اسيل الحياة

💜 اسيل الحياة ٧ 💜

وقفنا ف الحلقة اللي فاتت لما سيف كان بيسوق وفجأة..
سيلا كانت بتمشي وعاوزة تعدي الطريق ولقت عربية بتمشي بسرعة وكانت هتخبطها.
سيف اول ما شافها وقف العربية بسرعة وكان هيتخبط بس كان لابس الحزام، نزل سيف من العربية وكان متعصب اوي وقبل ما يتكلم لسان سيلا سبقه....
سيلا بعصبية: انت ايهه اعمى مبتشوفشش؟؟! ما هو تلاقي امك اللي جابتهالك عشان كدة ماشي تدوس ف خلق ربناا.
سيف بعصبية: انتي مجنونة ي غبية انتي ما هو انتي لو كان فيكي شوية مخ كان زمانك شفتي ان الاشارة دي تسمحلي اني اعدي دا لو كنتي بتفكري اصلااا.
سيلا: اه انت مبتعرفش تسوق ف بتلزق غلطك ف الاشارة مش كدة؟؟ ابعد عن وشي عشان معملش حاجة تدخلني السجن ف واحد زيك.
وكانت عاوزة تمشي بس سيف وقف قدامها وقالها بتحدي : ولو مبعدتش؟ .
سيلا جمعت شجاعتها وكانت هتزعقله بس لحسن الحظ ان تالين كانت بتعدي من نفس الطريق وشافت سيلا بتتخانق مع سيف وحاولت تطلعها من الموقف....
تالين: سيلا ازيك، ازي حضرتك ي استاذ....
سيف: سيف.
تالين: هو في ايه ي استاذ سيف ليه مش راضي تعدي صاحبتي؟
سيف: اسأليها الهبلة دي كانت هتخليني اخبطها وابوظ عربيتي.
سيلا: يعني انت همك العربية ومش همك انيي كنت هدخل المستشفى؟!!
سيف: ماهو انتي اللي غلطانة مشيتي والاشارة خضرا.
سيلا: انت اللي مبتعرفش تسوق.
تالين: اسيل خلااص انتي غلطتي عشان انتي مش بتاخدي بالك من الاشارة وانت غلطان عشان بتمشي بسرعة واحنا اسفين ي كابتن ويلا ي اسيل عشان منتأخرش.
وشدت سيلا ومشو بعيد عن سيف.
سيلا بضيق: انتي ازاي تقولي اني غلطانة؟
تالين: ي حبيبتي ي سيلا دي الحقيقة هما ليه حاطين الاشارة؟ عشان نعرف امتى نمشي وامتى نقف لو كانت الاشارة حمرا وهو مشى كنا هنحط الغلط عليه ومش هنلومك عشان هو المفروض يقف، وعالعموم متزعليش ي ستي وهعزمك ع ايس كريم يلا بينا.
سيلا: موافقة يلا بينا.
عند سيف...
سيف: اووف ايه البت المجنونة دي لسانها متبري منها مع ان اللي يشوفها يقول غير كدة والله لوريهاا ام لسانين دي مش هي معايا ف الجامعة انا هخليها تندم.
وف الوقت دا موبايل سيف رن...
سيف: ايوة؟؟
ياسين: اي ي سيف انت فين كل داا بقالي ربع ساعة قاعد لوحدي زي العبيط ومفيش حتى واحدة مزة اصبر بيها نفسي شوية و....
سيف: اي الدوشة دي هو انت مبتشبعش كلام اقفل ياض جاي اهوو سلام.
وركب عربيته وراح المطعم ولقى ياسين مستنيه....
ياسين: اهلا بابو الصحاب.
سيف: اسكت عشان مش فايقلك.
ياسين: مالك ي سيف النهاردة اليوم كله متضايق اوي كدة ليه؟!
سيف بدون مقدمات:اول حاجة النهاردة ف الجامعة وانا ماشي خبطت ف بنت اوزعة كدة وزعقتلي عشان مشفتهاش.
ياسين: وانت سكتلها؟
سيف: لا طبعا رديت عليها بس مقولكش لسانها سابقها وبعدين مشت وهي بتبرطم معرفش قالت ايه بس بعديها رجعتلكوا.
ياسين: اصبر كدة شكلها كان عامل ازاي او لابسة ايه؟
سيف: اممم قصيرة وكانت لابسة فستان وردي وحجاب ابيض.
ياسين بضحك : ايوة هي البت المجنونة دي😂😂
سيف: انت بتقول ايه مش فاهم؟
ياسين: اصل وانا رايح اجيب اكل لقيت بنت كدة عمالة تشتم وتقول"هو الغلطان هو شايف نفسه ع ايه.." بس كانت مسخرة اويي 😂😂.
سيف: اه ماهي مجنونة اوي.
ياسين: هو دا بس اللي مزعلك؟
سيف: لا في حاجتين كمان.. اول حاجة بابا قالي اني لو عدت سنة اولى تاني هيشيل مني العربية ومش هيديني مصروف.
ياسين: طيب بباك معاه حق لازم نشد حيلنا عشان نخلص ونتخرج ونشتغل وساعتها هتقدر تجيب بدل العربية ١٠ ومش هتحتاج من حد فلوس ونتجوز بقاا وهييييههه 👏.
سيف: بسس بسس ي اهبل اسكت هتفضحناا.
ياسين: اه صح انت ليه اتأخرت؟
سيف: ما هي دي الحاجة التانية وانا جايلك كنت بمشي بسرعة وكنت هعمل حادثة.
ياسين بقلق: يا خبرر ازااي؟؟
سيف: وانا بسوق الاشارة كانت خضرا ف كان في بنت بتمشي ومبصتش ع العربيات وكنت هخبطها بس وقفت العربية بالعافية والله.
ياسين: طب كويس انك قدرت تقف، وعملتلها ايهه؟
سيف: نزلت من العربية ولسة هتكلم لقيتها عمالة تزعق ومش راضية تسكت، طلعت هي البت اللي خبطها ف الجامعة 😏
ياسين بضحك: البت دي شكلها مستقصداك، وبعديها عملت ايه؟
سيف: قعدنا نزعق شوية بس جت واحدة صاحبتها اعتذرت وشدتها ومشوا معرفش ازاي دول صحاب واحدة هادية وخجولة والتانية لسانها متبري منها، بس على مين مبقاش سيف سليم لو معلمتهاش الادب ام لسانين ونص دي.
ياسين: واااو انا متحمس ، بس انا عاوز اشوف البت دي وصاحبتها.
سيف: هو دا كل اللي همك؟
وف نص ما هما بيتكلموا فجأة...
ستووب بقاا عاوزة توقعاتكوا وارائكوا للي هيحصل 💜💜