يقولون البنت #عزيزة الأب و#ام لأبيها لكن قمة الظلم عندما تكون البنت يتيمة الأب وهو على قيد الحياة ظلم الاب وظلم مرة الاب وقسوة الحياة لتجد نفسها على حافة الهاويه تستنجد بالغريب قبل القريب هذه قصة ابرار الطفله التي تبلغ من العمر ٩سنوات عندما فارقت ام...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البارت الثامن بقلم..... زهراء الشمري. ❤️
ماكفاج الصار بيه وهز ضميرج وانتبهتي. توسيليتج عفي عني شضل بعد عندي شتركتي.. طايح وشماتي حنو وانتي جبهه ولا رحمتي..
وحتى ناسج موش همه تغيرو وانتي اختلفتي. يدنيا شعندج من اهوال يباي.. الحزن وفراك امي وعوز يباي.. جرعتهن لون غيري صرخ يبوي.. ولطم لطم الثكاله بهل الثنيه .................. ................... أبرار....سحبني من الشط وسحلني من شعري بشارع اخذني سحول لبيته جان قريب على الشط من السحل رجليه تجرحن بالكزاز جان الشارع تراب مو تبليط وصلني للبيت سحل كطعني دكطع زورك جسمي طلعت مرته من سمعت صوته يصيح روطه.... ها عذيب شبيهه المكموعه شمسويه من مصيبه انوب بس الطلايب من وراهه عذيب.... تريد تفضحني تسبح بالشطوط ماعرفت تربيج امج تربية بيبيتج اليوم الا اتوبج تردين تجيني حجايه من العالم تتمضحك حسهه واصل لسابع جار هاي من تكبر اجيبلي العار أبرار....وره يوم بعد ماكتلني وشلع راسي نمت من الوجع ماكعدت لثاني يوم عمتي دزت الهدوم دشداشه وخلتلي وياهن مانع تعرق ابو الدعبله علمود ميصير ريحه بجسمي اجه ابوي وشاف مانع التعرق ساعة السوده عليه لزمني ملخني زورك جسمي بالحزام ويغلط عليه تردين تفظحيني تخلين مكياج ازوجج احسلي هدء الوضع بعد السقوط واجت المدرسه ومرته ماتكعد بالبيت وهو بشغل محد ياخذني للمدرسه كلي ابوي روحي وي بنت عمتج معلمه كمت اروح وي بنت عمتي جانت عمتي عدهه بنات و ولد ٢ كمت اروح وياهه خطيه تقريني واداريني من اخلص جان ابوي يجيني من الباب يصيح ابرار وينج يله حتى ميدخل يسلم على اخته جانو عائله مفككه الاخو يكره اخو الاخت متحجي وي اختهه اخذني ورجعنه للبيت خلصت هاي الفتره وهنا عمري ١١ سنه ومره رحت وي بنت عمتي لبيتهم التقيت بولد سألتهه هذا منو كلتلي هذا منقذ الي جان يشيلج ويلعبج من جنتي تجين وي امج جان عمري سنه ونص ما اذكره كمت اتردد عليهم من اشوفه افرح لان جان يشاقه وياي ويحجي على ابوي يداهرني واني اكله لا تحجي علي ابوي اني احبه ما اقبل تحجي عليه جان يحب يشاقيني فجان عنده دفتر يكتب بي انكليزي اشوفه يكتب كلمات انكليزيه فجان يصير عندي فضول اعرف شيكتب اسأله شيكتب جان يكلي ذني اسماء مرتي وجهالي اني مزوج هههههههه ويضحك عليه جنت احب اشاقه وياه كمت ارتاحله رجعت لبيتنه ودك التلفون بابا صالح وكوثر يردون يعرفون اخباري اتصلو طلعتلهم مرة ابوي روطه.... الو ياهو هله بكوثر هله بيج كوثر.... شلونج عيني اذا بيهه مجال اريد احجي وي ابرار اسأل عليهه روطه... زينه الحمد الله جا شبيهه غير عد ابوهه بس عذيب مايقبل اطيهه التلفون تعذريني ما اكدر يله الله وياج ابرار..... سدت التلفون كلتلهه ليش ماخليتيني احجي وي بابا صالح وكوثر كلتلي بعد ماكو مخابرات انسي حرموني حتي من مخابرتهم وحرموهم حتى من السؤال عليه اجت امتحانات السادس وماكو احد يقريني كام يظطر يوديني لبيت عمتي يقروني والحمد الله نجحت من السادس اجت عطله اخير السنه قرر ابوي يروح هو ومرته للزياره لكربله واخت مرته اجرو تكسي اني جنت مشتاقه اروح لقبر أمي جانت بيبيتي كل ليلة خميس تاخذني لمي ومشتاقه لكربله كلتلهه فدوه اخذيني وياج للزياره والله ما اذيكم بس اروح كلتلي لا ابوج ميقبل تبقين هنا قرر ابوي يبقيني يم واحد من عمامي هذا عمي عنده بنيه و ولد ثنين البنيه اكبر مني بسنه والولد كبار مع العلم همه خوان ميتحاجون بس ابوي عنده عادي ميستحي مينحرج من احد الساعه بالسته الصبح شمرني بالباب وانطاني تعليمات كانما يحاجي جبير يكلي دربالج اطلعين بالباب دربالج تسوين وكاحه مخلي عليج مراقبين وعافني بالباب وراح دكيت الباب طلعتلي مرة عمي كلتلهه ابوي عافني يمكم راح للزياره طببتني اجه عمي هو ميحب ابوي قابل يحبني وجه ثكيل عبالك يريد ياكلني كمت العب وي بنتهم بتت عدهم وثاني يوم اجه ابوي اخذني عطله وماكو دوام كام ابوي ومرته يدخلون التلفون بالغرفه والريمونت يضمونه بالكنتور ويقفل الباب ويطلعون يخلوني مثل الحيوان وحدي يخلولي التلفزيون على قناة ايران ومايجون للمغرب صار هذا روتين يومي هو يطلع الصبح للمحل وهي تطلع تفتر للمغرب يالله يرجعون وتنطيني اوامر لازم انضف البيت اكنس وامسح اغسل مواعين ومرات تطفه المغرب الكهرباء وضلمه اشعل الاله واموت خوف وحدي من الصبح لليل اطك روحي مرات يوديني لبيت جدي وبيتهم هوسه وبي ٣عمامي مزوجين بي وكل ساع يعيرون بيه بأمي وبيبيتي هسه اطلعين ع امج مطلكه وع بيبيتج ام الرجوله لان مزوجه ثنين يضلون يسبون بأمي يكلولي امج كله جانت ويانه قال الله وقال الرسول مسويه روحهه متدينه حتى متخلينه نشوف شعرهه عود شوفوني انه اخاف من الله وهسه انتي من بيت لبيت واني انهظم اتمنى ابقى محبوسه ولا اجي يمهم واسمع معايرهم اكول لعد حقهه امي شردت منهم لعد شكد شافت ضيم منهم مرت الايام وبيوم قرر يمشي بمعاملة التقاعد مالت امي مع العلم هو خير من الله جان عده طلع التقاعد وكام يستلم براتب امي عود سوه فضل عليه انطه فلوس المرته تشتريلي دشداشه هي هم راحت للسوك جابتلي اردء نوعيه قماش نايلون حتى الخياطه كوه خيطته اليه كام يستلم فروقات ودولارات براتب امي يوم من الايام طلعت مرته وهو خلالي التلفزيون على قناة ايران وقفلو الباب عليه وراحو ميرجعون لليل اني طفله ١١سنه مليت من قناة ايران ما افتهم حجيهم كمت ودرته من الدكمه جان تلفزيون ابو الدكم طلعتلي قناة العراقيه افلام كارتون فرحت افتهم الحجيهم ومكيفه مطلعين كارتون مال حيوانات جاي اباوع وشويه وطفت الكهرباء يمه طفت ضليت ارجف دخيلك ياربي شلون بيه خايفه خاف يجي ابوي ويشوفه مديور ضليت ادعي وارجف للضهر وما اجت الكهرباء شويه واجه ابوي حميتله الأكل وصبيتله بالمطبخ كعد وكعدت يمه بس متت من الخوف اجت الكهرباء فرحت اسحبت من يمه للصاله كلت خل ادوره بين ما هو يتغده ميحس عليه ارجعه على قناة ايران والله درته ولنه لكفني شافني ادوره لزمني سكطني من الكتل بحيث جسمي صار قطعه زركه كام يغلط ويشتم بمي سكط تربية امج ها شعدج خالته على قناة العراقيه واني اصرخ من الوجع اكله والله فلام كارتون مليت ذوله ما افتهم عليهم ويظرب ويشتم ويسب بأمي وبيبيتي جانت المعلمه مالتي جارتنه تسمع صريخي الصبح طلعت رحت للمدرسه بس جسمي و وجهي ازرك لزمتني المعلمه وسألتني ليش ما ما هيج تصرخين اسمع صوتج تبجين ليش هيج ابوج يظربج ويعذبج واني ابجي واجاوبهه اكلهه والله ما مسويه شي بس لان درته على قناة العراقيه دكلي معقوله قابل شمسويه جريمه كلتلي احنه نلزمه ونحاجي نوصي بعد ميضربج والله الضهر فات من يم المدرسه لزمنه المعلمات وحاجنه وهو ضل يصيح عليهن معليجن بنتي واريد اربيهه محد يدخل شعليكم عسه ما احركهه لا تتدخلون عافنه ومشن رجعت وهو ذاك السب والغلط ها تشتكين عليه يم الغريبه شترجه منج تربات امج وبيبيتج واني اكله والله ما حاجيه هي سمعتني البارحه ابجي مرت الايام وقررت مرة ابوي تروح لأيران وراحت بقيت وي ابوي بالبيت يحبسني ويطلع للمحل لو يوديني لبيت جدي يوم من الايام جيران بيت جدي حايط على حايط توفه ابو صديقاتي اجه بالليل كلي كومي اذبج على جدادج واني اروح للفاتحه وفعلآ رحنه ذبني على بيت جدي وراح للجادر منصوب بالشارع دخلت لبيت جدي هدوء بس مرة عمي كاعده تغسل هدوم بالطارمه كلتلي هاعمه اجيتي كلتلهه اي والله عمه مو ابوي راح للفاتحه وشمرني عليكم جان دكلي بس محد موجود وين تبقين بيبيتج وصبيحه عمتج ونسوان عمامج بالفاتحه روحي يمهن احسن ماتظلين وحدج كلتلهه لا عمه اخاف من ابوي خاف يضربني جان دكول لا عمه قابل شمسويه غير بيبيتج وعماتج هناك والله رحت بس بين الخايفه من ابوي بين الفرحانه اشوف صديقاتي طبيت شافتني بيبيتي خذتني بحظنهه وسألتني مرة ابوج مارجعت من ايران كلتلهه لا كالت وانتي شلون كلتلهه ابوي يقفل عليه الباب ويطلع اخذت عشر دقايق شفت صديقاتي وكلتلهه راح ارجع بيبي كلتلي ليش بيبي ابقي وياي كلتلهه لا بيبي خاف ابوي ميرضه كالت شني ميرضه غير وياي رجعت وخايفه طبيت وطب وراي كلي ها ولج وين جنتي من الخوف جذبت علي كتله هنا ما جنت كلي لا اني شفتج طالعه من الفاتحه اليوم اني اعلمج اخذني الطريق كله مسبه وغلط وتهديد واني كلبي يريد يوكف من الخوف دخلنه للبيت كلي اليوم ما اضربج اليوم اربطج جوه الدرج وما اهدج الا تبولين على روحج لا اكل لا شرب لا تواليت ميقبل للصبح بقاني جوه الدرج واني ابجي اذكر دلال امي وبيبيتي وهسه بيا ضيم خلاني جوه الدرج بعد ما اسيطر على نفسي بلت.... يتبع.🌿🌿🌿
