يقولون البنت #عزيزة الأب و#ام لأبيها لكن قمة الظلم عندما تكون البنت يتيمة الأب وهو على قيد الحياة ظلم الاب وظلم مرة الاب وقسوة الحياة لتجد نفسها على حافة الهاويه تستنجد بالغريب قبل القريب هذه قصة ابرار الطفله التي تبلغ من العمر ٩سنوات عندما فارقت ام...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البارت الثامن عشر.. بقلمي.. زهراء الشمري 🌿🌿
الحزن من يغفى اعله وجه انسان يشرب ضحكته ولونه وتبدي الأخ من گلبه ويبين حزنه بعيونه
انه الحسره الچبيره الـ بين #الگلوب انه الـ ماا يدري شنهو وليش #متعوب
................ ................. رقيه...دخل ايمن اخوي جابلي النتيجه وجان احلى يوم بحياتي الحمد الله طلعت ناجحه بس طبعآ بقرار مرفوعه بالانكليزي والعربي الحمد الله عدت سلامات امي بهاي اللحظه من گللهه اخوي ناجحه انغمه عليهه من الفرحه جانت فرحتهه الأولى بدراسه انه گمت أكمز اركص اطب من غرفه واطلع من الغرفه شبگت ابوي ابوس بخواتي يعني صدگ فرحة نجاح السادس الهه طعم خاص ومتنسي هنا بديت افكر وضعي ومصيري راح يتغير قررت ارفض ولد عمتي اثنينهم حتى لو جنت اميل لكرار قررت اترك كلشي وافكر بمستقبلي وره كم يوم من نجاحي عمتي حاجتني على ابنهه گلتلهه عمه اولآ انه اريد اكمل كليه ثانيآ انه مستحيل اقبل بأبنج لأن كرار أبن عمتي هم يريدني ويحبني ما أگدر أكسر گلبه انه راح ابتعد عن الكل واذا اريد ازوج ازوج غريب مو گرايب لان ما أگدر اخذ گرايبنه وانه ادري ومتأكد كرار يحبني فدوه عمه لا تفتحين موظوع الزواج وي ابوي اريد اكمل كليه حلمي ادخل كليه
قدمت المحافظات القريبه على كربله بابل والنجف وقدمت على ميسان لأن بيت جدي هناك اذا يطلعلي اروح يمهم جنت اتمنى ماتطلعلي ميسان. لأن ما أريد التقي بولد عمتي لأن تقدمولي ورفظتهم احسهه صعبه نتواجه. وره يوم اتصلت بأبرار لأن احب شارك كلشي وياهه. الو ها حبي شلونج عبوسي شلونه أبرار... هله خيه الحمد الله والله عبوسي متعبني حيل حرك وانه نفسيتي تعبانه رقيه... ليش شبيج أبرار... ظايجه ومخنوگه لا أحد يطب عليه لا أحد يسأل عليه احس نفسي غريبه وانه بنص اهلي مشتاقه اگعد وياجن نرجع ليام گبل سوالف وظحك مشتاقه لمتنه انه وياج والبنات صرتو بعيدين عليه. رقيه... سوده عليه ياخيه شبيدي عليج لو احد يجيبني والله جا اجيتج بلكت الله اهلي يجون لبيت جدي ونجيج نگظيلنه يوم يمج بس ها اهم شي تحظرينه حب سلوسي ههههههه فدوه لا أظوجين ودربالج على عبوسي حبيبه يله سلميلي على منقذ باي ابرار... بعد گلبي انتي هم سلميلي على خالتي والبنات حيل ارتاح من اخابر رقيه واسولف البگلبي الهه وره كم يوم ردت اسبح عباس وانه ما اعرفله منهد سبحت خالاتي اله خابرت على عمتي ام منقذ بلكت تجي تسبحه لأن ما اعرف الو حماتي.. الو هله ابرار ابرار... شلونكم حماتي... الحمد الله ابرار... اكلج فدوه بلكت دگلين لعمتي تجي تسبح عبوسي لان ما اعرفله حماتي... شني عمي هي وين تعرف امي تسبح جاهل والهه خلك تسبح جهال جا انتي شبيج مگرمه سبحي ماتعرف ماتعرف يله باي
