وقفنا ف الحلقة اللي فاتت لما سيلا كانت بتكلم لين عشان ينزلوا يتقابلوا ف النادي ولين راحت تستأذن من سيف.....
لين وهي بتخبط: سيف.
سيف من جوة: ادخلي ي لين.
لين: سيفو حبيبي.
سيف: عاوزة ايه ي حبيبتي.
لين: ممكن اروح للنادي؟
سيف: هتروحي مع مين؟
لين: سيلا وتوتة.
سيف: بجد هما رايحين؟؟
لين: اهاا.
سيف: طب كلميها قوليلها نوصلها احنا انا كدة كدة رايح مع ياسين.
لين: شوور مش هترضى هقولها تسبقنا ع هناك.
سيف: خلااص تماام.
لين كلمت سيلا وقالتلها تسبقهم ع هناك.....
سيلا: يلا ي توتة خلصتي؟؟
توتة: اها خلاص.
سيلا: تماام يلا هكلم جدو اقوله.
ف النادي.....
سيلا: تعالي عزماكي ع الكافيه المفضل عندي ف النادي دا.
توتة: اوكيي ليتس جو.
سيلا: حسام هااي.
حسام الجرسون: سيلاا عاملة ايه وانا اقول النادي نور فجأة كدة ليه.
سيلا: نورك ي حسام والله.
حسام: ازيك ي توتة؟؟
توتة: ازيك ي حُس اخبارك ايه؟
حسام: الحمدلله تمام، تعالوا اتفضلوا ترابيزتك ي سيلا موجودة.
سيلا: تماام.
وبعد ما قعدوا...
حسام: تشربوا ايه ي انسات؟؟
سيلا: لحقت تنسى بسرعة كدة؟
حسام: لا ابداا والله بحسبكم عاوزين تغيروا، يعني هوتشوكليت لسيلا وقهوة سادة ل توتة.
توتة: سااادة ي حساام سااادةة مش تحطلي فيها سكر وتقولي اصل القهوة طعمها مر!
حسام بضحك: والله انا مش عارف انتي بتستحمليها كدة ازاي.
وراح يجيب الحاجة..
سيلا: هي لين اتأخرت كدة ليه؟
توتة: دا لسة معداش خمس دقايق.
سيلا: والله حسام دا راجل جداا وبيصعب عليا اوي.
توتة: انا كمان والله يعني بيدرس وهو ف ثانوية عامة وبيشتغل عشان يصرف ع مامته واخواته البنات بعد ما بباه اتوفى وفوق دا ابتسامته مبتفارقش وشه.
سيلا: والله اللي زيه قليلين جداا.
حسام: بتجيبوا ف سيرة مين؟؟
توتة: بنجيب ف سيرتك😂
حسام: وبتقولوا عني ايه بقاا؟
سيلا: ابداا والله بنقول انك راجل وبتشتغل وانت بتدرس وكدة.
حسام: اصل انا بابا الله يرحمه وصاني عليهم كتير.
سيلا: ربنا يرحمه ي رب عمو عصام كان راجل طيب اوي.
حسام: ربنا يرحمه.
توتة: أُمال انت امتحاناتك امتة؟
حسام: الاسبوع الجاي.
سيلا: ومبتذاكرش ليه بقاا ان شاء الله؟؟
حسام: والله اهو شوية من هنا وشوية من هنا هعمل ايه؟
سيلا: شد حيلك طيب عشان تطلع دكتور ومتجيش هنا تاني.
حسام: ي رب ي سيلا ادعيلي.
سيلا: ربنا معاك ي رب.
حسام: بس غريبة ي سيلا مفيش ف اديكي رواية.
سيلا: 😂😂😂 والله النهاردة حبيت اخرج اشم هوا من غير رواية ولا اي حاجة.
وف الوقت دا دخل ياسين وسيف ولين ، وسيف شاف حسام وهو بيهزر مع سيلا وهي بتضحك معاه وكان هيروح يخنق حسام.....
لين: سيلاا وتوتة.
سيلا: لينوو حبيبتي وحشتينيي اوي.
وحضنتها..
توتة: حبيي ليوون وحشتيني.
وحضنتها برضو.
لين: وحشتوني اكتر والله.
سيف: ازيكوا ي بنات.
سيلا وتوتة: الحمدلله تمام.
ياسين: عاملين ايهه ي حلوين.
توتة: تمام.
سيلا: كويسين.
حسام وهو بيستأذن بلطف: هروح اجيبلكوا المشاريب ي سيلا.
سيلا: تمام ي حُس.
سيف بضيق بعد ما مشى حسام: ومين حُس دا كمان؟
سيلا ببراءة: دا حسام.
سيف: والله! عرفته انا كدة؟؟
توتة: دا جرسون هنا.
سيف: ومالكم متصاحبين مع حتة العيل دا كدة ليه؟
سيلا بعصبية وصوت عالي نسبيا: سيفف متقولش عنه عيلل.
"تعالوا اكلمكم شوية عن حسام الاول.. حسام دا كان شاب زي اي شاب بيحب يخرج ويضحك ويهزر بباه كان صاحب جد سيلا وكان بيشتغل عنده ف الشركة وكان سيلا وتوتة معتبرين حسام اخوهم الصغير وهو حاليا ف تالتة ثانوي بباه مات من سنتين بسبب الكانسر وساب حسام واخواته البنات التلاتة ومامتهم لوحدهم مامت حسام بعد ما جوزها مات جالها شلل ف بقت كل المسؤولية ع حسام اللي لسة مكملش ١٦ سنة ف اشتغل ف الكافيه اللي ف النادي جنب دراسته عشان يقدر يصرف ع عيلته وسيلا كانت متعاطفة معاه جداا وكانت بتروح دايما النادي عشان تقعد تتكلم معاه وتواسيه واي حد كان بيضايقه بكلمة كانت بتقف ف صفه وبتدافع عنه وهو معتبرها اكتر من اخته وبيحكيلها ع كل حاجة وهو نفسه يكون دكتور عشان يقدر يلاقي علاج للكانسر اللي موت ابوه، وهو عنيه زرقاء وشعره بني غامق وبشرته برونزي وعنده غمازة ف خده اليمين وراجل جدا بمعنى الكلمة بالرغم من صغر سنه. "
سيف: ليه ان شاء الله دا حتة جرسون ميسواش حاجة.
سيلا: بص انت اتجاوزت حدك كله إلا حسام انت سامع؟؟
توتة: سيف انت متعرفش حسام بالنسبة ل سيلا ايه.
سيف بغضب: هيكون ايه يعني ال......
وقاطعه حسام وهو بيحط المشاريب: القهوة السااادة عشان توتة.
توتة بهزار: سادة ي حسام؟
حسام: سادة ي ست البنات 😂😂، واحلى هوتشوكليت لأحلى سيلا ف الدنياا.
سيلا: تسلم ي حُس متحرمش منك ي رب.
سيف بضيق: اسمها اسيل هانم ي حلو انت كلم كل واحد بمقامه.
ولسة حسام هيرد سيلا سبقته بعصبية: انت مالك ي اخي ايش احشرك انت هو كلمك ولا كلمني ملكش دعوةةة.
حسام: خلاص ي سيلا اهدي محصلش حاجة.
ولسة هيمشي...
سيف وهو بيحط رجل ع رجل: ي اسمك ايهه.
حسام: حسام ي باشا.
سيف: مش هتاخد طلباتنا؟
حسام: حضرتك تؤمر ب ايه؟
سيف: انا عاوز شاي مظبوط وشوفهم عاوزين ايه.
حسام: تؤمر ب ايه؟؟
ياسين: انا عاوز كوكتيل ي حُس.
حسام: والانسة؟
لين: امممم عاوزة زي ياسين كوكتيل.
حسام: تماام حاجة تاني؟
سيلا: خلاص ي حُس ميرسي.
ومشي حسام....
ياسين: سيف حرام عليك حسام شكله محترم.
سيلا: نزل رجلك ي سيف واتكلم كويس مع حسام عشان متصرفش تصرف مش هيعجبك.
سيف بعصبية: هتعملي ايه يعني ي هبلة انتي؟
سيلا: بص انا سكتالك من بدري ومش انا اللي يتقالي هبلة انا ماسكة نفسي بالعافية والله لو ملمتش نفسك انا مش مسؤولة عن اللي هيحصل.
سيف: اعتبر دا تهديد؟
سيلا: اييووةة
ياسين: خلاص ي جماعة اهدوا محصلش حاجة.
سيلا: لين انتي جبتيه ليه؟؟ هو مش انا قلت عاوزة اقابلك.
سيف: كل دا عشان سي حسام ماشي ي اسيل ماشي.
حسام: اتفضلوا.
وحط قدام كل واحد كبايته....
سيف وقع الكباية قاصد وكسرها..
سيف: يووه بالغلط مش عارف ايه اللي حصل اتفضل نضف ي حسام مش دي شغلانتك برضو؟ 😏
حسام: بإحراج: حاضر ي باشا.
ونضف المكان وهو حاسس بإهانة كبيرة ومشي...
سيلا بعصبية: والله انت معندكش دم ومش محترم وانا ميشرفنيش اعرف واحد زيك ي زبالة انت شايف نفسك ايه قومي ي توتة يلااا سوري ي لين بس مقدرش اقعد معاه ف نفس المكان.
وقامت بعصبية جداا وهي بتشتمه وشادة توتة وراها وراحت ل حسام...
سيلا: خليكي هنا شوية مش هتأخر.
ودخلت ل حسام..
سيلا: حُس.
حسام مسح دموعه بسرعة: سيلاا في حاجة ولا ايه.
سيلا: حسام انت كنت بتعيط؟
حسام: لا لا دي حاجة طرفت عيني متاخديش ف بالك.
سيلا: وهي الحاجة دي هتطرف عنيك الاتنين برضو؟
حسام: مفيش حاجة ي سيلا والله.
سيلا: حسام ع فكرة انت احسن وارجل شخص قابلته ف حياتي اوعى تستسلم ابداا وخليك عارف اني هكون دايما ف ضهرك ومتترددش تحكيلي ع اي حاجة مضايقاك احنا اخوات.
حسام: والله ي سيلا انتي الوحيدة اللي بتهون عليا تعبي ربنا يخليكي ليا.
سيلا طبطبت عليه: متزعلش ع اللي عمله سيف هو كدة دايما.
حسام: لا محصلش حاجة.
سيلا: اتفضل.
حسام: ايه دول.
سيلا: الحساب.
حسام: بس دول كتير.
سيلا: خليهم معاك.
حسام بعزة نفس: لا طبعاا مش هاخدهم.
سيلا: حسام مفيش كدة بينا قلتلك انت اخويا.
حسام: والله ي سيلا مش عارف اقولك ايه.
سيلا بابتسامة: متقولش حاجة، يلا بقاا انا لازم امشي وشد حيلك ف الامتحانات عوزاك تكون دكتور اد الدنيا يلا سلاام.
حسام: ان شاء الله، مع السلامة.
وطلعت سيلا لتوتة....
سيلا: سوري ع التأخير يلا بينا.
وطلعوا برة يتمشوا شوية وبعدين روحوا البيت.
عند سيف....
سيف بعصبية: تزعقلي وتقول كل دا عشان حتة العيل دا؟
لين: سيف انا هقول ل بابي ع اللي حصل عشان انت زعلت سيلا وكمان زعقت ف الجرسون وقامت وسابته.
ياسين: انا ما صدقت اشوف البونية وانت خليتهم يمشوا.
وقام وسابه...
ستووب نكمل الحلقة الجاية..
أنت تقرأ
اسيل الحياة
Короткий рассказأسيل بنوتة عفوية فقدت والديها وهي صغيرة واتربت مع جدها. وتمر الأيام وتقابل شخص يبقى كل حياتها.. ي ترى الحياة بينهم هتكون ازاي؟؟ #أسيل_الحياة..💙🍫