مغتربه في ظل اليتم

البارت التاسع

البارت التاسع...
بقلم..
زهراء الشمري ❤️

             ......................   ........................

ربي هناك من ضلمني...
وهناك من ابكاني قهرآ..
وهناك من كسرني...
وهناك من جعلني ابكي وأتألم..
              ربي
أنتَ حسبي ووكيلي..
اجعل لهم نصيب مما أشعر...
             ربي
وكان القريب قبل الغريب من ضلمني
                  .................   ..................
انتخاب الحزن روحي ناخب الهه.
ورمح لحباب كلبي ناخب الهه.
حزين وماحضه بفرحه
عليل ومبتلي بجرحه

فلاحة ضيم مفتلحه
طايح طيحة السبحه
وعمامه عيونهم وكحه
وخو والشامت مسلحه

نويت ارحل ولاكن ناخ ابنهه
الضعينه كبالهم وكطعو بيه
             .................    .................
أبرا....من خلاني جوه الدرج مارحم طفولتي ماكال بنتي وحيدتي لحد مابلت على نفسي ومن التعب خليت راسي على الكاع وكمت افكر اريد اشرد واخلص من هذا العذاب اذكر شلون جنت مدلله يم امي
اكل وانام وامي معتنيه بيهه وهسه مثل الخدامه يم مرة ابوي ياربي شلون اشرد وارجع لكربله اطلع بشارع بس خاف ما اندل واضيع والجلاب تاكلني ومن اضل يضل ابوي ومرة ابوي يعذبوني كعدت الصبح وكعد ابوي
عذيب.... كومي ولج سويلي ريوك
ابرار... يعني اطلع من جوه الدرج بابا
عذيب... اي كومي غسلي وسويلي زقنوبت خل ازقنب واروح للشغل ونضفي البيت ولج
وغسلي مواعين وسوي غده اليوم امج روطه تجي من أيران
أبرار... كمت غسلت ودمعتي على خدي سويت ريوك لبوي اتمنيت عندي سم واسمه واموته كمت اكرهه ما احس بي ابوي
سويت غده واني ما اعرف اطبخ جان كل يوميه يرزلني يوم التمن محبب يوم محترك اجه وكت الغده وطب ابوي ومرته
روطه.... عذيب شلونه البيت بلياي اضن متت من الجوع موتتك بتك من الجوع بالي يمك كتلك تعال وياي اروح سوه ماقبلت
عذيب.... هي هاي مابيهه خير على امهه طالعه خلصتهه عليه يوم محترك يوم معجن يوم مامستوي والله اشتاقيت لطبخج
أبرار.... اني هنا اسمعهم وانقهر اكول ياربي ليش ابوي يعاملني معاملة الجبير اني أشفت من طفولتي البعمري يلعبن بلعاباتهن بيت بيوت واني اكنس وامسح صاحت عليه مرة ابوي
روطه.....بريره صبينه الغده ولج خل اشوف طبخج بله صرتي مره لو بعدج داريتي ابوج بغيابي لو كاتله الجوع الزلمه
أبرار.... اصب بالغده واني خايفه خاف يطلع بي شي وتحرض ابوي عليه ويضربني
صبيته وجبته خليته كدامهه وكدام ابوي واني عازليني وحدي اكل بالمطبخ مثل الحيوان ماتقبل اكعد وياهم على الصينيه وما اسمع بس صوتهه تصيحني
روطه.... بريره ولج يمكموعه تردين تموتيني شخاله بالأكل
أبرار... خفت حلفتلهه والله ما خاله شي كمت اشك بنفسي ياربي اني ما خليت شي
روطه... ولج الاكل مالح يكتل تردين تموتينه متعمده انتي تسوينه مالح تردين تخلصين من عدنه علمود تلعبين بكيفج يله شيلي الصينيه ونظفي المطبخ
ابرار....شلت الصينيه ونظفت المطبخ مرت الايام وبده الدوام واني سنه جديده اول متوسط فرحانه
هنا ماقبل ابوي اداوم كلي انتي كملتي سادس كافي بعد ما اله داعي اداومين ضليت ابجي وانقهرت هي بس المدرسهه ارفه عن نفسي اشوف ناس العب وي صديقاتي
المدرسه جانت المكان الوحيد الي احس بي بطفولتي كمت افكر شلون اقنعه يخليني اداوم بطلني تقريبآ اسبوعين وراهه دزيت خبر لجدي ابو ابوي جان رجال مقعد وحيل يحبني وابوي يحبه ويسمع كلامه قنعه يرجعني للمدرسه رجعني فرحت ومكيفه واني جنت احب الدراسه شاطره
وبيوم صارت مشكله بين الطالبات ولازم ولي الامر يجي اجيت لمرة ابوي كلتلهه فدوه اني اخاف من ابوي تعاي انتي وياي
روطه....لا انه ماروح لازم ابوج يدري بيج شسوين ماتسوين كل يوميه طلابه مسويتلنه كعدي وسكتي شلج بالمدرسه
ابرار... والله ما مسويه شي حايره بدراستي بس همه كل الطالبات يردون ولي الأمر مالهن اجه ابوي ودخلته للغرفه طلع من الغرفه وصاحني
عذيب.... ابرار تعاي ولج كلبه بت الكلب تردين تسويني علج بحلك اليسوه والمايسوه حتى بالمدرسه مشاكل بعد تحلمين تشوفين المدرسه كعدي وسكتي كعدي خدمي مرتي احسلج من القرايه والكتابه
ابرار.... بطلني من المدرسه بجيت وتوسلت بيهم فدوه انضف وكلشي اسوي بس خلوني اداوم ماقبلو ضليت بالبيت مثل الخدامه ومثل الحيوان يطلعون ثنينهم من الصبح لليل يضمون التلفون ويضمون الريمونت ويطلعون قفلو البوب وفتحت الشبابيك وكعدت وحدي
والعصريه الباب يندك ملو العالم محد يفتح اني مقفول عليه اباوع من الشباك واحد يفتح الباب من جوه من السرقي بين الخايفه وبين الما اعرف شسوي نفتح الباب واطب خالتي بسمه ورقيه وبيبيتهم طرت من الفرح
رقيه... جنت حيل فرحانه ومشتاقه لأبرار حيل احبهه احسهه معلكه وي روحي افكر بيهه دائمآ اشتاقلهه بس من شفتهه وشفت البوب مقفله عليهه وتحاجينه من وره الشباك نقهرت والدمعه بعيني نزلت على خدي حركت كلبي وخدي حسيتهه مثل السجينه وامي شافتهه نهارت رأسن كعدت على حيلهه بالطرمه مالتهم
بسمه... كعدت من وره الشباك احاجيهه