يقولون البنت #عزيزة الأب و#ام لأبيها لكن قمة الظلم عندما تكون البنت يتيمة الأب وهو على قيد الحياة ظلم الاب وظلم مرة الاب وقسوة الحياة لتجد نفسها على حافة الهاويه تستنجد بالغريب قبل القريب هذه قصة ابرار الطفله التي تبلغ من العمر ٩سنوات عندما فارقت ام...
الطبيبه...حبيبتي ماما دربالج على نفسج بداية الحمل الشهور الأولى يرادلهه عنايه وانتي بعدج صغيره ظهرج خفيف على الحمل
والجنين صحته زينه ودگات گلبه سليمه
أبرار... الحمد الله دكتوره اگدر اعرف شنو جنس الطفل الطبيبه... شتتوقعين شنو تردين انتي أبرار... شيجي من الله نعم الله بس فضول اريد اعرف الطبيبه... مبروك حبيبتي بيج ولد
أبرار... ابهاي اللحظه حسيت رب العالمين صدگ عوضني وما خلاهم يشمتون بيه طلعت لمنقذ ابشره بالولد لان جان حيل متوتر ويدعي الله يصير عنده ولد منقذ...ها حبي بشري ولد بنيه. أبرار... هنا رأسن من الفرحه ظحكت ولد الحمد الله الله ماقصر منقذ... الف الحمد الله ربج كريم ومايعوف عبده جان اسعد يوم بحياتنه جنت حيل فرحان و اريد بس اوصل لأهلي ابشرهم وافرحهم لأن دائمآ يگولون أبرار على خالاتهه بس بنات يخلفن
أبرار... بهاي الفتره حميد عمي هم زوج وراي بسبوعين وهم حملت وياي هنا وصلت لبيت عيالي رحنه نبشرهم بالولد
منقذ... يمه ابشرج ابرار بيهه ولد راح يصير عندج اول حفيد نصره... ها ولد بيهه شعجب متأكد خاف السونار غلط اي جا مرة حميد هم حبله بس خطيه بيهه بنيه أبرار...ظلن وحده تباوع بوجه الثانيه حتى بالخير ودكومين بسلامه ما گللي كل شويه يگللي خاف السونار غلط لحد ما طگت روحه منقذ
منقذ... يمه ليش يغلط جا بس وياي يغلط السونار انه اخذتهه الأحسن سونار بالمحافظه
أبرار... رجعنه لبيتنه فرحانين ما اهتميت لكل واحد اهم شي انه ومنقذ فرحانين بالحمل بهاي الفتره كلهه خمس اشهر محد يطب عليه ولا احد سائل عليه لا عمه لا حمايه ولا عم
