مغتربه في ظل اليتم

البارت الرابع والعشرون

هلو بنات شلونكم حبايب گلبي وغراضه
زعلانه عليكم ليش مدا تصوتون للقصه واريد تشجيعكم
يله ابطالنه رقيه وصادق بدة قصتهم الرومانسيه
خل نعيش الجو وياهم واما بطلة القصه تستمر المعاناة والمصائب وياها وهم راح يصير حدث يغير واقعهه المعيشي انتظرو على البارتات الجايه

بقلمي..
زهراء الشمري 🌿

البارت الرابع والعشرون

بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن

                 ................   .................

أبرار... من سمعن عمتي وحمواتي بخبر حملي تخبلن ابدهن يكتلني و يوگعن الحمل
لان الحمل خرب كل خططهن
خطتهن بزواج منقذ فشلت كرهني بالزايد وحقدن عليه
مرة فترة شهر على حملي رجعت حياتي طبيعيه
وي منقذ واحد مقتنع بالثاني واحد يحب الثاني رجع يدللني من جديد وانه ابد ما گطعت سورة البقره علمود تحصني وتخلي منقذ يموت عليه
وعلى جهالي ودائمآ اخابر خالاتي واطمنهن عليه
مافاركني دائماً يسئلن عليه وعله جهالي
حملي هل مره سهل ومو متعب نساوتي خفت وكلما اتقدم شهر تختفي
دخلت بشهر ل٥ واني انتظر شهر شهر اريد اعرف
جنس الطفل امنيتي تصير عندي بنيه تصيرلي حبيبه واخت قررت اذا بنيه بعد ما اسوي طفل
ورحنه اني ومنقذ وجهالي اثنينهم..
وصل سراي ودخلنه على طبيب السونار
جان هوه دكتور بس مخلي برده وبنية يمه
هي الي أجهز  بس منقذ دخل وياي هل مره
الدكتور... وضعج زين والطفل صحته زينه
وانتي ستوج بالخامس
تحبون تعرفون لجنس
منقذ... والله ياريت لأن هيه كلش مشوقة
تعرف تحسب يوم يوم ماعدهه بنيه
دكتور.... هههههههه اول وحده تجيني تريد بنيه كل المراجعات اغلبهن يردن ولد مبروك جايكم ولد
اني هنا ماعرف شنو شعوري ماعرف مخربط
مزدوج ممزوج فرح وحزن بين امنيتي الي ماتحققت
وبين فرحتي احس رب العالمين
يكلي جاي اعوضج عن الشفتي بحياتج..
بس بنفس اللحظه اذكرت عيالي وعماتي من منقذ راد يخطبني
من جانن يكلله لا تاخذهه ماتخلف بس بنات مثل خالاتهه اگول الحمد الله ربي ماخلاهن يشمتن بيه
ماعرف اوصف شعوري طلعنه
ومنقذ لازم عباس بيد وأمير بيد ويباوع عليه
وعيونه يلمعن فرح
منقذ... لاضوجين افرحي راح يصيرون عدج اخوان ٣
واذا على البنيه تجي بعدنه صغار الا اسويهم الج فريق مال طوبه ههههههه
رجعنه للبيت ومنقذ يساعدني بالبيت وبالجهال
وفرحانين ومتونسين
بس اني اعرف حظي الفرح مايدوملي وره يومين
أمير ابني ذبل ماعرف شبي بين يوم وليلة صار
وجهه أصفر نوميه بحيث العلويه اجتني العصر
قبل يوم جانت عدنه هيه من طبت وشافته
شهكت
العلويه... عزه خيه شبي ابنج ولج شصاير بي
البارحه مابي شي و وجه مورد هذا ابنج وجهه اصفر
يخوف اخذو للطبيب لا دگعدون علي