اسيل الحياة

💜 اسيل الحياة ٤٦ 💜

وقفناا ف الحلقة اللي فاتت لما سيف قرر ينفذ خطته..
سيف وقف ف نص المكان اللي كان فيه المعازيم ومسك مايك...
سيف: احمم احمم، ازيكوا يجماعة عاملين ايه؟ طبعاا نورتونا جداا ف الفندق بتاعنا اللي قررنا نسميه asyt hotel وطبعا هي كلمة بتجمع من اول حرف اسم كل واحد تعب مننا عشان يخلينا نوصل للمكان دا.
توتة: هو سيف بيعمل ايه؟
ياسين: هاا؟ لا دا بيرحب بالناس بس.
سيف: ف الحقيقة انا بتكلم هنا مش عشان اقول قصة كفاحنا ولا حاجة، انا هنا عشان حاجة اهم وعشان احكيلكم عن بنت سرقت النوم من عنيا ليالي كتير، بنت بحبها اكتر من نفسي، لو طلبت مني عيني هديهالها، قمر بعيد منور ف السما نفسي اوصله، واحدة لقيت فيها نصي التاني واخترتها عشان تكمل معايا الباقي من حياتي وبوعدها قدام نفسي وقدامكم اني هكون ليها الاب والاخ والزوج وعاوز اقولها اني بحبك جدا.
وراح قدام سيلا اللي كانت بتتابع الموقف كله بصدمة ونزل ع ركبته وطلع من جيبه علبة قطيفة حمرا وفتحها وظهر منها خاتم رقيق في ماسة ف النص..
سيف بحب: تقبلي تكوني مراتي وشريكة حياتي ونصي التاني وام عيالي؟
توتة بصت ع جدها لقته بيحركلها راسها بمعنى اه، ف بصتله بخجل وقالت بصوت واطي : موافقة.
وفجأة انتشرت الاغاني والتسقيف ف كل مكان، وسيف قام لبسها الخاتم وباس ايدها بحب وبص ع ياسين وغمزله، ف فهم وسمح للمأذون بالدخول، ف دخل تحت صدمة سيلا، بس طبعا سيف مدهاش فرصة واخدها وتمت مراسم كتب الكتاب كلها وسيلا مش مستوعبة حاجة ومنطقتش بأي كلمة غير لما سألها المأذون ووافقت..
فاقت لما لقت نفسها بتتعصر ف حضن سيف كأنه هيدخلها ف ضلوعه وبيلف بيها بفرحة وبيهمسلها بحاجات كتبر كان نفسه يقولهالها من زمان....
سيف: الف مبرووك ي حياة سيف.
سيلا بخجل: الله يبارك فيك.
وبعديها لقت كله جاي عليها وبيهنيها وجدها اخدها ف حضنه وفضل يباركلها..
وخلص اليوم وسيلا مش مصدقة ان الشخص الوحيد اللي قلبها دقله بقى من نصيبها، وفضلت كل شوية تبص ع الخاتم وهو مزين ايدها وضمته لقلبها ونامت وهي مرسوم ع وشها ابتسامة...
وبعد يومين رجعوا ع اسكندرية بعد م ظبطوا كل حاجة تخص الفندق وقرروا انهم هينزلوا ف يوم معين ف الشهر يتابعوا سير الفندق ونزلوا ورجعوا يروحوا الشركة تاني،. طبعا ياسين كان معترض ع شغل توتة بس مقدرش يقاوم دموعها ووافق انها تروح بشرط متبعدش عن عينه، وسيف انشغل ف تجهيزات الفيلا الجديدة اللي كان بيبنيها عشان يعيش فيها مع سيلا ف مكانوش بيشوفوا بعض كتير وكانت لسه بتتكسف منه، ومرت الأيام وتوتة بقت ف الشهر الرابع....
توتة: سيلا.
سيلا: ايه يقلبي؟
توتة وهي حاطة ايدها ع بطنها: مش عاوزة تعرفي نوع البيبي ايه؟
سيلا : نفسي طبعا.
توتة: طب ايه رأيك نستأذن م الشغل بدري ونروح عند الدكتورة؟ انا كدة كدة دخلت ف الرابع خلاص.
سيلا بحماس: موافقة جدا.
توتة: طب يلا بينا.
سيلا : مش هتقولي ل ياسين يروح معانا؟
توتة : لا عاوزة اعملهاله مفاجأة، هقوله اني تعبانة وانتي هتروحيني، ونروح عند الدكتورة.
سيلا: تمام يلا.
وبعديها راحت عند ياسين ومثلت انها تعبانة...
ياسين بقلق : توتة مالك؟ تعبانة؟ حاسة بحاجة؟
توتة: معرفش ي سينو حاسة اني دايخة شوية.
ياسين :طب اروحك طيب؟؟ قولتلك ارتاحي وانتي اللي اصريتي تيجي.
توتة: متقلقش ي حبيبي دي دوخة بسيطة انا هخلي سيلا تروحني ارتاح شوية ف البيت وهبقى تماام.
ياسين: طب اجي معاكي عشان متقعديش لوحدك؟
توتة: لا ملهاش لازمة انا هروح انام ع طول
سيلا: متقلقش عليها ي ياسين.
ياسين بعدم ارتياح: طيب روحي، خلي بالك عليها ي سيلا، وانا هخلص بسرعه واجي.
توتة : تماام يقلبي،. هنروح نستأذن بقاا.
وراحوا قالوا لجدهم ووافق وطلعوا، وقابلهم سيف ف راحتله سيلا تقوله...
سيف: راحة ع فين كدة؟
سيلا: توتة تعبانة شوية ف هروح معاها.
سيف باس راسها بحب : تمام ي حبيبتي، عاوزة حاجة؟ اوصلكم؟
سيلا بخجل: لا لا عمو فتحي برة هيوصلنا.
سيف: تمام ي حبيبتي لو احتجتي حاجة قوليلي.
سيلا: تمام.
ورجعت لسيلا بخد احمر وابتسامة بلهاء ع وشها..
توتة: ها قال...، ايه دا مال وشك احمر كدة ليه؟
سيلا: ها؟ لا لا مفيش.
توتة بغمزة: مبيقدرش يمسك نفسه معاكي ولا ايه؟
سيلا بخجل: بطلي يباردة لا ايه دا.
توتة بضحك: عليا برضو؟
سيلا خبطتها بكوعها: اكتمي ي زفتة.
وراحوا عند الدكتورة واخدوا معاد وفضلوا مستنين لغاية م جه دورهم...
الدكتورة ببشاشة: اهلا مدام تالين.
توتة: اهلا بيكي يقلبي.
الدكتورة: جاية طبعا تعرفي نوع البيبي.
توتة وهي بتحسس بطنها: ايوة بجد نفسي اعرف اوي،. عندي احساس انه ولد.
الدكتورة طب تعالي نامي هنا عشان نشوف.
ونامت توتة ف المكان المخصص، والدكتورة جابت السونار ومشته ع بطنها وظهرت صورة البيبي واضحة ف الشاشة.
الدكتورة بابتسامة: باين عليه هيطلع ولد شقي.
توتة بفرحة : هو ولد؟
الدكتورة: ايوة باين اوي اهو بصي.
سيلا حضنت توتة بفرحة: الفف مبرووك ي توتي، دا ياسين هيفرح اويي لما يعرف.
توتة بدموع: الله يبارك فيكي ي حبيبتي عقبال م افرح بيكي الأول.
وشكروا الدكتورة وطلعوا من عندها وهما طايرين م الفرحة...
سيلا: ها ي توتي هتعملي ايه دلوقتي؟
هروح معاكي ع الفيلا عشان وحشتني القعدة فيها واسلم ع دادة سعاد وبعديها اروح اجهز الشقة عشان افاجئ ياسين.
سيلا: طب يلا يقلبي.
وراحت معاها ع الفيلا وفضلوا قاعدين يتكلموا شوية وياكلوا مع بعض ويسترجعوا ذكرياتهم مع بعض..
توتة : يلا بقاا ي سيلا هروح عشان الحق اجهز الدنيا.
سيلا: تماام ي حبيبتي اجي معاكي اوصلك؟
توتة: لا لا زمان عمو فتحي تحت هيوصلني.
سيلا : تماام يقلبي يلاا.
وودعوا بعض وتوتة نزلت...
ف مكان تاني ..
مجهول ١: متأكد انك مراقبهم كويس؟ انا مش عاوزة غلطة انت فاهم؟
مجهول ٢: ايوة ي هانم، تالين نزلت دلوقتي من عند اسيل وهي دلوقتي لوحدها ف الفيلا.
مجهول ١: تمام انتوا عارفين هتعملوا ايه مع تالين وعارفين هتودوها ع فين.
مجهول ٢: طبعا ي هانم متقلقيش.
مجهول ١: تمام ابدأوا التنفيذ.
مجهول ٢: وبالنسبة لأسيل ي هانم؟
مجهول ١ بشر: لا ملكش دعوة بيها دا تار قديم بيني وبينها هبعتلها واحد من رجالتي ينهي مستقبلها ويبعت صور لحبيب القلب بعد م يخلص عليها طبعا.
وضحكت ضحكة رقيعة بشر..
"اظن دلوقتي كلكم عرفتوا هي مين.."
مايا بغل: بقى حتة بت لا راحت ولا جت تاخد مني حبيبي؟ مبقاش مايا لو موجعتش قلبه عليها.
وبعديها قفلت مع الشخص اللي كانت بتكلمه واتصلت بواحد من رجالتها...
مايا: يلا ي سعد البت اسيل ف الشقه لوحدها انت عارف هتعمل ايه عوزاك تبسط نفسك ع الاخر.
وضحكت بشر.
سعد بابتسامة شهوانية: أوامرك ي مايا هانم.
ف الوقت دا توتة نزلت من عند سيلا وطلعت من باب الفيلا لقت حد بيشممها حاجة ف اتخدرت واغمى عليها ف نفس الوقت وشالها دخلها ف العربية واختفى ف لمح البصر...
ف نفس الوقت سيلا كانت واقفة ف البلكونة وحست ان في حركة غريبة ف الجنينة وبعديها سمعت صوت الباب تحت بيتكسر ف خافت وراحت قفلت باب اوضتها بالمفتاح ومسكت موبايلها تتصل بجدها، بس لقته مقفول..
سيلا بخوف: هففف وقته دلوقتي ي جدو؟
وبعديها جه ف بالها سيف ف اتصلت بيه بسرعه وف نفس الوقت لقت حد عمال يحاول يفتح باب اوضتها ويخبط ع الباب جامد...
سيلا بصراخ: اااهع ي سييف الحققنيي.
سيف بخضة: ......
ستوبب هناا هكمل الحلقة الجاية 💙💙