مغتربه في ظل اليتم

البارت الثاني

البارت الثاني
#زهراء الشمري
اشد مانعانيه في هذه الحياة فراق الحبيب فكيف بفراق جنين ينمو بحشائك وتكونين متأمله انه يغير حياتك للأفضل
وخلي حزنك عله گــدك من يعرفك ؟
كلمن يلوع بحسرته .. وخلها سكته
وانت مو اول حزين يموت
والضحكه عله شفتـــه
خلها سكتــــه،
#اي_والله_خلها_سكته_يطيِب_شما_كُبَر_جرحِي_حِزن
فترة_وأرد_أضحَك

عذيب....... شبيج موده شو تعبانه وجهج ذبلان ودائمآ نايمه
موده..... عذيب اني حامل وحيل تعبانه من شغل البيت واختك خاله گورهه وگوري
عذيب....... الحمد الله دربالج ع نفسج وشتردين وتشتهين كليلي ومعليج بصبيحه ختولي
موده...... جانو عائله مفككه الاخ يكره اخو الاخت متحجي وي اختهه ناس حاقده ع ناس حظي وقسمتي جابني الهم عذيب مرات زين ومرات مو زين جان ضالم وقاسي كل يوم مشكله كل يوم غلط ومسبه وشغل الى ان بيوم حسيت بالم بطني فضيع وره نص ساعه صاره عندي نزف هنا عرفت نفسي فقدت طفلي انقهرت بجيت وحمدت الله اكيد بي صالح اليه
صبيحه....... وعليمن تبجين طبج مرض عساج ما حبلتي الخايسه الجايفه
موده..... حسبي الله ونعم الوكيل عليكم
عذيب....... ها موده شلون صرتي
موده......... همه اهلك واخوتك يخلوني بحالي مرت ايام واشهر هم صار عندي حمل وهم فقدته هنا سودت الدنيا بعيني من احمل من الشغل والتعب والقهر والضلم ابيت عيالي ميثبت والحمد الله وره فتره صار عندي حمل ثالث واكتشفت اني حامل بتوم
عذيب.........هل مره دربالج بلكي الله يرزقنه طفل
موده...... بس خل اهلك يخلوني بحالي وهو يثبت يوم من الايام حماي الصغير عبيد طلع بسياره واجانه خبر سوه حادث وحتركت السياره بي خطيه جان حباب وهو الوحيد الزين ويايه انقهرت علي واهله عدهم عادي لان مفككين ناس تكره ناس
عذيب...... صبيلي غده اريد اروح لعبيد للمستشفى بغداد
موده...... شلون وضعه؟؟
عذيب........ وجه احترك وحروق بجسمه والله كريم
موده........ كعدت اني اداري بعمار واعتني بي لان خطيه ماعنده احد بقه سنه كامله ابغداد امي اداري بي اجيبله اكل تزوره تغسل ملابسه محد يسأل علي بس عذيب وره السنه اجه للجنوب كمت اني اداري اغسل ملابسه اجيبله اكل لحد ما صار زين واعتمد ع نفسه بس ضل وجهه مشوه
صبيحه....... صايره حنينه مسويه نفسج نادره وادارين بي امداج
موده..... احسن منج على اقل اكسب بي ثواب مو اخته عايشه وياه وما ألهه شغل بي عايفي حاله حال الحيوان ع الاقل اني اداري مثل اخوي واكسب ثواب صيري نادره وانتي داري مو اخوش حجايه مني حجايه منهه تعاركنه وصار صياح حيل تأذيت بطني كامت توجعني وره ساعات صار عندي نزف حيل خفت لا الحمل يصير بي شي واني حامل بتوم رحت للطبيبه
الطبيبه..... ماما موده حبيبتي الله يعوضج الولد خسرناه وبقت البنيه بس الوضع هم خطر يراد ترتاحين وتنامين على ضهرج مرت الاشهر والحمد الله بده الحمل يثبت
بسمه...... موده الحكي خيه راح اخونه راح سندنه
موده......... ولج اوكفي منو الراح شكو شبيج
بسمه....... علي توفه 😭😭😭💔
موده...... هنا اني نهاريت علي اخوي الجبير مصاب بمرض السرطان عنده ولد و٣بنات عافهم ع امي حيل جان حنين ويحبنه انسان يخاف الله علي وجبار راحو نكسر ظهرج يا يمه وبقى كريم وحيد
هو اليدفن اخيه شلون يرتاح
تره الفاكد يضيع بضلمة الليل
دفنتك بس دفنت انفاسي وياك
كون اكدر اشوفك جا ارتاحيت
فدعه........ يمه وليدي يمه يالحنين راح اخوجن ولجن راح جبيري الله وكبر يكلبي شتحمل بعد يمه محله الحلك لو صاح يمه علي يمه
بسمه....... مرت ايام صارت عندي بنيه سمتهه بيبيتهه ام علي سمتهه نور اول حفيده مدلله وحيل يحبوهه وراهه ع الاربعين جنت ما اعرف هم شلت طفل وحبلت
موده........ مرت الايام وبطني بدت تكبر لحد ما دخلت بشهري وبسمه هم جانت حامل جنت ادعيلهه يارب يجيهه ولد لان عدهه بنيه وعلي يتمنه الولد بس الله ماقاسملهه الولد جابت بنيه سمتهه ثوره اجت بالانتفاضه الشعبانيه هنا بهاي الايام صار الوضع يخوف الامن شكو شاب بالشارع ياخذو وعذيب تجي ايام يختفي ما اعرف شنو وضعه
بسمه....... علي فدوه لاتطلع والله ياخذوك اني وبناتي منو النه بعدهن صغار الوضع يخوف
علي...... شلون ما اطلع اذا اني ما اطلع وذاك ما يطلع شلون نخلص من ضلم صدام مو ملينه من الحروب والاعدامات ومحد يحجي عفتهه وطلعت اجاهد وي الشباب صعدنه على الدباب ونصيح يسقط النظام عاش حزب الدعوه وهنا صارت هوسه رمي وطلق وفجأ احس بحراره بجسمي واني واكف ع الدبابه اهتف اباوع مصوب بطلقه شالوني ربعي ودوني للبيت صارت اعتقالات بفلس ياهو يلزمو ياخذوه وبعد ما يرجع بهاي الايام صرت زين وفجأ سمعنه الجيش دخل للشوارع اعتقالات وياهو يشوفو لو يعتقلو لو يعدمو
بسمه...... يمه شلون بيه بناتي صغار وين نروح اخذنه النكدر علي طحين وتمن وشردنه بصحاري ثوره جان عمرهه ايام وطريق طويل وصحراء وجان شتاء الجو بارد كلت بنتي متصبح الصبح صبح الصبح والوضع هدء رجعنه لبيوتنه والخوف ماكلنه جانت الطيارات فوك روسنه على ساعه يقصفونه موده....... وبالليل تصير عندي اوجاع رحت للقابله كلتلي هل يومين اجيبين كتله عذيب وديني لمي اريد اجيب يمهه
موده...... الله يابغدادي احلى ذكريات واحلى طفوله عشتهه بالأسكان وبيوم مسوين سمج ونسوان كريم يكلن سمج ويتعاركن وحده دكل لثانيه اليوم يومي
وكريم ينظف بالمبرده فجأهسمعنه امي تصرخ
فدعه....... يمه ولجن الحكن ياضيم كلبي هنا امي سكتت بعد ماسمعنه صوتهه رحنه نركض لكينه كريم يابس على المبرده منتول وامي مغمه عليهه صايره عدهه ذبحه بصدرهه من الصدمه ولدهه واحد وره الثاني
بسمه...... سمعت الخبر نهد حيلي بعد ماضل سند عدنه راحو اخوتي واحد وره الثاني لطمت لحد ما اله كالي بس وجع الاخو محد يحس بي بس المار بي وفاكد اخو
موده.......ثالث يوم الفاتحه من كد اللطم والبجي صارت عدي طلوكه ودوني للقابله وجيبتني جبت بنيه وسميتهه ابرار ومعاني الفرحه راحت وي اخوتي حتى ما رضعتهه ضلت بسمه ترضعهه هي وثوره من نفس الديس تقريبآ اسبوع رضعتهن سوه صارن خوات برضاعه
صبيحه........ ها رجعتي شميتي ريحت بغداد
موده........ واني رحت اتونس عود رحت اجيب يم اخوي وامي والدنيا اخذت اخر عمود بالبيت وكسرتنا
صبيحه........ اي غير فكر بنت فكور مدري منين جابج عذيب علينه نحس بس مصايب اعوذ بالله
موده....... بله شحجي وياج اني حال الضيم حالي حتى الحمد الله السلامه ماكو بنت اخوج ماشفتيهه شنو من بشره انتو
صبيحه....... فكر ع امهه عليمن تطلع لا اشوفهه ولا اريد اشوفهه
عذيب..... بابا ابرار شنو اجيبلج الحمد الله
موده جان حيل يحب ابرار وفرحان بيهه هنا مرت حماي خضير تكرهني كره العمه تسويلي مشاكل تنافق وتخبث عليه جانن يكرهني نسوان حمويني وحمواتي جابلي اكل اكلته غريب اليوم شعجب حانات عليه
صبيحه...... سم وزقنبوت تاكلين
موده...... وره هاي الاكله حياتي وصحتي نكلبت كلاب
صبيحه........ منو بالباب اني عمج ابو حسن هله عمي كل الهل تفضل
ابو حسن...... ابوج موجود اجيت اشوفه......
صبيحه...... اي عمي تفضل كل الهلا
موده.......بهذا اليوم جنت يم اختي الجبيره بالعماره اشوفهه رجعت دخلت ابرار للحمام نزعتهه حظينتهه غسلتلهه وطلعت وما اسمع بس الصيح
صبيحه...... الخايسه الجايفه ام الوصخ...... يتبع