اسيل الحياة

💜 اسيل الحياة ٢١ 💜

حباايبيي والله عارفة اني اتأخرت عليكمم اعذروني والله غصب عنيي.. 🙈💕💕

وقفنا ف الحلقة اللي فاتت لما شافوا بعض بصدمة...
محمد: احمم هو انتوا تعرفوا بعض ولا ايهه؟؟
سيلا بتبرير: دا ي جدو سيف اللي قلتلك عليه اللي لقى الموب بتاعي ورجعهولي.
توتة: ودا ياسين اللي جابني هنا عند سيلا لما كنت ف بيت ماما وكمان دول زمايلنا ف الكلية.
محمد: طيب كويس عارفينهم يعني مش محتاجين اعرفكم ع بعض دي بقا اخت سيف الصغيرة لين ، لين دول احفادي سيلا وتوتة.
لين: هالوو 😊.
سليم: ما شاء الله دي سيلا؟!
محمد: اه تعالي ي سيلا سلمي.
سيلا: ازي حضرتك ي انكل 😊
سليم: ياه كبرتي ي سيلا اهوو انا كنت بشوفك وانتي لسة صغيرة.
محمد: ودي حفيدتي التانية تالين من محمود الله يرحمه.
سليم: ربنا يخليهملك.
محمد: اتفضلوا ارتاحوا اقعدوا قومي ي سيلا قولي للدادة تحضر السفرة.
سيلا: حاضر.
محمد: وانت اخبارك ايهه ي سيف.
سيف: تمام الحمدلله.
توتة بصوت واطي: بسسس ليين لييين.
لين وهي بتقلدها: نعمم😂
توتة: تعالي ورايا.
وقامت وراها لين وراحت وراهم سيلا ودخلوا كلهم اوضة سيلا...
ف اوضة سيلا...
سيلا: اخبارك ي لينوو
لين: انا تماام الحمدلله.
توتة: انتي ف كلية ايهه؟؟
لين: انا ف تجارة اينجلش.
سيلا: اوو وحلوة؟؟
لين: اه انا حباها جداا، وانتي ف سنة كام ي سيلا شكلك صغير.
توتة: تديها كاام؟؟
لين: امممم ممكن تانية ثانوي؟
سيلا: ايهه حراام عليكي.
لين: ايهه اولى ثانوي؟؟
توتة بضحك: حضرتك دي ف اولى جامعة.
لين بصدمة: معقوولل!! ادهه مش ممكن شكلك صغير اويي.
سيلا: مش لدرجة اولى ثانوي.
لين: اده يعني احناا قد بعض اهو 😂
توتة: اه شفتي.
لين: انتوا مع سيف وياسين؟؟
سيلا: اه معاهم.
وبعديها سمعوا صوت جدهم محمد...
محمد: سيلااا يلاا تعالي انتي والبنات.
وبعديها نزلوا....
ياسين: كنتوا فين ي بنات؟
لين: كنا فوق ف اوضة سيلا.
توتة: يلاا تعالوا اتفضلوا😊
ودخلوا اوضة السفرة وقعدوا....
سيلا: لينو تعالي اقعدي جمبي.
توتة: لا لاا لينو هتقعد جمبي اناا.
لين: خلااص هقعد ف النص.
ف قعدوا كدة"محمد ع راس السفرة جمبه سيف وجمب سيف سليم وياسين وقصاده سيلا وجمبها لين وجمب لين توتة" (مفهمتوش حاجة صح؟😂 المهم ان سيف قصاده سيلا وياسين قصاده توتة😂😂)
محمد: بسم الله يلا اتفضلوا سموا بالله وكلوا.
واكلوا وكان الاكل كتير وطعمه حلو وطول الوقت كان ياسين بيختلس النظرات لتوتة وهي خدت بالها ف مرفعتش عينها من ع الطبق 😂.
وبعدين...
سيف: الحمدلله شبعت.
محمد: ايهه ي بني مكملتش اكل ليه؟
سيف: شبعت والله ي عمي تسلم ممكن بس تقولي فين مكن التويلت عشان اغسل ايدي.
محمد: سيلا معلش ي حبيبتي قومي وريه مكانه.
سيلا: حاضر، تعالى اتفضل.
وراحت توريه المكان...
سيف: احم سيلا.
سيلا: ايوة؟
سيف: ازيك؟؟
سيلا باستغراب: تماام الحمدلله.
سيف: تسلم ايدك الاكل كان حلو.
سيلا: بالهناء بس انا معملتش حاجة دي الدادة.
سيف: برضو ال......
سيلا بمقاطعة: اتفضل ادخل دا التويلت.
سيف بضيق: شكرا😒
سيلا: عفواا.. ورجعت لهم تاني.
سليم: شكرا ي محمد الاكل طعمه حلو جداا.
محمد: ع ايهه بالهناء والشفاء.
وخلصوا اكل وغسلوا اديهم بعديها قعدوا مع بعض شوية.
سليم: احنا كدة لازم نستأذن الوقت اخر.
محمد: لا لا خليكوا قاعدين كمان شوية.
سليم: معلش بقاا ي محمد عشان سايبن المدام لوحدها ف البيت.
محمد: مجبتهاش ليه تغير جو شوية.
سليم: مرة تانية ان شاء الله واكيد لازم تزورنا مع البنوتين الحلوين.
محمد: ان شاء الله.
سيلا: لينو هتمشوا بدري كدة ليه كنت عوزاكوا تقعدوا معانا اكتر.
لين: نعوضها مرة تانية ان شاء الله، خدي رقمي عشان نبقى نتكلم ع طول.
سيلا: شوور احنا بقينا صحاب خلاص.
توتة: ايوة طبعاا احنا بقينا صحاب ولازم نتقابل دايما.
لين: اه شور ان شاء الله يلا سجلي عندك ٠١٠٠.
وبعديعا اتبادلوا الارقام وسلموا ع بعض وروحوا...
سيلا بعد ما مشيو: هو الاكل فين انا مكلتش كويس.
توتة: ي مفجوعة كلتي ٣ حتت مكرونة بشاميل وتقولي مكلتش كويس!!
سيلا: الله اكبر انتي هتنقي.
توتة: لا انا مبنقش انا بحسد بس 😈
سيلا: اهه اذا كان كدة مش مشكلة. وراحت المطبخ عشان تاكل... وخلص اليوم..
(*ملحوظة ي حلوينز سليم دا شريك محمد ف الشركة بتاعتهم و الشباب ميعرفوش انهم شركاء، يعني عارفين ان في شريك بس ميعرفوش الشحص شخصيا فهمتوا؟؟ انا عرفاني مبعرفش اشرح بس استحملوني معلش 😂😂😂)
_______________________________________
نجري ف الاحداث ٤ سنين ونروح لليوم اللي قبل تخرجهم 🎓🎓
(شرح بسيط للي حصل ف ال٤ سنين دول💜..
سيلا وتوتة ولين بقوا صحاب جداا وبيخرجوا مع بعض كتير وبيزوروا بعض وبيتقابلوا ف كافيهات ونوادي وحبوا بعض جداا، سيلا وتوتة وسيف وياسين اتقربوا من بعض اكتر وعلاقتهم زادت اوي وبقوا صحاب جدا وكمان بقوا بيعملوا كل العمل الجماعي مع بعض ، ياسين حب توتة جداا بس مش عارف يعترفلها وبقى بيستنى اليوم اللي هيشوفها فيه، سيف كمان حب سيلا بس بيكابر ومش مقتنع بده ، وطبعا اليوم مبيعديش من غير خناقات بينهم ومشاكسات منهم، توتة انتظمت ف زيارة مامتها وبقت بتروحلها ف الاوقات اللي جوز مامتها مبيكونش موجود فيها ف البيت عشان متحتكش بيه خالص.)
_______________________________________
توتة بحماس: اوووههه اخيرااا بكرة وخلااص مش هعتب الجامعة دي خالص ولا هعدي من جمبهاا.
سيلا: اه اخيراا متحمسة لبكرة اوي.
توتة: انا كماان، يلا اجهزي عشان ننزل نشتري اللبس اللي هنحضر بيه.
سيلا: ماشي خمساية وهتلاقيني جاهزة.
توتة: انا مبخافش من حاجة اد الخمساية بتاعتك دي .
وبعد نص ساعة......
سيلا: خلصتت.
توتة بسخرية: خمساية خمساية يعني مفيش كلام 😏
سيلا: يلا عشان منتأخرش، هنزل اخد من جدو فلوس واجي.
سيلا: ميدوو حبيبي روح قلبي ي حمو ي جدو ي سكر انت ي عسلية يخلاثي ع الجمال والطعامة قمر ي نااس.
محمد: عاوزة كام؟؟
سيلا: احمم اي ي ابو حميد هو انا عشان ادلعك لازم اكون عاوزة فلوس؟
محمد: اه
سيلا: طب تعرف بقاا انا مكنتش عاوزة حاجة.
محمد: طب كويس مع السلامة بقاا انا نازل رايح الشركة.
سيلا بسرعة: لا لاا ي ميدوو اصبررر.
محمد: شفتي مش قلتلك, هاا عاوزة كام.
سيلا وهي بتمد ايدها: ايدك ع خمشماشر جني.
محمد: الفاظك ي سكر.
سيلا: حاضر ي حاج ايدك بقاا.
محمد: لا حول ولا قوة إلا بالله، خدي الكريدت كارد اهي جيبي اللي عوزاه انتي وتوتة ومتتأخريش برة.
سيلا: يعيش ميدوو.
وباسته ع خده وبعديها طلعت لتوتة.. َ
توتة: هاا جبتي الفلوس؟
سيلا وهي بتوريها الكريدت كارد: تمام ي فندم😉
توتة: اشطاا بيناا يلاا.
وراحوا مع سواقهم فتحي للمول....
سيلا: تعالي نشوف المحل داا.
توتة: اوكي يلاا.
واول ما دخلوا...
نارين موظفة ف المحل: اووهه سيلاا ازيك وحشتيني.
سيلا بابتسامة: نيرو حبيبتي عاملة ايه وحشتيني اكتر.
نارين: فينك من زمان مبتجيش تسلمي علياا كل اللي هناا هيتبسطوا اوي لما يعرفوا انك هنا.
سيلا: والله ي نيرو امتحانات بقاا وكدة وانتي عارفة سوري جداا اني مكنتش بسأل.
نارين: ولا يهمك ي بيبي.
سيلا: اعرفك بنت عمي تالين بس قوليلها توتة.
نارين بود: هااي توتة عاملة ايهه؟
توتة بخجل: انا تمام😊.
سيلا: معلش هي خجولة شويتين متقلقيش هتاخد ع الجو.
نارين: يلا ي انسه اسيل عوزاني اوريكي ايه؟
سيلا: وريني كدة بقا ي سكرر الفساتين الجديدة اللي هنا.
نارين: تعالي في ستايلات وموديلات جديدة حلوة اوي.
سيلا: اوكي وريني.
"وهما ف الطريق قابلت كتير من موظفات المحل وسلمت عليهم كلهم (*ملحوظة صغيرة سيلا زي ما قلت قبل كدة هي بتحب تتعرف ع الناس ومبترحش اي مكان غير لما تكون مصاحبة الناس اللي فيه كلهم من كبيرهم ل صغيرهم وعشان هي شخصية عفوية وبريئة ف بتدخل قلب الناس بسرعة)"
نارين: بصي ي ست توتة دي ستايلات فساتين رقيقة جداا وكل فستان معاه الاكسيسواريز بتاعته هدية لمدة الاسبوع دا.
توتة: اوكي ميرسي، تعالي ي سيلا نقيلي واحد.
سيلا: نيرو اسمعي احنا بكرة حفلة تخرجنا ف اي رأيك؟
نارين: امممم اي رايكوا تلبسوا نفس اللون والشكل بس مثلا انتي فستان طويل وهي قصير؟
توتة: فكرة حلوة اوي نلبس اي لون.
سيلا بدون تفكير: اسود طبعاا.
نارين بدهشة:اي ي سيلاا في واحدة تلبس ف حفلة فستان اسود؟
سيلا: اه اناا.
توتة: قوليلها ي نيرو عشان هتنقطني.
نارين: اسمعي ي سيلا انتي هتلبسي فستان لونه ازرق فاتح قريب للبني.
سيلا: لاا مش عاوزة لون فاتح.
نارين: هيكون حلو والله.
سيلا:هلبس الاسود يعني هلبسه.
نارين ل توتة: انتوا مستحملين دماغها دي ف البيت ازااي ربنا يكون ف عونكوا والله.
توتة: بصي هي مش هتغير رأيهاا ف شوفي فستان حلو بليز...
ستووب نكمل الحلقة الجاية 💜💜