مغتربه في ظل اليتم

البارت الثالث عشر

البارت الثالث عشر.
بقلمي.
زهراء الشمري. 🌿

مو حلوه منك يالعشرتك حلوه
عايفني بيد اليسوه والمايسوه...

خلوني اصير احجايه
كلمن مشيت برايه..

رحتلهم بكد ما رحتلك فدوه
مو حلوه منك يالعشرتك حلوه...

مو ثوبي اعيش بهذا حالي
صار الرخيص بعيني غالي...

وخليت عشرتنه بديهم
تعوفني وتسمع حجيهم...
مانمشي اذا ماخذت منهم خطوه
مو حلوه منك يالعشرتك حلوه...

                .................   ..................

أبرار... ما احس الا وعمي عبيد جرني من ايدي وخلصني منه
لان هو كلي صعدي للغرفه علمود يفضحه

عبيد... ها ولك سافل هتلي هذا عرضك هيج تسوي بي جا بنات الناس شتسوي بيهن
ولك انته ماعندك غيره اليوم انعل والديك

أبرار... هنا انه نهاريت كلشي توقعت منه يفشر يحجي حجي مال ساقطين بس ما توقعت يحاول يعتدي عليه
كتله عمي عبيد كتله قويه وفضحه كدام اهله
دخلت بحاله نفسيه قويه كرهتهم اكثر مما انه كارهتهم ما اعرف شسوي
حتى منقذ انقطعت عنه لان تمرضت
تعبانه حيل مرت ايام وانه على وظعي يزيد المرض وبيوم اجه ابوي لبيت جدي

صبيحه... عذيب بتك مريضه راح اخذهه للطبيب

عذيب... لا ماتاخذينهه ممنوع كلشي مابيهه تتعاير
واذا صدك خل تموت هل جلبه بت الجلبه

أبرار...گام يزيد الألم وخاصه كلياتي تعبن مدري من الحاله النفسيه مدري لان ما أشرب مي
گام منقذ يسأل عليه ابن عمي وعمي عبيد
منقذ... ليش ماتخابرني شبيهه مريضه صاير بيهه شي شو صار اسبوع ما اعرف اخبارهه

عبيد.... ابرار مريضه وتعبانه انه من ارجع اگلهه تخابرك
منقذ... اي فدوه خالي بالي يمهه والليل ما انامه افكر بيهه
احس بيهه شي ما مرتاح هي ماتكطع بيه بدون سبب اعتمد عليك
عبيد...أبرار عمي منقذ ابن اختي يسأل عليج وظال باله خابري خطيه انه گلتله هي مريضه

أبرار... هسه اخابره ولو مالي خلك اسولف
دكيت على منقذ تررن تررن تررن الو...

منقذ.. الو هله بهل الصوت هله باليرد الروح