مغتربه في ظل اليتم

البارت السادس والعشرون

البارت السادس والعشرون..
بقلمي..
زهراء الشمري 🌿

وخلي حزنك عله گــدك من يعرفك ؟
كلمن يلوع بحسرته .. وخلها سكته
وانت مو اول حزين يموت
والضحكه عله شفتـــه
خلها سكتــــه،
#اي_والله_خلها_سكته_يطيِب_شما_كُبَر_جرحِي_حِزن
فترة_وأرد_أضحَك

................ ................
اطياف... حيل نقهرت على حماي وظليت محتاره
وخايفه على عمتي خاف تسمع ويصير بيهه شي
اني بعد ماعندي غيرهه سند
ابوي انسان فقير ومريض عاجز وامي القدر والدنيا
اخذوها مني
وعمتي مريضه عدهه قلب اذا سمعت
حماي مصوب تموت حاولت گد ما أگدر اظم عليهه
تسألني شبيج ظايجه قلقه اگوللهه لا مابيه شي
هو خطيه ما يگدر يخابرها طول عليهه واحنه نگلهه ماعدهم شبكه لو ماخذين تلفوناتهم
وبيوم اتصلت علي وجاوبهه
الو...
الو....
ام خلوق... الو ها يمه جسار شلونك
جسار... صوت تعبان الحجايه گوه تطلع الحمد الله زين يمه
ام خلوق... شني يمه شو متسأل عليه گطعت فد نوب وانه بالي يمك
جسار... ها يمه اني عندي واجبات وملتهي وياخذون تلفوناتنه
ام خلوق.... ولك يمه ليش ماتبطل فدوه اروحلك
لاتحرگ گلبي مثل اخوك ولك يمه جمرة اخوك
بعدهه بگلبي تردون تموتوني
مو و الله گلبي خلصان
جسار... يمه شبيج فدوه اروحلج لايظل بالج
مرة فتره تقريبآ شهر اجه جسار لابس نضارات
دخل طب بل استقبال
ام خلوق... هله يمه يبعد عيوني صارلك شهر يايمه شني من دوام هذا مايخافون الله
مايگولون عدكم اهل امهات
جسار... شنسوي يمه الي يريد ينزل لازم يدفع
ياخذون نص الراتب
ام خلوق.... يمه جا ليش انته ماتنزع النضارات
المن لابسهن قابل شمس
جسار... ها اي هسه انزعهن
ام خلوق... يله يايمه دذبهن انه من يمي عيوني گامن يوجعني
جسار... مدنگ راسه بالگاع وذني ذبيتهن
ام خلوق... ليش مدنگ ارفع راسك يمه
صرخت عمتي وشگت ثوبهه
يمه يمه ابني
شبيها عينك ولك بيضه يمه أيدك شبيها محترگه
يمه صخام الصخم وجهي ولك يمه جمرت اخوك بعدهه ولك مانتبهت على روحك
سولفلها على الصار ضلت أدك وتلطم وتصرخ
جسار.... يمه بس لا تبيجن لايصير بيج شي
واني ابجي تره عيوني تنعمي ميصيرلهن بجي
هذا امر الله شنسوي فدوه سكتي لخاطري
ام خلوق.... ولكم الله واكبر گلتلك بطل لا تروح للموت برجليك لو ميت جا شحصلت انه يفيدني الراتب ولك يمه گطعتو گلبي خلوق يمه تعال شوف اخيك يمه
طلع جسار مقهور وهي ظلت أدك وتلطم
يمه اطياف ولج كلكم تدرون وماتكلولي ليش
اطياف.... فدوه عمه كافي اسكتي غير نخاف عليج ولج عمه انه ماتفكرين بيه وين اروح ماظل عندي بس انتي فدوه اروحلج تره انه وحسن نظيع بلياج لخاطري كافي
اذا ظلين تبجين اخذ حسن واهج
سكتت شربتهه مي غديتهه ونومتهه تعبت من البجي والطم
گعدت يم راسهه حيل خفت عليهه ظغطهه صعد مرة فتره اختنگت گلتله عمه اريد اروح لكربله لابوي
خطيه ما قصرت ودوني
رحت لكربلاء ولتمن خواتي حاجتني اختي ملك الجبيره بخصوص الزواج
ملك... اطياف خيه احجي وياج بموظوع بس لا تظوجين فكري براحتج وراحت ابنج
اطياف.... كولي شنو الموظوع
ملك.... ليش متاخذين حماج خوش ولد وفقير ويحبون ابنج بعد وين تكعدين ومنو الج
اشو امي وماتت هي لو موجوده جان اجيتي يمها
وماتقصر ويانه سوده عليه هي جانت المعيله
الوحيده النه لا اخو عندج وتكعدين عده
وابوج هل شوفينه عاجز ومريض وفقير
مابيه حيل وابنج مسؤوليه فكري ياخيه بمصلحتج
تره الدنيا مو امان وعمتي ما دايمتلج
اطياف.... الله كريم عود افكر
فكرت بلموضوع حجيها كله صدك لا خو عندي
واكعد عنده وامي هم حضي المصخم ماحويتها
وعمتي مريضه وابوي من اهل الله ولد عمي ينطو مصرف مريض مو مال مسؤوليه
رجعت لعيالي وانه محتاره گمت حتى استحي من حماي كلما افكر صورة خلوق تجي ابالي
وره فتره اجن جوارينه ام اسامه وأم ايمن
هم حاجني عمتي ناخيتهن يقنعني
ام اسامه... خاله اطياف انتي محد الج
وعمتج تحبج وتحب ابنج ومدلل وعمامه يموتون علي
وانتي ماعندج احد والدنيا مو أمان
اخذي حماج على اقل مأمنه على نفسج وعلى ابنج فكري بل موضوع وخابريني
فكرت بلموضوع حجيهن كله صح ظليت محتاره وصلت لقرار لازم ارظى بالأمر الواقع
لان ابوي رافض اعيش وياه
يخاف من مسؤلية ابني وهم يريد يظغط عليه علمود ازوج حماي وما اروح لغريب
اخذتني عمتي لكربله گالت اروح لبوج ونزور
رحنه وعمتي حاجت ابوي بالموظوع وابوي كيف فرح وافق وانه حيل ظايجه والدمعه على خدي
ماعندي احد اشكيله
ابرار...وره ماخابرة منقذ والوجع زاد عليه
ربع ساعه واجاني حماي مراد وعمتي
مراد... خويه جبت تكسي بالباب واكف راح ياخذجن
للمستشفى امي تروح وياج واني راح اخذ الجهال
لهلي..
ابرار... اني جنت محظره جنطتي ومنظفه بيتي طلعت بس شنو عمتي كوه عليه جايه وياي
دخلنه للمستشفى مال القضاء بيهه صاله مال
ولاده بقة عمتي بره واني دخلت وحدي
اصرخ وابجي من الوجع احس ظلوعي تكسرن
وجع مستحيل يشبهه وجع او يجي مثله وجع
اجتني الممرضه فحصتني كالت ماما عدج ولاده
بس بعدج شويه يرادلج وقت بقيت وحدي الوب
وأون من الوجع شويه واشوف اخت السيد
المضمده التشتغل بالمستشفى خطيه
اجتني كالت السيد خابرني وكال ام عباس بالمستشفى خطيه شايف حماي من جايب عمتي
ومن طالع سائلة وكايله
هوه مخابر اخته وموصيهه عليه وأجتني
كالت لاتخافين ماعوفج وصدك ماعافتني خطيه
اني طولت طلوگتي تزيد بس توسع ماعندي
حيل تأذيت متت تعبت صارة ب١٢وبعدني ماجايبه