم..
محمد: دلوقتي احنا كان في عندنا ارض ف الغردقة وكنا انا وسليم عاوزين نطلع بيها فندق.
سليم: ف قررنا ان دي تبقى مهمتكم، هتعملوا الفندق انتوا م الألف للياء.
محمد: احنا ملناش دعوة بيه نهائي، هو الاساس موجود وكل حاجة انتوا هتجيبوا العمال وتصمموا الشكل والديكورات والناس اللي هتشتغل فيه وكل حاجة،. وهيبقى باسمكم وهيفضل حاجة ليكم وللزمن.
سليم: عاوزينه يخلص ف اقرب وقت، وعاوزين حاجة نضيفة، انتوا ما شاء الله عليكم بقيتوا من اكفأ المهندسين اللي ف الشركة ف لازم تعملوا حاجة تليق بيكم، تمام؟
كلهم بصوت واحد: تمام.
محمد وهو بيوزع عليهم ملفات: اتفضلوا الملفات دي فيها الشغل بتاعكم وقسموا الشغل بينكم وكل واحد عارف هو شاطر ف ايه وهيعرف يعمله.
سليم: النهاردة بإذن الله هتسافروا الغردقة احنا حجزنالكم ٣ اوض ف الحقوا جهزوا شنطكم وخدوا كل اللي هتحتاجوه عشان السواق هيجيلكم بعد ٣ ساعات.
محمد: يلا تقدروا تتفضلوا.
وطلعوا كلهم م المكتب وهما متحمسين جدا للخطوة الجديدة وكل واحد راح بيته يجهز شنطته وبعد ٣ ساعات كانوا ف الطريق ل الغردقة..
طول الطريق كان رغي وهزار لغاية م تعبوا وتوتة نامت ع كتف ياسين وسيلا فضلت تقرأ ف رواية وسيف بيقلب ف فونه..
لغاية م وصلوا الفندق وكل واحد طلع ع اوضته ونام..
وياسين طبعا اخد توتة ف حضنه وراح ف نوم عمييق..
وف اليوم التاني قعدوا مع بعض ف الكافي بتاع الفندق وقعدوا يتناقشوا ف الشغل ووزعوا المهام وسيلا وسيف اتولوا رسم المخطط وياسين راح يجيب العمال وتوتة اخدت تدرس باقي الملفات وتحاول تكتب كل حاجة ممكن يحتاجوها وبدأوا ف الشغل عليهم وكانوا مصرين انهم هيعملوا احلى حاجة عندهم..
ومرت الأيام وهما بيشتغلوا بجد وخلصوا كل حاجة ف الفندق ومكانش فاضل فيه غير الديكورات اللي سيلا اصرت انها تكون ع ذوقها و انهم يجيبوا الشيفات للاوبن بوفيه والناس اللي يشتغلوا فيه...
وخلال الفترة دي علاقتهم ببعض زادت اوي وسيلا بقت بتبادل سيف مشاعره واعترفت لنفسها انها بقت بتحبه وبقت بتغير عليه من أي حد لدرجة انها اتخانقة مرة مع واحدة بتشتغل ف الفندق عشان اتدلعت وهي بتكلم سيف،. ف ابتسمت وهي بتسترجع الذكرى دي
Flash back
سيف كان قاعد مع سيلا بيتناقش معاها ف تصميم الفندق وطلب لنفسه قهوة ول سيلا هوتشوكليت...
سيلا كانت مندمجة وهي بتشرحله وهو مدقق ف كل تفصيلة وكل حركة هي بتعملها وكأنه بيدرسها لو ابتسمت بيبتسم لو عدلت نفسها ف القعدة بيعدل نفسه..
سيلا: ها ي سيف فهمت؟
سيف: ها؟ اه اه فهمت.
سيلا:طب انا قولت ايه؟
سيف باحراج وهو بيحك راسه: ااا الصراحة مش فاكر.
سيلا: كالعادة سرحان وانا بتكلم.
سيف: بصي بصراحة كدة انا مش عارف اركز من غير القهوة بتاعتي.
سيلا: زمان البنت هتيجي دلوقتي..
وقاطعتها النادلة وهي بتحط القهوة والهوتشوكليت ع الترابيزة بحركة مبتذلة وفهمت سيلا انها قصدها تغري سيف ف حست ب نار جواهاا..
البنت بدلع: سوري ي فندم اني اتأخرت.
سيف: لا ولا يهمك.
البنت : تؤمرني بحاجة تانية ي فندم؟
سيف: لا تسلمي.
البنت: لو عوزت اي حاجة بس ان....
سيلا بنرفزة: م خلاص قالك مش عاوز حاجة مبتسمعيش؟
البنت: انتي مالك ي حلوة انا سألته هو؟
سيلا بغيرة: هو ايه اللي انا مالي، مش مالية عينك انا ولا ايه؟
سيف: خلاص في ايه هتتخانقوا وانا قاعد؟ ، روحي انتي شوفي شغلك، وانتي ي سيلا اقعدي خلاص الهوتشوكليت هيبرد.
سيلا قعدت بنرفزة.
البنت لسيف برقة: تمام ي فندم تؤمرني عن اذنك.
وبعديها بصت لسيلا من فوق لتحت باستحقار ومشت وهي بتلعب ف شعرها..
سبلا بعصبية: شوفت بصتلي من فوق لتحت ازاي؟ والله لاجيبها من شعرهاا الحرباية دي.
سيف وهو بيكتم ضحكته:خلاص ي سيلا اهدي امسحيها فيا.
سيلا بنرفزة وهي بتقلدها: تؤمرني بحاجة تانية ي فندم نينينينيي.
سيف مقدرش يمسك ضحكته اكتر من كدة ف ضحك من قلبه، وسيلا بصت لضحكته بحب وبعديها بصت ف الارض عشان ميلاحظش، وسيف من جواه كان هيطير م الفرحة عشان حس ان سيلا بتغير عليه وجاله امل انها ممكن تحبن زي م بيحبها...
سيف ابتسملها: اشربي ي سيلا يلا.
وشربت وهي بتبصله بخجل..
End Flash back
وفاقت ع صوت سيف وهو بيكلمهم..
سيف:انا عندي صاحبي كان شغال شيف ف ايطاليا وهو حاليا جه مصر ومش لاقي شغل،. ممكن اكلمه ييجي يشتغل معانا هنا.
سيلا : حلو اوي وانا عندي صاحبتي بتعمل حلويات جميلة وبتبيعها هقولها تشتغل معانا.
وفضلوا يتناقشوا لغاية م اتفقوا ع كل حاجة وجهزوا الحاجات..
توتة كانت قاعدة تسمعهم وحاسة بتعب طول اليوم وانها مش متظبطة..
ياسين لاحظ انها ماسكة راسها وباين عليها التعب..
ياسين بقلق: توتة انتي كويسة؟
توتة بصتله بإعياء: اه ي حبيبي متقلقش.
ياسين: قومي ي توتة اوديكي عند الدكتور.
توتة: لا ملهاش لازمة انا بس مرهقة النهاردة عشان منمتش كويس.
سيلا: ياسين عنده حق ي توتة انتي شكلك تعبان خالص.
توتة : يبنتي والله انا كو....
ومكملتش جملتها وطلعت تجري ع التويلت وقعدت ترجع وطلعت كل اللي ف بطنها..
ياسين بخوف: توتة ايه اللي حصل؟؟ ادخليلها ي سيلا الله يخليكي شوفي مالها.
سيلا دخلتلها وفضلت تطبطب ع كتفها وهي مستمرة ف الترجيع لغاية م خلصت وغسلت وشها وطلعت وهي ساندة ع سيلا...
ياسين وهو بياخدها ف حضنه بخوف: قولتلك انتي تعبانة مسمعتنيش يلا نروح عند الدكتور عشان اتطمن عليكي.
توتة بعدت عنه: ي حبيبي والله مفياش حاجة انا شكلي اخدت برد ف معدتي بس هبقى..
وفجأة حست بدوار جامد فجأة واغمى عليها ومسكها ياسين قبل م توصل للأرض..
ياسين برعب: توووتااهه.
ستووب هناا نكمل الحلقة الجاية ان شاء الله 💙🍫
بجد انا بحبكم اوي وبحب دعمكم جداا🙁💙