اسيل الحياة

💜 اسيل الحياة ٤١ 💜

وقفنا ف الحلقة اللي فاتت لما سيلا راحت عند لين...
سيلا خبطت ع الباب لقت لين بتفتحلها، واول م دخلت لقيتها اترمت ف حضنها وقعدت تعيط جامد...
سيلا شدتها لحضنها بقلق : ششش بس ي حبيبتي في اي بس.
لين مردتش عليها وكانت عمالة تعيط..
سيلا اخدتها وقعدوا ع كرسي ف الجنينة وفضلت تمسح ع شعرها وتقرالها قرآن وتحاول تهديها بكلامها، لغاية م هدت ووقفت عياط...
سيلا ناولتها ماية: خدي اشربي حبة.
ف اخدتها منها وشربت.
سيلا : احسن دلوقتي؟
لين: اه شوية.
سيلا : احكي بقاا، ايه اللي حصل؟
لين: رامي.
سيلا باستغراب: رامي؟
لين: رامي ي سيلا اللي حكيتلك عنه انتي وتوتة.
سبلا بتذكر: اه اه افتكرته، ماله بقا؟ احنا مشكنا قولنا مش هنكلمه غير لما يتقدم؟
لين: مقدرتش ابعد عنه ي سيلا.
سيلا : طب قولي هبب ايه سي رامي.
لين:طلب مني افتح كاميرا وانا بلبس البيت.
سيلا : نعمم؟!!!
لين ببكاء: اه والله زي م بقولك.
"وحكتلها كل الحوار.."
سيلا : خلاص ي لين بطلي عياط.
لين: مش قادرة ي سيلا كل م افتكر انه قالي كان بيكلمني عشان يتسلى قلبي بيوجعني وبحس اني رخيصة اوي.
سيلا بشفقة: لا يبنتي متقوليش كدة، هو اللي قليل الرباية والله.
لين:طب اعمل ايه دلوقتي؟
سيلا: اول حاجة طبعاا تعمليله بلوكات من كل حتة، واوعي ي لين تضعفي وتشيليه.
لين: طب لو حاول يكلمني من رقم تاني؟
سيلا: هتبلكيه برضو لغاية م يزهق، او اقولك الاحسن؟
لين:قولي
سيلا: غيري رقمك وخلاص.
لين بتفكير : امممم ماشي فكرة حلوة.
سيلا:اهم حاجة انتي متضايقيش نفسك واحمدي ربنا انه اتكشف قدامك وعرفتي حقيقته ودا درس اتعلمتيه.
لين: ايوة فعلاا الحمدلله.
سيلا: اضحكي بقاا.
وفضلت تكلمها كتير وتحاول تحكيلها وتضحكها عشان تنسيها الموضوع لغاية م نجحت اخيرا انها تخرجها برة المود...
قاطعهم سيف وهو بيبص ل سيلا بفرحة واستغراب: سيلاا ايه اللي جابك؟ اقصد جيتي بدري ليه؟
سيلا:اقوم اروح يعني؟
سيف بابتسامة: لا لا طبعا انتي منورانا والله بس استغربت انك هنا بدري كدة وكمان توتة مش معاكي.
سيلا ردتله الابتسامة: ربنا يخليك دا نورك، ابدا والله جيت اقعد مع لين شوية كدة.
لين:انت صاحي بدري كدة ليه ي سيف؟
سيف: بدري مين يما، انا رايح الشركة.
سيلا وهي بتخبط ع راسها: اوووبس انا الكلام اخدني ونسيت خاالص حوار الشغل.
سيف: ولا يهمك يستي تعالي معايا.
سيلا بإحرج: لا ملهوش لزوم والله انا هتصل بالسواق اهو.
سيف برفض: لا مفيش الكلام دا تعالي معايا احنا طريقنا واحد.
لين: اه يبنتي روحي مع سيف مفهاش حاجة.
سيف: يلا هستناكي ف العربية.
سيلا باستسلام: تمام جاية.
وودعت لين اللي حضنتها جامد.
لين: بجد ي سيلا متعرفيش انتي فرقتي معايا ازاي مش عارفة اشكرك ازاي.
سيلا:بس ي عبيطة انتي اختي تشكريني ع ايه بس.
وسلمت عليها وطلعت لسيف، اترددت ف البداية تركب جمبه ولا تركب ورا بس ف الآخر حسمت امرها وركبت جمبه.
سيف: نورتي.
سيلا بخجل: بنورك.
سيف بصلها ولاحظ انها لابسة السلسلة اللي ادهالها ف عيد ميلادها وفرح جدااا...
سيف: عجبتك السلسلة؟
سيلا بصتله بعدم فهم ف شاورلها ع السلسلة اللي لبساها،. ف افتكرت انها نست تخبيها تحت هدومها ف احمر وشها وحطت ايدها ع السلسلة...
سيلا: اه حلوة اوي، شكرا.
سيف مسك ايدها وقربها من بؤه براحة وباسها بهدوء : انتي اللي محلياها مش هي اللي محلياكي.
سيلا اتصدمت م اللي سيف عمله وحست ان كل جسمها اتشل، ف سحبت ايدها بسرعة : هنتأخر ع الشغل.
وفضلت باصة ع الشباك وبتحاول تهدي نفسها ودقات قلبها اللي بقت زي الطبول...
ع الجمب التاني سيف كان بيلوم نفسه ع تسرعه، بس هو فعلا مكانش قادر وبقى مستغرب نفسه جدا انها البنت الوحيده اللي لما بيشوفها بيبقى مش ع بعضه ومبيقدرش يتحكم ف تصرفاته معاها...
وساق بيها ووصلوا للشركة،. وأول م العربية وقفت شكرته ونزلت بسرعة ودخلت ع مكتبها،. ف شد ع شعره بندم ع تسرعه وراح وراها...
سيف: ااا سيلا انا...
سيلا بمقاطعة: يلاا عشان في شغل كتير النهاردة.
ف راح قعد ف مكانه باستسلام ولاحظ انها كانت بتتجنب تبصله وكانت مركزة ف الشعل جداا...
سيلا وهي بتبص ف ساعتها: اخيرا وقت البريك.
وطلعت بسرعة عشان تشوف توتة..
توتة: اهلا بالناس اللي مبتسألش فيا.
سيلا بضحكة: والله كنتي نايمة ومرضيتش اقلقك.
توتة بزعل مصطنع: لا مش مسمحاكي.
سيلا:طب تعالي هعزمك ع بيتزا.
توتة: انتي عارفة انك قلبي صح؟
سيلا : ماشي ي واطية.
ومر الاسبوع دا بانشغالهم ف تجهيزات فرح توتة، ولين حاولت تتخطى صدمتها مع رامي ونسته وانشغلت معاهم ف التجهيزات، وطبعاا ياسين كان هيتجنن عشان مكانش عارف يشوف توتة نهائي طول الاسبوع وكان ع اخره وسيف طبعاا كان متضايق بسبب تجاهل سيلا ليه وقرر انه هيصالحها بطريقته..
ليلة الفرح (يوم الحنة) البنات كانوا كلهم متجمعين عند بيت سيلا وتوتة فوق ومشغلين الدي جي بأعلى صوت وعمالين يرقصوا ويعملوا طقوس يوم الحنة، والولاد كانوا ف الدور اللي تحت معزومين عند محمد...
الولاد بعد م اكلوا كل واحد قعد ع كنبة وعمالين يبصوا لبعض..
ياسين: وحدووووه
كلهم بصوت واحد: لا إله إلا الله.
ياسين: ايه يجماعة قاعدين كدة ليه هو انتوا رايحين فرح ابو رجل مسلوخة؟
سيف: عاوزنا نعملك ايه يعني؟
ياسين: مش سامع الاغاني اللي جاية من فوق؟
سيف:سامعها.
ياسين وهو بيقوم: والله لاطلعلهم اقعد معاهم فوق.
وراح جري ع السلم بس لقى حد بيجيبه من قفاه...
محمد: تعالى هنا رايح فين؟
ياسين: احم عمي عامل ايه؟ والله ليك وحشة.
وحضنه وسلم عليه.
محمد: متتوهش الموضوع كنت طالع عندك بتعمل ايه؟
ياسين: بص الصراحة كدة انا طالع لمراتي افرفش معاها بدل العيال المطلقة اللي قاعد معاها دي.
محمد: والله معاك حق، انتوا قاعدين كدة ليه انت وهو؟
إياد: سيب الموضوع عليا ي عمي.
وقام جاب السماعات وشغل اغنية مهرجانات وقام خلاهم يرقصوا بحماس وقضوا وقت حلوو مع بعض سواء بنات او ولاد، وروحوا بيتهم عشان يستعدوا لليوم الحافل بكرة...
تاني يوم البنات ف اوضة توتة..
لين وهي بتنط عليها وتصحيها:توتاااهه
توتة بضيق وهي بتغطي وشها بالمخدة: اممم اقفلي النور واطلعي برة.
سيلا وهي بتشد المخدة منهاا: قوميي يلا يعرووسه.
بنت تانية وهي بتزغرط: يلاا ي تووتة الميكب ارتيست زمانها جااية.
لين: اصحي يلا الفستان وصل، يلا عشان تفاجئي ياسين.
توتة قعدت ع السرير وسرحت ف يوم اختيار الفستان، لما لفت ع اتيلات كتير عشان تختار فستان يليق بيها ك ملكة ع قلب حبيبها ياسين، لغاية م وقع اختيارها ع فستان جمييل بشكل ميتوصفش طويل ومنفوش ومترصع بفصوص ماسية، وبأكمام طويلة من الجبير، اول م شافته وقفت قدامه وقالت هتدخل تقيسه.
Flash back
سيلا: تححفه بجد ي توتا.
لين: اه والله شكله جميل اوي.
توتة: طب انا هدخل اقيسه.
سيلا: ماشي يلاا.
وبعد شوية وقت فتحت الباب وطلعت بطلتها الملائكية،. كان الفستان كأنه معمول عشانهاا.
سيلا ولين بصولها بانبهار وفضلوا متنحين فيها شوية..
توتة بقلق: ها شكله حلو؟
سيلا بفرحة: يجنن ي توتي دا تحفة اوي بجد.
لين وهي بتزغرط:لولووليي زي القممرر ي توتة.
سيلا اتكسفت من كلامهم: بجد ي بنات يعني هيعجب ياسين؟
لين بضحك : دا ياسين ربنا يكون ف عونه، لو ملغاش الفرح واخدك ع شقتكم ع طول يبقى احمدي ربنا.
توتة وشها احمر من مجرد التخيل...
سيلا بضحكة: خلاص بقاا ي بت متكسفيهاش.
توتة: انا عاوزة اعمل لياسين مفاجأة.
سيلا : مفاجأة ايه؟
توتة بحماس: انا هتحجب.
لين: يوم الفرح؟؟!
توتة: اه عاوزة ابدأ حياتنا ع طاعة عشان ربنا يباركلنا، وكمان ياسين كان نفسه اني اتحجب ف عاوزة اخليهاله مفاجأة.
سيلا حضنتها: حقيقي انا مبسوطة اويي بيكي.
لين وهي بتحضنها: الف مبروك ي حبيبتيي.
وفاقت م الفلاش باك ع صوت لين اللي بتضربها ف كتفها بغيظ..
لين: بص احنا عمالين نصحي فيها وهي قاعدة سرحانة،. قوميي ي توتة مش وقت ابتسامات دلوقتي.
توتة بغيظ:اوووف ي لين صحيتيني ليه.
سيلا: ابدا يختي اصل عقبال عندك فرحك النهاردة.
توتة بخضة: احييه انا نسييت.
وقامت بسرعة من ع السرير
توتة:فين الفستانن؟ والميكب ارتيست، هي الساعة كام؟
ف قعدوا يضحكوا عليها ف بصتلهم بضيق.
سيلا :ادخلي التويلت يتوتة اغسلي وشك وفوقي عشان السواق تحت وهنروح القاعة ع م الميكب ارتيست م تيجي.
وبعديها توتة جهزت ونزلوا ركبوا مع السواق وراحوا ع القاعة وطلعوا فوق
وقاموا شغلوا اغاني وقعدوا يرقصوا ويحطوا ماسكات، لغاية م الباب خبط...
الميكب ارتيست: ي اهلاا ي بنات، عروستنا فين؟
ف شاوروا كلهم ع توتة ف اخدتها
وقعدتها ع الكرسي وبدأت تمكيجهاا، ومر اليوم كله ف التجهيز..
عند الشباب كانوا متجمعين كلهم عند سيف ف البيت وراحوا للحلاق وظبطوا نفسهم ولبسوا البدل وجهزوا واتوجهوا للقاعة اللي كان المعازيم بدأوا ييجوا..
عند البنات كانوا البنات كلهم جهزوا والميكب ارتيست كانت بتحط اللمسات الأخيرة ع توتة وبتلفلها الطرحة وبتحطلها تاج، ف كانت شبه الأميرات..
سيلا بدموع وهي بتحضنها: الله ي توتة شكلك جميل اوي.
توتة: متعيطيش طيب عشان معيطش انا كمان وهنقلب الفرح نكد.
مامت توتة وهي بتبخر بنتها وبترمي ملح ف الاوضة : بسم الله اللهم صلي ع حضرة النبي ربنا يحميكي يبنتي، حصوة ف عينك ياللي م تصلي ع النبي.
لين وهي بتبص ع الشباك بحماس: العريس وصل العرييس وصلل.
وخبط الباب وكان محمد: يلا ي حبيبتي عريسك وصل.
وبعديها بص بفرحة لحجابها: ايه الجمال دا اللهم صلي ع النبي.
وباسها من راسها:الف مبروك ي حبيبتي.
توتة بفرحة: الله يبارك فيك ي حبيبي.
وبعديها انكچها وفتح الباب وسط الزغاريط والأغاني، وسيلا ولين وراها عمالين يعدلولها الفستان، وياسين واقف تحت ع نار وسيف وإياد جمبه بيهدوه.
ياسين : هي اتأخرت كدة ليه.
سيف بضحك: م تتقل يالاا.
ياسين بتأفف: اتقل اكتر من كدة ايه.
اياد: لا سيبه ي سيف دي شكلها اكلت دماغه خلاص.
ياسين :بس يالا انت وهو ان....
وسكت مذهول اول م الباب اتفتح وظهرت توتة بطلتها الملائكية قدامه وحجابها مزينها...
ستووبب هناا نكمل الحلقة الجاية💙🍫
بارت طويل عشانكم اهو 😂
بحبكمم💙