اسيل الحياة

💜 اسيل الحياة ٢٣ 💜

وقفنا ف الحلقة اللي فاتت لما كانوا خلصوا الحفلة...
ياسين: اليوم النهاردة كان حلو جداا ي جماعة .
توتة: اه اليوم حلو اوي واتبسطت جدا والله .
سيلا: اه كان يوم حلو.
"وبعديها رن موبايلها..."
سيلا : الوو
محمد: سيلا.
سيلا: ميدوو حبيبي وحشتني الحبة دول.
"سيف كان نفسه يمسك موبايلها ويهزق ميدو دا اللي لسة ميعرفهوش وبعدين يمسك موبايل سيلا يكسره."
محمد: ي بكاشة انتي لسة شيفاني من كام ساعة.
سيلا: ي حبيبي انت بتوحشني وانت معايا.
محمد: انتي بتوحشيني اكتر والله، خلصتوا خلاص ؟
سيلا: اه ي حبيبي خلصناا.
محمد: تماام، هتلاقي فتحي مستنيكم برة.
سيلا: طيب تماام هنطلع اهو.
محمد: ماشي ي حبيبتي سلام.
سيلا: سلام.
وقفلت معاه.....
سيف: كنتي بتكلمي مين؟
سيلا: محدش.
سيف بغيرة: يعني ايه محدش بتكلمي الهواء مثلا؟؟
سيلا: اهه ملكش دعوة.
سيف بعصبية: يعني ايهه ملكش دعوة؟؟
سيلا بعصبية مماثلة: يعني ملكش فيه يعني متدخلش.. وشدت توتة وراها وقالت: يلا عمو فتحي برة.
وركبوا العرببة...
عند سيف...
ياسين: هو انتوا مينفعش يعدي يوم غير لما تتخانقوا؟
سيف: والله هي اللي لسانها طويل.
ياسين: حرام عليك والله سيلا دي طيبة وجدعة جداا.
سيف بنظرات نارية: ملكش دعوة.
ياسين: خلاص ي عم انت زعلت ولا ايه.
سيف: يلا اركب عشان نروح.
عند سيلا.....
توتة: سيلا انتي امتى هتبطلي تردي عليه كدة؟
سيلا: تالين بليز انا لما بكون متضايقة مبحبش حد يكلمني.
توتة: هو انا حد؟
سيلا: لا سبت 😂😂😂
توتة بضحك: 😂😂😂😂 حتى وانتي متضايقة تافهة ربنا يكون ف عون اللي هيتجوزك والله 😂😂
سيلا: ليه ان شاء الله هو يطول اصلاا 😂
وبعدين وصلوا بيتهم ومحمد فتحلهم....
سيلا وهي بتنط ف حضنه: ميدوو وحشتنيي، وفضلت تبوسه...
محمد: وحشتيني اكتر ي سيلا.
توتة هي كمان حضنته: ميدوو وحشتني.
محمد: حبيبتي ي توتة وحشتيني اكتر.
سيلا: يلا عشان وقت النميمة دلوقتي😂
محمد:😂😂 روحوا غيرو هدومكوا الاول عشان نقدر ننم براحتنا.
سيلا: فوريرة.
توتة: دقيقة وهتلاقيني قدامك.
وطلعوا يغيروا هدومهم ونزلوا عند جدهم وكلهم قعدوا ع كنبة النميمة 😂 وكالعادة محمد ف النص وسيلا ع يمينه وتوتة ع شماله.....
محمد: يلا نبدأ😂
سيلا: تماام اول حاجة لما رحنا........
وفضلوا يحكوله ويضحكوا كتير..
توتة: بس بعديها ف الاخير سيلا شدت مع سيف كالعادة.
محمد: هو كل ما تشوفوا بعض لازم تتخانقوا؟
سيلا بضيق: والله ي جدو انا مبعملش حاجة.
توتة: والله!!
محمد: ايه اللي حصل؟
سيلا: انا بعد م قفلت معاك هو جه قالي بتكلمي مين.
توتة: راحت سيلا مزعقاله وقالتله ملكش دعوة وكدة.
سيلا: هو الغلطان ملهوش دعوة بجد هو كان مين عشان اقوله.
محمد: سيلا حبيبتي انا عارف انه غلطان بس برضو لازم تتحكمي ف نفسك اكتر من كدة يعني مش كل حاجة تتعصبي وتزعقي عليها.
سيلا: ي جدو انا مبعرفش امسك لساني.
محمد: لازم تتعودي وكمان الناس بتحب الانسان اللي كل كلامه حلو صح ولا لا؟
سيلا وهي بتبص ف الارض: صح.
توتة: صح ي جدو بالمناسبة هننزل الشركة بتاعت حضرتك نشتغل فيها امتى؟؟
سيلا: صح فكرتيني، اه ي جدو هننزل امتى انا متحمسة جداا.
محمد: ع طول كدة؟؟
سيلا بحماس: اهه عاوزة اشتغل.
محمد: ماشي ي ستي هتنزلوا معايا يوم الحد الجاي.
سيلا: كمان ٤ ايام.
محمد: اه بس خلي بالكوا انا ف الشغل شخص تاني خالص عشان متتفاجؤوش ومبحبش الغلط خالص.
توتة: طب واحنا ي جدو.
محمد: ولاا اي حد.
سيلا: هيعجبك شغلنا ان شاء الله ي جدي.
محمد وهو بيقوم: ان شاء الله، يلا ي بنات تصبحوا ع خير.
سيلا وتوتة: وانت من اهله.
"وكل واحدة فيهم طلعت اوضتها ونامت...."
"نرجع لسيف وياسين بعد ما سيلا زعقت لسيف ومشت...."
ياسين وهما ف السيارة: خلاص ي سيف متزعلش نفسك.
سيف: مش سيف سليم اللي حتة بت صغيرة كدة تيجي تهزقه.
ياسين: ما انت عارف سيلا بلسانين ومبتمسكش نفسها.
سيف: بس مش معايا.
ياسين: بصراحة كدة ي سيف انت غلطان.
سيف وقف العربية فجأة :
"دي عادة سيف لما يكون بيسوق ويتعصب لازم يوقف العربية عشان هو مبيتحكمش ف نفسه ف ممكن يسيب العريية كدة تمشي لوحدها"
سيف: نعممم ميين انااا!!!! هو انا اللي قعدت ازعق واطول لساني ؟
ياسين: اصل هي براحتها مش عاوزة تقولك.
سيف: ومتقوليش ليه؟؟
ياسين: ي اخي براحتها هو انت كنت مين ف حياتها عشان تقولك؟ اخوها ابوها او حتى جوزها؟؟
سيف ساق مرة تانية: بس هي ليه مش هترضى تقولي بتكلم مين مثلا؟؟
ياسين: ممكن خطيبها.
سيف: لاا مش مخطوبة.
ياسين: وانت ايش عرفك؟؟
سيف بثقة: مش لابسة دبلة.
ياسين: ممكن حبيبهاا.
سيف وقف العربية فجأة مرة تانية وقال بعصبية: لاا مش ممكن.
ياسين: ايه اللي مش ممكن؟؟ وانت مالك.
سيف: مينفعش تكون بتحب حد.
ياسين بخبث: ليه ان شاءالله تكونش بتحبها وبتغير عليها؟؟
سيف بتوتر و ساق مرة تانية: لا طبعا حب ايه وغيرة ايه وبتاع ايه.
ياسين: وانت تسميها ايه عصبيتك دي ولا نظراتك ليها وهي بتتكلم ف الفون وبتقول بتوحشني وانت معايا دا انت كان هاين عليك تكسر الفون بتاعها.
سيف وهو بيتوه الموضوع: احنا وصلنا بيتك اهو يلا اتفضل.
ياسين: ماشي ي ابن عمي توه توه بس انا عارف انك هتيجي تحكي، سلام ي ابو الصحاب.
"بعد ما مشى ياسين سيف فضل يفكر فكلام ياسين كتير وفضل يكلم نفسه لغاية ما وصل بيته..."
سيف فتح الباب ولقى عيلته كلها متجمعين قدام التلفزيون...
سيف: مساء الخير.
لين قامت تسلم عليه وتحضنه: وحشتني ي سيفو.
سيف: انتي اكتر ي روح سيفو.
زينب: حبيبي عامل ايه.
سيف وهو بيبوس ايدها: الحمد لله تماام.
سليم: ازيك ي سيف خلصت خلاص اخيرا؟
سيف باس ايديه هو كمان: اه اخيرا الحمدلله.
زينب: اعملك حاجة تاكلها؟
سيف: لا لاا انا عاوز انام جدا..وهو طالع..
سليم: طيب ابقى حضر نفسك عشان انت وياسين هتنزلوا تشتغلوا معايا من يوم الحد الجاي.
سيف: ليه ع طول كدة احنا لسة مخلصين.
سليم: هي كلمة واحدة.
سيف: حاضر.
وطلع اوضته...
زينب: ي سليم خليك حنين شوية ع سيف انت كدة بتبعده عنك.
سليم: يعني انا غلطان اني عاوز اطلعه راجل.
زينب: طلعه راجل ماشي بس خليك قريب منه، يعني انت عاجبك حاله كدة مبنشوفهوش غير كل فين وفين ومنعرفش عن حياته حاجة؟
سليم: خلاص ي زينب بلاش كلام عن الموضوع ده.
عند سيف ف الاوضة...
سيف: هفف ي ربي انا زهقت بجد.
وبعدين افتكر شكل سيلا وهي بتضحك ف الحفلة النهاردة ع نكتة قالها ياسين...
سيف وهو بيكلم نفسه: ي اخي يخربيت غمازاتك، والله الواحد هاين عليه يشتغل اراجوز ليكي عشان يفضل يشوف غمازاتك دي،، ولا فستانها يااهه كانت حلوة اوي النهاردة ي ترى هشوفها تاني ولا كدة خلاص انتهى؟
وبعديها طلع دفترها اللي احتفظ بيه اكتر من ٤ سنين تحت مخدته وقراه للمرة ال١٠٠ وحفظ كل حرف مكتوب فيه ومع كدة بيحب يقراه جداا وكأنها المرة الاولى لغاية ما راح ف النوم....
ف اليوم التاني.....
سيلا: توتة.
توتة: ايوة.
سيلا: ايه رأيك نكلم لين وننزل نقعد مع بعض شوية ف النادي؟؟
توتة: تصدقي فكرة حلوة وحشتني اوي بنت الإيه.
سيلا: ماشي هبقى اكلمها ع العصر كدة وننزل نتقابل.
العصر......
سيلا: ألوو؟
لين: سيلااا وحشتيني جداا عاملة ايهه كدةة متسأليش تطمني عليا شكلك نسيتيني ومش عاوزة تشوفيني دا احنا حتى كان بينا عيش وملح و.......
سيلا بمقاطعة: بااااسس باااااسس ايه كل داا انتي بالعة راديو ي بنتي اهدي شوية.
لين: اهوو هديت.
سيلا: اول حاجة عاملة ايه تاني حاجة ١٠ دقايق والاقيكي جاهزة هعدي عليكي نروح النادي شوية..
لين: اووهه والله متعرفيش كنت محتاجة اطلع قد ايه هستأذن من سيف والبس ع طول.
سيلا: تمام ي حبيبتي مستنياكي......
ستووب بقاا نكمل الحلقة الجاية 💜💜