اسيل الحياة

💜 اسيل الحياة ٢٠ 💜

وقفنا ف الحلقة اللي فاتت لما مجدي طلع من اوضته و....
مجدي: ادهه توتة!!
توتة ملامح وشها اتبدلت للخوف ف سيلا ضغطت على ايديها عشان تطمنها...
مجدي باستهزاء: اهلا اهلاا بألآنسسة تالين اخبارك ايه؟
توتة: اا الححممدد لله
مجدي: مالك بتتكلمي كدة ليهه زي ما تكوني خايفة من حاجة؟؟
توتة: للاا لاا اكون خخايفهه من ايهه بس .
سناء بلطف: اقعدي براحتك ي حبيبتي هروح اجيب عصير واجي... وقامت سناء.
مجدي: وعاملة ايه ف الكلية؟
سيلا: كويسين الحمدلله
مجدي: اظن اني سألتها هي.
سيلا: اهاا عارفة بس انا جاوبت ومظنش ان توتة عندها مانع.
سناء من المطبخ: سيلاا لو سمحتي تعالي عاوزة اقولك حاجة.
سيلا بصت ل توتة وبصوت واطي: متخافيش مش هيعملك حاجة انا هكون ف المطبخ دقيقة وراجعة.
وبعد ما راحت....
مجدي قرب منها : عارفة انتي مهما رحتي ف مكان هفضل وراكي زي ضلك ومش هتكوني ل حد غيري ي توتة.
توتة: ابعد لو سمحت عشان مصوتش والم البيت عليك.
مجدي: ابعد!! شكلك نسيتي وانا عاوز افكرك .
وقرب عليها جامد بس هي سبقته وادته قلم جامد جداا ع وشه وقامت راحت المطبخ.
مجدي بغل: والله هدفعك تمن القلم داا غالي اويي ي بنت سناء.
توتة: سوري ي ماما بس احنا لازم نمشي دلوقتي.
سناء بحزن: ليه كدة ي بنتي انا ملحقتش اشبع منك.
توتة: اسفة بس احنا عندنا مشوار مهم اوي هبقى اجيلك تاني اكييد.
سناء: ماشي ي حبيبتي ربنا معاكي.
توتة: امين ي رب.
وشدت سيلا وراها...
وبعد ما طلعوا..
سيلا بقلق: توتة مالك عملكك حاجة!!
توتة: لا الحمد لله ملحقش بس انا ضربته ع وشه جامد.
سيلا: وهو سكتت!!!
توتة: اصل انا جيتلك جري بس اكيد مش هيسكت.
سيلا: ربنا يستر متقلقيش.
توتة: طيب يلا نروح عشان نلحق نلبس ونجهز.
سيلا: تماام يلا.
ف البيت.....
سيلا: توتة مشوفتيش فين الفستان الاسود بتاعي.
توتة: هتلاقيه ف الدولاب بس انتي ليه هتلبسي اسود.
سيلا: عوزاني البس ايه يعني؟
توتة: البسي لون فاتح شوية.
سيلا: كحلي؟؟ 😇
توتة: انتي هتنقطيني والله، امسكي البسي داا.
سيلا: نعمم البس ازرق!!
توتة: دا مش ازرق دا سماوي.
سيلا: واريفر نفس الحاجة.
توتة: اه البسي داا لونه هادي وهيليق عليكي.
سيلا: هلبس الاسود.
توتة: سيلاا بطلي تنشيف ف راسك شوية.
سيلا: هففف انا مش عاجبني الازرقق.
توتة: عشان خاطري البسيه.
سيلا: اووف طيب.
وبعد ما لبسته...
توتة بانبهار: وااوو شكله حلو اويي عليكي مش عارفة ازاي مش عاوزة تلبسيه.
"الفستان لونه سماوي فاتح وهو سيمبل جدا ضيق شوية من فوق وبكم ونازل على واسع من تحت وعلى الجمب فيه فيونكة شيك ف خلت الفستان احلى ولبست عليه طرحة لونها بيج فاتح بينت لون عنيها العسلي جدا" شكله👇

سيلا بمزاح: حلو عشان انا اللي لبساه.
توتة: لا عشان هو اللي حلو.
سيلا: انتي هتلبسي ايه؟؟
توتة: اي رأيك ف الفستان النبيتي داا؟
سيلا: امم حلو اوي البسيه كدة اشوف شكله.
وبعد مالبسته...
سيلا: الله حلو جداا عليكي..
توتة بخجل: ميرسي.
"الفستان نبيي قماش قطيفة مفتوح من رقبته لغاية العضمتين بتلت كم ضيق من فوق وواسع من تحت لغاية فوق الركبة بشوية" شكله👇

توتة: انتي بتعملي ايهه!!!
سيلا ببراءة: بلبس الكوتشي.
توتة: كوتشي!!! ع الفستاان!!
سيلا باستغراب: اماال البس ايهه؟؟
توتة: مش بقولك هتنقطيني!! البسي شوز بكعب.
سيلا: نعمم!! كعبب!! انا مبعرفش امشي بيهم.
توتة: الصبر من عندك ي رب، يعني انتي لابسة ومتشيكة وجاية ع رجليكي ومش عاوزة تلبسي كعب.
سيلا بعناد: مش لابسة كعب.
توتة: ي بنتي الكعب هيكون احلى.
سيلا: مش لابسة كعب هلبس الكوتشي داا وشوفي لونه بيج لايق ع الطرحة.
توتة: استغفر الله، الله يكون ف عون اللي هيتجوزك.
سيلا: ليهه ان شاء الله دي امه هتكون راضية عنه ودعياله ف ليلة القدر كمان.
توتة بصوت واطي: داعية عليه.
سيلا: بتقولي ايهه؟؟
توتة: بقول طبعاا ي حبيبتي، البسي اللي يريحك.
سيلا: اه بحسب.
وبعديها باب الاوضة خبط ف سيلا فتحت الباب...
سيلا: جدوو.
ومسكت ايده وباستها وتوتة عملت نفس الحاجة.
محمد: ها ي بنانيت خلصتوا؟
توتة: اه خلصنا خلااص.
محمد ماشي تعالوا اقعدوا تحت عشان تستقبلوا الناس لما يجوا.
سيلا: حااضرر. ونزلت ع السلم سلمتين سلمتين.
محمد: ربنا يردلك عقلك ي بنتي.
توتة: والله سيلا دي مجنونة😂
محمد: حبيبتي ي ست العاقلين يلا انزلي وراها وحاسبي تتكعبلي ب الكعب دا.
توتة: حاضر😂
عند سيف ف البيت....
سليم: كلو جاهز؟؟
سيف بملل: ايوة.
لين: اه ي بابي.
ياسين: عمي انا عندي سؤال.
سليم: اسأل.
ياسين: هو انت واخدنا كدة وهتودينا فين؟؟
سليم: عند واحد صاحبي.
ياسين: طب هو صاحبك دا عامل اكل؟؟
سليم: مش عارف، يلا كله يركب العربية.
ولما وصلوا قدام البيت...
سليم: مش عاوز شقاوة سامعين؟
سيف: بابا هو انت واخد ولاد اختك معاك؟
سليم: اتكلم بأدب.
سيف: انا هسكت خالص.
لين: اوكي ي بابي هنكون مؤدبين.
ياسين: طب لو قدمولنا حاجة اخدها ولا اقول شكرا.
سليم: هنهزرر؟!!
ياسين: اي يعمي بلطف الجو.
سليم: متلطفش.
ورن الجرس....
جوة البيت....
محمد: شكلهم جم هروح افتح.
وفتح الباب...
محمد بود: اهلاا اهلاا نورتنا ي سليم.
سليم: حبيبي ي محمد والله منور بأصحابه.
محمد: اتفضلوا اتفضلوا.
سليم: احب اعرفك دا سيف ابني الكبير.
سيف: اهلاا.
وسلم عليه...
سليم: ودي لين بنتي الصغيرة.
لين: هاي ي اونكل😊
وسلمت عليه..
سليم: ودا ابن اخويا الوحيد الله يرحمه ياسين.
ياسين بابتسامة عريضة: ازيك ي عمي اخبارك ايه؟؟
وراح حضنه وسلم عليه وباسه😂
محمد: اهلا بيكم ي شباب اتفضلوا ادخلوا منورين.
سيف: ربنا يخليك.
سيلا وتوتة واقفين عشان يستقبلوهم واول ما شافوهم.
سيلا وتوتة ف نفس الوقت: انتووو!!!!
ياسين وسيف: انتووو!!!!
ستوووبب نكمل الحلقة الجاية 💜💜