اسيل الحياة

💜 اسيل الحياة ٣٧ 💜

وقفناا ف الحلقة اللي فاتت لما ياسين قال ل سيف اطلب المأذون.....
ياسين: زي م سمعت مش هقدر امسك نفسي.
سيف ضحك ع تصرفات صاحبه المجنونة: طب وانت فكرك تالين هتوافق؟
ياسين بإصرار : هقنعهاا.
سيف استسلم لرغبة صاحبه وراح يتصل بالمأذون...
وبعديها وصل محمد بيها عند ياسين
ياسين بدون مقدمات: عمي انا عاوز اكتب الكتاب دلوقتي.
شهقت تالين بخضة...
محمد: انت بتقول ايه ي ابني؟
ياسين : صدقني ي عمي مش هقدر استحمل اكتر من كدة ومفرقتش دلوقتي من اسبوعين ايه رأيك؟
محمد بتفكير: والله ي ابني الرأي رأي تالين.
ياسين بصلها برجاء وحب: موافقة ي توتة؟
توتة بتوتر : اااا
سيف: المأذون وصل يجمااعة.
ياسين مسابش فرصة لتالين وسحبها بسرعة ع المأذون...
المأذون: فين العرسان؟
ياسين بحماس : انا اهوو جوزني يلاا.
المأذون ضحك ع جنون ياسين: طيب يبني فين الشهود ووكيل العروسة؟
"تمت الاجراءات بسرعة وكان سيف وإياد هما الشهود ومحمد كان وكيل توتة اللي طبعاا مكانتش حاسة بأي حاجة م اللي بتحصل حواليها وكانت حاسة انها بتحلم، بس كل اللي متأكدة منه انها طايرة م الفرحة"
وفاقت ع صوت المأذون وهو بيسألها: تقبلي ب ياسين زوج ليكي؟
توتة بصت ل ياسين بتوتر ف ردلها البصة بحنان وبيحاول يطمنها..
توتة بصوت واطي: قبلت.
المأذون بابتسامة: بارك الله لكما وبارك عليكما وجمع بينكما في خير.
" اول م خلص جملته انتشرت الزغاريط ف انحااء الڨيلاا وياسين قام جري وحضن توتة وسط الناس وشالها ولف بيهاا..."
ياسين بفرحة: ألفف مبرووك ي حياة وقلب ياسين.
توتة بخجل: الله يبارك فيك.
شدتها سيلا وحضنتهاا جاامد وقعدوا يعيطوا وشاركتهم لين العياط...
سيف: ستاات نكد.
وبعديها لف ل ياسين واخده ف حضن اخوي: الفف مبرووك ي حبيب أخووك.
ياسين وهو بيشد ع حضنه: حبيبي ي سييف الله يبارك فيك وعقباالك.
وبعديها جه إياد وحضنه : اخوياا اللي دخل ع قفص الزوجية.
ياسين بضحكة: كدة أقدر اقول للسنجلة بااي
إياد: خليك فاكر انت اللي دخلت بإرادتك مفيش اي حد غصبك.
ياسين بابتسامة: عقبالك ي اخوياا.
"اياد سرح وافتكر لين اللي خطفت قلبه اول م شافها بتمشي برقة بفستانها الأحمر وبأنوثتهاا الطبيعية وارتسمت ابتسامة ع وشه تلقائي..."
سيف بصله وخبطه بكوعه: شكلناا هنفرح قريب ولا ايه؟ 😂
إياد بغيظ بعد م فاق: قول ي رب.
ياسين سحب توتة من وسط صحابها : بعد اذنكم عاوز مراتي.
" توتة قلبها دق بسرعة لما سمعت كلمة 'مراتي' وكانت مبسوطة اوي انها بقت من نصيب اكتر شخص بتحبه"
ياسين سحبها لنص الفيلا وخلاهم يشغلوا اغنية ورقص مع توتة وكان فرحان جداا...
وبعديها فجأة نزل ع ركبته وفتح علبة قطيفة ظهر منها خاتم ذهب رقيق جداا
توتة شهقت بفرحة وحطت ايدها ع بؤها.
ياسين بحب: تقبلي تكوني مراتي وبنتي وحبيبتي ونصي التاني؟
توتة هزت راسها بفرحة: اقبل.
ف مسك ايدها الشمال ولبسها الخاتم وقام حضنها جامد كأنه عاوز يدخلها جواه، وكان مش مصدق نفسه ان اللي ف حضنه دلوقتي هي توتة حبيبته وخلاص بقت مراته...
ياسين بهمس ف ودنها: مش ناوية تلبسيني دبلتي؟
"توتة ابتسمت واخدت منه الدبلة ولبستهاله"
ع الجمب التاني كانت سيلا بتبص عليها وهي طايرة م الفرحة، وبعديها قرب عليها سيف.
سيف: مبسوطة؟
سيلا بفرحة: اوي اويي ي سيف بجد.
سيف : ي رب دايماا.
وبعديها سكت وكمل: شكلك جميل اوي.
ومشي وسابها بتستوعب اللي حصل...
وبعديها وشها احمر جامد ومشت تقف مع البنات..
ياسين اخد توتة وراح عند محمد : يعمي انا هاخد مراتي افسحها شوية وهجيبهالك.
محمد بتحذير: ماشي بس متتأخروش وتخلي بالك منها.
ياسين وهو بيضمها له : متخافش يعمي انا افديها بروحي.
محمد بابتسامة: ربنا يحميك يبني ويخليكم لبعض.
ياسين : آميين ي رب.
واخد توتة ومشي، وهما ف الطريق قابلوا  آخر شخص توتة كانت تتمنى تقابله...
ياسين حس بتصنم توتة ورجفتها
ياسين باستغراب: توتة مالك وقفتي ليه؟
لقاها بتبص لشخص معين ف بصله لقاه مجدي جوز مامتها...
مجدي وهو بيقرب منهم: بقى كدة ي توتة متعزمنيش ع خطوبتك؟
وشدها جامد لحضنه : دا انا حتى زي بابا.
توتة بعدت عنه جامد وجسمها كله بيرتجف وصوتها مهزوز: انت عمرك م هتيجي ربع بابا انت فاهم؟؟
ياسين شدها لحضنه بيحاول يهديها وكان مستغرب رد فعلها جدا..
مجدي وهو بيحاول يرسم الابتسامة ع وشه: كدة برضو ي تالين؟ وانا اللي كنت جاي اباركلك و...
ياسين بمقاطعة: تماام ومش جيت خلاص؟ يلا عن اذنك عشان هروح افسح مراتي
واخدهاا ومشي...
مجدي ف سره: توتة مش هتكون لحد غيري وريني ياسين هيخلصك مني ازاي.
ياسين فتح لتوتة الباب وركبها، وراح قعد ف مكانه وقفل الباب...
ياسين بهدوء: ممكن تفهميني؟
توتة اول م خلص كلمته فضلت تعيط جاامد وجسمها يترعش وتفتكر لمسته ليهاا...
ياسين اتخض ومكانش عارف يتصرف وكان اول مرة يشوفهاا ف الحالة دي...
ياسين وهو بياخدها ف حضنه: ششش بس يقلبي اهدي مفيش اي حاجة تستحق دموعك الغاليين دول.
وفضل يمسح ع شعرهاا ويهمسلها بكلام يطمنها ويهديها لغاية م سكنت ف حضنه.
ياسين: خلاص ي حبيبتي انا مش عاوز اعرف اي حاجة، عاوزك تهدي بس ومتفكريش بأي حاجة انا معاكي وجمبك محدش هيقدر يقربلك.
توتة اتطمنت لكلامه وبعديها استوعبت انها ف حضنه ف بعدت عنه ووشها احمر جداا
توتة بكسوف: ششككراا
ياسين بمرح: لا بقولك اييه انا ماسك نفسي بالعافية.
توتة بضحكة وهي بترجع شعرها ورا ودنها: ايه انا عملت حاجة؟
ياسين : لا يستي ولا حاجة، قوليلي بقاا عاوزة تروحي فين؟
توتة: اي مكان عادي
ياسين: طيب هوديكي كافيه بحبه اوي.
توتة: ماشي يلا.
ف الفيلاا...
كان المعازيم كلهم مشيوا ومفاضلش غير عيلة سيف...
سليم: احنا لازم نمشي بقاا ي محمد الوقت اتأخر اوي.
محمد: هو انت حد غريب ي سليم؟ البيت بيتك اكيد ومنورينه والله.
سليم: النور نوركم والله.
لين: اماال الواد ياسين فين؟
سيلا: اخد توتة عشان يتفسحوا.
لين: والعة معااه.
سيف: هتقروا ع الراجل وهو مكملش نص ساعة؟
محمد: عقبالك ي سيف.
سيف بابتسامة وهو بيبص لسيلا: ربنا يخليك ي عمي دعواتك بس.
محمد: من عنيا.
وبعديها استأذنوا وروحوا...
سيلا طلعت اوضتها تاخد شاور وتغير، وبعد م خلصت لبست بيجامتها وقعدت ع السرير ومسكت الفون، لقت ماسچ مبعوتالها من رقم غريب...
سيلا: ايه الرقم دا؟
وقرتها وكان مكتوب : كنتي شبه الملاك، لو كان بإيدي كنت خبيتك عن عيون الناس كلها تصبحي ع خير ي أسيلتي💙
سيلا بدهشة: دا مين الأخ داا؟ تلاقيه واحد مش لاقي حاجة يعملها ف قاعد يتسلى.
واتجاهلت الماسچ وقعدت تكمل تقليب ف الفون..
عند ياسين وتوتة...
ياسين: يلاا يستي وصلنا.
وفتحلها الباب وساعدها عشان تقف.
توتة بصت المكان بانبهار، كان كافيه ع البحر وشغال فيه موسيقى هادية وكان هادي وشكله شيك جداا
ياسين سحبها من ايدها وشد الكرسي وخلاها تقعد، وبعديها راح قعد قصادها..
ياسين : تحبي اجيبلك ايه؟
توتة: اي حاجة.
ياسين: اطلبلك زيي؟
توتة: ماشي.
ياسين نادى ع الجرسون واداله الطلب ومشي...
وبعديها مسك ايديها بحب: مبسوطة؟
توتة : أوي ي ياسين.
ياسين: انا اللي طاير م الفرحة، مش مصدق انك بقيتي مراتي خلاص.
توتة ابتسمت بخجل.
ياسين: انتي بالنسبالي كنتي حلم جميل نفسي أحققه.
وبعديها شاورلها ع القمر ف السما..
ياسين: شايفة القمر اللي فوق دا؟
دا انتي بالنسبالي، حاجة جميلة وبعيدة عاوز أوصلها، من اول يوم شوفتك فيه وانتي داخلة الكافيه مع سيلا وانتي مش راضية تفارقي تفكيري، كنت فاكر ان دا مجرد إعجاب وشوية وهنساكي بس لقيت نفسي كل يوم بتعلق بيكي اكتر ولما بشوفك او اتكلم معاكي بفضل فرحان طول اليوم.
قاطعه الجرسون وهو بيحط الأكل ع الترابيزة، ف شكره ياسين بلطف وكمل...
ياسين: عاوزك تعتبريني صاحبك ومتخافيش مني وأوعدك اني عمري م هأذيكي ولا هاجي عليكي وهكون ليكي أب واخ وزوج وابن وصاحب وكل حاجة تحتاجيها وهعيش عشان اشوف دايماا ضحكتك الجميلة دي.
توتة كانت بتسمعه وعنيها بتدمع وقعدت تحمد ربنا ف سرهاا ع كمية الحب اللي شيفاه من ياسين، وعرفت معنى عوض ربناا بجد.
ياسين وهو بيمسحلها دموعها برقة: مش عاوز اشوف دموعك الغاليين دول تاني ماشي؟
توتة حست برجفة لم ياسين مسك وشها: ماشي.
ياسين بابتسامة: يلا يحبيبتي كلي.
وبدأوا ياكلوا وسط جو جميل من هزار ياسين وخفة دمه وخجل توتة، وخلصوا وياسين دفع الحساب واتمشوا مع بعض شوية وبعديها روحها البيت...
توتة اول م دخلت الشقة لقت سيلا بتشدهاا...
سيلاا: اخيراا جيتيي،. هاا عملتي ايه؟ اتكلمتوا ف ايه؟ احكييي.
توتة بضحكة: براحة يبنتي مستعجلة ايه؟
سيلا: انا قاعدة زهقانة لوحدي وكنت مستنياكي تيجي.
توتة وهي بتحضنها: حبيبتي ي سيلا، هغير بس وهاجي احكيلك.
سيلا : ماشي هستناكي ف اوضتي.
توتة: تماام يقلبي، وطلعت تاخد دش وتلبس بيجامتها وبعديها راحت اوضة سيلاا.
سيلا: يلا احكي.
توتة: طيب يستي اول حاجة..... (وقعدت تحكيلها كل حاجة)
عند ياسين...
اول م دخل شقته كان بيغني وفرحان..
ياسين: ياااه بقالي كتير مفرحتش كدة.
وبعديها دخل اوضته ولقى صورة مامته ع الكومود ف مسكهاا
ياسين: متأكد انك لو كنتي عايشة كنتي هتفرحيلي، ممكن معيشتش معاكي كتير بس بجد كان نفسي تكوني معايا ف يوم زي دا.
وباس الصورة وحطها مكانها..
وبعديها لقى فونه بيرن.
ياسين: ايه ي ابو السيوف.
سيف: ايه ي صاحبي طمني؟
ياسين: كله تماام والله.
سيف: لسه برة ولا روحت؟
ياسين: لا لا روحت خلاص شوية وهنام.
سيف: عملت ايه بقاا؟
ياسين: مفيش ي سيدي اخدتها الكافيه بتاعنا و..... (وحكاله اللي حصل)
سيف بسعادة: طيب ي ياسين ربنا يهنيك ي رب ويتمملك بخير.
ياسين: ي رب ي سيف وعقبال فرحتنا بيك.
سيف : ان شاء الله، يلا عشان مطولش عليك مش عاوز حاجة؟
ياسين: لا يصاحبي سلامتك تصبح ع خير.
سيف: وانت من اهله.
وقفل معاه...
ياسين: اما اكلم توتة كدة اتطمن عليها قبل م انام.
ورن عليهاا...
عند سيلاا..
توتة: بس يستي وقعدنا نتكلم شوية وروحني.
سيلا: بجد مبسوطة اوي عشان انتي مبسوطة.
توتة بابتسامة: حبيبتي والله ي سيلا عقبال م افرح بيكي و.... استني دا ياسين بيتصل.
سيلا بغمز: ايوة بقاا مش عارف يقعد ساعة ع بعضها من غيركك😉
توتة: بس يزفتهه.
توتة برقة: ألو.
ياسين بهيام: مقدرش انا ع الرقة دي.
توتة بضحكة رقيقة : ليه بس كدة.
ياسين: ي رب الصبر من عندك.
سيلا لزقت ودنها ف الفون مع توتة عشان تسمع...
ياسين: عاملة ايه يقلبي؟
توتة بخجل: الحمدلله كويسة.
ياسين: وحشتيني.
توتة: م انا كنت لسة معاك.
ياسين بحب: انتي بتوحشيني وانتي معايا.
توتة سكتت ومردتش.
ياسين : توتة.
توتة: نعم.
ياسين: بقولك وحشتيني.
توتك: وانت كمان.
ياسين : وانا كمان ايه؟
توتة بخجل : وانت كمان وحشتني.
ياسين: ي صلاة النبي احسن.
توتة:  بس ي ياسين.
ياسين: حاضر يعيون ياسين.
توتة : متصل ليه؟
ياسين: في واحدة تقول لجوزها متصل ليه؟
توتة: مش قصدي بس...
ياسين بمقاطعة : متصل اسمع صوت اللي ملكت قلبي واتطمن عليها.
توتة وشها احمر جامد ومردتش.
ياسين بضحكة: خلاص يقلبي زمان وشك بقى شبه الطماطم، انا هقفل بقى كنت متصل اسمع صوتك،، تصبحي ع خير ي توتي.
توتة بصوت واطي: وانت من اهله.
وقفلت معااه...
سيلا بغمز: ايوة بقااا بدأنا مكالمات وشغل المخطوبين داا.
توتة: بس يزفتة انتي مالك.
سيلا: من لقي احبابه بقا.
توتة : عقبالك انتي كمان م تلاقي حبيبك.
سيلا سرحت ف الشخص اللي بعتلها الماسج...
توتة : اوباا دا شكل في حاجة،، في ايه يسيلا اعترفيي.
سيلا : بس ي توتة اتهدي.
توتة : لا قولي بجد سرحتي ف ايه؟
سيلا : مفيش يستي بس من شوية لقيت حد باعتلي ماسج كدة.
توتة : حد مين؟
سيلا: رقم غريب معرفهوش.
توتة' بعتلك ايه؟
سيلا وهي بتمدلها الفون: معرفش خدي اقريها كدة.
توتة بعد م قرتها: مين داا؟
سيلا : مش عارفة.
توتة : بجد حاجة غريبة اوي.
سيلا: انا مركزتش وعديت الموضوع.
توتة: ايوة فكك ومتفكريش كتير.
سيلا: تماام يقلبي، تصبحي ع خير بقاا.
توتة: وانتي من اهله يروحي.
تاني يوم....
سيلا :  يلا ي توتي خلصي عشان منتأخرش.
توتة: تمام خلصت اهو.
سعاد: سيلا ي حبيبتي.
سيلا: ايوة ي دادة.
سعاد: في بوكيه جايلك ومكتوب عليه انه ليكي.
سيلا بدهشة: بوكيه وليا انا؟
سعاد: اه اتفضلي اهو.
سيلا مسكته بدهشة من جمال البوكيه وانه فيه الورد الأبيض اللي بتحبه وحواليه شوكلاتتها المفضلة.
سيلا: ايه داا؟؟!
ستووبب هناا نكمل الحلقة الجاية💙🍫
بحبكم جداا💙💙