اسيل الحياة

💜 اسيل الحياة ٣٢ 💜

وقفناا ف الحلقة اللي فاتت لما سيلا وتوتة كانوا مستخبيين عشان يخضوا جدهم...

"محمد دخل من الباب الخلفي ومحسوش بيه، ودخل وشافهم مستخبين عشان يخضوه، ف حب يردهالهم.."
محمد بصوت عالي: بتعملوا ايييه.
سيلا وتوتة بخضة : عاااااااااااااا
"محمد فضل يضحك جامد عليهم، وسيلا وتوتا مصدومين  ،، ولما استوعبوا شاركوه الضحك..."
محمد بضحك: مش قادرر بجدد😂😂😂😂😂
توتا بضحك: قفشتناااا 😂😂😂
سيلا: اه ي ميدوو ي لئييم 😂😂😂😂
"وبعديها حضنوه جامد وراحوا قعدوا ع الكنبة عشان يحكوله"
محمد: يلاا عاوزكم تحكولي كل اللي حصل بالتفصيل.
سيلا: ماشيي اول حاجة.....
"وفضلوا يحكوله اللي حصل ويضحكوا معاه..."
توتة: بس جدو مش هتصدق شفنا مين.
محمد: مين؟؟
سيلاا: حزر فزر.
محمد : حد من صحابي؟
توتة: لاا.
محمد: لا مش عارف.
سيلا: غلب حمارك؟؟
محمد: ايه يبنتي الكلام دا م تقولي مين؟
سيلا: قول غلب حماري وانا هقولك.
محمد: غلب حماري، هاا مين؟
سيلا: حاازم .
محمد : حازم مين؟
توتة: ي جدو حازم ايمن اخوناا.
محمد بتفاجئ: ميين؟!! حازم!! انتوا بتتكلموا بجد؟؟
سيلا: اه والله ي جدو، احنا لغاية دلوقتي مش مصدقين.
محمد: وقابلتوه ازاي؟
"حكوله اللي حصل..."
سيلا وهي بتمدله الموبايل: واتصورنا سوا كتير ، شوف كدة.
محمد وهو بيقلب ف الصور: سبحان الله، شبه ايمن ابوه بالظبط.
توتة: تعرفه ي جدو؟
محمد: ايوة طبعا دا كان صديقي، بس من ساعة م سافر والكلام اتقطع بينا ومعرفتش اوصله.
سيلا بفرحة: ووعدني انه هييجي ي جدو هو ومراته ومازن ابنه.
محمد: كويس والله، فرحت جداا.
توتة: بس مراته ي جدو تشوفها روسية فعلا، بس اول م تتكلم تحسها مصرية.
سيلا: ايوة بتتكلم مصري حلو جداا.
محمد: اكيد من كتر كلامها مع حازم.
توتة: ايوة اكيد، بس اكتر حاجة مفرحاني اننا هنشوفه تاني ونقعد سوا زي زمان.
محمد: هو هييجي امتى؟، ومجاش معاكوا ليه؟؟
سيلا: قال هيسافر روسيا يجيب ورق مهم عشان مازن ابنه وكدة.
توتة: وهيفتح شركة باسمه، جمب شركات بباه.
محمد: طب والله كويس، ربنا يقويه ي رب ويجيبه بالسلامة.
سيلا وتوتة: اميين ي رب.
محمد وهو بيتاوب: انا هطلع انام بقى شوية، وانتوا كمان ارتاحوا عشان بكرة هتروحوا الشغل.
سيلا: ي جدووو خلينا نرتااح.
محمد: لا مفيش راحة، مكفاكمش الاجازة اللي اخدتوها؟،، يلا تصبحوا ع خير.
توتة وسيلا: وحضرتك من اهله.
"وطلع محمد..."
سيلا: تعالي نتفرج ع فيلم وبعديها نطلع ننام.
توتة: ماشي يلاا.
"وراحوا يناموا.."
"نسيبهم يشوفوا الفيلم ونروح ل مكان اول مرة نروحله....."
"عند ياسين ف البيت،، ياسين عايش ف شقة كبيرة مكونة من ٤ غرف وريسبشن كبير واكيد المطبخ والتويلت، طبعاا هو عايش لوحده وهنعرف قصته قدام شوية ..."
ياسين بعد م فتح الباب ودخل: ورجعت لوحدك تاني ي سينوو.
"وراح يغير هدومه، واتكعبل ف هدوم واقعة ع الارض.."
ياسين بضيق: اووف ايه كل الهدوم ديي، بنسى خالص اوديهم المغسلة، وزي العبيط كل يوم رايح اشتريلي تيشرت جديد، مالك ي ياسين بتكلم نفسك كدة ليه؟
اعقل بقى وبطل تكلم نفسك كل شوية هتتجن اكتر م انت مجنون، اووف طب انا جعان، الوقت متأخر اكيد مش هلاقي حد فاتح ف الوقت داا، ي رب الاقي اكل ف التلاجة.
"وراح المطبخ وفتح التلاجة لقى فيهاا جبنة بس.."
ياسين بضيق وهو بيقفل التلاجة: انا جبت الجبنة دي ليه انا اساساا مبحبهااش، اووف هعمل ايه دلوقتي.
هنام جعان كدة؟ ، معلش ي ياسين استحمل وبكرة روح اشتري اكل،،
برضوو بتكلم نفسك ي ياسين! انا زهقت والله من الوحدة ديي.
" وبعديهاا سرح وفضل يفكر ف توتاا وجمالهاا، واسترجع ذكريات الاجازة، وفضل يبتسم تلقائي.."
ياسين: ياااه مش لو كنتي مراتي كان زماني لاقي حد اقعد معاه واكلمه بدل م انا لوحدي ع طول كدة، حياتي كانت هتبقى احلى لو انتي فيها والله،، خلااص هاانت قريب جدااا وهتبقي ع ذمتي.
"وراح ع السرير ونام وهو ع وشه ابتسامة .."

عند سيف ف البيت...
"اول م دخل لقى مامته قاعدة بتقرأ ف كتاب، ف اول ما شافته داخل قفلته وقامت تحضنه... "
زينب : سيف حبيبي حمدالله ع السلامة.
سيف بابتسامة : الله يسلمك ي امي وحشتيني جداا.
"وباس ايدهاا وراسها"
زينب: حبيبي ي سيف وحشتني اكتر، تعالى اقعد اكيد تعبان من السواقة.
سيف بعد م قعد: عملتوا ايه بقى وانا مش موجود؟
زينب: ولا حاجة والله، كالعادة بباك إما ف الشركة إما ف اوضة المكتب، ولين مع صحابها او نايمة.
سيف: ازاي يسيبوا القمر دا يقعد لوحده؟ ، عارفة ي زوزو انتي لو مكنتيش امي كنت اتجوزتك .
زينب بابتسامة: بس ي ولا اتلم .
سيف: وهما فين دلوقتي؟
زينب: بباك ف اوضة المكتب، واختك راحت عيد ميلاد صاحبتها.
سيف وهو بيقوم: هروح اسلم ع بابا ولما لين تيجي هكلمها عشان خروجها الكتير دا.
زينب: ماشي ي حبيبي ربنا يرضى عنك ي رب.
"ودخل سيف ل اوضة بباه بعد م خبط..."
سليم وهو بيبص للورق اللي ف ايده:  اهلاا ي سيف حمدالله ع السلامة.
سيف بضيق من جفاء والده: الله يسلمك.
سليم وهو بيبصله: خلااص ريحت وخرجتلك يومين؟
سيف : ايوة.
سليم: كويس اعمل حسابك بقى انك نازل الشركة بكرة، ومتنساش تبلغ ياسين.
سيف بضيق: طب م تخليها بعد بكرة.
سليم وهو بيعيد نظره للورق: اللي عندي قولته، ويلاا اتفضل اطلع عشان مش فاضي دلوقتي.
سيف بضيق: حاضر.
" وطلع وقفل الباب، وهو ع وشه علامات الضيق"
"مامته شافته وعرفت انه كالعادة شد مع بباه، عشان هما عمرهم م كانوا متفقين ع اي حاجة، وسليم دايماا بيعامل سيف ب جفاء "
زينب بحزن ع حال ابنها: تعالى ي سيف اقعد.
سيف بضيق: هطلع انام تعبان شوية. "وراح باس راسها وطلع اوضته..."
زينب : ربنا يحنن قلبك ي سليم ع ابنك ي رب.
عند سيف ف اوضته....
سيف بيكلم نفسه: يربيي هو انا هفضل كدة كتير؟ كان نفسي ف اب حنين مش قاسي ويفهمني ويكون صاحبي، الناس كلها بتحسدني ع ابويا عشان غني وبجيب كل اللي نفسي فيه،، تغوور ام الفلوس اللي مخليااه كدة، وهو مفكر عشان مبيحرمناش من حاجة يبقى كدة عمل واجبه وزيادة، الحياة بالنسباله فلووس وبس!
"وبعديها راح ياخد شاور بارد يهدي من نفسه شوية،، ولما طلع بعت ل ياسين ماسج انهم هيروحوا الشغل بكرة وظبط المنبه ونام..."
ف اليوم التاني عند سيلا وتوتاا...
توتة: سيلاا انا خلصت.
سيلا: ايه النشاط داا؟ انا لسة ملبستش اصلاا.
توتة بحماس: يلاا يسرعة هنتأخرر.
سيلا: هنتأخر ايه بس، لسة بدري.
توتة : يلاا عشان جدو ميخصمش عليناا، كفاية الاجازة.
سيلا بغمزة لئيمة: عشان جدو برضو، ولا عشان حبيب القلب😉
توتة بكسوف: سيلاااا بطليي، يلاا خلصي.
سيلا باستفزاز: ياا دبلة الخطووبة عقبالنا كلناا 😉😂
توتة حدفتها بالمخدة : اسكتييي ي رخمة ي باردة.
سيلا وهي بتضحك: ماشي ي چوليت قصديي ي توتاا😂😂.
توتة: يربيي ع الاستفزااز، والله ي سيلاا لو م سكتي لاكون مخلعة سنانك.
سيلاا: لا وع ايه الطيب احسن 😂😂😂 خمساية وجيالك ي موزتي.
توتة بعد م سيلا مشيت: حيوانة ومستفزة بس مبقدرش اعيش من غيرهاا.
وبعد م خلصت....
سيلا: توتيي انا خلصت اهو.
توتة: اخيرااا، يلاا بيناا بسرعة.
سيلا: يبنتيي لسة بدري، جدو لسة مقامش اصلاا، هنروح نفتح الشركة؟؟
توتة: يووووه، طب صحيه.
سيلا: اسكتي ي تالين بطلي عبط هو بيقوم لوحده دايماا، تعالي نفطر ونروق ع نفسنا شوية.
نسيبهم ونروح ل سيف....
"سيف قام قبل المنبه، معرفش ينام كويس..."
سيف: انا عطشان اوي، أما انزل اشرب واجي تكلم ياسين.
"نزل راح المطبخ يشرب،، وهو طالع عدا جمب اوضة لين ولقاها بتتكلم ف الفون..."
سيف باستغراب: هي لين بتكلم مين فـ الوقت داا؟
" وطبعا كـ أي اخ بيغير ع اخته الشك دخل قلبه وفتح عليهاا الباب فجأة و....."
ستووب نكمل الحلقة الجاية 💜💜