اسيل الحياة

💜 اسيل الحياة ٢٧ 💜

وقفنا ف الحلقة اللي فاتت لما محمد شافهم بيتخانقوا.......
محمد بعصبية: ايه لعب العيال اللي بيحصل هنا داا!! تعالوا انتوا الاتنين ع مكتبي بسرعة.
سيف ونادر بصو لبعض بغيظ : حااضضررر.
ف المكتب.....
محمد: فهموني بهدوء كدة ايه اللي حصل.
سيف بانفعال: اسأل البيه داا اللي جاي يتصاحب ع اسيل ف الشغل.
نادر بانفعال مماثل: وانت مالك انتت زميلتيي ف الشغل وبتعرف عليها.
سيف بعصبية: وانت جااي تشتغل ولا جاي تتعرفف!؟
نادر: ببرود: والله ف البريك يحقلي اعمل اللي عاوزه.
محمد وهو بيخبط ع المكتب: بااس باااسس ايه حركات العيال ديي ولا عاملينلي اي اعتبار.
نادر: معلش ي محمد بيه بس هو بيتدخل ف حجات ملوش دعوة بيها.
محمد: هو ايه اللي حصل ي نادر؟
نادر: انا الصبح لما لقيت انسه اسيل واقفة رحت سألتها لو محتاجة مساعدة قالتلي انها كانت بتدور ع لمياء ف سألتها انتي مين وقالتلي اسمها اسيل ف عرفتها عليا و.....
سيف وهو بيقاطعه بعصبية: انت جااي تحكي قصة حياتك هناا ولا ايهه؟!!
محمد بغضب: سيييفف لآخر مرة بنبهكك متقاطعهوش مفهوومم؟؟ ، هاا كمل ي نادر.
نادر بعد ما بص لسيف بقرف: بس ي باشا وعرفت انها جديدة هناا ف حبيت اني اعزمها ع حاجة ف البريك بس مش اكتر بس اول ما سألتها لقيت البني ادم داا عمال بيزعقليي ولا كأني دوستله ع كوتشيه الابيض ليه وليه بسأل انسهه اسيل تشربي حاجة؟؟
سيف: ايهه بني ادم داا ليا اسم ع فكرة.
محمد: وانت ي سيف بتزعقله عشان ايه؟!
سيف: عشان بيكلم سيلا.
محمد: وانت ايه اللي يزعلك؟؟
سيف : يعني حضرتك موافق ان سيلا تكلم رجالة!!
محمد: طب م هي بتكلمك وانا مقولتش حاجة ! ، وبعدين نادر دا زميلها ف الشغل بعدين هو معملهاش حاجة دا بيكلمها بأدب وحدود.
سيف بغيره: بس انا مش موافق.
نادر بتهكم: وانت مالك مش موافق بصفتك مين دا انت حيالله مشترك معاها ف الشغل بس مش اكتر 😏😏
محمد: نادر معاه حق مش موافق بصفتك مين؟
سيف: ............
محمد: دلوقتي سيف لازم تعتذر ل نادر عشان غلطت ف حقه.
سيف بعصبية: مستحيييلل اعتذر للكائن داا.
محمد: سييفف هي كلمة واحدة اعتذر عن اللي عملته.
سيف بضيق: سوري.
"نادر بصله بانتصار"
محمد: وانت ي نادر اعتذرله.
نادر: اعتذرله!!! ليه وانا عملتله ايه؟؟
محمد: مش هعيد كلامي اتفضل.
نادر بغيظ: اسفف.
محمد: يلا اتفضلوا من غير مطرود وابعتولي سيلا.
"طلعوا هما الاتنين وهما مش طايقين بعض خالص😂''
محمد بعد ما طلعوا: مشغل معايا اطفال اقسم بالله.
" بعديها بشوية الباب خبط "
محمد: ادخلي ي سيلاا.
سيلا بابتسامة: عرفت ازااي انها انا؟؟
محمد بضحك: محدش بيخبط بدوشة كدة غيرك.
سيلا: دا انا محترمة نفسي شوية عشان ف مكان محترم 😂 .
وبعديها قالت برسمية: اتفضل حضرتك ي محمد بيه تؤمرني ب ايه؟؟
محمد: مش لايق عليكي جو الرسميات دا خالص😂.
سيلا: انا قلت كدة برضو 😂😂.
محمد: تعالي ي حبيبتي اقعدي.
سيلا بعد ما قعدت: قعدت اهوو.
محمد: كنتي بتزعقي ليه بقاا؟؟
سيلا بتأفف: هففف عشان زهقت بجدد.
محمد: من ايه بالظبط؟
سيلا: من الخناق، كل ما اشوف سيف لازم يتخانق معايا مفييش ولاا يوم من اول ما قابلته إلا واتخانقناا والنهاردة اتعرفت ع زميل ليا هنا اسمه نادر كان عاوز يجاملني ويعزمني ع حاجة اشربها فجأة ومن حيث لا ادري لقيت سيف عماال يزعق له ونادر يرد عليه.
محمد: وانتي عملتي ايهه؟؟
سيلا: زعقتلهم وبعديها دخلت مكتبي وقلت ل لمياء تجيبلي هوتشوكليت عشان اهدا.
محمد: لو مش مريحك الشغل مع سيف قوليلي عشان انقلك.
سيلا: لا اصل انا مستوعداله اني هخليه يلف حوالين نفسه اصبر عليا بس.
محمد بضحك: مش سهلة انتي ي سيلا😂😂.
سيلا بغمز: طلعالك ي نمس 😉😉.
محمد بضحك: ي بت اتلميي هو ف البيت والشركة😂
سيلا: ي جدو هو انت عندك كام سيلا يعني؟
محمد: طبعاا سيلا واحدة بس وهي العسل كله بالنسبالي.
"سيلا حضنته، وفجأة حد اقتحم عليهم الباب"
توتة بشهقة: مييينن محمدد مع ميين اعز اصحابي سيلاا ياللهولل ياللكارثة بتخونيي ي محاامماادد؟
سيلا مدعية الخوف: والله ي ست هانم انا مليش دعوة دا هوو اللي كان بيشدني ليه وانا بقوله ابعد لحسن ستي تشوفناا.
محمد: انتي محسساني انك قفشتيها معايا ف اوضة النوم!!😂😂
توتة وهي بتكتم ضحكتها: بقاا كدة ي سي محمد بتحضن سيلا من غيري؟؟
محمد بضحك: هو داا اللي مزعلك تعالي ي ستي
"وشدها لحضنه"
سيلا: ماشي ي محمد بقاا كدة " وجرت عليهم وفضلت تزغزغهم كتيير وهما يضحكوا"...
"سيف كان شايفهم عشان الباب كان مفتوح وكان مبتسم بتلقائية ع عفوية سيلا وتعلقها ب قرايبها،، وحب سيلا بيزيد ف قلبه اكتر"
محمد بعصبية زائفة: بسس خلااص انا قلت مبحبش هزار ف الشغل يلا كل واحدة فيكم ع مكتبها وعاوز الشغل يكون موجود ع مكتبي قبل ما تمشوا مفهووم؟؟
سيلا وتوتة بحركة عسكرية : مفهووم ي فندم.
"وطلعوا راحوا ع مكاتبهم وكان البريك خلص"
سيلا: هفف ضاع عليا البريك النهاردة ومتعرفتش ع كل الموجودين.
توتة: مش مشكلة ما احنا كل يوم هنيجي ي سيلا متزعليش ابقي اتعرفي عليهم بكرة.
سيلا: صح معاكي حق مستعجلة ع ايه، يلا بقاا اسيبك مع حبيب القلب هروح اكمل شغليي😉😉
توتة بخجل: بس ي زفتةة.
سيلا بضحك: سي يوو ي قلبي 😉😂
ودخلت مكتبها لقت سيف قاعد ع مكتبه وكأنه مستني حاجة" طبعاا مكتب سيلا وسيف مشترك و كمان توتة وياسين، يعني هي اوضتين فيهم مكتبين ،، فاهمين حاجة ؟؟ 😂"
سيلا لما دخلت بصت ل سيف بضيق: يلا نكمل.
سيف: يلا.
"وفضلوا يكملوا شغل "
نسيبهم ونروح ل توتة وياسين شوية..
توتة لما دخلت قالت بابتسامة: هااي.
ياسين بابتسامة اكبر: احلى هااي ف الدنياا، وحشتيني الحبة دول.
توتة بصتله واحمر وشها...
ياسين: هيييححح اي الجمال داا.
توتة بصوت واطي جدا: يي يلاا نككمل.
ياسين بصلها بحب: يلاا. "وقال ف نفسه: هانت قريب اوي وتبقي بتاعتي قريب اوي"
عند محمد وسليم ف مكتبهم....
سليم: لازم نستعد للوفد اللي جايين من تركيا عشان الصفقة الجديدة.
محمد باهتمام: كويس انك فكرتني الصفقة دي لو كسبناها هتأثر بشكل حلو جداا ف شركتنا.
سليم: ان شاء الله هنكسبها هندرس الملف سواا ان شاء الله.
محمد: معادها امتة؟؟
سليم: بعد ١٠ ايام ان شاءالله، ووجود "الرباعي المرح" هيكون مهم جداا.
محمد: تصدق الرباعي المرح لايق عليهم، طبعاا لازم يجوا ع الاقل يكسبوا خبرة.
سليم: طب بمناسبة الرباعي المرح مش شايف اننا لازم نقرب المسافات بينهم اكتر عشان نحافظ ع ورثهم؟
محمد: قصدك ايه؟
سليم: مش شايف انه المفروض نجوزهم؟؟
محمد بتفكير: والله فكرة كويسة جداا ومش هلاقي لاحفادي احسن من ولادك ليهم .
سليم: ايوة كدة تعجبني ي محمد.
محمد: بس في مشكلة!
سليم: ايه هي؟؟
محمد: ازاي نخليهم يحبوا بعض؟؟
سليم: متشيلش هم ياسين دا واقع جداا وانا متأكد انه قريب هيجي يطلب توتة، وسيف هو كمان بيحب سيلا بس مش عارف يقولها دا ابني وانا عارفه.
محمد: المشكلة عندي ف سيلا عشان كل شوية بتتخانق مع سيف ف اقناعها مش هيكون سهل لازم نخليهم يقربوا هما الاربعة من بعض اكتر.
سليم بتفكير: مش احنا كدة كدة كنا عاوزين نبني فندق ف الغردقة؟؟
محمد: ايوة.
سليم: ايه رأيك نخلي الفندق دا مهمتهم يعملوه بمزاجهم هما الاربعة يختاروا الموقع ويصمموه والديكورات وكل حاجة ويجيبوا الناس اللي هيشتغلوا فيه والطباخين وكدة ويبقى بتاعهم وباسمهم وينزلوا كل فترة يشيكوا ع الشغل هناك واهو نكون سبنالهم حاجة تانية جمب الشركة.
محمد بفرحة: والله دي فكرة هايلة جداا واكيد ف الفترة دي هيقربوا من بعض اكتر دا غير ان الفندق هيكون شبابي وهيتشهر اكتر.
سليم: خلااص كدة اتفقنا بس نخليهم يثبتوا نفسهم ف الشغل اكتر عشان نقدر نتطمن.
محمد: هيبان اكتر النهاردة انا اديتهم حجات يعملوها صعبة شوية عشان اشوف امكانياتهم.
سليم: تماام هو مفاضلش كتير ع معاد الخروج ابعتلهم لمياء تقولهم يسلموا اللي كلفتهم بيه.
محمد: تماام "وضغط ع زرار عنده زي جرس كدة موصول عند اوضة لمياء اللي اول ما بتسمعه بتروحله ع طول، ف راحتله وقالها تبلغهم وبعديها راحت تقولهم.....  "
لمياءخبطت وفتحت الباب: سيلاا حبيبتي.
سيلا بابتسامة: لولة تعالي اقعدي معايا.
لمياء: معلش مرة تانية، محمد بيه قالي اقولكم انه مستنيكم تسلموله الشغل اللي كلفكم بيه عشان معاد الخروج كمان ربعاية.
سيف: اوكي ي انسة لمياء شكرا احنا خلصنا خلاص.
لمياء: العفو. "وطلعت وسابتهم"
سيلا بصت ل سيف بضيق: يلا عشان نديهوله.
سيف: بتبصيلي كدة ليه؟
سيلا: انا ابص براحتي ملكش دعوة.
سيف بعصبية نسبية: ردي علياا عدل.
سيلا ببرود: لا.
سيف بيحاول يهدي نفسه: استغفر الله، اسيل مش عاوز اتعصب عليكي مش كفاية مش راضية تعبريني طول ما احنا بنشتغل وبتردي ببرود!!
سيلا: يلا عشان عاوزة اروح.
سيف: ماشي ي سيلا براحتك.
"وطلعوا راحوا عند محمد"
عند ياسين وتوتة...
لمياء خبطت وفتحت الباب: ازيكوا؟
توتة وياسين: تماام.
لمياء: يلا خلصوا اللي معاكوا بسرعة عشان محمد بيه طلب مني ابلغكوا انكم تسلموله الشغل اللي كلفكم بيه عشان باقي ربعاية ع معاد الخروج.
توتة: اوكي ي لولة باقيلنا بس حجات بسيطة جدا وهنخلص.
لمياء: اوكي ي حبيبتي
"وطلعت وسابتهم"
ياسين: يلا نكمل بسرعة عشان نلحق نديهوله.
توتة: ماشي يلاا.
"وبعد ٥ دقايق"
توتة: اخيراا خلصنا.
ياسين وهو بيرجع ضهره ع الكرسي: اهخ اخيراا.
توتة: يلاا بسرعة طيب عشان نروح.
ياسين: اوكي يلا.
"برة اوضة المكتب بتاعت محمد وسليم...."
سيلا: خبط ع الباب الاول.
سيف بغرور: دي شركة ابوياا وبراحتي.
سيلا: اووفف ما هي شركة جدي انا كمان، اتفضل خبط.
سيف: لاا، وهفتح ع طول .
" وفتح الباب من غير ما يخبط"
سليم بعصبية : انت مخبطش ليهه هي وكالة من غير بوااب؟؟؟
سيف: بابا اناا......
سليم: بسس انا قلتلكوا ف الشغل معنديش حاجة اسمها بابا ولا عمي ولا اي حاجة من الحجات دي انت هنا ف شركة محترمة وزيك زي باقي الموظفين انت فاهمم؟؟؟
سيلا: خلاص ي سليم بيه نوعدك مش هتتكرر تاني.
محمد: لو اتكررت هيكون فيها خصم.
سيف: حاضر ي محمد بيه.
سليم: خلصتوا الشغل؟؟
سيلا: اه ي سليم بيه كنا جايين نوريه لحضرتكم.
محمد: هو فين؟؟
سيف: اتفضل ي فندم.
سليم: فين ياسين وتالين؟؟
ياسين وهو بيخبط: احنا هنا ي فندم خلصنا خلاص.
محمد: جيبه كدة اشوفه.
تالين: اتفضل ي محمد بيه.
محمد: تماام كدة، تقدروا تروحوا.
سيف: تماام شكراا بعد اذنك.
وطلعوا كلهم.....
توتة: اههخ اليوم كان طويل 😂
سيلا: دي لسة البداية 😂
سيف: وقال ايه، النهاردة الشغل هيكون سهل عشان لسة مبتدئين 🤦🏻‍
ياسين: اه فعلااا واضح جداا انه كان سهل، انا عمري ما شوفت سهولة بالشكل داا 🤦🏻‍
سيلا: توتة يلاا انا هكلم عمو فتحي يجيلناا.
توتة: مش هنروح مع جدو؟؟
سيلا: لاا خليه براحته.
سيف: مش لازم تتصلي وتعالوا معاناا.
ياسين بحماس: ايوة ايوة تعالوو معانا.
سيلا بضيق: ميرسي مش هينفع، يلا ي توتة.
وشدتهاا وطلعوا....
ياسين: خساارة مش هشوفها غير بكرة.
سيف: اوففف مش عارف هي مالها مبتطيقنيش ليهه.
ياسين: بطل تعاملها كدة وهي هتكون كويسة معاك.
سيف بعصبية: بعاملها ازاايي!!! دا انا كل ما اكلمها ترد عليا وحش ومتعبرنيش عاوزني اعمل ايه يعنيي؟؟؟
ياسين: انت كل ما تشوفها تتخانق معاها ع اي حاجة هبله وهما البنات دول بيحبوا الاسلوب الحلو الكلام الجميل، وهبل جداا تقدر تكسبهم ب أقل حاجة.
سيف: داا لو كانت بنت اصلا، دي عاملة زي الولاد لسانها مترين وبترد الكلمة ب عشرة ودماغها ناشفة.
ياسين : حاول تكلمها كويس وتطلب منها ب ادب وشوف هتعاملك ازاي.
نسيبهم ونروح ل سيلاا.......
سيلا بعد م ركبت العربية: يلا مستنية ايه؟؟
توتة دخلت هي كمان: لا مفيش.
"وسكتوا شوية، بعديها .."
توتة: سيلاا.
سيلا: نعم.
توتة: انتي ايه حكايتك مع سيف؟؟
سيلا وهي بتتعدل ف قعدتها: حكاية ايه دي؟؟
توتة: انتي عارفة، مبتطيقيهوش وبتردي عليه وحش وكل م يكلمك تبصيله بقرف وتتخانقي معاه.
سيلا بضيق: هفففف ي تالين يعني انتي مش شايفة بيعاملني ازاي؟؟ وبيفضل يكلمني وحش وبيدور ع الحجات اللي مبحبهاش عشان يعملها ويضايقني.
توتة: ي بنتي انتي اللي بتضايقي نفسك بسرعة ،، وبصراحة انتي بقالك فترة متغيرة وعصبية شوية انتي محتاجة شوية راحة.
سيلا بتفكير: اه فعلاا انا الفترة اللي فاتت تعبت اوي وبجد محتاجة اجازة استجم فيها شوية.
توتة: اممممم طب ايه رأيك نستأذن جدو وناخدلنا اجازة يومين ولا حاجة نروح الساحل؟؟
سيلا: فكرة حلوة اوي واهو نرفه عن نفسنا شوية .
توتة: اشطاا نكلم جدو اول ما يرجع.
ستوووبب نكمل الحلقة الجاية 💜💜