اسيل الحياة

💜 اسيل الحياة ٣٨ 💜

وقفناا ف الحلقة اللي فاتت لما سيلا وصلها بوكيه ورد من شخص مجهول...
سيلا: ايه داا؟؟!
توتة: بصي في كارت موجودة اهي شوفي مكتوب فيها ايه.
سيلا: اهو مكتوب " الوَرد للوَرد، بحبك"
توتة: اوبااا بقى عندك معجبين مجهولين يسيلا.
سيلا: معجبين مجهولين ايه يبنتي..
"وف نفس الوقت لقت ماسج اتبعتتلها من نفس الرقم المجهول..."
فتحتها وقرت : " صباحُ الوَرد الممَاثل للونِ قَلبك، أُحبك أَسِيلَتِي 💙
توتة: وااالعهه معاكي يسيلااا
سيلا : بس يهبله انتي.
توتة: ايه ي سيلا مالك؟
سيلا بضيق: يبنتي انتي مش شايفة اللي انا فيه؟؟
توتة: يبنتي وفيها ايه؟
سيلا: هو ايه اللي فيها ايه.
توتة: كبري دماغك والله هتلاقي حد بيرخم عليكي بس.
سيلا: هفففف، طيب يلا نمشي عشان منتأخرش.
توتة وهي بتطبطب عليها: يلا ي حبيبتي.
بعد م راحوا الشغل.....
توتة راحت لقت زمايلها ف الشغل عمالين يباركولها...
توتة: الله يبارك فيكم يجماعة عقبال م افرح بيكم كلكم ي رب.
لمياء جت همستلها ف ودنها: بشمهندس ياسين مستنيكي ف المكتب.
توتة: تمام يقلبي راحة اهو.
ومشت هي وسيلا لغاية باب المكتب...
سيلا بغمز: انچوي ي بيبي.😉
توتة بخجل: م تبطلي يباردة.
سيلا شاورتلها ودخلت المكتب لقت سيف واقف بيشرب قهوته، كان لابس قميص اسود وفاتح اول زرارين وكان مجسم عليه وبين عضلاته جداا، وبنطلون اسود، وسرح شعره بطريقة حلوة، وكانت أول مرة سيلا تدقق فيه ف بصتله بإعجاب للحظات وبعديها نفضت التفكير عن دماغها...
سيلا: احمم.
سيف بحب: نورتي.
سيلا: بنورك، يلا نبدأ؟
سيف: يلاا.
عند توتة وياسين....
توتة دخلت المكتب وملقتش ياسين موجود ف قعدت تدور عليه
وفجأة جه من وراها وخضها...
ياسين : بتدوري ع اييه؟
توتة بخضة: عااااا، منك لله ي ياسين خضيتني.
ياسين بضحكة: سلامة قلبك يجميل.
وقرب منهاا...
توتة بتوتر وهي بترجع لوراا: يي ياسينن.
ياسين بحب وهو لسه بيقرب منها: عيون ياسين، قلب ياسين، عقل ياسين.
توتة فضلت ترجع ورا بتوتر : اننتت بب بتقررب كك كدة لليهه؟
وحاولت ترجع لورا اكتر بس لقت الحيطة وراها، ف حاولت تهرب بس ياسين حاوطها ب ايده م الجنبين....
ياسين بهمس وهو بيبص لعنيها: توتة بصيلي.
توتة بصتله بتوتر وحاولت تبعده عنها بإيدها: يي ياسينن ممكن حد يدخل علينا فجأة.
ياسين : وفيها ايه؟ مراتي وانا حر محدش له عندي حاجة.
توتة خافت لما لقته بيقرب عليها اكتر ف زقته بكل قوتها وعرفت تهرب منه اخيرا...
ياسين: بقى كدة ي توتة؟ طب والله م انا سايبك.
توتة بضحكة: ولا تقدر تعملي حاجة.
ياسين: والله؟
وراح جري عليها وحضنها جامد...
توتة بخضة: اااهعع.
وحاولت تتحرك كتير عشان تبعد عنه.
ياسين: اعملي اللي تعمليه مش هتحرك.
توتة بخجل وتوتر: ياسين ابعد بجد ممكن حد يفتح ويشوفنا.
ياسين بلامبالاة: عادي معنديش مشكلة.
توتة: ياسين خلاص خلينا نشوف شغلنا.
ياسين: يولع الشغل.
توتة بتوتر: ابعد طيب عشان خاطري.
ياسين باسها بهدوء ع خدها : خاطرك غالي عندي ي توتي.
وبعديها الباب خبط ف ساب توتة وقام يفتح الباب ولقاها لمياء..
لمياء: بعد اذنك ي بشمهندس، سليم بيه عاوزك ف مكتبه.
ياسين: تماام رايحله حالاا.
وراح يشوف سليم، وساب توتة بمشاعر كتير جديدة عليها مكان بوسة ياسين وفضلت حاطة ايدها ع خدها وفضلت سرحانة ف الشعور الغريب اللي جالها اول م ياسين قرب منها ونفسه الدافي ع خدها وكمية الأمان اللي حست بيها لأول مرة ف حضن ياسين، فضلت تفكر كتير لدرجة انها محستش ب ياسين وهو داخل وعمال يكلمها...
ياسين وهو بيهزها: انتي يبنتي ردي عليا.
توتة بخضة: اييه ي ياسين؟
ياسين : ايه انتي، بناديكي من بدري سرحتي ف ايه؟
توتة وشها احمر: هاا؟ لا ولا حاجة.
ياسين فهمها وقعد يضحك...
توتة بخجل: انت بتضحك ع ايه؟
ياسين بضحكة: كل دا عشان بوستك ع خدك؟ أُمال لو عملت فيكي حاجة تانية هتعملي ايه؟ 😂
توتة وهي بتحاول تداري كسوفها: ياسين بس.
ياسين بمشاكسة: حاضر ي طماطمتي.
توتة وهي بترجع شعرها ورا ودنها: سليم بيه كان عاوزك ف ايه؟
ياسين مسك ايديها بحب وباسها: متعرفيش الحركة دي بتعمل فيا ايه.
توتة: اي حركة؟
ياسين قرب منها ورجع شعرها ورا ودنها ف ارتجفت لحركته وحس ياسين بيها.
ياسين وهو بيقاوم نفسه: الحركة دي.
توتة بتتويه: قالك ايه بقاا؟
ياسين وهو بيناولها ورق: ابدا يستي طلب مني ادرس الملف دا معاكي.
توتة: طب يلا نبدأ.
"وفضلوا يتكلموا ف الشغل، ومر اليوم وبقية الأيام بنفس الروتين، مشاكسات ياسين لتوتة، والرسايل المجهولة اللي بتيجي لسيلا، والهدايا والورد اللي بيجولهاا، ومحاولات سيف انه يقرب من سيلاا..."
ونيجي ليوم اجازتهم...
توتة كانت ف اوضة جدها بتخطط معاه لحفلة عيد ميلاد سيلاا.
محمد: فهمتي ي توتة؟
توتة : يعني عاوزني اخدها ونخرج ومنرجعش غير ع الساعة ٧ بليل؟
محمد: اه ومتنسيش هتدخلوا م الباب الخلفي للفيلا عشان متاخدش بالها م المفاجأة، وخليها تلبس فستانها وتنزل وهتكون كل حاجة جاهزة.
توتة: تماام ماشي متقلقش.
محمد: يلا خديها وانزلوا عشان متتأخروش الناس اللي هتزين الفيلا زمانهم جايين.
توتة : تماام.
وطلعت راحت لأوضة سيلاا...
توتة بعد م خبطت: سوليي.
سيلا: م دام قولتي سولي يبقى عاوزة حاجة 😂
توتة: لا لا مش عاوزة.
سيلا: اُمال في ايه؟
توتة بتمثيل: اصل زهقانة اوي النهاردة ف كنت هقولك ايه رأيك ننزل المول نتمشى شوية ونعمل شوبينج؟
سيلا بتفكير: اوكي تماام روحي البسي وانا كمان هلبس.
توتة: اشطاا يقلبي.
وبعد نص ساعة...
سيلا كانت حاسة بحاجة ناقصة عشان الرقم المجهول مبعتلهاش ماسج الصبح زي م اتعودت يومياا ف زعلت شوية..
توتة: ها يقلبي خلصتي؟
سيلا: اه ي توتي خلاص.
توتة: تماام يلا بيناا.
ونزلوا راحوا يتمشوا، وكان محمد بيشرف ع تجهيزات الفيلا عشان يحضرلها مفاجئتها وخصوصا انه هيكون يوم مهم ف حياتها...
عند سيف...
سيف كان قاعد ف اوضته عمال
يفكر يجيب ايه ل سيلا، عاوز يجيبلها ذكرى متنسهاش ابدا وجاتله فكرة وقرر انه ينفذهاا..
و ع بليل كانت الفيلا جاهزة والمعازيم جم.
توتة: يلا اطلعي.
سيلا: احنا هندخل م الباب اللي ورا ليه؟
توتة: ااااا اه جدو كان قايل ان في عمال جايبن يصلحوا حاجة ف الفيلا ف هنطلع من هناا.
سيلا : ماشي يلا.
توتة بعد م طلعوا: بصي هتلاقي عندك ف الاوضة فستان وشوز البسيهم وظبطي نفسك كويس عشان جدو هياخدنا مقابلة مهمة، وانا هروح البس ف اوضتي.
سيلا بعدم فهم: مقابلة ايه دي؟
توتة: معرفش جدو مقاليش، يلا البسي بسرعة عشان منتأخرش.
سيلا باستسلام: طيب تماام.
سيلا لبست فستانها وحجابها وجهزت نفسها وكانت جميلة جدا بفستانها الموڨـ الغامق واكتفت ب ملمع شفايف بس ولبست شوز كعب ابيض عالي.
ويعديها سمعت صوت توتة وهي بتناديها من تحت، وسمعت صوت ماسج وصلالها.
سيلا وهي بتقرا اللي مكتوب: كل عام وانتي جميلة
أتممتي عامك الأول بقربي، أعدك يا صغيرتي ان باقي أعوامك ستكون معي..
أُحِبّك أَسِيلَتي 💙
سيلا وهي بتشوف التاريخ: صح دا النهاردة عيد ميلادي بس هو عرف ازاي؟
وبعديها طلعت برة لقت الفيلا ضلمة وهادية.
سيلا بقلق: توتة انتي فين؟
توتة من تحت: انا تحت ي سيلا تعالي عشان النور قطع.
سيلا وهي بتمسك اطراف فستانها : هو في ايه بالظبط انا مش فاهمه حاجة.
وأول م نزلت اخر سلمة لقت الأنوار اتفتحت وكلهم بيغنوا بصوت واحد...
ستووبب لغاية هناا، هنكمل الحلقة الجاية 💙🍫