مغتربه في ظل اليتم

البارت الثاني والعشرون

بقلمي..
زهراء الشمري 🌿🌿
البارت الثاني والعشرون

على غيرك جذب ماترهم الروح
ومنو غيرك يسد حاجة نضرنة
بين الناس غيرك ماكو موضوع
وتطير الروح لو شخصك ذكرنة
نسولف بيك لاخر لحظة بالليل
وترد من الصبح تشغل فكرنة
ياروح الگلب ياعزة الروح
يادمعاتنة وهمنة وسهرنة
منين نجيب مثلك حتة ننساك
ومنو غيرك يعوض لو خسرنة 💔😔

                ................   ................
رقيه... رجعت للبيت وتفكيري كله بالرساله الي انطانياهه شنو كاتب اكيد يريد يعتذرلي من الي صار
احس الطريق صار شطوله
وصلت للبيت دخلت للغرفه بدلت وفتحت الملازم طلعت الرساله وقريتهه
بس من قريتهه وي كل حرف دگت گلب اسرع من البرق احس گلبي يريد يطلع
شعور اول مره بحياتي اشعر بي
بديت اقره

بسم الحب والوفاء.
كثيره هي الكلمات وعديده معانيها ولكن!
مهما كتبت او قلت فهو جزء من كثير مايجيش
في خاطري من مشاعر وأحاسيس ارجوها
الى اعز مخلوقه عرفها قلبي المسكين
ولكن أيضآ أقولها
للحبيبه والصديقه التي تصدني وتحاربني ولا
تود إن أهتدي الى قلبها كي اعرف
ما في جعبته من ردود
حيرتي تكاد تقتلني، لقد سأمت سهر الليالي
وتحمل الأسى وكل الجفاء، لقد تعلقت بها
كالطفل المجنون لكنها تغلق كل المنافذ بوجهي
فماذا جنيت حتى تصد قلبي بكل قسوه

رقيه الصديقه الذي احتلت قلبي فوالله
لم يعشق قلبي سواها انني احبك ولا أفقد الأمل
عندما قررت المجيء اليكي تركت كل شيء خلفي

الى التي توجتها أميره على قلبي..
فأنتي ملهمتي حبيبتي الأولى والأخيره..
اقره والأبتسامه شاگه حلگي وگلبي ياربي وأخيرآ اعترف
بس بالوقت الخطأ اني حيل مقهوره منه
موقفه كلش ازعجني
شلون اثق بي وهو اول موقف ما نجح بي
گمت كل خمس دقايق افتح الرساله وأقراها
فرحانه بين الظايجه شعور وأحساس مختلط
خوف وما اعرف افكر اقبل لو ارفض
تجربه راح تكون صحيحه
تنجح لو گلبي ينكسر واني دائمآ اسمع حب الجامعه فاشل والشباب يخلصون اربع سنوات براس البنيه
ظليت محتاره الليل كله افكر واني حيل حبيته وتعلقت بي يوم الما اشوفه اظوج واذا شفته يحجي وي وحده من الشعبه اغار
حظرت ملابسي ونمت گلت هي باجر تلاص وحدهه
نمت واني ما ماخذه قرار قبول او رفض
دخلت للكليه لگيته واگف اباب القاعه
هو اغلب الأحيان اني اوصل قبله بس هل مره هو طالع من وقت علمود ينتظرني
سلمت علي
صباح الخير
صادق... صباح الأنوار شلونج
رقيه... زينه
دخلت للقاعه جانن صديقاتي منتظراتني جبت وياي الرساله ردت اشوفه هو من باب الخجل ما صارحني وجه لوجه
لو هاي طريقه جديده من الطلاب
اجاني
صادق... رقيه بيهه مجال وره المحاظره نگعد نسولف
رقيه... اي اكيد اني هم اريد احجي وياك
صادق... يالله يعني ماظايجه مني
رقيه... الظوجه مو موظوعنه عندي غير موظوع وياك
كملنه محاظره جان كلش حريص عليه ابد ميگعد وياي بمكان ختله لو بعيد عن عيون الطلاب
كله بمكان عام
لو بقاعتنه وطلاب موجوده لو بنادي
رحنه للنادي بده يسولف ويعتذر
اعتذارك مقبوله وانته صديق وزميل عزيز عليه
بس اني اريد افتهم هاي الرساله شنو تقصد بيهه
وشنو المطلوب
اباوع على وجه صادق صار احمر ولازم كلنس يمسح بوجهه من العرگ هذا اكثر شي جذبني اله خجله
صادق... ليش انتي ما قريتيهه ما افتهمتي المقصود
والمطلوب
رقيه... لا اريد انته تقراها ودگلي شنو المطلوب
صادق... الي اطلبي مستحيل ما أگدر اقراهه
اني لو اريد جان من البدايه حجيت وفضيتهه بس ما أگدر
رقيه... على راحتك لعد من رخصتك
صادق... بس مارديتيلي جواب
رقيه... على شنو اردلك جواب ورقه وقريتهه
من توظحلي بذاك الوقت اجاوبك
عفته ورحت جنت اتمنى ميقراهه ولا يطلب مني شي
لان لو حاجي جان نزل من عيني
بس بالعكس يختلف عن كل الشباب خجول
ما واجهني بحبه
فرحت حيل رجعت للقاعه فرحانه سولفت لصديقاتي دعاء ورشا
الي جذبني بي اكثر جان يگدر ياخذ رقمي من اخته
تبارك بكل سهوله بس هو ابد ما سواهه
هذا الشي كبره بعيني اكثر
يوم بعد يوم بالمواقف يثبتلي انو هو صادق وياي بكل شي
جان كل ما نخلص دوام يوصلني للگراج ويركبني الخط يالله يروح مع العلم متربطني بي فقط صداقه
وبيوم كملنه امتحانات الكورس الأول وجان لازم ارجع
لأهلي عطلة نص السنه دا نتمشى كالعاده للگراج
وصلت يم الخط
صادق... رقيه اريد اكلج شي بس مو تظوجين لو تفهميني غلط
رقيه... گول
صادق... انتي راح ترحين لأهلج والعطله اسبوعين هواي ما اعرف اخبارج ما أگدر
رقيه... حسيت دگات گلبي يقرن الف
صادق من الأخير شتريد
صادق... ها لا لا ما أريد شي يله صعدي بالخط
رقيه... صادق اخذ رقمي من تبارك وابد لا تتصل بيه
بس من ارمشلك لان ابوي اذا يحس عليه يذبحني