اسيل الحياة

💜 اسيل الحياة ٤٢ 💜

وقفناا ف الحلقة اللي فاتت لما الباب اتفتح وظهرت منه توتة بفستانها الأبيض وحجابهاا...
ياسين اول م شافها فضل متنح ومش عارف يتكلم ولا يعمل اي حاجة وكان طاير م الفرحة وقلبه عمال يدق اكتر كل م تنزل سلمة وتقرب منه، ومكانش مصدق نفسه ان كلها ساعات وتبقى ف بيته وهيجمعهم سقف واحد...
سيف وهو بينكزه بدراعه: مش رقت سرحان ي ياسين روح لعروستك يلا.
ياسين راحلها بسرعه وأول م سلمهاله محمد حضنها جامد ولف بيها وسط تسقيف وتصفير م المعازيم، وبعديها وقف وشدد ع حضنها وهمسلها بفرحة.
ياسين: الفف مبرووك ي قلب ياسين الف مبروك ي حبيبتي.
وباسها من راسها..
محمد: خلي بالك منها ي ياسين واوعى تزعلها، دي امانة معاك دلوقتي وانا متأكد اني سلمتها ل راجل.
ياسبن بحب وهو بيحضن توتة: دي ف قلبي قبل عنيا، متخافش عليها.
ف سلم عليه محمد وحضنه، واتوجه بتوتة لنص القاعة وبدأت الأغنية ورقص معاها سلو وطول الاغنيه عمال يبص لعنيها وهو مش مصدق نفسه...
ياسين: انا حاسس اني بحلم.
توتة بصت ف الارض..
ياسين: توتة بصيلي.
توتة رفعت عنيها ليه..
ياسين: مش عاوزك تتكسفي مني تاني، انتي مراتي وخلاص كلها كام ساعة وتبقي ف بيتي، مفهوم؟
توتة حركت راسها : مفهوم ي حبيبي.
ياسين اول بصلها بفرحة: انتي قولتي ايه؟
توتة اتكسفت ومردتش عليه...
ياسين بنفاذ صبر: لا ابوس ايدك مش وقت كسوف هو.
توتة بصتله بخجل: ي حبيبي.
ياسين فرح اوي وشالها ولف بيها ف وسط القاعة مرة تانية وهو عمال يقولها بحبك..
وخلصت الأغنية،. واشتغلت بعديها اغنية تانية وطلبوا من كل الكابلز ينضموا للعريس والعروسة ف بدء الناس يطلعوا ع الاستيدج..
لين: مش لو كنت متجوزة دلوقتي كان زماني برقص معاه زي الناس دي.
سيلا: مستعجلة ع ايه يختي؟ شايفة توتة اللي الفرحة مش سيعاها دي، هتلاقيها كمان شهرين عمالة تدعي ع الجواز وسنينه.
لين : ع رأيك مستعجلين ع ايه.
وفضلوا يضحكوا مع بعض شوية...
اما سيف ف كان مركز مع سيلا وواخد باله من كل حركة بتعملها وكان جواه نار قايدة كل م يشوف حد بيبصلها وهي ف كامل زينتها بفستانها النبيتي المنفوش ومكياجها الرقيق اللي زادها جمال، وع الجنب التاني اياد كان مشغول ب لين ونوى انه يتقدملها ف اقرب وقت واعترف جواه انه خلاص حبها واعجب بجمالها خصوصا النهاردة بعد م شافها بفستانها الرمادي اللي عكس لون عنيها قصير وبأكمام قصيرة وتسريحة شعرها اللي اظهرت انوثتها اكتر..
وبعد م خلصت الاغنية اتوجه العريس والعروسة للكوشة وبدأ المعازيم يروحولهم ويسلموا عليهم وياخدوا صور معاهم، لغاية م جه آخر شخص كانت تتمنى توتة تشوفه...
توتة اول م شافت مجدي جاي عليها جسمها اتشنج وبدأت ترتجف،. وياسين لاحظ دا ومسك ايدها ولقاها متلجة وبعديها بص قدامه لقى انه نفس الشخص اللي عيطت لما شافته يوم كتب كتابهم...
مجدي بغيظ: ألف مبروك
ف مد ياسين ايده :الله يبارك ف حضرتك.
وبعديها بص لتوتة بخبث: الف مبروك ي توتة ي حبيبة بابا.
وقرب منها عشان يحضنها، بس ياسين منعه بإيده ومدله ايده عشان يسلم عليه مرة تانية..
ياسين ابتسمله بسماجة: معلش بس زي م انت شايف انا بغير ع مراتي ومرضاش انها تحضن اي راجل تاني غيري،. نورت ي عمي.
مجدي بصله بغل ومشي من غير م يتكلم.
توتة بصت لياسين ب امتنان: شكرا ي ياسين.
ياسين باس راسها بحب.
مجدي وهو ماشي شايط من ياسين وقفه صوت بنت...
البنت: هي تخصك؟
مجدي: نعم؟
البنت: تالين تخصك؟
مجدي بغل: ايوة تخصني وهتبقى ليا.
البنت بشر وهي بتمدله ايده: شكلنا هنعمل شغل حلو مع بعض، انا....
ع الجمب التاني، لين طلعت برة شوية م الازعاج ف لقت حد بيمشي وراها..
الشاب: ايه يجميل رايح فين لوحدك؟
لين مردتش عليه وسرعت ف خطوتها وحاولت تدخل القاعة تاني، بس الشاب وقف قدامها واعترض طريقها..
الشاب بوقاحة: بتتقلي عليا ليه يغزال؟
لين بخوف: لوسمحت ابعد عني.
الشاب وهو بيقرب منها: ولو مبعدتش؟
ولسه هيلمسها بس لقى بوكس جايله وقعه ع الأرض،، لين اتفاجئت ولفت وراها لقت اياد واقف وعنيه بتطلع شرار وهجم ع الشاب وفضل يضربه كتير والشاب مكانش بيقاومه لأنه كان سكران ومش ف وعيه،. ولين واقفة متجمدة ف مكانها مش قادرة تتحرك...
اياد بعد م خلص قام ونفض نفسه وشد لين وراه وراح بيها مكان بعيد..
اياد بعصبية: انتي اييه اللي طلعك برة؟؟
لين بخوف: اا اننا انا...
اياد بعصبيه: انتي ايه بسس؟ انتي عارفة ان دا واحد سكران؟ يعني كان ممكن يعمل فيكي اي حاجة.
لين خافت جدا ف قعدت تعيط، ف اياد لما شافها بتعيط نسي كل عصبيته وضعف قدام دموعها...
اياد: اهدي طيب خلاص متعيطيش.
لين كملت عياط.
اياد: اهدي والله انا اسف مكانش قصدي ازعقلك.
اياد مقدرش يستحمل دموعها اكتر من كدة ف اخدها ف حضنه وفضل يمسد ع شعرها ويهمسلها بكلام يهديها..
اياد: ششش اهدي خلاص محصلش حاجة انا جمبك انا خفت عليكي بس.
لين هديت وفضلت تسمع كلامه وقلبها بيدق وحست بشعور غريب ف حضنه وبعديها استوعبت ف بعدت عنه ومسحت دموعها وابتسمتله..
لين : ميرسي اوي ي اياد مش عارفة من غيرك كنت هعمل ايه.
اياد بابتسامة: دا واجبي ي لين، يلا ندخل جوا.
وخلص الفرح وياسين اخد توتة وراح ع بيتهم بعد م ودعت سيلا وجدها بالدموع..
ياسين اول م وصل قدام الشقة شال توتة ودخل بيها الشقه..
توتة: ياسين انت بتعمل ايه.
ياسين: زي م انتي شايفة شايل مراتي.
توتة وهي بتضرب برجلها ف الهوا : نزلني ي ياسيين.
ياسين : تؤ تؤ.
وبعديها وصل بيها قدام باب الاوضة..
ياسين: يلا ادخلي غيري فستانك والبسي الاسدال عشان نبدأ حياتنا مع بعض بالصلاة.
توتة ابتسمتله وحركت راسها بموافقة ودخلت الاوضة بس وقفها صوت ياسين...
ياسين بغمزة جريئة: لو احتجتي اي مساعدة انا موجود ي بطل.
توتة وشها احمر وقفلت الباب وهي ع وشها ابتسامة.
وغيرت فستانها ولبست الاسدال وطلعت ل ياسين.
توتة برقة: انا خلصت.
يتسين وهو بيتأملها بحب: تمام ي قلبي هفرش المصلية.
وفرشها وصلى وهي وراه وبعد الصلاة قام اخد ايدها واستغفر عليها ودعا لهم بالخير..
وبعديها بص ل توتة بمعنى ف احمر وشها بتوتر وازدادت ضربات قلبها..
توتة: ااا ياسينن.
ياسين وهو بيقرب منها : ايه ي قلب ياسين.
توتة : اا اناا...
ياسين بمقاطعة وهو مركز بعينه ع شفايفها : ششش لا مش وقت كلام خالص.
توتة: انا جعانة.
ياسين بصلها بدهشة: نعم يختي؟!
توتة ببراءة: عاوزة اكل.
ياسين بنفاذ صبر: ي رب صبرنيي، تعالي قومي.
وطلع بيها المطبخ وقعدها ع السفرة وحطلها اكل كان جايبينه ف الفندق..
توتة فضلت تاكل ومكانتش عاوزة تقوم من ع الاكل، لغاية م ياسين زهق...
ياسين: مش كفاية بقاا؟
توتة : انا شبعت خلاص، هقوم اغسل المواعين.
ياسين: لا مواعين ايه دلوقتي مش وقته في حاجات اهم.
وسحبها ودخل بيها اوضة النوم، وقرب منها براحة، وأول م حست انه بيقرب هاجمتها ذكريات كتيرر وفجأة جسمها بدأ يرتجف وقعدت تعيط جااامد..
ستووبب هناا هنكمل الحلقة الجاية 💙🍫